Morgunblaðið - 26.06.2014, Blaðsíða 2
2 FRÉTTIRInnlent
MORGUNBLAÐIÐ FIMMTUDAGUR 26. JÚNÍ 2014
DIMMALIMM
Laugavegi 53 | Sími 552 3737 | Opið mán.-fös. 10-18, lau. 10-17
IanaReykjavík
Útsalan
hefst
í dag
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Baldur Arnarson
baldura@mbl.is
Seðlabanki Íslands hyggst á næstu
dögum upplýsa erlend trygginga-
félög og söluaðila þeirra á Íslandi um
þeirra stöðu eftir að reglum um
gjaldeyrismál var breytt 19. júní.
Fram kemur í tilkynningu frá
Seðlabankanum að hann muni „leita
leiða til þess að lágmarka hugsanlegt
óhagræði þeirra fjölmörgu einstak-
linga sem gert hafa slíka samninga
við erlend vátryggingafélög“.
Þá segir þar að einstaklingar sem
eiga í viðskiptum við félögin „ættu
ekki að þurfa að bregðast við að svo
stöddu“ og að leitast verði við að
upplýsa almenning um stöðuna.
Eins og komið hefur fram var
reglum um gjaldeyrismál breytt til
að stöðva óheimila söfnun sparnaðar
erlendis. Er áréttað í tilkynningu að
þetta feli ekki í sér nýja túlkun eða
breytingu af hálfu Seðlabankans.
Það sé á ábyrgð söluaðila að tryggja
að samningar samræmist lögum.
Sparnaður sé nefndur trygging
Athygli vekur að í tilkynningunni
segir að „nokkuð [sé] um samninga
sem nefndir hafa verið trygging sem
fela í sér söfnun á höfuðstól eða
sparnaði erlendis að einhverju leyti“.
Hefur Seðlabankinn ekki áður
gengið jafnlangt í að gera grein fyrir
ástæðum þess að reglum var breytt.
Jafnframt vekur það athygli að
tekið er fram að vissar líf- og sjúk-
dómatryggingar séu löglegar, þótt
um blandaða samninga sé að ræða.
Varðar það samninga sem gerðir
voru frá setningu hafta til 19. júní.
„Áréttað er að með líftryggingu í
þessu samhengi er átt við hefð-
bundnar áhættulíftryggingar með
söfnunarþætti þar sem vátrygging-
arfjárhæðin er óháð uppsöfnuðum
höfuðstól. Tilgangur framangreindr-
ar heimildar er að tryggja að ein-
staklingar geti viðhaldið líftrygging-
unni þar sem erfitt gæti verið fyrir
þá að fá sambærilega líftryggingu
annars staðar, t.d. vegna breytts
áhættumats,“ segir í tilkynningunni.
Óvissa um vinsæla líftryggingu
Hákon Hákonarson, eigandi
Tryggingar og ráðgjafar, segir
spurður um tilkynninguna að hann
leggi þann skilning í hana að 101%
líftrygging Friends Provident sem
hann selji, falli ekki undir skilgrein-
ingu Seðlabankans.
„Það er því óvissa um tryggingar
hjá um 12.000 Íslendingum sem gert
hafa slíka samninga síðan höftin
voru sett,“ segir Hákon og bætir við
að mikið álag sé á starfsfólk sitt. Því
hafi borist þúsundir fyrirspurna eftir
að reglunum var breytt 19. júní sl.
Hann furðar sig á frétt í Morgun-
blaðinu í gær um að grunur leiki á
því í Seðlabankanum að trygginga-
miðlarar hafi brotið lög. „Heil stétt
liggur undir ámæli um lögbrot.
Svona vinnubrögð eru óforsvaran-
leg. Vátryggingamiðlarar eru eftir-
litsskyldir af Fjármálaeftirlitinu.
Fyrir 30. apríl ár hvert sendum við
FME ársreikning liðins árs og ef til-
efni þykir til fáum við fyrirspurnir
um einstök atriði. Síðan fáum við
eftirlitsheimsókn minnst einu sinni á
ári frá FME. Ég spyr: Er Seðla-
bankinn að bera FME á brýn að
vinna ekki vinnuna sína? Við erum
ekki eftirlitsskyldir við Seðlabanka.“
Seðlabanki boðar svör næstu daga
Mun upplýsa erlend tryggingafélög og söluaðila um nýjar gjaldeyrisreglur og áhrifin á samninga
Tryggingamiðlari telur nýja tilkynningu SÍ ekki eyða óvissu um líftryggingar um 12.000 Íslendinga
Við erum ekki
eftirlitsskyldir við
Seðlabanka.
Hákon Hákonarson
Líney Sigurðardóttir
Þórshöfn
Tundurdufl frá seinni heimsstyrjöld-
inni var sprengt á Brekknasandi við
Þórshöfn á mánudaginn og voru sér-
fræðingar frá Landhelgisgæslunni
þar að verki en lögreglu hafði verið
tilkynnt um duflið.
Duflið mun hafa verið lengi í sand-
inum en óvíst að það hafi alltaf verið
vel sýnilegt, vegna hreyfingar á
sandinum af völdum sjávarfalla og
veðurs. Að sögn starfsmannanna var
þetta breskt dufl og í því voru um 2-3
kg af sprengiefni en fullhlaðið hefur
duflið innihaldið um 250 kg af efninu
í upphafi. Þetta er ekki í fyrsta sinn
sem slík dufl finnast á sandinum, að
sögn Gæslunnar og landeigenda, og
hefur þeim þá verið eytt.
Brekknasandur er vinsælt útivist-
arsvæði göngufólks. Einnig eru
landeigendur þar oft á ferð með
dráttarvélar að draga saman reka-
við. Veiðimenn og fleiri aka þarna
líka en ós Hafralónsár er við sand-
inn. Full ástæða er því til að gera
lögreglu viðvart ef fólk verður vart
við ókennilega hluti á sandinum.
Sprengdu tundurdufl frá
seinni heimsstyrjöldinni
Fyrir og eftir Ekki var mikið eftir af duflinu þegar það hafði verið sprengt.
Fannst á Brekkna-
sandi við Þórshöfn
Samninganefndir Læknafélags Ís-
lands og Skurðlæknafélags Íslands
funduðu í gær í húsnæði rík-
issáttasemjara vegna kjaradeilu fé-
laganna við ríkið. Var þetta fyrsti
fundurinn í kjaradeilunni eftir að
henni var vísað til sáttasemjara.
Sigurveig Pétursdóttir, formaður
samninganefndar LÍ, sagði í samtali
við mbl.is í gærkvöldi að lítið væri
hægt að segja um gang mála eftir
fundinn, en að þau myndu hittast
aftur á þriðjudaginn eftir viku. Í
máli Sigurveigar í fyrrakvöld kom
fram að enn bæri mikið á milli aðila.
Fundað í
kjaradeilu
lækna
Björgunarfélag Hornafjarðar hóf í
gærkvöldi að svipast um eftir
frönskum ferðamanni sem fór í
göngu á Lónsöræfum þann 17. júní
sl. Ekkert hafði til hans spurst áður
en leitin hófst. Maðurinn hafði sagst
ætla að vera á ferðinni í nokkra daga
en þar sem rúm vika er nú liðin frá
því að hann lagði af stað í ferð sína
var ákveðið að hefja leit að honum.
Ábendingar bárust um ferðir
mannsins eftir að leit hófst í gær-
kvöldi en sést hafði til hans á ferð-
inni á svæðinu síðustu daga. Því var
ekki ástæða til að ætla að eitthvað
amaði að honum og leit var hætt.
Ferðamanns
leitað í gær
félags Íslands, og er þetta fyrsti Aldingarður æsk-
unnar sem opnaður er. Ætlunin er að opna fleiri
slíka garða. Tilgangur verkefnisins er að efla vit-
und og virðingu ungra barna fyrir ræktun ávaxta-
Verkefninu Aldingarði æskunnar var formlega
hleypt af stokkunum í gær við leikskólann Steina-
hlíð á Suðurlandsbraut. Verkefnið er samstarf
Barnavinafélagsins Sumargjafar og Garðyrkju-
trjáa og berjarunna með því að skapa fallegan
trjáreit með algjöra sérstöðu. Verkefninu verður
fylgt eftir með fræðslu til barna, foreldra og ann-
arra sem láta sig málið varða.
Morgunblaðið/Styrmir Kári
Aldingarður æskunnar opnaður