Morgunblaðið - 06.08.2014, Blaðsíða 30
30 MENNING
MORGUNBLAÐIÐ MIÐVIKUDAGUR 6. ÁGÚST 2014
AF TÓNLIST
Davíð Már Stefánsson
davidmar@mbl.is
Þeir sem ekki fóru út úr borg-inni um verslunarmanna-helgina þurftu ekki að líða
landsbyggðarskort en grænum gra-
storfum, bekkjum og öðru þvíum-
líku hafði verið komið fyrir í
Naustinni þar sem tónlistarhátíðin
Innipúkinn fór fram í þrettánda
skiptið. Það var því ákveðin útileg-
ustemning í miðbæ Reykjavíkur en
veislan fór fram á skemmtistöð-
unum Húrra og Gauknum sem
standa hlið við hlið. Um var að
ræða þriggja daga hátíð þar sem
hátt í fjörutíu sveitir komu fram og
voru þær ekki af verri endanum.
Kælan Mikla stóð sig vel
Dagskráin hófst á Húrra á
föstudaginn en þar stigu sveitir á
borð við Orphic Oxtra, Justman
auk dj. flugvélar og geimskips á
stokk og stemningin mjög góð.
Futuregrapher + Borko stigu einn-
ig á svið en tvíeykið spilaði hresst
elektró þar sem mátti jafnvel
greina ákveðinn diskóblæ. Raf-
mögnuð stemning var hjá þeim fé-
lögum og ánægja sú er þeir virtust
njóta við að spila skilaði sér út í
salinn og endurspeglaðist í góðum
undirtektum. Dj. flugvél og geim-
skip var hress að vanda en til-
raunakennd og oft á tíðum kímin
framkoma hennar vekur ætíð
lukku. Húrra var nýlega tekinn í
gegn og sviðið þar var vel til tón-
leikahalds fallið. Hægt er að berj-
ast um í troðningi við sviðið auk
þess sem góð aðstaða er til að taka
sér góðar pásur í vel til föllnu
reykingarporti, kjallara eða fremri
sal þar sem auðveldara er að sitja
og spjalla. Ekki var að sjá að stað-
urinn hefði lent í vandræðum
helgina áður og lokað tímabundið
en öll umgjörð var til fyrirmyndar.
Það sama var að segja um
Gaukinn, umgjörðin var til fyrir-
myndar. Vissulega varð það þreytt
Rafmagnaðar
Reykjavíkurnætur
að geta ekki rölt með bjór á milli
staðanna en það er ekki við stað-
arhaldara að sakast. Þá komu gras-
balinn og bekkirnir sér líka vel og
hægt að slaka á í góðra vina hópi
og velta vöngum yfir frammistöðu
þeirra hljómsveita er höfðu lokið
sér af. Þegar búið var að þamba
bjórinn var því tilvalið að kíkja á
Gaukinn en þetta kvöld var pönkið
og rokkið allsráðandi. Börn, Pink
Street Boys, Logn og Muck stigu
meðal annars á svið og stóðu sig
vel. Sú sveit sem fangaði þó hvað
mesta athygli var stúlknasveitin
Kælan Mikla skipuð þeim Sólveigu
Matthildi Kristjánsdóttur, Margréti
Rósu Dóru-Harrysdóttur og Lauf-
eyju Soffíu Þórsdóttur. Einkar
fersk framkoma, ljóðrænir textarn-
ir, sem voru lausir við alla tilgerð
og væmni, þykkar bassalínur og
taktfastur trommuleikur skapaði
mjög áhugaverða heild. Athygli
vakti hversu þétt hljóðið var þrátt
fyrir að aðeins hafi verið um
trommu- og bassaleik að ræða.
Einfaldur bassaleikurinn minnti um
margt á síðpönk áttunda áratug-
arins og andi Joy Division virtist
svífa yfir vötnum. Sveitin hafði ný-
lega lokið tónleikaferðalagi sínu um
landið undir yfirheitinu Kælan
Mikla á túr og skartaði bassaleikari
sveitarinnar túrtappa á hljóðfæri
sínu af því tilefni. Þar sem undirrit-
aður er einstaklega veikur fyrir
orðagríni þá hitti það beint í mark.
Elektróník í hávegum höfð
Á laugardeginum var slegið
upp í elektróveislu á Gauknum þar
sem tvíeykið Tanya & Marlon stóð
upp úr. Sem forsprakkar Weir-
dcore-hreyfingarinnar, þá helst Ta-
nya, heilluðu þau áhorfendur með
fremur hörðum töktum og þægi-
legri nærveru. Skemmtileg blanda.
Það hefði þó verið gaman ef þau
hefðu spilað síðar um nóttina, og
jafnvel lengur, en tónlist þeirra er
tilvalin til að gleyma sér í alsælu og
dansi. Sveitin Sísí Ey stóð sig einn-
ig með prýði en lag þeirra „Ain’t
Got Nobody“ féll vel í kramið hjá
dansþyrstum gestum enda um
mjög fínt lag að ræða.
Á Húrra opnaði Logi Hösk-
uldsson, betur þekktur sem hinn
hugljúfi Loji, dagskrána en kapp-
inn breytti nýlega til og semur nú
vel heppnaða tölvutónlist í stað
indírokksins sem hann hefur sinnt
af miklum móð síðustu ár. Með
honum í liði í þessu nýja verkefni
er meðal annars Júlía Her-
mannsdóttir, söngkona Oyama, og
ná þau vel saman. Einnig komu
Mr. Silla og Benni Hemm Hemm
fram þetta kvöld en reggísveitin
AmabAdamA lauk kvöldinu við
mikinn fögnuð.
Svita- og hitabað
Kvöldin á Gauknum voru
þemaskipt og kom það mjög vel út.
Þegar hér var komið við sögu var
rokkið og elektróníkín afstaðin. Því
var komið að rappinu en rímna-
flæðið fyllti myrkan staðinn sem
var einmitt líka endurnýjaður fyrir
skemmstu og lítur mjög vel út.
Rapparinn 7Berg, sem gerði garð-
inn frægan á sínum tíma með lag-
inu „Má ég sparka?“ ásamt Bent,
kom ágætlega fyrir á sviðinu með
banana um hálsinn og hljóðnema í
hendinni. Innkoma Didda Fel og
Bents virtist líka falla vel í kramið
hjá viðstöddum. Reykjavíkurdætur
tróðu auk þess upp þetta kvöldið
en hópurinn telur hátt á annan tug
einstaklinga. Þær tóku sín þekkt-
ustu lög við mikinn fögnuð og má
þar nefna lagið „D.R.U.S.L.A.“ sem
kom nýverið út í tilefni Druslu-
göngunnar. Þess skal getið að flæði
Reykjavíkurdætra nýtur sín í raun
betur því færri sem þær eru á svið-
inu hverju sinni og voru þær dug-
legar við að stíga niður ein af ann-
arri og leyfa einstaka meðlimum að
njóta sín í sviðsljósinu hverju sinni.
Megas lauk síðan góðri hátíð
ásamt vinum sínum í Grísalappalísu
en samstarf þessa tveggja er
einkar áhugavert og því var mikill
spenningur, troðningur og barn-
ingur í innri sal Húrra þegar fór að
líða að tónleikunum. Biðröð mynd-
að skipuleggja hátíðina og eiga þær
hrós skilið fyrir frammistöðuna.
Hátíðin var vel skipulögð, hljóm-
sveitirnar góðar, skemmtistaðirnir
vel valdir, bjórinn ódýr og stemn-
ingin einkar friðsæl þrátt fyrir
mikið fjör. Því er nefnilega svo far-
ið að innipúkar virðast bera með
sér fremur yfirvegað fas auk þess
að búa yfir miklu jafnaðargeði og
kristallaðist það í litlum sem eng-
um óspektum. Þessi litli blettur
sem myndaðist í Naustinni þessa
verslunarmannahelgi var því sem
vin í eyðimörk Reykjavíkurborgar
þar sem grasrót tónlistar fékk að
leika lausum hala, menningu lands
og þjóðar til mikils sóma.
aðist fyrir utan staðinn en flestir,
ef ekki allir, komust inn áður en
fyrsta lagið fór í loftið. Megas var
sem áttundi meðlimur Grísalappal-
ísu, slík var samvinnan. Hitinn var
mikill í áhorfendaskaranum og af
og til þurfti að stíga út í svalandi
nóttina til að sjúga nokkur íþrótta-
blys og kæla sig niður. Það var
sem labbað væri á vegg í hvert
sinn sem stigið var inn í salinn á
nýjan leik, slíkur var hitinn, enda
kynþokkinn mikill á sviðinu.
Hátíðin vel skipulögð
Þetta var í fyrsta skiptið sem
stöllurnar Berglind Sunna Stef-
ánsdóttir og Megan Horan sáu um
» Sveitin hafði nýlega lokið tónleikaferðalagisínu um landið undir yfirheitinu Kælan Mikla á
túr og skartaði bassaleikari sveitarinnar túrtappa á
hljóðfæri sínu af því tilefni.
Einleikjahátíðin Act alone hefst á
Suðureyri í dag og stendur til
sunnudags. Í ár verður boðið upp
á tuttugu einleikna viðburði og er
aðgangur að öllum viðburðum
ókeypis.
Meðal einleikja sem verða sýnd-
ir á Act alone í ár má nefna Eld-
klerkinn með Pétri Eggerz,
Grande með Hirti Jóhanni Jóns-
syni, Sveinsstykki Þorvaldar Þor-
steinssonar í flutningi Arnars
Jónssonar og barnaleikritið Pétur
og úlfinn úr smiðju Bernd Ogrod-
nik. Saga Sigurðardóttir frum-
flytur nýtt dansverk og Anna
Richardsdóttir ætlar að taka Suð-
ureyri í gegn með einstökum
þrifagjörningi. Stuðmaðurinn Egill
Ólafsson gerir upp ferilinn í tali
og tónum og gítarleikarinn Björn
Thoroddsen verður í essinu sínu
með hljóðfærið. Einnig má nefna
að Villi vísindamaður verður með
vísindanámskeið fyrir krakka á
öllum aldri.
„Tvær nýjungar eru á Act alone
í ár. Í fyrsta sinn verður boðið
uppá einstaka myndlist og ritlist.
Opnuð verður sýning á verkum
Eddu Heiðrúnar Backman, leik-
konu, sem sannarlega hefur farið
sínar eigin leiðir í listinni. Fulltrú-
ar ritlistarinnar eru Eiríkur Örn
Norðdahl og Ólína Þorvarð-
ardóttir sem munu lesa uppúr
verkum sínum og annarra,“ segir
m.a. í tilkynningu.
Allar nánari upplýsingar um
dagskrána er á sudureyri.is/
sudureyri-is/actalone.
Morgunblaðið/Kristinn
Stuðmaður Egill Ólafsson gerir upp
ferilinn í tali og tónum á hátíðinni.
Boðið upp á tuttugu
viðburði á Act alone