Morgunblaðið - Sunnudagur - 29.06.2014, Page 30

Matur
og drykkir
Hafðu það einfalt
Morgunblaðið/Eyþór
*Morgunmaturinn er oft sagður veramikilvægasta máltíð dagsins en mörgokkar hafa hreinlega ekki tíma til aðtaka saman mikinn morgunmat. Þá get-ur verið gott að taka fram hafrana,skera niður eitt epli, teygja sig í rús-ínurnar og strá kanil yfir. Þá þarf ekkert
annað en heitt vatn til að mýkja upp
grautinn sem er í senn góður og hollur.
Pönnusteikt bleikja með eplasalati og hvít-
vínssósu fyrir 4.
EPLASALATIÐ
Gænt epli skorið í litla teninga
Lítill piparrótarbiti, smátt saxaður
Rjómi, létt þeyttur
Smá salt
Smátt skorið dill
Blandið hráefninu einfaldlega í skál og sal-
atið er tilbúið
BLEIKJAN
Bleikjuflök, svona 2 til 3
Smjör
Tveir skalottlaukar, smátt saxaðir
Hvítlauksrif, smátt saxað
Hvítvín eða mysa
Sítrónupipar
Dill eða önnur fersk kryddjurt
Nýjar kartöflur
Bræðið smjör á pönnu og hitið vel. Steikið
bleikjuna á roðhliðinni fyrst í u.þ.b. 3 mín-
útur. Kryddið með sítrónupiparnum. Snúið
flakinu og steikið hina hliðina í u.þ.b. 2 mín-
útur. Setjið fiskinn á volga matardiska.
SÓSAN
Bætið lauknum og smá hvítvínsslettu út í
steikingarsoðið af fiskinum. Hrærið létt og
náið upp suðunni. Hellið yfir fiskinn. Skreytið
svo diskinn með dilli eða annarri ferskri
kryddjurt.
B
ifröst er án nokkurs vafa þekktust fyrir rætur sínar til Sam-
bands íslenskra samvinnufélaga en árið 1955 flutti Sam-
vinnuskólinn á Bifröst þar sem reist hafði verið hentugt
skólahúsnæði sem í dag er þekkt sem gamla skólahúsið.
Samvinnuskólinn var stofnaður töluvert fyrr eða 1918 og varð Jónas
Jónsson frá Hriflu fyrsti skólastjóri skólans en sr. Guðmundur Sveins-
son tók við skólastjórastarfinu þegar skólinn flutti í Norðurárdal í
Borgarfirði.
Í dag er rekin margvísleg starfsemi á Bifröst sem þjónustar bæði
nemendur skólans og ferðamenn sem eiga styttri eða lengri viðkomu
á svæðinu. Þór Örn Víkingsson er hótelstjóri á Hótel Bifröst en það
er eitt af þremur fornfrægum gisti- og veitingastöðum í Norðurárdal.
„Fornihvammur er löngu aflagður en Hreðavatnsskáli og Hótel Bif-
röst eru enn starfrækt.
Á árum áður var Hótel Bifröst aðeins sumarhótel sem sneri sér al-
farið að skólastarfseminni yfir veturinn en undanfarin misseri hefur
verið lagður grunnur að öflugri greiðasölu allt árið um kring,“ segir
Þór en upp á margt er að bjóða á staðnum enda stutt í golf, veiði og
einstaka náttúru Borgarfjarðar. Hótelið er stórt og býður upp á fjölda
herbergja sem öll uppfylla ýtrustu kröfur nútímaferðalanga en í öllum
herbergjum er þráðlaust net, stór baðherbergi með sturtu, örbylgju-
ofni og góðum ísskáp. Fyrir matgæðinga stendur þó veitingastaðurinn
upp úr en hann er í elsta hluta Bifrastar. „Þetta notalega húsnæði er
fullkomin umgjörð fyrir einfaldan sveitamat enda gamli Hátíðarsal-
urinn og Kringlan óbreytt frá byggingu hússins árið 1949. Matseðill-
inn er ekki stór en fjölbreyttur. Ferskt salat, borgarar, crepes, pitsur,
bláskel, bleikja, nautalundir, lambafillet, að ógleymdum grjónagraut
með lifrarpylsu.“
Veitingastaðurinn á Bifröst býður því upp á nútímalega rétti í bland
við gamla í sérstöku umhverfi gamla Samvinnuskólans.
SKEMMTILEGT KAFFI- OG VEITINGAHÚS Á BIFRÖST
Nútíma sveitastemning
Á BIFRÖST ER REKINN EINSTAKUR KAFFI- OG VEIT-
INGASTAÐUR SAMHLIÐA REKSTRI HÓTELS BIFRASTAR.
ÞAR GEFST TÆKIFÆRI TIL AÐ SNÆÐA BÆÐI KLASS-
ÍSKAN ÍSLENSKAN MAT OG NÚTÍMARÉTTI Í NOTA-
LEGU UMHVERFI GAMLA SKÓLAHÚSSINS Á BIFRÖST.
Vilhjálmur A. Kjartansson vilhjalmur@mbl.is
Allir í fjölskyldunni ættu að finna eitthvað við sitt hæfi á matseðlinum.
Gamla skólahúsið á Bifröst býður upp á einstaka og skemmtilega stemmingu
fyrir kaffi- og veitingahúsagesti og maturinn skemmir heldur ekki fyrir.
Pönnusteikt
bleikja