Morgunblaðið - Sunnudagur - 22.06.2014, Side 30

Matur
og drykkir *2 bollar möndlumjöl, ½ bolli hreint kakó, 3 msk. kókosolía, ¼ bollihlynsíróp eða hunang. 1. Hrærið öllum hráefnunum saman. Bætiðvið sírópi ef deigið er of þurrt. 2. Þrýstið deiginu niður með fingr-unum á botnana og upp kantana í forminu. Kælið eða frystið. Hind-berjafylling – 3 ¾ dl kasjúhnetur, 5 dl frosin hindber, örlítið sjáv-arsalt, hlynsíróp ef þurfa þykir, fersk ber og kókosmjöl til skrauts.Límónufylling – 3 ¾ dl kasjúhnetur,1 ¼ dl límónusafi,1 dl agave-
eða hlynsíróp, 1 dl kókosolía, 1 tsk. vanilla, ½ tsk. sjávarsalt, ¼ van-
illustöng og kornin sköfuð úr, 2/3 dl límónubörkur.
Möndluterta frá Happi
H
ugmyndir um lækningu með mataræði eru ekki nýjar
af nálinni en rannsóknir undanfarinna ára og áratuga
hafa staðfest það í síauknum mæli að mataræði er
grunnurinn að góðri heilsu. Unnur Guðrún Pálsdóttir,
eða Lukka eins og hún er betur þekkt, hefur komið fjölda Ís-
lendinga inn á braut betra mataræðis og um leið betri heilsu frá
því hún stofnaði heilsu- og matsölustaðinn Happ árið 2006.
„Virkni fæðunnar og áhrif matar á heilsu fólks hafa verið mér
hugleikin lengi. Við notum fæðuna bæði til að lækna okkur og
einnig til að byggja upp öflugar forvarnir. Góður og hollur matur
er ein besta forvörnin sem völ er á, samhliða hæfilegri hreyf-
ingu.“
Vísindaleg nálgun byggð á gömlum grunni
Gildi góðs mataræðis hefur lengi verið þekkt en Lukka lætur
það eitt og sér ekki duga enda alltaf verið vísindalega
þenkjandi. „Auðvitað sé ég mun á fólki sem kemur til
okkar og munurinn getur verið töluverður á skömmum
tíma og það er gaman að sjá jákvæða breytingu á fólki.
Mér þykir þó enn skemmtilegra þegar fólk kemur
með niðurstöður rannsókna til staðfestingar um ár-
angur mataræðisins,“ segir Lukka, sem fær fjölda
fólks til sín eftir ráð frá lækni eða öðru heilbrigð-
isstarfsfólki. „Hugarfarsbreyting hef-
ur átt sér stað um gildi mataræðis
og mér finnst læknar og annað heil-
brigðisstarfsfólk vera, sem betur fer,
að beina fólki inn á braut betra mat-
aræðis til að vinna á ýmsum kvillum.“
Hjá Happi er ekki einungis boðið upp
á girnilegan matseðil heldur gefst við-
skiptavinum kostur á að fá matarpakka
eftir þörf. „Annars vegar býð ég upp á
nokkra staðlaða matarpakka sem eiga að
duga flestum yfir daginn. Þegar hins vegar
þarf að taka á sérstöku vandamáli, sem hrjá-
ir viðkomandi, sest ég niður með fólki og
sníð matarpakkann eftir þörf hvers
og eins. Ef um háan blóðþrýsting er
að ræða er ég t.d. með meira af fæði
sem hjálpar til að lækka hann og tek út
það sem getur hækkað hann.“
Hollur matur á að vera góður matur
Í Happi eru þrjár grunnstoðir sem Lukka
segir að allur matur verði að uppfylla. „Ég
hef lagt mikið upp úr því að allur matur hjá
okkur sé allt í senn hollur, líti vel út og síð-
ast en ekki síst: sé góður. Auðvitað getur
þetta verið smekksatriði en almennt á þetta
við um allan mat hjá okkur. Þetta er eins og
kollur, hann þarf þrjár stoðir til að standa.
Þetta eru stoðirnar okkar sem byggjast á holl-
ustu, útliti og bragði.“
Nálgun Happs að mat er langt í frá fráleit enda
segir það sig sjálft að matur hefur áhrif á líkaman.
Það er undir okkur einum komið hvort við kjósum að
láta ofan í okkur hollan eða óhollan mat.
Kúrbítsspagetti
með rauðu quinoa
og cuminkrydduðu
lambafilet.
Morgunblaðið/Þórður
HEIMSKLASSA HEILSUMATUR
Lækningin í matnum
GÓÐUR MATUR ER ALLT Í SENN HOLLUR, FALLEGA SETTUR FRAM OG BRAGÐGÓÐUR AÐ MATI LUKKU
EN HÚN HEFUR FÆRT ÍSLENDINGUM LITRÍKAN, HOLLAN OG GÓÐAN MAT SÍÐAN HÚN OPNAÐI
HEILSU- OG MATSÖLUSTAÐINN HAPP, SEM ER TIL HÚSA Í TURNINUM Á HÖFÐATORGI.
Vilhjálmur A. Kjartansson vilhjalmur@mbl.is
Hindberja chia
grautur með kasjú-
hneturjóma og
hempfræjum.
Unnur Guðrún Páls-
dóttir eða Lukka eins
og flestir þekkja hana.
HINDBERJA CHIA-GRAUTUR MEÐ KASJÚ-
HNETURJÓMA OG HEMPFRÆJUM
1/3 bolli chia-fræ
2 ½ bolli möndlumjólk (t.d. frá Isola Bio)
½ bolli hempfræ
½ msk. kanill
1 bolli bláber
Hellið chia-fræjunum í skál og möndlumjólkinni yfir.
Hrærið reglulega í næstu 10-15 mínútur. Bætið því næst
hempfræjum, kanil og bláberjum út í og haldið áfram að
hræra. Hellið hindberjasósu út á grautinn og hrærið létt.
Setjið í 4 skálar og skreytið með kasjúhneturjóma,
berjum og hempfræjum.
KASJÚHNETURJÓMI
1 bolli kasjúhnetur
1/3 bolli vatn
2 döðlur
Setjið allt hráefnið í blandara og blandið vel.
HINDBERJASÓSA
1 bolli hindber (fersk eða frosin)
3-4 msk. hunang (eða hreint hlynsíróp)
Setjið allt hráefnið í blandara og blandið vel.
KÚRBÍTSSPAGHETTI MEÐ RAUÐU QUINOA
OG CUMIN-KRYDDUÐU LAMBAFILET
Fyrir 4
400 g lambafillet
2 tsk. broddkúmen (cumin)
½ tsk. rautt chilli
1 tsk. sjávarsalt
1 tsk. svartur pipar
¼ bolli ólífuolía
4 dl soðið kínóa
1 box kokteiltómatar
1 gul paprika
1 lítil rauðrófa
2 stk. kúrbítur
Hellið ólífuolíunni í skál og bætið út í broddkúmeni,
rauðu chilli, sjávarsalti og svörtum pipar. Húðið lamba-
kjötið með kryddleginum og steikið á vel heitri pönnu í
3-5 mínútur á hvorri hlið.
Skerið papriku, tómata og rauðrófu í bita og létt-
steikið á pönnunni sem kjötið var á (án þess að hreinsa
hana á milli). Sjóðið quinoa samkvæmt leiðbeiningum á
pakka. Skerið kúrbítinn í lengjur sem líkjast spaghetti.
Gott er að nota mandolin eða önnur rifjárn til að skera
kúrbítinn í skemmtilegar lengjur.
Blandið steikta grænmetinu saman við soðið quinoa
og berið fram á kúrbítsstrimlunum ásamt lambakjötinu.
ENGIFER- OG HNETUSÓSA
1 kúfuð msk. fínt rifið engifer
1 ¼ dl kasjúhnetur, ristaðar
1 ¼ dl eplasafi
1 tsk. agave-síróp
cayenne-pipar á hnífsoddi
sjávarsalt eftir smekk
Setjið allt hráefnið í blandara eða matvinnsluvél og
maukið flauelsmjúkt.