Fréttablaðið - 01.03.2013, Blaðsíða 62
1. mars 2013 FÖSTUDAGUR| MENNING | 46
„Það er allsherjar frumsýningar-
helgi hjá mér. Bæði er verið að
frumsýna myndina Þetta reddast
og leikritið Karma fyrir fugla í Þjóð-
leikhúsinu í kvöld. Ég missi því af
frumsýningunni á Þetta reddast en
ætla að reyna að komast í bíó um
helgina. Svo langar mig líka að nýta
tímann milli sýninga til að leika við
litla son minn.“
Maríanna Clara Lúthersdóttir leikkona
HELGIN
Grínistinn og útvarpsmaðurinn
Daníel Geir Moritz hefur sent frá
sér lagið Unnur V.4. Myndbandið
við það var unnið upp úr gaman-
myndinni Sódóma Reykjavík.
„Þetta er eldgömul hugmynd.
Ég held ég hafi beðið Óskar Jónas-
son [leikstjóra Sódómu] um leyfi
til að nota myndina í myndband-
ið fyrir tveimur árum. Ég er mjög
ánægður með að þetta er loksins
að koma út. Þetta er mynd sem ég
horfði á endalaust sem unglingur.
Á fjögurra til fimm ára fresti fæ
ég Sódómu-æði og horfi á hana
nokkrum sinnum í röð,“ segir
Daníel.
Hann vann lagið Unnur V.4. upp
úr gömlu pönklagi eftir kunningja
sinn, Ívar Gestsson, sem hann flutti
í Verslóvælinu. Daníel ákvað að búa
til partílag og fékk hljóðmeistarann
og kórstjórann Ingvar Alfreðsson
til að útsetja það og búa til þoku-
kennt tölvupopp. „Textinn er unn-
inn upp úr eftirminnilegasta atriði
myndarinnar þar sem Brjánsi gerir
grín að Ella, félaga sínum, um að
hann sé of miklu holdi vaxinn til að
geta sofið hjá kvenmanni.“
Þrír til viðbótar aðstoðuðu
Daníel Geir við verkefnið, eða Daði
Georgsson, Sturla Már Helgason og
Sindri Gretarsson. „Ég stefni á að
gera meira í tónlist því mér finnst
þetta ferlega gaman. Það er gott að
geta brotið uppistandið hjá sér upp
með skemmtilegum lögum.“ - fb
Textinn tekinn úr uppáhaldskvikmyndinni
Daníel Geir Moritz hefur gert nýtt lag undir áhrifum frá Sódómu Reykjavík, kvikmynd Óskars Jónassonar.
NÝTT LAG Daníel Geir Moritz hefur
sent frá sér lagið Unnur V.4.
FRÉTTABLAÐIÐ/GVA
➜ Sódóma Reykjavík var valin
besta íslenska kvikmyndin í
skoðanakönnun Fréttablaðsins
sem var gerð í október 2010.
■ Umsóknarfrestur á samtímadansbraut rennur út 15. mars.
■ Skilyrði að nemendur hafi lokið stúdentsprófi og framhaldsstigi í dansi
eða sambærilegu námi.
■ Þeir sem hafa bakgrunn í samkvæmisdansi, bardagaíþróttum og fim-
leikum eru eindregið hvattir til að sækja um í ár.
■ Inntökuprófin fara fram dagana 21.-22. maí.
■ Átta nemendur eru teknir inn að loknu inntökuprófi.
■ Þriggja ára nám til 180 eininga sem lýkur með BA-gráðu.
■ Námið miðar að því að skila af sér vel þjálfuðum, skapandi og forvitnum
danslistamönnum sem nálgast viðfangsefni sín með rannsakandi huga og
eru tilbúnir að takast á við starfið í fjölbreyttum og síbreytilegum heimi
samtímadansins.
Samtímadansbraut
„Ég er ósjálfrátt inni í öllum stelpu-
málunum og fæ að heyra ýmis-
legt í tímum sem kannski strákar
fá almennt ekki að heyra,“ segir
Viktor Már Leifsson hlæjandi um
þá reynslu sína að vera eini karl-
kyns nemandinn á samtímadans-
braut Listaháskóla Íslands.
Viktor stundar nám á fyrsta ári
á samtímadansbrautinni sem er
þriggja ára BA-nám. Á yngri árum
áttu bardagaíþróttir og körfubolti
hug Viktors allan en það var svo er
hann sótti á breikdansnámskeið tíu
ára gamall sem hann féll fyrir dans-
inum. „Ég hafði lengi verið for vitinn
um dans og fannst gaman að læra
breikdans. Ég ákvað að fara í List-
dansskóla Íslands þegar ég var 18
ára og kom svo hingað í framhald-
inu,“ segir Viktor sem vissi vel að
hann yrði að öllum líkindum eini
strákurinn á brautinni er hann sótti
um, en hann var eini strákurinn sem
þreytti inntökupróf síðastliðið vor.
„Það hvatti mig áfram. Mig lang-
aði að vera einn af þeim sem brutu
ísinn og þetta hefur verið markmið-
ið frá því að ég var í menntaskóla.“
Viktor dansar bókstaflega frá
morgni til kvölds. Nokkrum sinnum
í viku sækir hann svo aukalega
capoeira-námskeið, sem er brasil-
ískur bardagadans, og parkour-
námskeið. Hann viðurkennir að
það fylgi því bæði kostir og gallar
að vera eini strákurinn í náminu. Til
dæmis er búningsaðstaða Viktors í
geymslu sem þó er búið að flikka
upp á fyrir hann.
„Kosturinn er að ég fæ tækifæri
til gera kannski meira en annars.
Núna er ég til dæmis að aðstoða
þriðja árs nemanda í þeirra sýn-
ingu sem er gaman. Eftir körfu-
boltann er ég samt með svo mikið
keppnisskap að það væri gaman
að hafa samkeppni og fleiri stráka
með mér,“ segir Viktor og bætir við
að hann haldi framtíðarplönunum
opnum. „Ég er smá forvitinn um að
fara út í heim og sjá hvað er í boði
fyrir dansara þar.“ alfrun@frettabladid.is
Er ósjálfrátt inni í
stelpumálunum
Viktor Már Leifsson er eini karlkyns nemandinn á samtímadansbraut Lista-
háskóla Íslands. Hann segir að því fylgi bæði kostir og gallar og mundi gjarna
vilja fá fl eiri stráka í námið. Viktor féll fyrir dansinum er hann sótti breikdans-
námskeið tíu ára gamall og dansar bókstafl ega frá morgni til kvölds.
KOSTIR OG GALLAR Viktor Már Leifsson viðurkennir að það getur stundum verið
skrítið að vera eini strákurinn á samtímadansbraut og segist ósjálfrátt vera inni í
öllum stelpumálunum. Hann mundi gjarna vilja fá fleiri stráka með sér í námið.
FRÉTTABLAÐIÐ/STEFÁN
„Þeir eiga lög með Justin Bieber, Snoop
Dogg og Bruno Mars, hafa spilað úti
um allt og toppað fjölmarga lista,“
segir Óli Geir um hipphopp-kvartett-
inn Far East Movement, eða FM,
sem spilar á Keflavík Music Festi-
val 5. til 9. júní.
Sveitin hefur til að mynda hitað
upp fyrir Lady Gaga og meðal
hennar vinsælustu laga má nefna
Live Your Life, Turn up the Love og
Like a G6. Nýjasta lag sveitarinnar, Get
up, hefur svo fengið góðar viðtökur og er í
mikilli spilun hérlendis. Lög FM hafa líka
heyrst á skjánum, til dæmis í myndinni
Get Him To The Greek og þáttunum
CSI Miami og Gossip Girl.
FM er þriðja erlenda atriðið sem
tilkynnt er um á hátíðina en áður
hefur verið sagt frá DMX og Tinie
Tempah. „Þessi þrjú hipphopp-atriði
eru bara byrjunin og við eigum nóg
af atriðum inni sem koma úr öllum
tónlistaráttum,“ segir Óli Geir. Meðal
íslenskra listamanna sem búið er að
staðfesta eru Steed Lord, Valdimar og
Bubbi Morthens en miðasala er á keflavik-
musicfestival.com og stöðvum N1. - trs
sushi & sticks
LÁGMÚLI 4 108 RVK | S. 585 4000 | URVALUTSYN.IS
á mann miðað við 2 fullorðna
í tvíbýli með morgunmat á
Hotel Zentral Center í viku.
Brottför 2. mars.
99.900 KR.-*
Síðustu sætin í vetur frá:
flug og gisting með morgunverði í viku
NÁNAR Á UU.IS
Enn bætist við Kefl avíkurlistann
Strákarnir í Far East Movement væntanlegir á Kefl avík Music Festival í sumar.