Morgunblaðið - 13.08.2014, Síða 2

2 FRÉTTIRInnlent
MORGUNBLAÐIÐ MIÐVIKUDAGUR 13. ÁGÚST 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Mannfólkið í Flatey á Breiðafirði
hefur haft gaman af því í sumar
hversu gæf krían í eynni hefur
verið. Svo gæf að hún hefur beinlín-
is nálgast æti með því að grípa með
goggi beint úr lófa.
Ævar Petersen fuglafræðingur
sagði í samtali við Morgunblaðið í
gær að þetta hátterni kríunnar
gæfi ekki neina vísbendingu um
fæðuskort hjá kríunni. „Þessir
fuglar nýta alltaf tækifærin ef þau
gefast. Það er að vísu sjaldgæfara
með kríurnar en ritur að þær komi
og taki við æti úr hendi. Þó kemur
það alloft fyrir og fólk hefur ein-
mitt verið að leika sér að þessu í
Flatey, þegar verið er að slægja,“
segir Ævar.
Hann segir að sjómenn þekki það
mjög vel úti á sjó að ritur komi og
þiggi æti úr hendi, og hafi alla tíð
gert.
Ljósmyndir/Tryggvi Þormóðsson
Ófeimin Krían í Flatey er ófeimin við mannfólkið og nálgast ætið að því er virðist óhrædd á meðan verið er að slægja.
Krían gerir sér dælt við mannfólkið í Flatey
Lifrarbiti Rita nælir sér í lifrarbita úr lófa lítils hnokka, sem
ákveður þó að hafa allan vara á og er með góðan hanska.
Veisluborð Kríurnar drífur að á meðan fiskurinn er
slægður, enda er kríuvarpið alveg á næsta leiti.
Kríur og ritur þiggja æti beint úr lófa
Baldur Arnarson
baldura@mbl.is
Upplýsingar frá fulltrúum þriggja
ráðuneyta sem komu fyrir fjárlaga-
nefnd í gær gefa tilefni til aukinnar
bjartsýni um að markmið um halla-
laus fjárlög muni nást í ár. Fulltrúar
menntamála-, atvinnuvega- og ný-
sköpunar- og umhverfis- og auð-
lindaráðuneytis komu fyrir nefndina
og gerðu grein fyrir útgjöldum.
Þetta er mat Vigdísar Hauksdótt-
ur, formanns fjárlaganefndar, sem
boðar áfram strangt aðhald í ríkis-
fjármálum. Betri staða ýmissa rík-
isstofnana en búist var við gefi ekki
tilefni til aukinna útgjalda, né heldur
um 46 milljarða tekjuaukning ríkis-
sjóðs á fyrri hluta árs. Var handbært
fé frá rekstri þá jákvætt um 15,9
milljarða, eins og komið hefur fram.
„Það verður ráðist í það verkefni
að greiða niður skuldir. Við skulum
bíða með að ræða hver afgangurinn
verður þar til árið er gert upp. En
það eru afar jákvæð teikn í fjármál-
um þjóðarinnar, þegar þessi tekju-
aukning kemur fram,“ segir Vigdís.
Samkvæmt heimildum Morgun-
blaðsins voru lagðar fram upplýsing-
ar á fundi fjárlaganefndar sem bentu
til þess að samanlögð framúrkeyrsla
átján stofnana sem undir ráðuneytin
heyra hafi numið 1.650 milljónum á
fyrstu átta mánuðum ársins. Eru þá
m.a. taldir með þrír framhaldsskól-
ar.
Skýringarnar greinargóðar
Spurð um þessar tölur segir Vig-
dís að fulltrúar ráðuneytanna hafi
gefið greinargóðar skýringar á því
hvers vegna gjöld voru umfram
tekjur á fyrri hluta ársins. Það sé að
hluta til vegna þess að meiri þungi sé
í útgjaldahliðinni á fyrri hluta árs.
Niðurstaðan hafi verið sú að hall-
inn hjá umræddum stofnunum hafi
verið hverfandi. Vegna þessa hafi
ekki þurft að kalla til fulltrúa und-
irstofanana til að skýra útgjöldin.
Nefndin fundar með fjármála-
ráðuneytinu í dag og fulltrúum inn-
anríkisráðuneytisins, Alþingis og
velferðarráðuneytisins 25. ágúst.
Spurð hvort raunhæft sé að 20-30
milljarða afgangur verði af rekstri
ríkissjóðs þegar árið allt er upp gert,
að frádregnum aukafjárveitingum til
annarra málaflokka, þar með talið
heilbrigðis- og vegamála, segir Vig-
dís ótímabært að ræða það nú. Hún
segir launaliðinn ekki hafa borið á
góma af hálfu fulltrúa ráðuneyta.
Vigdís segir stefnuna þá að þetta
verði síðustu fjárlögin þar sem fjár-
aukalög verði sjálfsagður hlutur.
Vísar hún þar til frumvarps sem
girða á fyrir framúrkeyrslu.
„Það er stefnt að því að ljúka
frumvarpi um opinber fjármál, sem
fjármálaráðherra lagði fram á síð-
asta þingi, fyrir áramót. Fjárlaga-
nefnd hefur unnið í frumvarpinu í
sumar, fengið umsagnir og er komin
vel á veg með að vinna það. Það verð-
ur vonandi lagt fyrir þingið í haust
þannig að við getum afgreitt það fyr-
ir áramót og farið að vinna á grund-
velli þess á nýju ári,“ segir Vigdís.
Ekki náðist í Bjarna Benedikts-
son, fjármála- og efnahagsráðherra.
Valgerður Gunnarsdóttir, einn
þriggja fulltrúa sjálfstæðismanna í
nefndinni, segir skýringar fulltrúa
ráðuneytanna sýna að í einhverjum
tilfellum sé ekki um framúrkeyrslu
að ræða. Það eigi m.a. eftir að taka
tillit til sértekna. „Staðan er því betri
en hún lítur út fyrir að vera á papp-
írunum í dag,“ segir Valgerður.
„Jákvæð teikn“ í ríkisfjármálum
 Formaður fjárlaganefndar Alþingis segir upplýsingar um útgjöld þriggja ráðuneyta ánægjuefni
 Nefndarmenn fengu upplýsingar um 1.650 milljóna halla sem fulltrúar ráðuneytanna leiðréttu
Morgunblaðið/Þórður
Fundur nefndarinnar Guðlaugur Þór Þórðarson Sjálfstæðisflokki, Vigdís
Hauksdóttir Framsóknarflokki, Jón Magnússon og Ólafur Elfar Sigurðsson,
ritarar fjárlaganefndar, og Oddný Harðardóttir Samfylkingu.
Framkvæmda-
stjóri Atlants-
hafsbandalags-
ins, NATO, And-
ers Fogh Ras-
mussen, heim-
sækir Ísland í
dag í boði Sig-
mundar Davíðs
Gunnlaugssonar
forsætisráðherra.
Heimsóknin er
liður í undirbúningi fyrir leiðtoga-
fund NATO sem fram fer í Wales
dagana 4.-5. september. Jafnframt
er um kveðjuheimsókn fram-
kvæmdastjórans að ræða, en hann
lætur af störfum í lok næsta mán-
aðar. Rasmussen mun m.a. funda
með Sigmundi og Gunnari Braga
Sveinssyni utanríkisráðherra.
Rasmussen í
heimsókn
Anders Fogh
Rasmussen
Flugvél lenti harkalega á Tungu-
bakkaflugvelli í Mosfellsbæ í gær-
kvöld en engin slys urðu á fólki, sam-
kvæmt upplýsingum mbl.is. Greint
var frá atvikinu á fréttasíðu bæjar-
blaðsins Mosfellings á Facebook.
Þá nauðlenti lítil flugvél einnig á
Reykjavíkurflugvelli í gær vegna
vélarbilunar. Engin slys urðu heldur
á fólki þar.
Þriðja flugvélin nauðlenti við
Hveragerði í gær en flugmanni tókst
að lenda vélinni á hjólunum, sam-
kvæmt upplýsingum frá lögreglunni
á Selfossi. Lítið tjón varð á henni og
enginn slasaðist.
Ljósmynd/Hilmar Gunnarsson
Óhapp Flugvélin lenti harkalega á
Tungubökkum í gærkvöld.
Þrjú flug-
óhöpp
 Enginn slasaðist