Fréttablaðið - 01.03.2013, Blaðsíða 2

1. mars 2013 FÖSTUDAGUR| FRÉTTIR | 2
DÓMSMÁL Margdæmdur ofbeldis-
maður og nauðgari hefur verið
úrskurðaður í nálgunarbann gagn-
vart sextán ára stúlku sem nú
dvelur á meðferðarheimili á vegum
Barnaverndarstofu.
Maðurinn, sem er 32 ára, er
grunaður um að hafa aðstoðað
stúlkuna að strjúka af meðferðar-
heimilinu um miðjan febrúar, gefið
henni fíkniefni og haft við hana
samræði. Niðurstaða dómsins er að
stúlkunni sé háski búinn af fram-
ferði mannsins og bannar honum
því að koma nær heimilinu en
fimmtíu metra eða setja sig með
einhverjum hætti í samband við
hana.
Þetta er í fyrsta sinn sem maður
er úrskurðaður í nálgunarbann af
þessari ástæðu að kröfu barna-
verndaryfirvalda.
Maðurinn sem um ræðir hlaut
nýverið fimm ára fangelsis-
dóm fyrir hrottafengna nauðgun
og hafði áður fengið tveggja og
þriggja ára fangelsisdóma fyrir
ofbeldisverk.
Fram kemur í dómi Hæsta réttar
að maðurinn hafi haldið því fram
að hann hafi engan áhuga á að
eiga samskipti eða samneyti við
stúlkuna. - sh
➜ Maðurinn á sakaferil sem
nær allt aftur til ársins 1998.
Hann hlaut nýverið fimm ára
fangelsisdóm fyrir hrottalega
nauðgun.
FÓLK „Við höfum engan stað að
fara á,“ segir Danguole Visoc-
kiene, einn þrettán íbúa sem
standa nú frammi fyrir því að
verða bornir út úr Vesturvör 27,
jafnvel strax í dag samkvæmt við-
vörunum frá leigusalanum.
Danguole kveðst hafa búið í
Vesturvör 27 frá því hún flutti til
Íslands fyrir um sjö árum. Líkt
og aðrir íbúar í húsinu fékk hún
tilkynningu í fyrrahaust um að
rýma ætti húsið vegna niðurrifs.
Fyrir rúmu ári komst húsið í eigu
Dróma hf. sem sýslar með eignir
þrotabús SPRON.
Danguole segir að íbúar hafi
í vetur flutt úr fimm íbúðum
af ellefu en að í sex íbúðum búi
enn samtals tólf fullorðnir og eitt
fimm ára barn. Þetta fólk er frá
Litháen og Póllandi.
„Ég hef ítrekað óskað eftir því
við Félagsþjónustuna í Kópavogi
að fá íbúð en mér er hafnað,“ segir
Danguole og sýnir svar frá ráð-
gjafa- og íbúðadeild um að hún fái
aðeins 17 punkta af þeim 24 sem
þurfi til að uppfylla skilyrði til
að fá félagslega íbúð. Hún kveðst
vera óvinnufær um þessar mundir
vegna veikinda. Hún lifi því af
bótum frá Tryggingastofnun.
„Hér í húsinu bjó kona sem
þekkti konu hjá Félagsþjónust-
unni. Það tók hana bara 24 klukku-
stundir að fá þar íbúð. Okkur
finnst það mjög óeðlilegt en fáum
engar skýringar,“ segir Danguole
sem aðspurð kveðst leita logandi
ljósi að öðru húsnæði. „Margir
leigusalar vilja fá leiguna greidda
svart og þá eru ekki húsaleigu-
bætur í boði. Aðrir vilja kannski
150 þúsund krónur á mánuði og
það er engin leið að ég geti borgað
það.“
Innifalið í leigunni sem íbúarnir
borga er tiltekin upphæð fyrir
heitt vatn. Danguole kveðst ávallt
hafa staðið í skilum með greiðslur.
Samt sem áður hafi heita vatnið
ítrekað verið tekið af húsinu í
vetur. Sömuleiðis hafi fulltrúi
leigusalans ítrekað birst með hót-
anir og jafnvel sparkað göt í veggi.
Nágranni Danguole í næstu íbúð
er Jurijus Teterevas og kona hans
og fimm ára barn sem þarfnast
mikillar umönnunar vegna ein-
hverfu. Jurijus er atvinnulaus.
Hann segir þau, eins og Danguole,
hafa reynt án árangurs að fá íbúð
hjá Félagsþjónustunni, síðast í
fyrradag.
„Það virðast allar dyr vera
okkur lokaðar. Við vitum ekki
hvað við eigum að gera. Hvað
eigum við að gera?“ spyr Jurijus.
gar@frettabladid.is
Bíða eftir útburði úr
hitalausum íbúðum
Íbúar í Vesturvör 27 í Kópavogi segjast nú bíða þess að verða varpað á dyr með allt
sitt án þess að eiga í önnur hús að venda. Drómi keypti húsið í fyrra og hyggst rífa
það niður. Íbúarnir segja heita vatnið ítrekað hafa verið tekið af húsinu í vetur.
ÍBÚAR Í VESTURVÖR 27 Ná grannarnir Danguole Visockiene og Jurijus Teteveras
eru hér fyrir á miðri mynd fyrir framan heimili sitt síðustu árin og bíða þess að
verða borin út. FRÉTTABLAÐIÐ/VALLI
Okkur finnst það
mjög óeðlilegt en fáum
engar skýringar.
Danguole Visockiene,
íbúi í Vesturvör 27
HEILBRIGÐISMÁL Heilbrigðiseftir-
lit Vesturlands leggur til að
fyrir tækið Gæðakokkar í
Borgar nesi verði kært fyrir
brot á matvælalögum.
Tvær vörur frá Gæða kokkum,
sem voru sagðar innihalda
nautakjöt, gerðu það ekki sam-
kvæmt rannsókn Matvælastofn-
unar.
Heilbrigðiseftirlitið telur ljóst
að fyrirtækið hafi blekkt neyt-
endur. Farið var í heimsókn til
fyrirtækisins fyrr í vikunni og
þá reyndust vörurnar innihalda
kjöt. - þeb
Heilbrigðiseftirlitið ósátt:
Gæðakokkar
verði kærðir
SAMFÉLAGSMÁL Stefnt er að því að
safna þrjátíu milljónum króna í
Mottumars, átaki Krabbameins-
félagsins, í ár. Mottumars hefst
í dag.
Eins og undanfarin ár geta
keppendur skráð sig til leiks í
Mottumars og safnað áheitum
fyrir Krabbameinsfélagið. „Yfir-
varaskegg er táknrænt og hefur
opnað umræðu um viðkvæmt
málefni. Krabbamein hjá karl-
mönnum hefur verið feimnismál
alltof lengi,“ segir Ragnheiður
Haraldsdóttir, forstjóri Krabba-
meinsfélagsins í tilkynningu. - þeb
Stefnt að 30 milljónum:
Mottumars
hefst í dag
FJÁRMÁL Íbúum á hjúkrunarheimilinu Eir hefur verið boðið að fá
afhent langtímaskuldabréf í stað staðgreiðslu þegar íbúðum er skilað.
Fundur var haldinn um lausn á rekstrarvanda Eirar í gær.
„Meginniðurstaðan er sú að til þess að tryggja eignir, réttindi og
hagsmuni þessa fólks verðum við að tryggja það að Eir haldi áfram
starfsemi,“ segir Jón Sigurðsson, stjórnarformaður Eirar, í viðtali
við Stöð 2. Það sé hægt með því að breyta uppgjöri íbúðarréttar fólks
þannig að fólk fái skuldabréf.
Ríkið, fasteignasjóðir og félög vildu ekki koma að málinu og sam-
þykki íbúar ekki þetta samkomulag stefnir í gjaldþrot. - þeb
Ef áætlun verður ekki samþykkt stefnir í gjaldþrot:
Íbúum á Eir boðið skuldabréf
EIR Íbúar hafa þrjár vikur til að gera upp hug sinn varðandi samkomulagið en
stjórnarformaðurinn segir það illskásta kostinn. FRÉTTABLAÐIÐ/PJETUR
VIÐSKIPTI Arion banki hagnaðist um 17,1
milljarð eftir skatta í fyrra. Það er sex
milljónum meiri hagnaður en árið áður.
Þetta kemur fram í tilkynningu frá
bankanum.
Arðsemi eigin fjár var 13,8 prósent,
samanborið við 10,5 prósent árið áður, og
arðsemi af reglulegri starfsemi var 10,6
prósent, örlitlu lægri en 2011 þegar hún
var 11,2 prósent.
Þá jukust rekstrartekjur verulega á
milli ára, úr 33,3 milljörðum árið 2011 í
44,8 milljarða í fyrra. Í tilkynn-
ingunni segir að þetta megi
einkum rekja til þess að
hreinar vaxtatekjur hafi
hækkað, útlán hafi rýrnað
minna að virði og tekjur af
hlutdeildarfélögum aukist.
„Þetta er vel viðunandi
ársuppgjör. Afkoma af
grunnstarfsemi bankans
er ágæt og í takt við okkar væntingar,“ er
haft eftir bankastjóranum Höskuldi H.
Ólafssyni í tilkynningunni.
Meðal annars sem kemur þar fram er
að gengislán bankans hafi verið færð
niður um 5,7 milljarða í fyrra, saman-
borið við 13,8 milljarða árið 2011. Þá
hafi launakostnaður bankans hækkað
um 11 prósent, þar af um 5,45 prósent
vegna nýs skatts á laun starfsmanna fjár-
málafyrirtækja. - sh
Launakostnaður Arion banka hækkaði um ellefu prósent milli ára:
Arion græddi sautján milljarða
BANKASTJÓRINN
„Þetta er vel viðunandi
ársuppgjör,“ er haft eftir
Höskuldi H. Ólafssyni,
bankastjóra Arion banka, í
tilkynningu.
Margdæmdur ofbeldismaður og nauðgari úrskurðaður í nálgunarbann:
Má ekki nálgast 16 ára stúlku
UMHVERFISMÁL Talið er að mann-
laust skemmtiferðaskipið Liju-
bova Orlova, sem rekið hefur
stjórnlaust um Norður-Atlantshaf
að undanförnu, sé sokkið.
Verið var að draga skipið frá
Nýfundnalandi til Dómin íska lýð-
veldisins á Karíbahafi þegar tog-
vírarnir slitnuðu.
Írska strandgæslan nam í fyrra-
dag merki frá neyðarsendi sem
aðeins kviknar á þegar hann lendir
í sjó. Skipið var afar illa farið og
mikið var af rottum um borð.
Óvíst um skemmtiferðaskip:
Telja að drauga-
skipið sé sokkið
SPURNING DAGSINS
Þorsteinn, eruð þið vissir um
að þetta sé ekki glópagull?
„Já, og við vonum að þetta séu ekki
gyllinæðar.“
Þorsteinn Ingi Sigfússon er forstjóri Nýsköp-
unarmiðstöðvar Íslands. Miðstöðin hefur
verið að yfirfara gögn frá borkjörnum úr gull-
leit í Þormóðsdal en þar virðist vera að finna
gull í vinnanlegu magn.