Morgunblaðið - 13.08.2014, Qupperneq 19

FRÉTTIR 19Erlent
MORGUNBLAÐIÐ MIÐVIKUDAGUR 13. ÁGÚST 2014
AFP
Gyðingar frá Bandaríkjunum og Kanada, sem hafa
ákveðið að gerast innflytjendur í Ísrael, á Ben Gurion-
flugvelli í Lod, nálægt Tel Aviv, í gær. Ofsóknir gegn
gyðingum hafa færst mjög í aukana í Evrópu síðustu
árin, einkum Frakklandi og Þýskalandi. Að sögn Aften-
posten hefur gyðingahatur einnig aukist í Noregi ef
marka má umfangsmikla könnun. Þar reyndust 15%
íbúanna mjög andvíg gyðingum, hlutfallið var 9% í
Danmörku en aðeins 4% í Svíþjóð. Fjórði hver Norð-
maður segir „slæma hegðun“ gyðinga valda andúðinni.
Gerast innflytjendur í Ísrael
Kristján Jónsson
kjon@mbl.is
Íranar hafa nú hætt stuðningi við
forsætisráðherra Íraks undanfarin
ár, Nuri al-Maliki og samþykkja að
flokksbróðir hans, Haidar al-Abadi,
taki við. Abadi nýtur einnig stuðn-
ings Bandaríkjamanna sem hafa
gefið í skyn að verði hann forsætis-
ráðherra muni þeir auka stuðning
við Íraka.
Maliki skipaði í gær hernum,
sem óttast var að myndi reyna
valdarán að undirlagi Malikis, að
hafa engin afskipti af stjórnmálum.
Maliki, sem er sjía-arabi, hefur
verið sakaður um að bera mikla
ábyrgð á þeirri sundrungu sem rík-
ir í landinu. Í stað þess að reyna að
fá súnní-araba til liðs við sig hafi
hann ávallt hyglað sjítum.
Fjöldi erlendra ofstækis-múslíma
úr ýmsum löndum hefur gengið til
liðs við íslamistasamtökin ISIS í
Írak og Sýrlandi. Einn þeirra, ástr-
alskur borgari, hefur birt á netinu
myndir af sér og barnungum son-
um sínum í herklæðum og með
byssur. Á annarri mynd sést einn
sonurinn halda á afhöggnu höfði
sýrlensks stjórnarhermanns, litli
drengurinn loftar varla höfðinu.
Hafa þessar myndir vakið viðbjóð í
Ástralíu og víðar um heiminn.
Hamas-maður notar gamlan
hatursáróður um gyðinga
Fleiri dæmi eru um ofstæki ísl-
amista og ógeðfelldan málflutning.
Aðaltalsmaður Hamas-samtakanna
á Gaza, Osama Hamdan, var ný-
lega í viðtali hjá CNN-sjónvarps-
stöðinni. Sýnt var myndskeið úr ar-
abískri sjónvarpstöð þar sem
Hamdan fullyrti að allir vissu að
gyðingar hefðu það fyrir sið að
drepa kristin börn og nota blóðið í
ósýrða brauðið sem þeir borða um
páskana. Birt var þýðing á ummæl-
unum á ensku.
Fréttamaður CNN spurði
Hamdan ítrekað hvort hann stæði
við þessa fullyrðingu (sem mun
byggjast á hatursáróðri gegn gyð-
ingum á miðöldum í Evrópu), einn-
ig hvort þýðingin væri rétt. Hamd-
an vék sér ávallt undan að svara.
Maliki á
útleið í Írak
 Afþakkar aðstoð hersins við valdarán
Humaima Malik er með hærri laun
en nokkur önnur leikkona í heima-
landinu, Pakistan, að sögn BBC.
En hún hefur samt áhyggjur af því
að landar hennar muni ekki allir
sætta sig við hana í nýjasta hlut-
verkinu. Þar leikur hún í indverskri
mynd á móti miklu goði í Bollywo-
od, Emraan Hashmi – og þau kyss-
ast.
Pakistan er íhaldsamt ríki og þar
til nýlega voru allir kossar klipptir
út úr myndum sem þar voru sýnd-
ar. En margar pakistanskar leik-
konur hafa ekki staðist freistingar
stóru grannþjóðarinnar sem hefur
háð nokkrar styrjaldir við Pakist-
ana. Pakistanar eru ekki ánægðir
og finnst að þær eigi frekar að fá
hlutverk í kvikmyndaverum borg-
arinnar Lahore í Pakistan sem
stundum er nefnd Lollywood.
Önnur mikil
stjarna, Veena
Malik, olli írafári
þegar mynd af
henni í ögrandi
stellingum birt-
ist á forsíðu
karlatímarits í
Indlandi. Það
eina sem hún
„klæddist“ var
stórt tattú á öðr-
um framhandleggnum, stafirnir
ISI. Þeir standa fyrir hina al-
ræmdu og voldugu leyniþjónustu
Pakistans sem oft er sögð stýra
landinu.
En nýlega sást Veena Malik á
leið í viðtal við BBC í London,
klædd múslímabúrku sem hylur all-
an líkamann. Ef til vill var hún að
sýna iðrun. kjon@mbl.is
Pólitískur koss
á hvíta tjaldinu?
Humaima Malik
 Pakistönsk leikkona kyssir Indverja
Fornleifafræð-
ingar í Grikk-
landi hafa fund-
ið grafhaug í
rústum borg-
arinnar Amfí-
pólis frá tím-
anum rétt eftir
dauða Alexand-
ers mikla, 323
fyrir Krist. Er
það stærsti
haugur af þessu tagi sem fundist
hefur í landinu. Ekkert er enn vit-
að um það hver var heygður á
staðnum en
þess má geta að ekki er vitað
hvar Alexander var lagður til
hinstu hvílu. Antonis Samaras for-
sætisráðherra heimsótti staðinn,
sem er um 60 km frá borginni
Serres, í gær og sagði fundinn
einstakan í sinni röð, afar mikil-
vægan. Þvermál haugsins er um
500 metrar. kjon@mbl.is
GRIKKLAND
Fundu haug frá
tímum Alexanders
Brjóstmynd af
Alexander mikla.
Suðurver | Mjódd | Glæsibær | Húsgagnahöllin | Smáratorg | Austurver
Við hjá Bakarameistaranum ehf. leitum að jákvæðum og metnaðarfullum
einstaklingum með ríka þjónustulund til að ganga til liðs við okkur.
Í boði eru afgreiðslustörf og þjónusta við viðskiptavini okkar í glæsilegum
kaffihúsum og bakaríum okkar sem eru staðsett í Austurveri, Glæsibæ,
Húsgagnahöll, Mjódd,Smáratorgi og Suðurveri.
Í boði er 100% starf virka daga vinnutími er frá 5-13, 8-16, 11-19.
Eining hlutastarf í boði 13-19
Íslenskukunnátta er skilyrði.
Sért þú þeim kostum gæddur sem við leitum að, hvetjum við þig að leggja inn umsókn.
Atvinnuumsóknir og ferilskrá má senda á netfangið begga@bakarameistarinn.is
Bakarameistarinn opnaði sína fyrstu verslun árið 1977 í Suðurveri.
Stefna Bakarameistarnans hefur verið allt frá stofnun sú að vera leiðandi
smásölufyrirtæki sem býður breitt úrval af brauðum, tertum og bakkelsi,
jafnframt því að vera í fararbroddi með nýjungar og öflugt vöru-
þróunarstarf. Bakarameistarinn ehf. vill veita viðskiptavinum
sínum hraða og góða þjónustu með jákvæðu og metnaðarfullu
starfsfólki.
Viltu ganga
til liðs við okkur?
ÁLÞAKRENNUR
Viðhaldslitlar
Þegar hús eru klædd með „viðhaldsfrírri“ klæðningu
er nauðsynlegt að nota „viðhaldsfríar“ þakrennur
Rennurnar frá Grövík Verk í Noregi eru gerðar úr 0.9 mm áli og tærast ekki,
ryðga né brotna. Fyrsta rennan var framleidd árið 1956 og er enn í notkun.
Litir til á lager: Svartar, hvítar, gráar, rauðbrúnar og ólitaðar.
Seljum einnig varmaskiptasamstæður, loftræstistokka og tengistykki.
Smiðjuvegi 4C
Box 281 202 Kópavogur
Sími 587 2202
Fax 587 2203
hagblikk@hagblikk.is
www.hagblikk.is
HAGBLIKK ehf.