Stígandi - 01.07.1945, Qupperneq 18

192
ÞORSTEINN M. JÓNSSON SEXTUGUR STÍGANDI
Það mun vera venja manns hennar, þegar honum berast hand-
rit og tilboð um að gefa þau út, að liann fái henni þau í hendur
til yfirlesturs og umsagnar. Telji hún þau samboðin útgáfufyrir-
tæki hans, eru þau tekin, annars vísað frá. Er hún meiri og traust-
ari ráðunautur hans um útgáfu bóka en flestir hyggja.
Frú Sigurjóna Iiefir átt við að stríða langvarandi vanheilsu. Þó
hefir hún af rausn og með umhyggju stjórnað stóru heimili og
gert það aðlaðandi og vistlegt.
Börn þeirra hjóna eru 8 á lífi af 11, er þeirn fæddust. Hópur
sá er mannvænlegur, og flest eru börnin uppkomin.
Þorsteinn „festi ungur ást“ á bókum. Þær voru honum hollur
og áhrifaríkur skóli. Þær voru vinir hans, sem gáfu dýrar gjafir
og glöddu. Og þær voru enn meira. Þær voru helgir hlutir töfrum
gæddir. Hann jiandlék þær með varúð og þoldi ekki að sjá skeyt-
ingarleysislega með jrær farið.
Hvern pening, er honum áskotnaðist, lét liann fyrir bækur,
enda þótt jrað kostaði lengi vel ávítur nokkrar og jrað með til
íhugunar, að sá yrði aldrei sér eða öðrum nýtur, sem svo ráðleysis-
lega færi nreð fé sitt.
Hann heillaðist ungur af kynngi, mætti og fegurð tungunnar
og jrreytti við að skilja torræð orð og töfrabrögð skáldamálsins.
Og jafnvel þegar í bernsku auðnaðist honum að lesa Jrætti úr
lífssögu þjóðarinnar úr orðmyndum og orðatiltækjum hennar.
Þá heilsteyptu skapgerð, sem stjórnað hefir athöfnum lians á
fullorðinsárunum, á hann ef til vill nokkuð að Jrakka lestri forn-
bókmenntanna í æsku sinni.
Um Jrað leyti er Þorsteinn varð læs, tók hann að „búa til“
bækur, smærri og stærri. Hann vandaði til verksins svo sem hann
bezt gat. Jafnskjótt og hver bók var fullgerð, færði hann í hana
ýmsan fróðleik, er hann tíndi saman úr blöðum og lánuðum
bókum ásamt frumsömdu efni. Þá gerði hann Jrað heit, að „búa
til“ enn þá stærri og fallegri bækur, þegar hann væri orðinn
„stór“.
Hann hefir efnt það heit — eins og önnur lieit sín og ákvarð-
anir. —
Bækurnar, sem liann hefir „búið til“, eru margar og merkar
flestar. En langmerkasta bókin er sú, sem hann hefir alltaf verið
að búa til og ekki er enn nema 60 blöð.
Vinir hans allir óska ]>css, að enn megi hann bæta mörgum
blöðum í þá bók og fylla Jrau fögru letri og merkum myndum.