Morgunblaðið - 06.08.2014, Page 13
FRÉTTIR 13Innlent
MORGUNBLAÐIÐ MIÐVIKUDAGUR 6. ÁGÚST 2014
Helgi Bjarnason
helgi@mbl.is
Rektor Landbúnaðarháskóla Ís-
lands stefnir að því að kynna
menntamálaráðherra síðar í mánuð-
inum aðgerðaáætlun um að draga úr
rekstri skólans til
að hann rúmist
innan fjárheim-
ilda. Björn Þor-
steinsson segir
ljóst að fækka
þurfi störfum en
segir ekki tíma-
bært að nefna
ákveðna tölu í því
sambandi.
Rekstur Land-
búnaðarháskól-
ans hefur á undanförnum árum
kostað meira fé en Alþingi hefur
veitt á fjárlögum. Dregist hefur að
taka á því vegna umræðu um sam-
einingu við Háskóla Íslands sem
menntamálaráðherra lagði til.
Vegna andstöðu heimamanna í
Borgarbyggð, Bændasamtakanna
og fleiri var sú tillaga lögð á hilluna
snemma í vor.
Skipunartími Ágústs Sigurðsson-
ar rektors rann út 1. ágúst og hann
sóttist ekki eftir endurráðningu.
Var Björn Þorsteinsson, aðstoðar-
rektor kennslumála, settur tíma-
bundið sem rektor til áramóta.
Hann tók til starfa 1. ágúst og ætlar
að reyna að tryggja á þeim tíma að
koma fjármálunum í lag. Ljóst er að
það tekur á þar sem stór hluti út-
gjalda felst í launum starfsmanna
og því þarf að fækka í starfsliðinu. Í
áætlun sem fyrrverandi rektor gerði
var talið að segja þyrfti upp 15
starfsmönnum. Síðan þá hefur
nokkur fjöldi starfsmanna horfið til
annarra starfa. Björn segir þó ljóst
að ráða þurfi fólk í vissar stöður því
störfin þurfi að vinna.
Stoðsviðin orðin veik
Björn styður hugmyndir mennta-
málaráðherra um sameiningu há-
skólanna. „Við erum búin að skera
svo mikið niður að stoðsviðin eru
orðin veik og knappt að við getum
uppfyllt öll skilyrði sem gerð eru til
háskóla. Við þurfum á því að halda
að nýta samlegð á milli stofnana til
að halda stoðþjónustunni úti. Það er
einnig hægt að hugsa sér margskon-
ar faglegan ávinning með nánari
samvinnu háskóla. Þótt við séum að
sinna sérstaklega búvísindum og líf-
inu í landinu erum við einnig með
viðfangsefni sem hafa heilmikla
skörun við það sem kennt er við Há-
skóla Íslands og því er ávinningur
að því að sameina kraftana. Einnig
væri ávinningur að því að tengja
ólík fræðasvið nánar við okkar við-
fangsefni,“ segir Björn.
Morgunblaðið/Árni Sæberg
Skólasetur Hluti af Hvanneyrarstað. Þar eru höfuðstöðvar Landbún-
aðarháskóla Íslands og skólaþorp hefur myndast í kringum þær.
Unnið að að-
gerðaáætlun
Nýr rektor á Hvanneyri vill samruna
Björn
Þorsteinsson
Ingvar Smári Birgisson
isb@mbl.is
„Við höfum verið að vinna að und-
irbúningi tónleikanna svakalega
lengi, þannig að staðan er mjög góð.
Fyrsta símtalið vegna sviðsetning-
armála var í desember í fyrra þannig
að það hefur verið langur aðdragandi
að þessu. Þetta er mjög reynt fólk
sem vinnur að undirbúningnum.
Núna styttist í tónleikana þannig að
það er í mörg horn að líta,“ segir Ís-
leifur Þórhallsson, framkvæmda-
stjóri tónlistar- og viðburðarsviðs hjá
Senu, sem sér um innflutning og
skipulag tónleikanna með Justin Tim-
berlake í Kórnum í Kópavogi 24.
ágúst nk.
Að sögn Ísleifs eru þetta umfangs-
mestu tónleikar sem haldnir hafa ver-
ið á Íslandi. „Ég held að það sé
öruggt að þetta séu stærstu tónleikar
hvað varðar umfang sem hafa verið
haldnir hér á landi. Hátt í hundrað
manns koma til landsins útaf tónleik-
unum að utan, þ.m.t. listamenn,
tæknimenn og margir aðrir. Síðan
bætast við um 100 tæknimenn frá Ís-
landi í viðbót. Með gæslu og öllum
þeim sem vinna við umferðarstjórn
og önnur verkefni bak við tjöldin þá
eru þetta allavega 400 manns sem
vinna að tónleikunum, jafnvel allt að
500 manns,“ segir Ísleifur.
Miðahafar fá frítt í strætó
Mikil skipulagning er í kringum
samgöngur svo að allir komist á tón-
leikana. „Ein stærsta áskorunin við
að halda svona stóra tónleika eru bíla-
stæðamál. Afar fá stæði eru við Kór-
inn, en þrjú svæði eru í hverfinu sem
geta tekið nokkur þúsund bíla. Frá
þessum þremur svæðum verða stræt-
isvagnar á okkar vegum sem keyra
fram og til baka stanslaust og ferja
fólk frá bílastæðunum og í Kórinn. Í
samráði við Kópavogsbæ og lögreglu
verður lokað á umferð inn í hverfið.
Íbúar hverfisins fá þó sérstakan
passa sem gerir þeim kleift að keyra
um svæðið. Þá fá fatlaðir sérstæði við
húsið ásamt leigubílum. Ókeypis
verður í strætó á höfuðborgarsvæð-
inu frá kl. 14 fyrir þá sem hafa miða á
tónleikana,“ segir Ísleifur, en hann
bætir við að lokum að erlendir um-
boðsmenn og gestir muni koma til að
sjá tónleikahaldið og hann vonar að
þessir tónleikar geti opnað dyrnar að
fleiri tónleikum hérlendis.
Timberlake mætir snemma
Samkvæmt heimildum Morg-
unblaðsins mun Justin Timberlake
koma nokkrum dögum fyrir tón-
leikana til Íslands til að geta notið
landsins fyrir tónleikana. Justin er í
mánaðarfríi að loknum tónleikunum á
Íslandi, en ekki liggur fyrir hvort
hann muni eyða meiri tíma á Íslandi
eftir tónleikana.
Fólk ferjað á tónleikana
Justin Timberlake kemur nokkrum dögum fyrr til landsins
Umfangsmestu tónleikar sem haldnir hafa verið á Íslandi
Reuters
Frægur Timberlake spilar á Íslandi.
Margar tillögur eru af veitingum á
heimasíðu okkar. Einnig er hægt að
panta einstaka rétti eða eftir óskum.
Veislusalur okkar er bjartur og fallegur
salur á jarðhæð, gott aðgengi.
Öll þjónusta, kaffi og gos eru innifalin í
verði þegar erfidrykkja er í sal.
Fax: 565-2367 · Netfang: veislulist@veislulist.is ·www.veislulist.is
Veitingar í erfidrykkjur
af öllum stærðum, hvort sem er í veislusal
okkar, í aðra sali eða í heimahús.
Skútan
Á fallegum og notalegum stað
á 5. hæð Perlunnar
Aðeins 2.150 kr. á mann
Næg bílastæði
ERFIDRYKKJUR
Perlan • Sími 562 0200 • Fax 562 0207 • perlan@perlan.is
Pantanir
í síma
562 0200