Morgunblaðið - 12.08.2014, Side 11

Raku-brennsla Þegar munirnir hafa verið brenndir við 800 gráður í gasofninum er þeim hent í tunnu með sagi.
Njóta góðs af túrismanum
Helga útskrifaðist frá Mynd-
listar- og handíðaskólanum árið 1999
og opnaði í kjölfarið verkstæði í
Seljahverfi í Reykjavík. Hún segist
eins og villuráfandi sauður, hefur
aldrei bundið trúss sitt við ákveðna
aðferð eða viðfangsefni, og brennir
t.d. ýmist í rafmagnsofni, opnum
eldi, ofan í jörðu og með áðurnefndri
raku-aðferð.
„Ég geri bara það sem mig
langar til og veitir mér gleði það og
það skiptið,“ segir Helga en viður-
kennir að það sé hark að reyna að
lifa af leirkerasmíðinni einni saman.
Verk hennar eru m.a. til sölu í Leifs-
stöð og Hellisheiðarvirkjun og hún
segir ferðamannastrauminn tví-
mælalaust leirkerasmiðum til góða,
þ.e.a.s. ef þeir eru þannig staðsettir,
t.d. í miðbænum.
Helga segir þá erlendu ferða-
menn sem hafa lagt leið sína til Eski-
fjarðar hins vegar hafa sýnt raku-
brennslunni lítinn áhuga en auglýs-
ingar í austfirsku blöðunum hafi
augljóslega skilað árangri hvað
heimamennina varðar.
Alltaf að brenna í síðsta sinn
Þegar Helga ræðir við blaða-
mann er engu líkara en hún þjáist af
svæsinni hálsbólgu en þar er raku-
brennslunni um að kenna. „Ég segi
alltaf þegar ég er búin að raku-
brenna: Þetta er svo erfitt, ég geri
þetta ekki aftur! Svo byrjar maður
að plokka og hreinsa og skoða
munina og hugsar: Jú, ég ætla að
reyna einu sinni enn, og svo er mað-
ur alltaf kominn í þetta aftur.“
En hvað er það sem heillar við
raku-brennsluna?
„Þú ert úti og ert með opinn eld
og það er reykur og sót og efnið er
svo lifandi; leirinn er svo lifandi efni.
Og þú veist í raun aldrei hvað kemur
út en þú ert að takast á við þessi ele-
ment. Þetta er rosalega skemmti-
legt,“ segir hún.
Helga verður með sýningu á
raku-brennslu við Dahlshús á morg-
un, rétt eftir kl. 12 á hádegi.
Listakona Helga Kristín Unnars-
dóttir segist pjúra Eskfirðingur.
„Það er svo gaman við
þetta líka að þegar fólk
sér mig brenna; sér hlut-
ina verða til, þá fær það
svo mikinn áhuga á
þessu.“
DAGLEGT LÍF 11
MORGUNBLAÐIÐ ÞRIÐJUDAGUR 12. ÁGÚST 2014
Unnið er þessa dagana að því að
koma upp útitafli á Selfossi. Það er
Sigfús Kristinsson byggingameistari
sem að því stendur en þau Aldís
dóttir hans eru potturinn og pannan
á bak við Fischer-setið svonefnda,
safn um skáksnillinginn Bobby
Fischer. Það er í gamla Landsbanka-
húsinu að Austurvegi 21 á Selfossi,
sem er í eigu Sigfúsar. Skákborðið
er sunnan við húsið, milli húss og
gagnstéttar. Margir staldra við í
Fischersetrinu, enda var Fischer ein-
stakur í sinni röð. Hann hvílir í
Laugardælakirkjugarði, skammt frá
Selfossi.
„Vonandi verður hægt að tefla
hér síðar í sumar og við ætlum að
byrja þannig að krakkarnir standi
hér fyrir framan í hvítum eða svört-
um flíkum. En svo vonast ég til
þess að við fáum alvöru taflmenn
og að sveitarfélagið leggi okkur þar
lið,“ segir Sigfús.
Taflborðið góða er gagnstéttar-
hellur; snjóhvítar og biksvartar sitt
á hvað, og 64 alls, eins og lög gera
ráð fyrir. Með Sigfúsi í þessum
framkvæmdum standa vaktina þeir
Pétur Kúld og sonarsonurinn Bene-
dikt Fadel Farag.
sbs@mbl.is
Skák undir berum himni á Selfossi
Snjóhvítar og biksvartar hellur
í útitaflinu við Fischer-setrið
Morgunblaðið/Sigurður Bogi
Skákmenn Sigfús Kristinsson, til vinstri, Pétur Kúld og Benedikt Fadel Farag
við hellulagnir í sl. viku. Allir eru þeir hagleiksmenn sem kunna mannganginn.
Risi Starfsmenn lyfta eintaki af
stærstu orkídeutegund heims.
Undirbúningur Jun-ichi Inada er
verðlaunaður landslagshönnuður.
NýlegirAudiA4 á
rekstrarleigu til fyrirtækja
Laugavegi 174 | Sími 590 5040 - Opið virka daga frá kl. 10-18 og laugardaga kl. 12-16
HEKLA býður nú fyrirtækjum nýlegar Audi A4 bifreiðar í rekstrarleigu. Fyrirtæki
fá nýlegar bifreiðar til umráða í 1 ár gegn föstumánaðargjaldi og losnar leigutaki
við alla fjárbindingu og endursöluáhættu. Bifreiðinni er svo einfaldlega skilað í
lok leigutímans.
Dæmi:
Audi A4 Limo
Árgerð 2012, dísil
Ekinn 38.000 km, sjálfskiptur
Meðal búnaðar bifreiðanna eru 16“ álfelgur,
bluetooth símbúnaður, leðurklætt aðgerðarstýri,
hraðastillir, loftkæling og ný heilsársdekk.
Mánaðarlegt leigugjald frá:
99.800 kr.m/vsk