Morgunblaðið - Sunnudagur - 15.06.2014, Page 29
V
ið hönnun heimila reyni ég
alltaf að gera umhverfið af-
slappað og rólegt. Ég legg
ríka áherslu á það að fólki
líði vel og heimilið sé laust við auka-
áreiti. Ég er mjög hrifin af mjúkum,
mildum litum og náttúrulegum efnum
eins og skinni, hör, leðri og grófu
járni, en ég er alls ekki fyrir gerviefni
og skæra liti,“ segir Rut Káradóttir.
Rut, sem er einn fremsti innanhúss-
arkitekt landsins, segir mikilvægt að
greina þarfir fjölskyldunnar vel til þess
að hvert rými heimilisins verði þægi-
legt og virkt.
„Það er ekkert hús fullkomið, en það
sem er svo gaman er að draga fram
það besta á heimilinu. Ef þú vinnur
t.d. mikið heima þá er ómögulegt að
hafa vinnuaðstöðuna undir stiga og
horfa á vegg. Þú verður að finna góð-
an stað þar sem þér líður vel. Fólk er
oft með frábæra stofu og borðstofu
sem það notar ekki en horfir jafnvel á
sjónvarpið á hverju kvöldi á neðri hæð
í gluggalausu svæði. Af hverju ekki að
flytja sjónvarpið upp í stofuna, en hafa
hins vegar kost á því að loka það af,
til dæmis með rennihurð. Mér finnst
gífurlega mikilvægt að þeir staðir sem
eru mest notaðir séu þægilegir og að-
laðandi.“
Þegar hlutir eru keyptir inn á heim-
ilið segir Rut skipta máli að kaupa
ekki allt í sömu búð, heldur blanda
saman ólíkum munum til þess að
skapa persónulegan stíl á heimilinu.
„Í verslunum eins og Epal, Módern
og Lumex fást munir sem standast
tímans tönn og eru vel hannaðir, en
gott er að blanda þeim saman við
muni sem ýta undir karakter og gefa
heimilinu svip. Fallegir hlutir frá versl-
unum eins og Magnólíu á Laufásvegi
og Heimili og hugmyndum á Suður-
landsbraut fara t.d. vel við klassíska,
tímalausa hönnun.“
En hvaðan sækir þú innblástur? „Ég
hélt að það erfiðasta í starfi mínu yrði
að fá hugmyndir, en það hefur ekki
orðið raunin því þær koma nánast á
færibandi. Þegar ég fæ heimili til að
hanna finnst mér einstaklega gaman að
ímynda mér að ég sé að flytja þangað
inn sjálf og þannig reyni ég að setja
mig í spor þess sem ég er að vinna
fyrir hverju sinni. Þannig spretta fram
hugmyndir og þannig get ég flutt sjálf
oft í huganum,“ segir Rut og hlær.
„Það er svo skemmtilegt.“
Rut Káradóttir segir mikilvægt að þeir staðir
sem eru mest notaðir séu þægilegir.
Dregur fram
það besta
á heimilinu
RUT KÁRADÓTTIR INNANHÚSSARKITEKT BÝR ÁSAMT
EIGINMANNI SÍNUM, KRISTNI ARNARSYNI MARKAÐSRÁÐGJAFA, OG
ELLEFU ÁRA DÓTTUR ÞEIRRA Í FALLEGU EINBÝLISHÚSI Í BREIÐHOLT-
INU. HEIMILIÐ, SEM ER ÁKAFLEGA HLÝLEGT, EINKENNIST AF PERSÓNU-
LEGUM STÍL OG MIKLUM KARAKTER.
Texti: Sigurborg Selma Karlsdóttir sigurborg@mbl.is
Ljósmyndir: Ómar Óskarsson omar@mbl.is
HUGMYNDIRNAR KOMA NÁNAST Á FÆRIBANDI
Dásamlega inn-
réttað herbergi
ellefu ára dótt-
ur hjónanna.
Rut ver miklum
tíma á vinnustofu
sinni og segir því
nauðsynlegt að um-
hverfið sé notalegt.
15.6. 2014 MORGUNBLAÐIÐ SUNNUDAGUR 29
G D a l s b r a u t 1 • A k u r e y r i OP I Ð V i r k a d a g a k l 1 0 – 1 8 o g l a u g a r d a g a 1 1 - 1 6 E I T T S Í M ANÚME R 5 5 8 1 1 0 0
– fyrir lifandi heimili –
LARAMIE Hornsófi.
Brúnt microfiber. D: 95 H: 95 L: 250x250 cm.
339.990
fulltVeRð: 419.990
NÝ OG FALLEG
DRAUMAHÖLL