Fréttablaðið - 13.09.2013, Síða 20

13. september 2013 FÖSTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is HELGAREFNI: Kjartan Guðmundsson kjartan@frettabladid.is MENNING: Friðrika Benónýsdóttir fridrikab@frettabladid.is DÆGURMÁL: Sara McMahon sara@frettabladid.is
VÍSIR: Kristján Hjálmarsson, kristjan@visir.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Við undirritaður og forstjóri Landspít-
ala kynntum í gær sameiginlega yfirlýs-
ingu um aðgerðir til að styrkja starfsemi
lyflækningasviðs Landspítala. Það dylst
engum að ástandið er alvarlegt og aðgerða
þörf. Þetta taka heilbrigðisyfirvöld alvar-
lega og ég legg áherslu á að nú verði unnið
hratt og örugglega að úrbótum.
Tuttugu læknar stóðu saman að grein
sem birtist í Fréttablaðinu í gær þar sem
staðan á lyflækningadeild er rakin. Fyrir-
hugaðar aðgerðir til úrbóta sem ég og for-
stjóri LSH kynntum taka á flestum ef ekki
öllum þeim þáttum sem læknarnir lýsa
áhyggjum sínum yfir. Þótt það taki ein-
hvern tíma að hrinda fyrirhuguðum úr-
bótum í framkvæmd bind ég miklar vonir
við að með þessu takist að snúa vondri
þróun við og byggja upp öflugt lyflækn-
ingasvið á nýjan leik.
Dregið verður úr álagi með fleiri hjúkr-
unarrýmum til að flýta fyrir útskrift sjúk-
linga að lokinni meðferð, fagleg forysta
sviðsins verður styrkt, framhalds menntun
í almennum lyflækningum verður efld
með opinberri viðurkenningu yfir stjórnar
heilbrigðis- og menntamála og auknum
fjármunum. Starfshópi verður falið að
gera tillögur um aukið hlutverk LSH sem
háskólasjúkrahús og leiðir til að tryggja
nýliðun í lyflækningum.
Stefnt er að því að nýta betur krafta og
hæfni ýmissa fagstétta með mark vissum
aðgerðum og þannig munu læknar fá auk-
inn stuðning við störf sín. Bráðastarfsemi
LSH verður styrkt og hún sameinuð á
einum stað. LSH mun í samstarfi við heil-
brigðisyfirvöld halda áfram að endurskoða
skipulag læknisþjónustu á Íslandi í því
skyni að bæta aðgengi og gæði þjónust-
unnar um allt land, ásamt því að auka hag-
kvæmni.
Fagleg, örugg og aðgengileg heilbrigðis-
þjónusta er mikilvægt hagsmunamál allra
landsmanna og við búum að mörgu leyti
að mjög góðri heilbrigðisþjónustu sem
við getum verið stolt af. Höfum hugfast
að þetta er ekki sjálfgefið því víðtæk og
sérhæfð heilbrigðisþjónusta með miklum
gæðum eins og við þekkjum er geysilega
kostnaðarsöm fyrir fámenna þjóð. Þetta er
engu að síður það sem við viljum og með
réttu hugarfari, mikilli vinnu og bestu
mögulegri nýtingu fjármuna getum við í
sameiningu tryggt áframhaldandi öfluga
heilbrigðisþjónustu til frambúðar.
Úrbætur á lyfl ækningasviði
Landspítala
HEILBRIGÐIS-
MÁL
Kristján Þór
Júlíusson
heilbrigðisráðherra
F
réttablaðið sagði frá því í gær að Gunnar Bragi Sveins-
son utanríkisráðherra hefði ákveðið að leysa formlega
frá störfum samninganefnd Íslands, sem séð hefur um
aðildarviðræðurnar við Evrópusambandið. Sama á við
um samningahópa um einstök málefni og samráðsnefnd
stjórnvalda og hagsmunasamtaka um viðræðurnar. Allir nefndar-
menn fengu bréf í byrjun vikunnar um að nefndirnar yrðu lagðar
niður.
Gunnar Bragi sagði í samtali
við blaðið að þetta væri bara
„framhald af því hléi sem gert
hefur verið og á ekki að koma
neinum á óvart“.
Hugsanlega kemur þetta þó
þeim á óvart sem tóku mark á því
sem stendur í stjórnarsáttmál-
anum; að gera eigi hlé á aðildar-
viðræðunum, að svo eigi að gera úttekt á stöðu viðræðnanna og
þróun mála innan Evrópusambandsins, ræða hana á Alþingi og
kynna hana fyrir þjóðinni. Og að ekki verði haldið lengra í aðildar-
viðræðunum nema að undangenginni þjóðaratkvæðagreiðslu. Það
skildu flestir í upphafi sem svo að ríkisstjórnin hygðist efna til
slíkrar atkvæðagreiðslu.
Þetta átti ekki sízt við um marga kjósendur Sjálfstæðisflokks-
ins, sem tóku mark á kosningastefnu flokksins: „Kjósendur ákveði
í þjóðaratkvæðagreiðslu á kjörtímabilinu hvort aðildarviðræðum
skuli haldið áfram.“ Formaður og varaformaður flokksins ítrekuðu
það loforð oftsinnis opinberlega og það fylgdi að atkvæðagreiðsl-
una ætti að halda á fyrri hluta kjörtímabilsins. Framsóknar-
flokkurinn talaði reyndar líka um þjóðaratkvæðagreiðslu í sinni
kosningastefnu, en lofaði því ekki með jafnafdráttarlausum hætti
að hún yrði haldin á kjörtímabilinu.
Núna talar utanríkisráðherrann hins vegar alveg skýrt. Hann
sagði í Fréttablaðinu í gær að ekki hefði verið nein ástæða til að
bíða eftir úttektinni sem leggja átti fyrir þing og þjóð í haust: „Nei,
það er engin ástæða til þess vegna þess að þessi ríkisstjórn hefur
talað skýrt um að hún ætlar ekki að halda áfram viðræðum.“
Þarna eru engir fyrirvarar gerðir um hlé, enda væri það fráleitt
þegar ráðherrann er nýbúinn að leggja niður samninganefndina
sem hefur viðræðurnar með höndum. Það er ekki hægt að lýsa því
öllu skýrar yfir að viðræðurnar verði ekki hafnar á ný, sama hvað
gerist og hvað hverjum finnst, til dæmis þeim meirihluta kjósenda
sem segist í skoðanakönnunum vilja klára aðildarviðræðurnar.
Látum liggja á milli hluta að ríkisstjórnin fer þarna gegn
ályktun Alþingis um aðildarviðræðurnar og hefur ekki sótt sér
neitt umboð til þingsins til að hætta þeim. Spyrjum frekar til hvers
þeir voru þessir orðaleppar í stjórnarsáttmálanum, um úttekt,
umræðu, kynningu og þjóðaratkvæði.
Það verður augljósara eftir því sem á líður. Þeir voru eingöngu
hugsaðir til að slá ryki í augu kjósenda. Ríkisstjórnin þarf enga
úttekt til að taka ákvörðun um framhaldið; hún er búin að ákveða
þetta. Og það verður engin þjóðaratkvæðagreiðsla heldur. Þess
þarf ekki. Þau eru búin að ákveða þetta.
Utanríkisráðherrann talaði á þingi í gær fjallbrattur fyrir hönd
beggja stjórnarflokka; að þeir væru einhuga um það hvernig
á málinu hefði verið haldið. Forysta Sjálfstæðisflokksins gerði
engar athugasemdir. Það verður ekki öllu skýrara: Fallegu orðin í
kosningabæklingunum og stjórnarsáttmálanum voru blöff.
Talið um úttekt og atkvæðagreiðslu var blekking:
Evrópublöffið
Ólafur Þ.
Stephensen
olafur@frettabladid.is
Á skjön við forystuna
Vilhjálmur Bjarnason, þingmaður
Sjálfstæðisflokks, jaðarsetti sig með
giska skýrum hætti frá forystu-
mönnum stjórnarflokkanna í gær.
Þar steig hann í pontu í umræðum
um skýrslu utanríkisráðherra um
Evrópumál og byrjaði á því að
lýsa yfir vonbrigðum með ákvæði
stjórnarsáttmálans um Evrópumál. Þá
væru vinnubrögð ríkisstjórn-
arinnar í ESB-málinu „ekki í
samræmi við það þingræði
sem ég tel að eigi að ríkja
hér á landi“. Einnig sagði
Vilhjálmur að vildi þjóð
vera sjálfstæð þyrfti oft
að taka ákvarðanir sem
fælu í sér
framsal
fullveldis
og loks viðraði hann skoðanir sínar
á krónunni, sem ríma kannski ekki
alfarið við yfirlýsingar forystunnar.
Rúmar tíu mínútur
Vafalaust hafa fáir búist við því að
Vilhjálmur yrði léttur í taumi en
kannski hafa fæstir átt von á því að
hann talaði sig á þennan stað strax í
sjöttu þingræðu sinni, þar sem hann
hafði áður talað í rúmar tíu mín-
útur úr ræðupúlti Alþingis.
Leyndarmál, ekki segja frá …
Í vikunni var kynnt ný markaðs-
herferð Íslandsstofu undir yfir-
skriftinni „Leyndarmálið Ísland“
og er byggð á hugmyndafræði
Inspired by Iceland. Þar er
fólk meðal annars
hvatt til þess
að segja frá leyndarmálum og leyni-
stöðum; Share your secret. Ókei, gott
og vel. Það er fínt að létta þrýstingi
af landsins helstu náttúruperlum og
ferðamannaseglum þar sem aðstaða
og aðgengi er langt frá því að anna
ágangi fólks. Við skulum þess vegna
beina fólki í massavís á ótroðnar
slóðir þar sem ekki er nokkur að-
staða fyrir hendi og
ekkert skipulag til að
bregðast við ef illa
fer. Hljómar eins
og plan …
thorgils@frettabladid.is
Innskot í Fréttablaðið skilar árangri!
MEST LESNA
DAGBLAÐ Á ÍSLANDI*
Fréttablaðið er mest lesna dagblaðið landsins
með glæsilegt forskot á keppinautana.
Meðallestur Fréttablaðsins í
aldurshópnum 25-54 ára er 73%
á höfuðborgarsvæðinu.*
Við bendum auglýsendum á að notfæra
sér forskotið þegar þeir velja dreifingarleið
fyrir fjölpóst sinn. Við dreifum sex daga
vikunnar til heimila á stærsta markaðssvæði landsins.
Kannaðu dreifileiðir og verð í síma 512 5448
eða í tölvupóstfangi fjolpostur@frettabladid.is
*P
re
nt
m
ið
la
kö
nn
un
C
ap
ac
en
t o
kt
ób
er
–d
es
em
be
r 2
01
2
–
hö
fu
ðb
or
ga
rs
væ
ði
2
5-
54
á
ra
HAFÐU FJÖLPÓSTINN ÞINN
Í FRÉTTABLAÐINU