Stígandi - 01.07.1945, Síða 39

STÍGANDI
VÍSUR UM EYJAFJÖRÐ
213
Og hér er moldin mjúk og góð,
hún miklum skilar auði.
En margur á hér andans glóð,
sem eljar fyrir brauði.
Og meðan blessuð sólin sést,
hin svása móðir jarðar,
vor sálargróður blómgast bezt
í byggðum Eyjafjarðar.
Ég sé nú blómgast byggða hag
og bjarta framtíð skína.
En fegurst ómar eyfirzkt lag,
það auðgar sálu mína.
Og Eyjafjarðar svala sæ
æ signi lífsins faðir,
hin tignu fjöll, hvern byggðan bæ
hann blessi um aldaraðir.