Morgunblaðið - 12.08.2014, Qupperneq 6

6 FRÉTTIRInnlent
MORGUNBLAÐIÐ ÞRIÐJUDAGUR 12. ÁGÚST 2014
Helgi Bjarnason
helgi@mbl.is
„Þetta hefur verið svolítið bras í
sumar. Menn eru orðnir lang-
þreyttir og lítið verið hægt að
skreppa í útilegu,“ segir Hugrún
Reynisdóttir, bóndi á Kjarlaks-
völlum í Saurbæ í Dölum, um hey-
skapinn í sumar.
Eftir afar erfiða heyskapartíð
sunnanlands og vestan í júlímánuði
náðu flestir bændur að bjarga sér á
milli skúra undir lok mánaðarins og
í byrjun ágúst. Á Norðausturlandi
var hins vegar góður þurrkur og
gátu bændur þar valið sér þá daga
til heyskapar sem best hentuðu.
Komust loks í útileguna
Hugrún og Guðmundur Gunnars-
son eru með sauðfjárbú á Kjarlaks-
völlum og heyja á nokkrum jörðum.
Hugrún segir að þau hafi getað frið-
að nokkur tún fyrir beit og nýtt
þurrkkafla í júní til að heyja þar.
Eftir hremmingarnar í júlí hafi fyrri
slætti ekki lokið fyrr en 21. júlí. Þau
hafi síðan lokið háarslætti nú í byrj-
un ágúst á þeim túnum sem hægt
hafi verið að bera snemma á. „Við
erum að hirða síðustu rúllurnar,“
segir Hugrún.
Þrátt fyrir að heyskapur væri
seint á ferðinni gátu Hugrún og
Guðmundur farið með góðri sam-
visku í útilegu enda segir Hugrún
nauðsynlegt að fá smá frí eftir svona
sumar.
Allt of mikil hey
Vegna góðrar sprettutíðar en
óþurrka spruttu grös víða úr sér.
Hugrún segir að það hafi sloppið
ótrúlega vel hjá þeim á Kjarlaks-
völlum. „Í lokin slógum við grasið og
létum það liggja til næsta þurrkdags
svo það myndi ekki spretta úr sér og
við gætum nýtt stopula þurrkdaga
sem best,“ segir hún.
Heyin eru víða mikil að vöxtum
vegna þess hversu gras spratt vel í
sumar í hlýindum og vætutíð. „Við
erum með allt of mikil hey. Það hef-
ur allt verið rúllað og pakkað en tím-
inn verður að leiða í ljós hvort við
getum losnað við eitthvað af því,“
segir Hugrún.
Plastið í rúllurnar er dýrt og því
er mikilvægt fyrir bændur að selja
hey sem þeir ekki nota sjálfir.
Hugrún segir að ekki verði slegið
meira á Kjarlaksvöllum í sumar.
„Við leyfum kindunum að koma inn
á túnin og éta ef þær vilja. Þær vilja
það helst ef þær halda að þær séu að
stelast,“ segir Hugrún.
Morgunblaðið/Helgi Bjarnason
Saurbær Bændur eru að keyra heim heyrúllum. Víða hefur spretta verið svo góð að fyrir löngu eru komin næg hey
til fóðrunar á skepnunum í vetur. Menn nota góða síðsumardaga til að hreinsa túnin.
Dýrt fyrir bændur
að eiga of mikil hey
 Heyskap víða lokið eftir mikið sprettu- og óþurrkasumar
Andri Steinn Hilmarsson
ash@mbl.is
„Í fyrsta lagi voru skemmdir á landi
í kringum veginn og í öðru lagi var
spurning hvort ferðamenn kæmust
klakklaust um þjóðgarðinn,“ segir
Kári Kristjánsson, aðstoðarmaður
þjóðgarðsvarðar í Vatnajökuls-
þjóðgarði, um framkvæmdir á veg-
inum að Lakagígum.
Hann segir að vatnið hafi verið
orðið meira en hnédjúpt og þurft
hafi að hækka veginn. „Þetta voru
ansi margir rúmmetrar,“ segir Kári,
en vegarkaflinn sem um ræðir er um
það bil 200 metrar að lengd.
Kári segir að ráðist hafi verið í
framkvæmdirnar í kjölfar þess að
lögreglan á Hvolsvelli sektaði ferða-
mann sem var á ferð við Lakagíga í
Vatnajökulsþjóðgarði í síðustu viku.
Viðkomandi keyrði út af veginum
þar sem hann ætlaði sér að sneiða
framhjá djúpum polli sem var á veg-
inum.
Samkvæmt upplýsingum frá lög-
reglu á Hvolsvelli hafa sjö verið
teknir fyrir utanvegaakstur í sumar,
þar af sex erlendir ferðamenn.
„Það er ekki mikið um stórslys á
ferðamönnum hér á svæðinu. Það
var ekkert í fyrra og ekkert komið
hingað til,“ segir Kári um slysatíðni í
þjóðgarðinum. Hann vonast eftir því
að slysafjöldi haldist óbreyttur
áfram. „Það að nokkrir ferðamenn
láti lífið á hverju ári er ekki
afsakanlegt,“ segir Kári.
Utanvegaakstur
leiddi til vegafram-
kvæmda við Laka
 200 m vegarkafli að Lakagígum
í Vatnajökulsþjóðgarði lagfærður
Ljósmynd/Gísli Sigurðsson
Lakagígar Vegurinn að Lakagígum
í Vatnajökulsþjóðgarði var lagaður.
Ingileif Friðriksdóttir
if@mbl.is
„Vörur eru endursendar af ýmsum
ástæðum, til dæmis gæðamálum,“
segir Þorvaldur H. Þórðarson, fram-
kvæmdastjóri inn- og útflutnings-
mála hjá Matvælastofnun, en Jón
Gerald Sullenberger, eigandi Kosts,
skrifaði pistil í Morgunblaðið á
laugardag þar sem hann lýsti yfir
óánægju sinni með að þurfa að end-
ursenda hundabein sem ekki þóttu
nægilega vel merkt.
Jón Gerald segist hafa leitað til
Matvælastofnunar eftir upplýsing-
um og farið eftir þeim leiðbeiningum
sem honum hafi verið gefnar. Beinin
komu frá Mexíkó og meðfylgjandi
var umbeðið heilbrigðisvottorð
ásamt vörulista með samþykkis-
númeri, framleiðslunúmeri nagbein-
anna og hafnarbréfi. Þar sem fyrr-
nefnt samþykkisnúmer kom ekki
fram á umbúðunum var Kosti gert að
endursenda vöruna með ærnum til-
kostnaði. Jón Gerald sýndi þó fram á
það að í öðrum verslunum hérlendis
væru fáanleg illa og jafnvel ekkert
merkt hundabein þar sem engin
innihaldslýsing, hvað þá samþykkis-
númer, kæmi fram.
„Þetta er mál sem taka þarf til at-
Hundabein til athugunar
 Eigandi Kosts ósáttur við að þurfa að endursenda hundabein  Framkvæmda-
stjóri MAST segir aðila geta kært ákvarðanir stofnunarinnar séu þeir ósáttir
Morgunblaðið/Ómar
Kostur Eigandinn þurfti að endur-
senda 2.740 kg af nagbeinum.
hugunar,“ segir Þorvaldur, en hann
segist ekki vita hvaða vörur sé um að
ræða, hvar þær séu seldar eða
hvernig þær hafi verið innfluttar.
„Það er nú verið að leita upplýsinga
um hvar vanmerktu nagbeinin er að
finna. Þá verður brugðist við á við-
eigandi hátt ef á þarf að halda,“ segir
hann.
Þorvaldur bendir þó á að aðilar
sem hafi verið í sambandi við Mat-
vælastofnun eigi rétt á að kæra mál
til viðkomandi ráðuneytis. „Grund-
vallarhlutverk MAST er að sjá til
þess að lögum sé fylgt,“ segir hann.
„Flestir bændur eru komnir með yf-
irdrifið af heyjum. Heygæði eru líklega
misjöfn, góð hjá þeim sem gátu byrjað
snemma en lélegri hjá hinum,“ segir
Borgar Páll Bragason, fagstjóri í nytja-
plöntum hjá Ráðgjafarmiðstöð landbún-
aðarins.
Þótt flestir bændur séu komnir með
næg hey verða þeir að slá aftur, að sögn
Borgars Páls, til þess að hreinsa túnin.
Annars fá þeir sinu í túnin næsta vor.
Reiknar hann með að einhverjir velji að kosta ekki til plastkaupa fyrir
restina og fargi heyjunum.
Mikil hey eru vegna góðrar sprettutíðar í sumar en einnig vegna þess
að grös spruttu víða úr sér vegna óþurrka eða voru slegin í óþurrkum og
hröktust. Niðurstöður heyefnagreininga liggja ekki fyrir en Borgar Páll
telur víst að gæði heyjanna séu afar misjöfn.
Verða að hreinsa túnin
FLESTIR BÆNDUR KOMNIR MEÐ NÆG HEY
Spretta Heyi snúið í Borgarfirði.
Ástæðuna fyrir því að sam-
þykkisnúmer þarf að koma
fram á umbúðum vöru segir
Þorvaldur einfalda. „Þar eru
upplýsingar um starfsstöðina,
upplýsingar um að hún hafi
leyfi fyrir sölu innan Evrópu og
staðfesting á að þessi vara sé
unnin undir lögum og reglum
Evrópusambandsins.“ Fram
kemur í meginskilyrðum fyrir
innflutningi á dýraafurðum frá
ríkjum utan EES að „varan skal
vera merkt með samþykk-
isnúmeri viðurkenndu starfs-
stöðvarinnar.“
Mikilvægar
upplýsingar
VERÐUR AÐ FYLGJA
Aðalfundur Klakka ehf.
20. ágúst 2014
Aðalfundur Klakka ehf. verður haldinn miðvikudaginn 20. ágúst 2014
að Ármúla 1, 3. hæð, 108 Reykjavík, og hefst fundurinn kl. 16:00.
Dagskrá:
1. Skýrsla stjórnar um starfsemi félagsins árið 2013.
2. Ársreikningur félagsins fyrir árið 2013 ásamt skýrslu endurskoðenda
lagður fram til staðfestingar. Ákvörðun um greiðslu arðs og
jöfnun taps fyrir síðastliðið reikningsár.
3. Kosning stjórnar.
4. Kosning endurskoðunarfélags.
5. Ákvörðun um þóknun til stjórnarmanna.
6. Tillaga stjórnar um að samþykkja starfskjarastefnu Klakka ehf.
7. Önnur mál.
Tillögur frá hluthöfum sem bera á upp á aðalfundi skulu vera komnar í
hendur stjórnarinnar eigi síðar en sjö dögum fyrir aðalfund.
Framboð til stjórnar félagsins skal berast skriflega til stjórnar eigi síðar
en fimm dögum fyrir aðalfund.
Fundargögn verða afhent á aðalfundardegi frá kl.15:30 á fundarstað.
Reykjavík, 12. ágúst 2014.
Stjórn Klakka ehf.
Klakki ehf.
Ármúli 1
108 Reykjavík
Sími 550 8600
www.klakki.is