Morgunblaðið - 26.06.2014, Blaðsíða 14

14
MORGUNBLAÐIÐ FIMMTUDAGUR 26. JÚNÍ 2014
Sími 511 8090 • www.yndisauki.is
Dukkahfrá Yndisauka
Dukkah fæst íHagkaupum,Melabúðinni, Fjarðarkaupum,Mosfellsbakaríi, Kjöthöllinni,
Nóatúni,Garðheimum,Miðbúðinni ogBakaríinu viðBrúnnaAkureyri.
OFNBÖKUÐÝSA
MEÐ INDVERSKUMBLÆ
Roð-ogbeinhreinsið ýsuflökinog skerið í hæfilegabita. Setjið
mangó-chutney í skál ogpenslið ýsubitana velmeðþví ábáðum
hliðum. Stráið Indverskudukkah vel yfir beggjamegin. Setjið í
eldfast form.Bakið í ofni við 180°C í 15mín.
Berið frammeðuppáhaldshrísgrjónunumykkar og salati.
Viðar Guðjónsson
vidar@mbl.is
Humarhátíð á Höfn fer fram í 22.
sinn um helgina. Að venju mun
kenna ýmissa grasa. Heimsmet
verður slegið, heimsmeistari verð-
ur krýndur auk þess sem þétt dag-
skrá, sem hófst í gær, verður alveg
fram á sunnudag. „Þróunin hefur
orðið þannig að við höfum einbeitt
okkur að því að hafa þétta
skemmtun á daginn fyrir fjöl-
skyldufólk,“ segir Kristín Krist-
jánsdóttir, verkefnastýra hátíð-
arinnar.
Upphaf Humarhátíðar á Horna-
firði má rekja til frumkvæðis ein-
staklinga og fyrirtækja sem vildu
að haldin yrði árleg útihátíð á
Hornafirði fyrir Hornfirðinga,
brottflutta Hornfirðinga og gesti.
Þetta varð að veruleika árið 1993
og það var Sveitarfélagið Horna-
fjörður sem fór með framkvæmd
hátíðarinnar fyrstu árin en síðan
tóku félagasamtök við. Stærsta há-
tíðin var árið 1997 þegar ald-
arafmæli byggðarfélagsins var
haldið og þá mættu fjögur þúsund
manns. Að sögn Kristínar komu
um þrjú þúsund á hátíðina í fyrra
en á Höfn og í nærliggjandi sveit-
um búa um sautján hundruð
manns.
Ekki gott að slarka mikið
Á hátíðinni verður krýndur
heimsmeistari í hornafjarð-
armanna en eins og nafnið gefur til
kynna á spilaafbrigðið rætur að
rekja til svæðisins. Er það eignað
séra Eiríki Helgasyni í Bjarnanesi.
Að sögn Kristínar er keppt á allt
að fjórtán borðum og eru fjórir á
hverju. Heimamaðurinn Örn Þór
Þorbjörnsson er annar heims-
meistarinn sem krýndur var í
hornafjarðarmanna árið 1998.
Hann segir heimamenn stolta af
spilinu og að hann hafi upplifað
mikla upphefð við sigurinn. „Mað-
ur þarf að hafa mikla útsjónarsemi
auk þess sem spilagjafirnar þurfa
að vera með manni. Svo þarf mað-
ur að vera vel upplagður og ekki
mikið að slarka kvöldið áður,“ seg-
ir Örn. Keppnin hefst klukkan ell-
efu á laugardaginn. Sem fyrr mun
hann taka þátt í ár en hann hefur
ekki náð að endurtaka leikinn frá
sigrinum frækna fyrir sextán ár-
um. Hann segir að erlendir ferða-
menn taki gjarnan þátt í spila-
mennskunni en sigurinn enn sem
komið er ekki fallið þeim í skaut.
Hann segir að skipta megi sig-
urhlutfalli til helminga á milli
heimamanna og aðkomumanna.
Vinsæll lottóskítur
Meðal annars geta gestir tekið
þátt í hinnu sérstæða kúadellu-
lottói. Fer það þannig fram að á
grasflötina eru málaðir merktir
fletir sem líkja má við skákborð.
Svo fá lottóþátttakendur númer
sem táknar hvern flöt. „Síðan er
kýr leidd á svæðið. Kýrin gengur
svo um svæðið þar til hún þarf að
gera stykkin sín og sá vinnur sem
er með númerið sem dellan lendir
á,“ segir Kristín. Hún segir þetta
eingöngu gert ánægjunnar vegna
og engin verðlaun eru í boði.
Kristín segir að yfirleitt sé þess
stutt að bíða að kýrin ljúki sér af.
Einu vandamálin sem upp hafi
komið hafi tengst því þegar dreif-
ing dellunnar er meiri en búist
hafði verið við og hún lendi á milli
tveggja reita. „Krakkarnir veina
eins og á fótboltaleik þegar þeir
horfa á,“ segir Kristín, en gjarnan
er mikið áhorf á viðburðinn.
Heimsins lengsta humarloka
Til stendur að slá heimsmet á
hátíðinni þar sem stærsta humar-
loka heims verður á boðstólum. Má
búast við heimsmetsbætingu frá
því í fyrra þegar lokan var 22
metra löng. Segir Kristín að lokan
verði í það minnsta einum metra
lengri í ár. Að sögn Kristínar hefur
hátíðin mikla þýðingu fyrir fólk á
Höfn. „Samfélagið þéttist allt.
Hvert hverfi fyrir sig er skreytt og
veitt eru verðlaun fyrir það. Í gær-
kvöldi (á þriðjudagskvöld) voru
milljón manns úti að búa til
skreytingar því það er svo mikill
metnaður og samkeppni á milli
hverfanna. Haldnir eru fundir þar
sem þemað er ákveðið og allir vilja
leggja hönd á plóg. Þú hefur
kannski ekki talað við manninn í
næsta húsi en allt í einu eruð þið
farnir að tala saman um skraut eða
útbúa humarsúpu,“ segir Kristín.
Sjálf var hún var upphaflega
fengin til þess að starfa við hátíð-
ina fyrir þremur árum þegar hún
bjó í Reykjavík. Hún varð svo
„skotin“ í bænum að hún ákvað að
flytja til Hafnar.
Fyrstur að sprengja dekkið
Meðal annars er keppt í svokall-
aðri „burnout“-keppni þar sem
áhugamenn um kraftmiklar sjálf-
rennireiðir koma saman. Meðal
annars er keppt í því hver sé fljót-
astur að sprengja dekk með því að
spóla á staðnum.
Þá er margt að sjá í bænum.
Fyrst má nefna Gömlubúð við
gömlu höfnina þar sem verið er að
gera upp gömlu bæjarmyndina en
aðaldagskrá hátíðarinnar fer fram
við höfnina. Þar er gestastofa
Vatnajökulsþjóðgarðs, söfn og sýn-
ingar. Þar má til að mynda finna
Þórbergssetur, safn tileinkað Þór-
bergi Þórðarsyni rithöfundi.
Heimsmet í
hættu á
Hornafirði
Humarhátíð Gestir á humarhátíð voru margir hrifnir af því sem í boði var í fyrra.
Humarhátíð á Hornafirði
» Humarhátíð á Hornafirði fer
fram um helgina í 22. sinn.
» Að venju geta gestir tekið
þátt í heimsmeistaramótinu í
hornafjarðarmanna, í kúadellu-
lottói og sprengt dekk með því
að spóla á staðnum.
» Bæjarbúar hafa unnið hörð-
um höndum að því að gera
hverfi bæjarins falleg fyrir há-
tíðahöldin.
Formleg dag-
skrá hum-
arhátíðarinnar
hófst í gær.
Fjöldi lista-
manna stígur á
svið um helgina
og þar ber með-
al annarra að
nefna hljóm-
sveitina Kaleó
og Ladda.
Eins og nafn hátíðarinnar gefur
til kynna verður humar innan seil-
ingar við hvert götuhorn. Þannig
verður humarsúpa í boði á fimm
stöðum í bænum. Eins verður súp-
an í boði á Sindravöllum á leikjum
Sindra og Ægis í 2. deild karla og
Sindra og Fram í 1. deild kvenna.
Eins verður humarsúpa í boði fyr-
ir þátttakendur í golfmóti eftir níu
holur. Sundlaug Hornafjarðar
verður að sjálfsögðu opin en frítt
verður í hana til 12 á daginn þeg-
ar hefðbundin dagskrá hefst.
Humarsúpa í boði á
hverju götuhorni á
hátíðardögunum
Humarsúpa verður
víða í boði.
Sólin á Suðausturlandi
Milt veður verður víðast hvar á landinu um helgina en þó gæti vætan sett strik í
reikning sólarþyrstra. Sólargeislarnir munu einna helst ylja landsmönnum á
austanverðu Suðurlandi þar sem spáð er 12-17 stiga
hita. Margt verður í boði á svæðinu fyrir ferðafólk.
Humarhátíð verður á Höfn í Hornafirði en að auki er
gnótt náttúruperla í Vatnajökulsþjóðgarði sem enginn
verður svikinn af að skoða.
Veðurspá kl. 12 á laugardaginn
Loftmyndir ehf.
Heimild: vedur.is
Skaftafell
10°
3
Kirkjubæjarklaustur
-Stjórnarsandur
17°
1
Höfn
12°
3
Hvalnes
12°
2
Laufbali
14°
2
Jökulheimar
11°
2
Setur
Vatnsfell
11°
13°
2
3
Skannaðu kóðann
til að lesa
Helgarferðin – Eltum sólina í sumar