Morgunblaðið - 13.08.2014, Qupperneq 14

BAKSVIÐ
Ágúst Ingi Jónsson
aij@mbl.is
Með vaxandi ferðamannastraumi
og því aðdráttarafli sem íslenskir
jöklar eru fyrir erlenda ferðamenn
hefur samkeppni um vinnuafl auk-
ist í Austur-Skaftafellssýslu. Hjá
Skinney-Þinganesi á Höfn í
Hornafirði hefur 60-70 ungmenn-
um verið bætt við í humarvinnslu
yfir hásumarið og til að mæta af-
leysingum. Í fyrra sóttu um 100
manns um þessi störf, en í ár voru
umsóknirnar 65. „Ferðaþjónustan
blómstrar hér um slóðir og það er
mikil eftirspurn eftir vinnuafli. Við
finnum fyrir samkeppninni, en það
er af hinu góða að nóg atvinna sé á
svæðinu,“ segir Ásgeir Gunnars-
son, útgerðarstjóri Skinneyjar-
Þinganess.
Hreinn makríll og átulaus
Hann segir að makrílvertíðin
hafi gengið mjög vel, en fyrirtækið
gerir út tvö skip, Ásgrím Hall-
dórsson og Jónu Eðvalds, á upp-
sjávarveiðar. „Þetta hefur verið
jöfn og fín vertíð, makríllinn sterk-
ur og átulaus og nýtingin því mjög
góð. Þá skiptir miklu máli að við
höfum nánast eingöngu fengið
hreinan makríl, en það fer illa með
síldina ef hún fæst með makríln-
um. Skipin hafa nánast eingöngu
verið við veiðar í Hvalbakshalli og
aflað vel auk þess sem þangað er
stutt að fara frá Höfn,“ segir Ás-
geir.
Hann segir að menn séu varkár-
ir þegar talið berst að sölu- og
markaðsmálum. Bann Rússa á inn-
flutning frá Noregi og löndum
ESB hjálpi trúlega við að halda
því verði sem fékkst fyrir makríl-
afurðir frá Íslandi í fyrra. Hins
vegar muni fiskur frá þessum
löndum leita annað og það gæti
breytt stöðunni á þeim mörkuðum.
„Tíminn á eftir að leiða í ljós hvert
þetta skilar okkur,“ segir Ásgeir.
Endurnýjuð uppsjávarvinnsla
Uppsjávarvinnsla Skinneyjar-
Þinganess hefur verið endurnýjuð
með nýjum tækjum frá Skaganum
á Akranesi. Frumraunin í vinnsl-
unni hefur verið á makrílvertíðinni
síðustu vikur. Ásgeir segir að
smám saman hafi menn sigrast á
byrjunarörðugleikum og náð betri
tökum á nýrri tækni og tækjum.
Tveir bátar fyrirtækisins eru á
humarveiðum, Skinney og Þórir,
og hefur vertíðin gengið vel, að
sögn Ásgeir. Bolfiskkvótar fisk-
veiðiársins eru hins vegar upp-
urnir og liggja þrír bátar því
bundnir við bryggju.
Samkeppni um vinnuaflið á Höfn
 Makríl- og humarveiðar hafa gengið vel  Varkárni í umræðum um sölu- og markaðsmál
Ljósmynd/Bjarni Ólafur Stefánsson
Glaðleg í vinnunni Nokkrir tugir ungmenna starfa á sumrin við humar-
vinnslu á Höfn. Til vinstri er Ingibjörg Lúcía Ragnarsdóttir, en til hægri
Agnar Jökull Imsland Arason og Hrafn Logi Hermannsson í bakgrunni.
14 FRÉTTIRInnlent
MORGUNBLAÐIÐ MIÐVIKUDAGUR 13. ÁGÚST 2014
Makrílvertíðin hefur gengið vel það
sem af er sumri og hefur makríll
fengist víða við landið. Ekki er talið
að vandkvæði verði á því að selja
makríl og minni líkur eru taldar á
verðlækkun eftir að Rússar settu
innflutningsbann á fisk frá Noregi
og löndum Evrópusambandsins. Í
mörgum sveitarfélögum er makríll-
inn mikil búbót fyrir fólk, fyrirtæki
og bæjarsjóði.
Sem dæmi má nefna að Vinnslu-
stöðin í Vestmannaeyjum bætti um
170 starfsmönnum við í upphafi
makrílvertíðar, en makríll, humar
og bolfiskur hefur síðustu vikur ver-
ið unninn jöfnum höndum. Í fyrra
fengu yfir 500 manns yfir 300 millj-
ónir króna í greidd laun í Vinnslu-
stöðinni fyrir júlímánuð, sem er
stærsti mánuður ársins hjá fyrir-
tækinu, að sögn Sigurgeirs Brynj-
ars Kristgeirssonar framkvæmda-
stjóra. Meðallaunin hafa því verið
um 600 þúsund krónur í mánuðinum
hjá Vinnslustöðinni, til sjós og
lands.
Um 70 milljónir í útsvar í júlí
Sigurgeir segir að launagreiðslur
í júlímánuði séu trúlega ívið hærri í
ár. Af þessari upphæð fari um 70
milljónir í útsvar til bæjarfélagsins
fyrir utan aðra skatta og skyldur
fyrirtækisins og einstaklinga.
„Það hefur gengið vel að fiska í
sumar,“ segir Sigurgeir. „Skipin eru
á tvílembingstrolli; Ísleifur er alltaf
úti og er notaður sem toghleri á
móti Sighvati Bjarnasyni og Kap,
sem veiða til skiptis. Þessi veiði-
aðferð hefur gengið mjög vel og þó
svo að við séum eina íslenska út-
gerðin sem notar þessa aðferð er
þetta vel þekkt annars staðar. Fær-
eyingar eru til dæmis mikið á par-
trolli eða tvílembingsveiðum á
stórum skipum.“
Lengst af hafa skipin verið við
veiðar suður af Eyjum en síðustu
daga hafa þau fært sig vestar. Sig-
urgeir segir að mikið virðist vera af
makríl og hann hafi lengst af verið
mjög hreinn, aðeins minni háttar af
síld og kolmunna í aflanum. Best
veiðist þegar bjart sé og hægviðri,
en miður þegar vindur blási og
dumbungur sé yfir.
Sigurgeir segir að þokkalega hafi
gengið að selja afurðir og verð hafi
verið viðunandi en stöðugt þurfi að
meta stöðuna upp á nýtt. „Þegar við
vorum að átta okkur á áhrifum mik-
illar kvótaaukningar á makrílveið-
um í Norðaustur-Atlantshafi var
reiknað með að kaupendur myndu
heldur halda að sér höndum í byrj-
un vertíðar og verðlækkanir voru
yfirvofandi. Menn höfðu ekki
áhyggjur af því að þeir gætu ekki
selt en hins vegar voru áhyggjur af
verðinu.
Rússar þurfa sinn makríl
Þegar Rússar lokuðu síðan á Nor-
eg og Evrópuþjóðirnar breyttist
þessi staða og ákveðinni spennu var
létt af okkur. Rússar þurfa sinn
makríl og munu kaupa af okkur,
Færeyingum og Grænlendingum til
að tryggja sig. Þeir taka ekki áhætt-
una af því að bíða fram á haustið
eins og kaupendur ætluðu sér
greinilega að gera. Þessar aðgerðir
hafa auðvitað mikið að segja al-
mennt á fiskmörkuðum og það skýr-
ist ekki fyrr en kemur fram á haust-
ið hvað gerist á endanum,“ segir
Sigurgeir Brynjar. aij@mbl.is
Góður gangur
á vertíðinni
 Vinnslustöðin bætti við um 170 starfs-
mönnum  Yfir 300 milljónir í laun í júlí
 Vel hefur gengið á tvílembingsveiðum
Morgunblaðið/Ómar Garðarsson
Makrílvinnsla Marta Möller með
sýnishorn af framleiðslunni í
Vinnslustöðinni í gærmorgun.
Samkvæmt upplýsingum á heima-
síðu Fiskistofu er búið að veiða
tæplega 80 þúsund tonn af makríl í
sumar og því á eftir að veiða um 75
þús. tonn. Vertíðin hófst um miðjan
júní og miðað við síðustu ár gæti
orðið kraftur í henni út september.
Skip sem byggja á aflareynslu
eru með mestar aflaheimildir. Þau
eru búin að landa 49 þúsund tonn-
um og eiga því eftir að veiða 64
þúsund tonn. Vinnsluskip hafa veitt
19 þúsund tonn og skip án vinnslu
rúm átta þús. tonn. Á línu og hand-
færi hafa veiðst tæplega þrjú þús-
und t.
Alþjóðahafrannsóknaráðið
(ICES) gaf í vor út nýja ráðgjöf fyr-
ir makrílveiðar í NA-Atlantshafi á
þessu ári. Þar var lagt til að heild-
arveiðin færi ekki yfir 1.011.000
tonn , en ráðgjöf ársins var áður
890 þúsund tonn.
Rússland er stærsta markaðs-
landið fyrir makríl frá Íslandi með
um 45% hlutdeild, Nígería er í öðru
sæti með 20-25%.
Búið að veiða um 80 þúsund tonn
Morgunblaðið/Ómar Garðarsson
Makríll Sandra Dís og Ásta Lilja við vinnu í Ísfélaginu í Vestmannaeyjum.