Fréttablaðið - 01.03.2013, Blaðsíða 56

1. mars 2013 FÖSTUDAGUR| SPORT | 40
visir.is
Allt um leiki
gærkvöldsins
FÓTBOLTI Breiðablik hefur nú átt
í viðræðum við félög í Hollandi
og Belgíu í nokkurn tíma um að
selja til þeirra þrjá unga knatt-
spyrnumenn úr röðum félagsins.
Þegar þau kaup ganga í gegn mun
félagið hafa selt alls tólf leikmenn
til atvinnumannaliða í Evrópu á
einungis þremur árum.
Markmið Breiðabliks er þó ekki
endilega að koma leikmönnum
út í atvinnumennsku, heldur er
það fylgifiskur þess að halda úti
öflugu starfi í yngri flokkum
félagsins. Þetta segir Arnar Bill
Gunnarsson, þjálfari 2. og 3.
flokks karla hjá Breiðabliki.
„Markmiðið hjá Breiðabliki
er að vera sjálfbært félag. Við
viljum að sem flestir leikmenn
meistaraflokks karla og kvenna
séu upp aldir Blikar,“ segir Arnar.
„Þegar félagið varð Íslands-
meistari í fyrsta sinn árið 2010
var liðið fyrst og fremst skipað
ungum og uppöldum leikmönnum.
Síðasta sumar hafði það hlutfall
stórminnkað og var það fyrst og
fremst vegna þess að við höfðum
selt marga leikmenn út og nánast
tæmt úr okkar röðum,“ bætir
hann við.
Eins og sést á meðfylgjandi
leikmannalista eru leikmenn
seldir á mismunandi aldri frá
félaginu. Þess má þó geta að
enginn þeirra þriggja leikmanna
sem eru á leiðinni út hefur spilað
meistaraflokksleik á Íslandsmóti.
Arnar Bill segir of snemmt að
nafngreina þá nú, þar sem ekki
sé búið að ganga endanlega frá
samningum.
Allir hafa fengið að fara
„Við erum alltaf viljugir til að
selja leikmenn, svo lengi sem það
þjónar félaginu og leikmönnunum
sjálfum. Það hefur aldrei gerst
að leikmaður hafi ekki fengið að
fara,“ sagði Arnar en bætir því þó
við að félagið sætti sig ekki við
hvaða verð sem er.
Breiðablik nýtur góðs af því að
vera staðsett í hverfi sem er ríkt af
ungum fjölskyldum. Fjöldi iðkenda
í yngri flokkum er því gríðarlega
mikill. „Við erum með þúsund
krakka í aldurshópnum sextán ára
og yngri. Fjölmennustu flokkarnir
eru með 150 stráka og 90 stelpur
hver,“ segir Arnar Bill en brottfall
í íþróttum er algengara eftir
sextán ára aldurinn.
Þarf að hlúa vel að öllum
„Auðvitað njótum við góðs af því
að vera með alla þessa krakka en
það þarf samt að hlúa að þeim. Það
gerum við með góðu skipulagi,
markvissri vinnu og með vel
menntaða þjálfara. Við höfum svo
ávallt lagt áherslu á að þeir sem
skara fram úr fái aukaæfingar og
krefjandi verkefni eins og að æfa
og keppa með eldri leikmönnum.
Þá er það einnig stefna félagsins
að ungir leikmenn fái tækifæri
með meistaraflokkum þess,“ segir
Arnar Bill.
Hann segir þó að hinir sem ekki
komist í úrvalshópinn séu ekki
vanræktir. „Við gleymum þeim
ekki og teljum að félagið sé að
þjónusta þá líka á fullnægjandi
máta. Enda væri ekki allur þessi
fjöldi að æfa hjá okkur ef það væri
ekki tilfellið.“
Það er þó ekki fyrr en á næstu
árum sem þessi gríðarlegi fjöldi
í yngri flokkunum mun skila sér
upp í 2. flokk og svo meistaraflokk.
„Við erum með aðeins 35 stráka
í 2. flokki nú og sjáum því fram
á að fá gríðarlega fjölgun í efstu
flokkum á næstu árum. Það
komast auðvitað ekki allir að í
meistaraflokki en þetta verður
vonandi til þess að það verða
Blikar um allt land á næstu árum.
Við myndum fagna því.“
eirikur@frettabladid.is
Blikar alltaf viljugir að selja
Breiðablik hefur selt níu leikmenn til atvinnumannaliða í Evrópu á undanförnum fj órum árum og þrír til
viðbótar eru á leiðinni út. Um þúsund krakkar, sextán ára og yngri, eru að æfa með yngri fl okkum félagsins.
Jóhann Berg Guðmundsson, þá 18 ára, til AZ Alkmaar í Hollandi árið 2009
Guðmann Þórisson, þá 23 ára, til Nybergsund í Noregi árið 2010
Alfreð Finnbogason, þá 21 árs, til Lokeren í Belgíu árið 2011
Arnór Sveinn Aðalsteinsson, þá 25 ára, til Hönefoss í Noregi árið 2011
Elfar Freyr Helgason, þá 22 ára, til AEK í Grikklandi árið 2011
Oliver Sigurjónsson, þá 16 ára, til AGF í Danmörku árið 2011
Guðmundur Kristjánsson, þá 23 ára, til Start í Noregi árið 2012
Kristinn Steindórsson, þá 21 árs, til Halmstad í Svíþjóð árið 2012
Adam Örn Arnarson, 17 ára, til NEC Nejmegen árið 2013
Blikar í atvinnumennsku
ARNAR BILL Þjálfari 2. og 3. flokks hjá Breiðabliki. FRÉTTABLAÐIÐ/VALLI
FÓTBOLTI Landsliðsmaðurinn Helgi
Valur Daníelsson er í leit að nýju
félagi eftir að félag hans, AIK í
Svíþjóð, tilkynnti honum að það
myndi ekki framlengja samning
hans sem rennur út í lok ársins.
„Eins og er þá er ekkert að
gerast í mínum málum. Ég má fara
en þeir vilja fá einhvern pening
fyrir mig,“ segir Helgi Valur en
hann getur líka klárað samninginn
og farið er honum lýkur.
„Það er kannski ekkert betra ef
ég fæ ekkert að spila á tímabilinu.
Þetta er því engin óskastaða. Þetta
er búið að vera rólegt. Þær fyrir-
spurnir sem ég hef fengið hafa
ekki verið spennandi.“
Öster hafði samband við hann
fyrir áramót en Helgi vildi ekki
svara þeim eins fljótt og þeir
vildu. „Félagið hefur gert mér ljóst
að það tekur aðra leikmenn fram
yfir mig. Það eru tveir ungir leik-
menn að fara að spila núna. Það
er samt sérstakt að vera búinn að
velja byrjunarlið í desember sem á
að spila í apríl. Þetta er svekkjandi
því ég spilaði vel í fyrra og endaði
tímabilið vel. Ég hefði verið til í að
framlengja og vera hérna áfram
en það var ekki í boði.“
Deildarkeppnin í Svíþjóð
byrjar eftir mánuð en bikar-
keppnin byrjar í næstu viku. AIK
lék þrjá æfingaleiki um daginn
og var Helgi í byrjunarliðinu í
einum þeirra og kom af bekknum
í hinum.
„Ég spila ekki nema 2-3 detti
út. Það hefur gengið illa í þessum
leikjum og við verðum að sjá hvað
setur. Þetta er svekkjandi upp á
landsliðið því ég hef metnað fyrir
að halda mér þar inni. Þá verð ég
að spila,“ segir Helgi en er hann
svartsýnn á að komast ekki frá
félaginu áður en deildarkeppnin
byrjar?
„Já, eins og er. Það er ekkert að
gerast í mínum málum. Það er svo-
lítið svekkjandi.“ - hbg
Svekkjandi því ég var til í að vera áfram
AIK vill losna við Helga Val Daníelsson en leikmaðurinn hefur ekki enn fengið tilboð frá neinu félagi.
MEÐ LANDSLIÐINU Helgi Valur Daníelsson hefur verið fastamaður í landsliði Lars
Lagerbäck. FRÉTTABLAÐIÐ/VILHELM
ÚRSLIT
DOMINO‘S-DEILD KARLA
GRINDAVÍK - KR 100-87 (48-39)
Grindavík: Samuel Zeglinski 30, Aaron Broussard
23, Sigurður Gunnar Þorsteinsson 13/11 fráköst/5
stoðsendingar/6 varin Þorleifur Ólafsson 9, Björn
Steinar Brynjólfsson 8, Ómar Örn Sævarsson 7,
Ólafur Ólafsson 6, Ryan Pettinella 4.
KR: Martin Hermannsson 22, Kristófer Acox 17,
Darshawn McClellan 14, Brynjar Þór Björnsson 12,
Brandon Richardson 12, Helgi Már Magnússon 5,
Finnur Atli Magnusson 5.
SNÆFELL - KEFLAVÍK 79-77 (44-40)
Snæfell: Ryan Amaroso 25, Jay Threatt 18/8
stoðsendingar, Jón Ólafur Jónsson 11/10 fráköst,
Sigurður Þorvaldsson 9, Pálmi Freyr Sigurgeirsson
6, Ólafur Torfason 5, Hafþór Ingi Gunnarsson 3,
Sveinn Arnar Davíðsson 2.
Keflavík: Billy Baptist 23/12 fráköst, Darrel Keith
Lewis 22, Michael Craion 13/14 fráköst, Valur
Orri Valsson 7, Magnús Þór Gunnarsson 5, Snorri
Hrafnkelsson 4, Arnar Freyr Jónsson 3.
STJARNAN - SKALLAGR. 101-92 (53-38)
Stjarnan: Justin Shouse 19, Jarrid Frye 18/8
fráköst/9 stoðsendingar, Sæmundur Valdimarsson
17, Brian Mills 15, Jovan Zdravevski 13, Fannar
Freyr Helgason 9/10 fráköst, Dagur Kár Jónsson 5,
Kjartan Atli Kjartansson 3.
Skallagrímur: Carlos Medlock 29/9 fráköst/6
stoðsendingar, Páll Axel Vilbergsson 18, Hörður
Helgi Hreiðarsson 12, Orri Jónsson 9, Sigmar
Egilsson 9, Davíð Ásgeirsson 5, Trausti Eiríksson 5,
Davíð Guðmundsson 3, Birgir Þór Sverrisson 2.
ÍR - KFÍ 95-86 (32-35, 76-76)
ÍR: Eric James Palm 42, Sveinbjörn Claessen 22,
Nemanja Sovic 15/10 fráköst/5 stoðsendingar,
Hjalti Friðriksson 10, D‘Andre Jordan Williams 5,
Vilhjálmur Theodór Jónsson 1.
KFÍ: Damier Erik Pitts 33, Tyrone Lorenzo
Bradshaw 20/16 fráköst/4 varin, Mirko Stefán
Virijevic 18/10 fráköst, Kristján Pétur Andrésson
6, Jón Hrafn Baldvinsson 4, Hlynur Hreinsson 3,
Guðmundur Jóhann Guðmundsson 2.
N1-DEILD KARLA
FH - AFTURELDING 20-19 (9-9)
Mörk FH (skot): Þorkell Magnússon 5 (9), Ragnar
Jóhannsson 4 (10), Magnús Óli Magnússon 3 (6),
Ásbjörn Friðriksson 3/2 (6/2), Einar Rafn Eiðsson
2/1 (6/2), Ari Magnús Þorgeirsson 1 (1), Sigurður
Ágústsson 1 (1), Andri Berg Haraldsson 1 (2).
Varin skot: Daníel Freyr Andréss. 11 (30/2, 37%),
Mörk Aftureldingar (skot): Þrándur Gíslason
4 (4), Jóhann Jóhannsson 4/1 (10/2), Hilmar
Stefánsson 3/1 (5/1), Pétur Júníusson 2 (2), Helgi
Héðinsson 2 (3), Benedikt R. Kristinsson 2 (6),
Hrafn Ingvarsson 1 (2), Elvar Ásgeirsson 1 (3).
Varin skot: Davíð Svansson 13 (33/3, 39%),
HAUKAR - HK 30-20 (14-8)
Mörk Hauka (skot): Gylfi Gylfason 7 (9),
Sigurbergur Sveinsson 7/3 (13/3), Elías Már
Halldórsson 4 (4), Matthías Árni Ingimarsson 3
(3), Þórður Rafn Guðmundsson 3 (4), Jón Þorbjörn
Jóhannsson 2 (3), Freyr Brynjarsson 2 (4), Adam
Haukur Baumruk 1 (2), Tjörvi Þorgeirsson 1 (5).
Varin skot: Aron Rafn Eðvarðs. 18/1 (37/3, 49%)
Mörk HK (skot): Bjarki Már Elísson 6/3 (9/4),
Jóhann Karl Reynisson 3 (3), Vladimir Djuric 3
(6), Bjarki Már Gunnarsson 2 (2), Daníel Berg
Grétarsson 2 (3), Daníel Örn Einarsson 1 (2),
Ólafur Víðir Ólafsson 1 (2), Garðar Svansson 1 (3),
Tandri Már Konráðsson 1 (9).
Varin skot: Arnór Freyr Stefánsson 12 (41/2, 29%).
VALUR - FRAM 29-30 (12-18)
Mörk Vals (skot): Finnur Ingi Stefánsson 7/2
(12/2), Þorgrímur Smári Ólafsson 6 (8), Atli Már
Báruson 3 (4), Valdimar Þórsson 3/1 (4/1), Agnar
Jónsson 3 (8), Gunnar Harðarson 2 (3), Fannar
Þorbjörnss. 1 (1), Orri Gíslas. 1 (1), Vignir Stefáns.
1 (1), Nikola Dokic 1 (2), Sveinn Sveinss. 1 (3/1).
Varin skot: Lárus Helgi Ólafsson 15/1 (38/4, 39%),
Hlynur Morthens 3 (10, 30%),
Mörk Fram (skot): Jóhann Gunnar Einarsson 10/3
(15/3), Stefán Baldvin Stefánsson 7 (8), Haraldur
Þorvarðarson 4 (5), Sigurður Eggertsson 3 (6/1),
Róbert Aron Hostert 3 (8), Ólafur Magnússon 2
(2), Stefán Darri Þórsson 1 (1).
Varin skot: Magnús Erlendsson 14/1 (35/4, 40%),
Björn Viðar Björnsson 2 (10, 20%),
FÓTBOLTI Vincent Tan, eigandi
Cardiff City, útilokar ekki breyta nafni
félagsins í Cardiff Dragons ef liðið
kemst upp í ensku úrvalsdeildina.
Liðið trónir nú á toppi B-deildarinnar
með átta stiga forystu en með liðinu
leika þeir Aron Einar Gunnarsson og
Heiðar Helguson.
Tan er milljarðamæringur frá Mal-
asíu og hann vill asískar tengingar í
félagið. Hann hefur þegar náð í gegn
breytingum á aðalbúningi félagsins
sem er nú rauður og merki félagsins
var líka breytt.
Nafni Cardiff City
mögulega breytt
KÖRFUBOLTI Magnús Þór Gunnars-
son, fyrirliði Keflavíkur, lék putta-
brotinn í naumu tapi Keflavíkur í
Stykkishólmi í gærkvöldi en hann
gat ekki spilað með Keflavík á
dögunum þegar sjö leikja sigurganga
liðsins endaði með tapi í Borgar-
nesi. Magnús skoraði fimm stig á 27
mínútum í leiknum og komu þau öll í
fyrsta leikhluta.
Keflavík hefur nú tapað tveimur
leikjum í röð síðan að Magnús fingur-
brotnaði að eigin sögn á æfingu á
laugardaginn var. - óój
Magnús lék putta-
brotinn í gærkvöldi
SPORT
BORÐTENNIS Víkingurinn Guðmundur Eggert Stephensen getur náð sögu-
legum áfanga á Íslandsmótinu í borðtennis sem fer fram í íþróttahúsi TBR
við Gnoðarvog um helgina. Guðmundur getur
nefnilega orðið Íslandsmeistari 20. árið í röð
en hann varð fyrst Íslandsmeistari árið 1994,
þá aðeins ellefu ára gamall. Guðmundur vann
þrefalt í fimmtánda sinn í fyrra og hefur alls
unnið 52 Íslandsmeistaratitla á ferlinum.
Guðmundur tapaði ekki lotu í einliðaleik á mótinu
í fyrra og hefur ekki tapað lotu í úrslitaleiknum
undanfarin sex ár. Lilja Rós Jóhannesdóttir
úr Víkingi hefur titil að verja hjá konunum
en hún varð Íslandsmeistari í tíunda sinn í
fyrra. Mótið hefst klukkan 11 á laugardag en
úrslitaleikirnir fara síðan fram á milli 11.30 og
14.30 á sunnudaginn. - óój
Getur unnið tuttugasta árið í röð
FÓTBOLTI Viðar Örn Kjartansson
skrifaði í gærkvöldi undir þriggja ára
samning við Fylki og mun því spila
áfram í Pepsi-deildinni næsta sumar.
Viðar hefur verið að leita sér að liði
eftir að Selfoss féll síðasta haust.
Viðar Örn er 22 ára framherji sem
er markahæsti leikmaður Selfoss í
efstu deild með 10 mörk. Viðar er
fjórði leikmaðurinn sem Fylkir fær
til sín fyrir tímabilið en þeir Tryggvi
Guðmundsson (frá ÍBV), Sverrir
Garðarsson (frá Haukum) og Kristján
Páll Jónsson (frá Leikni) eru einnig
búnir að semja við liðið. - óój
Viðar Örn samdi
við Fylkismenn