Morgunblaðið - 06.08.2014, Síða 31

MENNING 31
MORGUNBLAÐIÐ MIÐVIKUDAGUR 6. ÁGÚST 2014
Laugavegi 29 | sími 552 4320 | www.brynja.is
Opið
virka
daga
frá 9
-18
lau f
rá 10
-16
Orf úr áli 22.840
Orf úr tré 17.200
Ljár 7,950
Heyhrífa 4.500
Seinni sláttur
Morgunblaðið/Styrmir Kári
Morgunblaðið/Styrmir Kári
Grasbali Hátíðarblær var yfir svæðinu fyrir utan skemmtistaðina.
Hátíð Stemningin var virkilega góð
á Innipúkanum 2014 en hátíðin fór
fram á skemmtistöðunum Húrra og
Gauknum. Meðal sveita sem komu
fram var Low Roar.
Félagið Ísland-Palestína stendur
fyrir samstöðu- og styrktartón-
leikum fyrir íbúa Gaza á Kex í
kvöld. Tónleikarnir hefjast klukk-
an 18.30 en þá stígur á stokk Heiða
Hellvar og Hamlette HOK Vík-
artindur. Dagskráin stendur síðan
allt kvöldið en meðal þeirra sem
koma fram eru Soffía Björg, For a
Minor Reflection, Sóley, Mammút
en sveitin Boogie Trouble verður
síðust til að stíga á svið klukkan
22.15. Að sögn mun allur aðgangs-
eyrir renna hreinn og óskiptur til
neyðarsöfnunar til handa íbúum
Gaza.
Tónleikar til styrktar íbúum Gaza
Tónleikar Mammút er meðal þeirra hljómsveita sem koma fram á Kex.
Á föstudaginn verður efnt til
veislu á skemmtistaðnum Húrra
en þá munu sveitirnar Muck, Seve-
red, Lord Pusswhip og russian.g-
irls koma fram. Muck spiluðu á
Innipúkanum um síðustu helgi á
Gauknum og þóttu standa sig með
eindæmum vel. Um er að ræða
nokkuð hrátt pönkrokk þar sem
hröð gítarriff fá að njóta sín vel
auk þess sem vel er öskrað í hljóð-
nemann. Severed er dauðarokks-
sveit, Lord Pusswhip skapar tölvu-
tónlist og russian.girls spilar
sýrukennda hljóma. Það kennir
því ýmissa grasa þetta kvöldið á
Húrra en viðburðurinn hefst
klukkan 22.
Sýra, rokk og
elektró á Húrra
Morgunblaðið/Ómar
Rokk Hljómsveitin Muck er meðal þeirra
sem koma fram á Húrra á föstudaginn.
Kynlífsmyndbönd geta ef-laust þjónað ýmsum hlut-verkum, meðal annars aðkrydda upp á kulnað ást-
arsamband hjónakorna, en það er
einmitt hugðarefni kvikmyndarinnar
Sex Tape sem sýnd er í bíóhúsum
landsins um þessar mundir. Það ger-
ist þó reglulega að slík myndbönd,
sem gerð eru til einkanota, rati inn á
hafsjó veraldarvefsins þaðan sem
ómögulegt er að ná þeim til baka.
Slíkt hefur oft á tíðum valdið mikilli
vanlíðan viðkomandi aðila, mannorðs-
morðum og í verstu tilfellum sjálfs-
vígum. Því er um að gera að búa til
grínmynd um efnið þar sem lítið er
gert úr aðstæðunum.
Langdregin og illa skrifuð
Sagan segir frá þeim Annie (Came-
ron Diaz) og Jay (Jason Segel), hjón-
um á fertugsaldri sem virðast eiga í
nokkuð platónsku ástarsambandi,
börnin og vinnan taka allan þeirra
tíma. Til að endurvekja neistann
ákveða þau, eins og áður segir, að búa
til kynlífsmyndband til einkanota.
Myndbandinu er síðan lekið fyrir
mistök inn á tölvur vina og vanda-
manna. Úr því hefst einskonar elting-
arleikur þar sem Annie og Jay heim-
sækja alla þá er gætu haft
myndbandið undir höndum til að
reyna að eyða því.
Framvinda sögunnar byrjar ágæt-
lega, hlutirnir eru fljótir að gerast og
sögufléttan auðskiljanleg. Áhorf-
endur eru því mjög fljótt farnir að
fylgjast með eltingarleik þeirra hjóna
sem endist út myndina. Sá leikur er
þó því miður fremur rislítill og nokk-
uð langdreginn. Að sama skapi er
persónusköpun mjög ódýr og leið-
inlegt að sjá úr hversu litlu Jason Se-
gel fær að moða, en hann á það til að
vera mjög fyndinn. Innkoma Rob
Lowe, sem fer með hlutverk yf-
irmannsins Hanks Rosenbaum, er að
sama skapi þurr en þess má geta að
leikarinn lenti einmitt sjálfur í kynlífs-
myndbandsveseni seint á níunda ára-
tuginum. Atriðið þegar Annie og Jay
fara heim til hans til að eyða kynlífs-
myndbandinu af tölvu hans er einmitt
einstaklega langdregið; Annie og
Hank í yfirdrifinni kókaínvímu í stof-
unni á meðan Jay slæst við þýskan
fjárhund – í korter.
Eins og ein stór iPad auglýsing
Vöruinnsetningar eru auk þess vand-
ræðalega augljósar og kvikmyndin í
heild í raun eins og ein stór iPad aug-
lýsing. Jay tönnlast í sífellu á því
hversu vel tækið sé gert og Apple
merkið oft í mynd. Að sama skapi hef-
ur klámvefsíðan Youporn greinilega
borgað fúlgu fjár til að fá auglýsingu í
kvikmyndinni. Cameron Diaz er einn-
ig mjög ósannfærandi í leik sínum en
hún hefur greinilega eytt talsvert
meira púðri í að líta vel út líkamlega
en í leikhæfileika sína, sem er frekar
sorglegt. Svoleiðis er tíðarandinn í
Hollywood og hefur alltaf verið. Slíkt
skal þó gagnrýna. Nokkrum sinnum
voru auk þess mjög óþjálar setningar
bornar fram á skrítnum tímapunkt-
um sem fékk mann til að hleypa í
brýrnar. Þetta virðist auk þess alltaf
vera sama gamla klisjan, söguþráð-
urinn gengur út á að halda kjarnafjöl-
skyldunni saman. Slíkt kórónaðist
einmitt í lokin þegar fjölskyldan dríf-
ur sig saman í mjög svo væmnu at-
riði, með einkar væmna tónlist í bak-
grunninum, í útskrift barnanna. Allt
virðist gott í heiminum þegar gifti
karlinn og gifta konan geta sameinast
á ný með börnum sínum tveimur.
Umfjöllunarefnið áhugavert
Umfjöllunarefnið er óneitanlega
áhugavert enda einkar átakanlegt.
Með framförum veraldarvefjarins er
nær enginn óhultur fyrir þeim há-
körlum sem þar synda og eins og áð-
ur segir hafa margir verið bitnir ansi
illa. Það hefði því vel verið hægt að
búa til ansi gott handrit úr efninu sem
hefði getað verið miklu áhrifaríkara
en raun ber vitni. Þá er ég ekki endi-
lega að segja að ekki sé við hæfi að
kómíkin fái að njóta sín, hún getur vel
farið saman við átakanlegt efni. Sem
dæmi má nefna kvikmyndina Happ-
iness eftir Todd Solondz sem tekur á
ansi erfiðum hlutum en er þó nokkuð
fyndin. Sex Tape er ekki átakanleg,
ekki spennandi, sérlega ófyndin, illa
leikin og illa skrifuð. Ef ekki hefði
verið fyrir ánægjulegan sessunaut
hefði ég eflaust gengið út í hléinu.
Ósannfærandi Jason Segel og Cameron Diaz fara ekki vel með hlutverk sín.
Kynlífsmyndbönd og
kjarnafjölskyldur
Sambíóin Álfabakka og Kefla-
vík, Laugarásbíó, Smárabíó,
Háskólabíó og Borgarbíó
Akureyri.
Sex Tape bnnnn
Leikstjórn: Jake Kasdan. Handrit: Kate
Angelo, Jason Segel og Nicholas Stoll-
er. Aðalhlutverk: Cameron Diaz, Jason
Segel, Rob Corddry, Ellie Kemper og
Rob Lowe. 94 mín. Bandaríkin, 2014.
DAVÍÐ MÁR
STEFÁNSSON
KVIKMYNDIR