Morgunblaðið - 12.08.2014, Síða 4

Markaður Þau Paul Ramses og Rosemary Atieno selja vörur til styrktar skólagöngu barna í Afríku.
Mikil gleði og ánægja ríkti á höfuðborgarsvæðinu í gær þar sem fólk naut sólarinnar. Fjöldi manns
var í miðbænum og töluvert af erlendum ferðamönnum var á kreiki og naut veðurblíðunnar. Talið er
að þrjú þúsund manns hafi lagt leið sína á Ylströndina í Nauthólsvík, samkvæmt upplýsingum Óttars
Hrafnkelssonar, deildarstjóra hjá Siglunesi. Áfram er spáð góðu veðri í dag og næstu daga þótt hita-
stigið lækki örlítið en um þrjúleytið í dag er spáð 17 stiga hita í Reykjavík og heiðskíru.
Létt yfir mannlífinu í blíðviðrinu í höfuðborginni og margir á ferli
Leikur Atli Þór Ólafsson sýndi listir sínar með leiktæki
sínu sem kallast Diablo og hann hefur æft sig á í 3 ár.
Krakkar Mikið líf og fjör var í Nauthólsvík þar sem mörg börn skemmtu sér vel.
Þrjú þúsund á Ylströndinni
Morgunblaðið/Þórður
Nauthólsvík Fjöldi gesta lagði leið sína á Ylströndina í góða veðrinu en áætlað er að þar hafi verið um 3.000 manns yfir daginn.
4 FRÉTTIRInnlent
MORGUNBLAÐIÐ ÞRIÐJUDAGUR 12. ÁGÚST 2014
Sláturleyfishafar hafa ekki gefið út
verðskrár sínar þótt stutt sé í að almenn
sauðfjárslátrun hefjist. Þeir sem leggja
inn í sumarslátrun vita aðeins hvað þeir fá
mikið álag á það almenna verð sem ein-
stök sláturhús munu greiða.
Sigurður Eyþórsson, framkvæmdastjóri
Landssamtaka sauðfjárbænda, segir
óþægilegt fyrir bændur að vita ekki hvaða
verð þeir fá fyrir innleggið. „Hins vegar
skiptir það greinina miklu máli að slát-
urhúsið fái nógu mörg lömb til að sinna
Bandaríkjamarkaði. Þetta er því slæm
staða.“ Hann vonast til að sláturleyf-
ishafar fari að gefa út verðskrár sínar. Tel-
ur að sauðfjárbændur hafi væntingar um
hækkanir á afurðaverði en væntanlega
ekki miklar. Aðstæður á markaði hafi ekki
verið hagstæðar. Nefnir hann að sam-
kvæmt gögnum Hagstofu Íslands hafi
smásöluverð á lambakjöti lækkað um
5,8% frá júlí 2013. Á sama tíma hafi al-
mennt verðlag hækkað um 2,3%.
Vita ekki hvað þeir
fá fyrir lömbin
VERÐSKRÁR EKKI KOMNAR
Helgi Bjarnason
helgi@mbl.is
Fyrsta sauðfjárslátrun ársins var á Hvamms-
tanga í gær. Þar var slátrað um sex hundruð
kindum og fer lambakjötið allt ferskt á
Bandaríkjamarkað.
Sláturhús KVH á Hvammstanga þjónar
sælkeraverslunum Whole Foods Markets.
Skrokkarnir eru sagaðir niður og sendir með
flugi til Bandaríkjanna. Ef allt gengur að ósk-
um verður kjötið komið í búðir strax eftir
helgi.
Vonast eftir aukningu
Sláturhúsið hefur sinnt þessum útflutningi í
nokkur ár. Fyrsta haustið fóru um 25 tonn af
lambakjöti út en útflutningurinn jókst um 30-
50% á ári þar til fyrir tveimur árum að hann
var kominn í 200 tonn. Magnús Freyr Jóns-
son framkvæmdastjóri segir stefnt að aukn-
ingu í 250 tonn. „Við eigum mörg tækifæri
inni, svæði og verslanir sem taka ekki kjötið
fyrr en í byrjun nóvember. Þess vegna er
mikilvægt að hefja slátrun sem fyrst til að
koma kjötinu sem fyrst í búðirnar og sem
flestar,“ segir Magnús.
Hann segir að mjög gott verð fáist fyrir
kjötið en bætir því að einnig sé mikið fyrir því
haft og sendingarkostnaður mikill.
Sláturhús KVH er með sumarslátrun vegna
Bandaríkjamarkaðar þrjá mánudaga í ágúst.
Sláturfélag Suðurlands slátrar einn dag í
næstu viku og áformar að hefja samfellda
slátrun 10. september. Bændur fá 140 kr. álag
á hvert kíló fyrsta sláturdaginn en 100 krónur
í næstu viku. Rúmlega 600 kindum var slátrað
í Sláturhúsi KVH á Hvammstanga í gær, þar
af 564 lömbum. Meðalvigt skrokka var um
13,6 kg og eru lömbin því heldur léttari en
þau sem komið var með fyrsta sláturdag á
síðasta sumri.
Byrjað að slátra fyrir Bandaríkjamarkað
 Lömbin heldur léttari en á síðasta ári á fyrsta sláturdegi á Hvammstanga
Morgunblaðið/Ómar
Réttir Hauststörfin eru hafin í sveitum landsins þótt ekki sé kominn miður ágúst. Byrjað er að
fara með fé í sláturhús, fátt í fyrstu. Sláturhúsin hefja samfellda slátrun undir miðjan september.