Fréttablaðið - 01.03.2013, Blaðsíða 16
1. mars 2013 FÖSTUDAGUR| FRÉTTIR |
Fiskikóngurinn • Sogavegi 3
Heilgrillaður humar
í ofni með hvítlauk, chilli
og íslensku smjöri.
Bláskel 1490 kr.kg
Glæný, frá Stykkishólmi.
Opið laugardag 10–15
Kröfuhafar Glitnis og Kaupþings
gera sér fulla grein fyrir því að
þeir þurfa að gefa eftir hluta eigna
sinna í íslenskum krónum til að
hægt verði að ganga frá nauðasamn-
ingum þrotabúanna tveggja. Þeir
eru tilbúnir til að semja við íslensk
yfirvöld, og eftir atvikum aðra
innlenda aðila, um að selja bæði
Íslandsbanka og Arion banka með
afslætti gegn því að fá greitt með
erlendum eignum. Þá vilja þeir
koma öðrum íslenskum eignum
sínum í einhvers konar fjárfesting-
ar eða selja þær til innlendra aðila.
Þetta hefur komið skýrt fram í við-
ræðum við aðila sem vinna fyrir
báða kröfuhafahópana.
Krónuhópur myndaður
Fréttablaðið greindi frá því í gær að
kröfuhafar bæði Glitnis og Kaup-
þings hefðu á síðustu tveimur vikum
myndað hóp sem gengur undir nafn-
inu krónuhópurinn (e. ISK-working
group). Hlutverk hans á að vera að
kanna forsendur fyrir því að losa
um eignir þrotabúanna, en samtals
eiga þeir 454 milljarða króna virði
af eignum í íslenskum krónum.
Þeirra stærstar eru eignar hlutir
búanna í annars vegar Íslandsbanka
og hins vegar Arion banka, nýju
bönkunum tveimur sem reistir voru
á rústum þeirra föllnu. Hópur, undir
forystu Framtakssjóðs Íslands
(FSÍ), hefur óskað eftir óform legum
viðræðum um að kaupa allavega
annan bankann, og er þar meira
horft til Íslandsbanka. Hug myndin
er þá sú að FSÍ, lífeyris sjóðir
landsins og eftir atvikum aðrir fjár-
festar sem hafa bolmagn til að taka
þátt í svona stórum fjárfestingum,
bankarnir tveir eru saman lagt bók-
færðir á 212 milljarða króna, muni
fá að kaupa bankana með mikl-
um afslætti. Viðmælendur Frétta-
blaðsins innan úr þeim hópi hafa
talað um að það þyrfti að vera á
bilinu 30 til 50 prósenta afsláttur.
Ef kröfuhafarnir fallast á það eru
íslensku fjárfestarnir mögulega til-
búnir til að nota erlendar eignir til
að greiða fyrir bankana.
Finna þarf heimili fyrir krónurnar
Samkvæmt upplýsingum Frétta-
blaðsins eru kröfuhafarnir afar
jákvæðir gagnvart slíkri lausn, þótt
nánari útfærsla verði að liggja fyrir.
Þeir gera sér fullkomlega grein
fyrir því að eignir þrota búanna
tveggja í íslenskum krónum, sam-
tals 454 milljarðar króna, verði
færðar niður í þeim samningum
sem fram undan eru til að leysa úr
slitum búanna. Til að búa sig undir
þessar viðræður mynduðu þeir
meðal annars krónuhópinn svo-
kallaða.
En sala á Íslandsbanka og Arion
banka leysir einungis eitt vanda-
mál af nokkrum. Það þarf einnig að
leysa í hvað hinir 250 milljarðarnir
sem kröfuhafar eiga í krónum eiga
að fara í, enda ljóst að ekki verður
hægt að afnema gjaldeyrishöft hér
á landi fyrr en búið er að binda þá
í langtímaverkefnum eða skulda-
bréfum. Kröfuhafarnir þurfa, með
öðrum orðum, að finna langtíma
„heimili“ fyrir íslensku krónurnar
sína og eru tilbúnir til þess að setj-
ast að samningaborðinu varðandi
þann þátt einnig. Þeir hafa teiknað
upp ýmsa möguleika, að minnsta
kosti fjóra til fimm, sem þeir telja
að gætu verið raunhæfir til að
höggva á hnútinn. Um eðli þeirra,
utan bankasölunnar, ríkir þó mikil
leynd.
Allir eiga að græða
Í samræðum við þá er hins vegar
ljóst, þótt þeir leggi til hug myndir,
að lausnirnar sem ræða á um verði
alltaf að koma frá íslenskum stjórn-
völdum og að lokaákvörðun um
hvort á þær verði fallist verði alltaf
að vera pólitísk.
Í því samhengi telja þeir að sú
ríkisstjórn sem mun setjast að
völdum eftir kosningarnar í apríl
verði að samþykkja þær leiðir sem
verði ofan á. Umboð þeirra sem taka
slíkar ákvarðanir verður að vera
algjört.
Nýleg yfirlýsing Katrínar Júlíus-
dóttur fjármálaráðherra um að hún
hefði virkjað stýrinefnd um losun
fjármagnshafta í nóvember í fyrra
gefur til kynna að íslensk stjórnvöld
séu einnig farin á fullt í þessa vinnu.
Ljóst er að þeir nauðasamningar
sem þrotabúin tvö ætluðu að klára
á síðasta ársfjórðungi 2012 hefur
hreyft verulega við íslensku stjórn-
sýslunni, enda ljóst að afgreiðsla
þeirra myndi mögulega hafa gríðar-
leg áhrif á íslenskan fjármála-
stöðug leika.
Takist hópunum tveim, kröfu-
höfum og stjórnvöldum, að koma sér
saman um sölu banka og bindingu
annarra krónueigna með miklum
afslætti þá mun stórt skref vera
stigið í átt að losun gjaldeyrishafta.
Íslenskir fjárfestar, og þar verða
lífeyrissjóðir líkast til stærstir,
munu eignast eignir með miklum
afslætti og erlendu kröfu hafarnir
munu fá tækifæri til að ljúka nauða-
samningum sínum með þeim hætti
að margir í kröfuhafa hópnum
munu græða gríðarlega mikið af
peningum.
Kröfuhafar tilbúnir að veita afslátt
Stærstu kröfuhafar Glitnis og Kaupþings gera sér grein fyrir því að nauðasamningar þeirra verða ekki samþykktir nema að þeir losi um
krónueignir sínar. Þeir eru tilbúnir að gera slíkt með afslætti og opnir fyrir því að selja viðskiptabanka til lífeyrissjóða eða annarra fjárfesta.
SNÝST ALLT UM KRÓNUR Til að hægt verði að lyfta gjaldeyrishöftum þarf meðal
annars að binda risavaxnar krónueignir kröfuhafa föllnu bankanna til langs tíma
eða koma þeim í hendur aðila sem vilja eiga þær. Fyrir það vilja kröfuhafarnir fá
erlendar eignir, t.d. í evrum. FRÉTTABLAÐIÐ/GVA
Þórður Snær
Júlíusson
thordur@frettabladid.is
Bæði Glitnir og Kaupþing ætluðu sér að ljúka gerð nauðasamninga fyrir síðustu áramót. Bæði búin hafa sótt um
undanþágu frá gjaldeyrishöftum hjá Seðlabanka Íslands til að geta gert það. Í nóvember, þegar mikil umræða fór af
stað í fjölmiðlum og stjórnmálum um möguleg áhrif nauðasamninganna á íslenskan fjármálastöðugleika, þá varð
ljóst að samþykkt þeirra myndi frestast um óákveðinn tíma. Við það féll virði krafna á Glitni og Kaupþing, sem eru
framseljanlegar á markaði, skarpt. Sem dæmi má nefna að væntar endurheimtir krafna í bú Glitnis voru komnar
upp í 31 prósent í ágúst 2012. Í desember voru þær komnar niður í 26 prósent. Til að setja þetta í samhengi þá
voru samþykktar almennar kröfur í bú Glitnis 2.263 milljarðar króna í lok síðasta árs. Hvert prósentustig í endur-
heimtum er því margra milljarða króna virði.
Á þessum tíma seldu stórir aðilar, sem höfðu veðjað á að nauðasamningarnir yrðu samþykktir, kröfur sínar.
Kröfuhafahópurinn tók því nokkrum breytingum. Erlendir vogunar- og fjárfestingarsjóðir eru stærstu kröfuhafar
beggja þrotabúanna. Tveir vogunarsjóðir, Burlington Loan Management og York Global Finance Offshore BDH, eiga
t.d. samþykktar kröfur á Glitni og Kaupþing upp á samtals 511 milljarða króna.
Virði krafna hefur lækkað
VIÐSKIPTI Stjórn Íslandsbanka vill
greiða allt að 30 prósent af hagnaði
síðasta árs í arð til eigenda sinna.
Þetta var ákveðið á stjórnar fundi
á miðvikudag. Hversu há mögu-
leg arðgreiðsla verður mun verða
ákveðið á aðalfundi bankans.
Íslandsbanki hagnaðist alls um
23,4 milljarða króna eftir skatta
á síðasta ári. Hámarksarðgreiðsla
yrði því sjö milljarðar króna.
Um 6,7 milljarðar króna af henni
myndu renna til þrotabús Glitnis,
sem á 95 prósenta hlut í Íslands-
banka, og um 300 milljónir króna
til íslenska ríkisins.
Íslandsbanki birti uppgjör sitt
fyrir árið 2012 í gær. Þar kom
fram að hagnaður af reglulegri
starfsemi bankans hefði verið
15,7 milljarðar króna, sem er 1,8
milljörðum krónum betri niður-
staða en á árinu 2011. Birna
Einars dóttir, bankastjóri Íslands-
banka, segir að útlán hafi verið
mun meiri en árin á undan. Alls
hafi um 100 milljarðar króna af
„brakandi nýjum lánum“ verið
lánuð út á árinu 2012. Heildar-
innlán bankans lækkuðu hins
vegar á milli ára um alls 17 millj-
arða króna. Að sögn Birnu var
það aðallega vegna samdráttar í
innlánum fjármálastofnanna.
Alls hafa um 20.900 einstak-
lingar fengið 463 milljarða
króna afskrifaða, leiðrétta eða
gefna eftir með öðrum hætti frá
stofnun bankans. Birna segir að
allir endurútreikningar lána eigi
að klárast á þessu ári. - þsj
Hagnaðurinn nam 23,4 milljörðum króna í fyrra:
Íslandsbanki vill
greiða 30% í arð
GOTT UPPGJÖR Stjórnendur Íslands-
banka eru ánægðir með uppgjör síðasta
árs. Eiginfjárhlutfall bankans er 25,5
prósent og stjórn hans vill greiða út arð.
Í KABÚL Noorullah seðlabankastjóri og
Reynir Grétarsson, frá Creditinfo, hand-
sala samning. MYND/CREDITINFO
VIÐSKIPTI Creditinfo setur upp
fjárhagsupplýsingakerfi fyrir
seðlabanka Afganistan. Reynir
Grétarsson, stjórnarformaður
Creditinfo, undirritaði samning
um verkefnið í Kabúl 19. febrúar
síðastliðinn.
Fram kemur í tilkynningu að
starfsmenn Creditinfo í Prag og
Reykjavík aðstoði við uppsetn-
ingu kerfisins. Áætlað er að hún
taki sex til sjö mánuði. Alþjóða-
bankinn (World Bank) bauð
verkið út fyrir hönd Seðlabanka
Afganistans. - óká
Lönduðu verki í Afganistan:
Kerfi Creditinfo
innleitt í Kabúl
454 milljarðar
íslenskra króna eru eignir
þrotabúa föllnu bankanna
Glitnis og Kaupþings.
ASKÝRING | 16
KRÖFUHAFAR FÖLLNU BANKANNA TILBÚNIR TIL SAMNINGA