Fréttablaðið - 01.03.2013, Blaðsíða 13

FÖSTUDAGUR 1. mars 2013 | FRÉTTIR | 13
landsbankinn.is 410 4000Landsbankinn
Nú býðst viðskiptavinum Landsbankans ný leið til að millifæra.
Það eina sem þarf er netfang eða farsímanúmer viðtakanda, sem
getur verið í hvaða banka sem er. Kynntu þér snjallgreiðslur á
landsbankinn.is eða á farsímavefnum L.is.
„Ég legg kaffið
bara inn á
símanúmerið þitt“
UPPLÝSINGATÆKNI Ísland heldur fjórða sæti
með 8,17 í upplýsingatæknieinkunn hjá
Alþjóðafjarskiptasambandinu (ITU-Inter-
national Telecommunication Union), einni
af undirstofnunum Sameinuðu þjóðanna. Í
nýbirtri skýrslu kemur fram að staða fimm
efstu þjóða sé óbreytt á milli ára. Í efsta sæti
er Suður-Kórea með 8,56 í einkunn.
Stofnunin býr til einkunnina með því að
bera saman ólíka þætti innviða upplýsinga-
tæknikerfa og notkunar þeirra hjá þjóðum
heims. Þannig er horft til aðgengis að upplýs-
ingatækni, notkunar og hæfni fólks í að nýta
sér tæknina. Borin eru saman 155 lönd.
Samkvæmt upplýsingum frá Símanum
er niðurstaðan staðfesting ITU á tækni,
gæðum, útbreiðslu, verði og þekkingu
í íslenska fjarskiptakerfinu og sýnir að
Síminn og Míla hafi á síðustu árum leitt
uppbyggingu og viðhald kerfisins af trausti
og skynsemi.
„Síminn og Míla hafa á árinu 2012 og
munu á árinu 2013 samtals verja tæpum
sjö milljörðum króna í fjárfestingar í fjar-
skiptakerfinu,“ segir í tilkynningu og bent
er á til samanburðar að heildarfjárfestingar
Reykjavíkurborgar á ári nemi um sex millj-
örðum króna. - óká
Ísland í fjórða sæti í samanburði á aðgengi að upplýsingatækni:
Staða efstu landa lítið breyst
UPPLÝSINGATÆKNIEINKUNN LANDA Vill strangari reglur um brottkast
2 NOREGUR Norski þingmaðurinn
Oskar Grimstad lýsti
í viðtali við norska
ríkisútvarpið yfir
óánægju sinni með
bann ESB við brott-
kasti í áföngum.
Sjávarútvegsráðherrar
ESB náðu í vikunni
samkomulagi um að
bann við brottkasti taki gildi frá og með næstu
áramótum. Heimila á allt að 9% brottkast
fyrstu tvö árin, 8% næstu tvö ár á eftir og síðan
7%. Grimstad segir erfitt að hafa eftirlit með
þessu. Maria Damanaki, sjávarútvegsstjóri
ESB, hafði beðið sjávarútvegsráðherrana um að
hafna málamiðlunum.
Suður-Kórea
Svíþjóð
Danmörk
Ísland
Finnland
Holland
Lúxemborg
Japan
Bretland
Sviss
8,56
8,34
8,29
8,17
8,04
7,82
7,76
7,76
7,75
7,68
0 2 4 6 8
HEIMILD: SKÝRSLA ITU, MEASURING THE INFORMATION SOCIETY 2012
Verkbann boðað í skólum
1 DANMÖRK 50.000 danskir kennarar verða sendir heim 1. apríl næstkomandi hafi
samningar milli þeirra og sambands danskra
sveitarfélaga ekki náðst fyrir þann tíma. Í
fréttum danskra fjölmiðla segir að deilt sé
um vinnutíma kennara en þeir vilja halda eða
breyta vinnutímasamkomulaginu sem samband
sveitarfélaganna vill afnema. Kennarar eru
andvígir tillögum um heilsdagsskóla þar sem
þeir óttast að með slíku fyrirkomulagi verði
tími til undirbúnings kennslu of naumur.
Vilja leyfa staðgöngumæðrun
3 SVÍÞJÓÐ Meirihluti ráðgjafanefndar sænska ríkisins um siðfræði læknavísinda
leggur til að kona megi ganga með barn fyrir
aðra ef um fjölskyldutengsl er að ræða. Ráð-
gjafanefndin vill jafnframt að heimilt verði
að gefa barnlausum pörum frjóvguð egg sem
afgangs verða við tæknifrjóvgun. Enn fremur
sér nefndin ekkert athugavert við að frysta egg
til framtíðarnota í félagslegum tilgangi, það er
sé kona ekki komin í varanlegt samband áður
en frjósemi hennar minnkar. Þetta kemur fram
í aðsendri grein þriggja fulltrúa nefndarinnar í
Svenska Dagbladet.
NORÐURLÖND
1
2 3