Stígandi - 01.07.1945, Síða 11

ÞORSTEINN M. JONSSON, skólastjóri
sextugur 20. ágúst 1945
Eftir EGIL ÞÓRLÁKSSON
r ,
IEINU a£ fegurstu og búsælustu héruðum Islands, Fljótsdals-
liéraði, er bærinn Útnyrðingsstaðir. Ekki er það stór jörð, en
þó notasæl. — Fyrir og eftir aldamótin síðustu bjuggu þar búi
sínu valinkunn hjón, Yilborg Þorsteinsdóttir og Jón Ólason. For-
eldrar Vilborgar voru Þorsteinn skáld Mikaelsson, bóndi í Mjóa-
nesi, og seinni kona lians, Sigríður Guðmundsdóttir frá Vaði í
Skriðdal. Foreldrar }óns voru Óli ísleifsson, bóndi á Útnyrðings-
stöðum, og fyrri kona hans, Guðný Pétursdóttir frá Eyjólfsstöðum.
Vilborg var, að sögn kunnugra, kona mikilhæf og mannkosta-
auðUg, véglynd og hugarhlý, heillynd en geðrík og afburða dug-
leg. — }ón var maður ágætlega gefinn, spaklyndur, gerhugull og
greiðasamur, hagur vel á tré og járn og stundaði bókband og
spónasmíði í hjáverkum sínum á vetrum.
Lifðu þau lijón við sæmileg efni.
Þeim Vilborgu og Jóni á Útnyrðingsstöðum fæddust sex börn.
\7ar Þorsteinn Metúsalem, nú skólastjóri og bókaútgefandi á
Akureyri, þeirra yngstur og er nti einn þeirra systkina á lífi.
Frá Útnyrðingsstöðum er hið fegursta útsýni. Skiptast á grónar
Iieiðar með fögrum línum og tignarleg fjöll, er blasa við augum
í fjarska hringinn í kring. Meðal þeirra er eitt tilkomumesta og
hæsta fjall landsins, Snæfell, er gnæfir við liimin í suðvestri. í
landi Útnyrðingsstaða er skóglendi, lækir og lindir, hólar og
klettaborgir.
Þannig er um að litast frá fæðingarstað og æskuheimili Þor-
steins M. Jónssonar.
Þetta fagra og fjölbreytilega umhverfi orkaði að sjálfsögðu á
sálarlíf sveinsins. Tindar fjallanna, löngunr laugaðir ljósflóði
sólar og bláma fjarlægðarinnar, beindu huganum hátt og langt.
Mjúkar línur og litir lreiða og hálsa veittu ró og mildi í huga.
Hjal léttstreyminna lækja sló á strengi glaðværðar, gáska og fjörs.
Hólar og lramrar bjuggu yfir dularfullu lífi og orku og seiddu
fram þrána áð skynja og skilja heim dulmagna og ævintýra.
Erill og önn við fjölbreytileg nytjastörf og barnaleiki á öllum