Fréttablaðið - 14.09.2013, Side 30

14. september 2013 LAUGARDAGUR| HELGIN | 30
Kristján Þór Júlíusson heilbrigðis-ráðherra kynnti á fimmtudag aðgerðaráætlun til að bregðast við manneklu og álagi á lyflækninga sviði Landspítalans. Tuttugu yfirlæknar og prófess-
orar skrifuðu grein í Fréttablaðið í vikunni
þar sem fjallað er um það ófremdarástand
sem ríkir á spítalanum vegna langvarandi
niðurskurðar og atgervisflótta. Sérstakri
nefnd verður gert að skila tillögum til
úrbóta og þá verða fundin ný vistunar-
úrræði fyrir aldraða sjúklinga sem hafa
lokið meðferð á sjúkrahúsinu en hafa ekki
komist í hjúkrunar rými. Kristján vonast
til þess að þessar aðgerðir skili árangri.
„Ég met það svo að það sé fullur pólitískur
vilji og samstaða til að bregðast við þessu
ástandi, þó svo að það kalli á auknar fjár-
heimildir. Ég er þess fullviss að það verði
stuðningur við þann þátt málsins sem kall-
ar á fjármagn,“ segir Kristján. Gert er ráð
fyrir því að nefndin skili tillögum eigi síðar
en 20. september næstkomandi. „Ég mun
síðan skoða með hvaða hætti og hvernig
við getum mætt þessum tillögum. Ég vænti
þess að það muni ganga skjótt og vel.“
Forgangsraða í niðurskurði
Kristján telur að hægt sé ná fram frekari
hagræðingu innan heilbrigðiskerfisins.
„Eðli málsins samkvæmt er óhjákvæmilegt
þegar við lendum í efnahagsáföllum eins
og yfir okkur dundu haustið 2008 að horft
sé til heilbrigðismála með hagræðingu og
niðurskurð í huga. Ég tel að sú umræða
sem hefur átt sér stað í þjóðfélaginu síðast-
liðin fjögur til fimm ár út af þessum niður-
skurði sýni að mönnum þykir nóg komið,“
segir Kristján. Hann vill setja heilbrigðis-,
mennta- og löggæslumál í forgang og skera
niður í öðrum málaflokkum. „Meðan við
erum uppi með þessa kröfu og meðan við
erum með þá stöðu að ríkissjóður sé rekinn
með halla upp á 30 milljarða plús þá verð-
um við einfaldlega að setja þessi þrjú mál í
forgang og láta aðra málaflokka líða fyrir
það.“ Kristján nefnir eftirlitsstofnanir og
utanríkisþjónustu í þessu samhengi. „Við
verðum líka að horfa til þess að við erum
búnir að gera mjög vel við okkur Íslend-
ingar á síðustu árum. Þegar við höfðum
ráð til þess, alveg sama hvað menn segja
um pólitík og annað. Ef við lítum þó ekki
væri nema tíu til fimmtán ár aftur í tímann
og sjáum þær breytingar sem hafa orðið á
íslensku þjóðfélagi á þessum tíma og gæðin
sem Íslendingar hafa byggt þá er það óum-
deilt að lífsgæðin sem þjóðin býr við eru til
fyrirmyndar og á margan hátt öfundsverð.“
Nýr Landspítali ekki á dagskrá
Kristján lýsti því yfir þegar hann tók við
ráðherraembætti í vor að hann vildi endur-
skoða áform um byggingu nýs Landspítala
við Hringbraut. „Við erum ekki í neinu færi
til þess að mínu mati, miðað við núverandi
stöðu ríkissjóðs, að taka skóflustungu að
mannvirki sem kostar marga tugi milljarða.
Við getum byrjað á einhverjum áfanga. Ef
ég man rétt þá er þessu skipt niður í þrjá
eða fjóra áfanga og það er sjálfsagt mál að
skoða þetta. Ég er eindregið þeirrar skoð-
unar að það beri að vinna að endurbótum
á húsnæði Landspítalans,“ segir Kristján.
„Ég tel að við getum skoðað minni útfærslu
á ákveðnum þáttum. Það kemur í ljós þegar
fjárlögin verða lögð fram hver áform okkar
í þessu máli eru.“
Stendur ekki til að einkavæða
Stjórnarandstaðan á Alþingi hefur sakað
ríkisstjórnina um að skera niður í heil-
brigðis- og menntamálum til að opna fyrir
einkavæðingu. Kristján hefur sjálfur sagt
að hann vilji beita sér fyrir einkarekstri í
heilsugæslunni og vísar til heilsugæslunnar
í Salahverfi í Kópavogi í því samhengi. „Ég
hef sjálfur lýst því yfir að ég vilji gjarnan
sjá breytingar hjá heilsugæslunni og inn-
leiða fleiri rekstrarform. Ég vil sjá aukinn
einkarekstur en það kann að taka tíma að
ná því fram. Menn hafa reynt að snúa út úr
þessum orðum mínum með þeim hætti að
ég vilji einkavæða heilbrigðiskerfið. Það
stendur ekki til að einkavæða íslenskt heil-
brigðiskerfi. Hins vegar viljum við inn-
leiða meiri einkarekstur og þetta erum við
byrjuð að undirbúa.“
Erfitt að bregðast við atgervisflótta
Um 210 íslenskir læknar hafa flutt til
útlanda á síðustu fjórum árum samkvæmt
upplýsingum frá Læknafélagi Íslands. Í
langflestum tilvikum er um unglækna að
ræða. Á sama tíma hafa 70 læknar komið
heim. Kristján segir þetta vera áhyggju-
efni og að nauðsynlegt sé að hlúa betur að
unglæknum. Í nýjasta tölublaði Lækna-
blaðsins er auglýsing frá norsku einka-
sjúkrahúsi sem er að leita að lýtalækni.
Auglýst laun eru 2 til 2,5 milljónir í norsk-
um krónum á ári eða 40 til 50 milljónir
íslenskar. Til samanburðar má nefna að
meðallaun sérfræðinga á spítölum hér á
landi eru í kringum 12 til 13 milljónir á ári.
Kristján segir að íslenska ríkið geti ekki
keppt við þessi launakjör. „Við munum
aldrei bjóða sömu launakjör. Aldrei. Ég
hef enga trú á því að við munum geta boðið
sömu launakjör eins og ég sá í auglýsing-
um í síðasta Læknablaði, t.d. í Noregi svo
ég tali nú ekki um Dubai og Abu Dhabi. Við
getum hins vegar boðið allt allt önnur lífs-
kjör eða búsetuskilyrði á Íslandi en boðin
eru til dæmis í Dubai eða Abu Dhabi,“ segir
Kristján.
Við-
talið við
Kristján er hægt
að sjá í þættinum
Pólitíkin á
www.vísir.is
visir.is
Höskuldur
Kári Schram
hoskuldur.schram@365.is
Nóg komið af niðurskurði
Kristján Þór Júlíusson heilbrigðisráðherra segir nóg komið af niðurskurði í heilbrigðiskerfinu. Hann vill setja heilbrigðis-,
mennta- og löggæslumál í forgang og skera niður í öðrum málaflokkum. Kristján Þór segir að einkavæðing innan
heilbrigðis kerfisins sé ekki á dagskrá og vill endurskoða áform um byggingu hátæknisjúkrahúss við Hringbraut.
➜ KRISTJÁN ÞÓR JÚLÍUSSON
MENNTUN 1977 Stúdentspróf MA. 1978
Skipstjórnarpróf (1. og 2. stig) frá Stýrimanna-
skólanum í Reykjavík. 1981-1984 Nám í
íslensku og almennum bókmenntum HÍ. 1984
Kennsluréttindapróf HÍ.
HELSTU STÖRF 1978-1981 Stýrimaður og
skipstjóri. 1981-1986 Kennari við Stýrimanna-
skólann á Dalvík.
1984-1986 Kennari við Dalvíkurskóla. 1986-
1994 Bæjar stjóri Dalvíkur.
1994-1997 Bæjarstjóri
Ísafjarðar. 1998-2006
Bæjarstjóri Akureyrar.
23. maí 2013- Heilbrigðis-
ráðherra.
STJÓRNMÁLAÞÁTTTAKA
1998-2009 Í bæjar-
stjórn Akureyrar.
2002- Í mið stjórn
Sjálfstæðisflokksins.
2002-2009 Formaður
sveitarstjórnarráðs
Sjálfstæðisflokksins.
2012- Annar varafor-
maður Sjálfstæðis-
flokksins.
STJÓRNARSETA
OG FÉLAGS-
STÖRF
Hefur setið í
fjölda stjórna,
nefnda og ráða.
NOREGUR
7,9 milljónir
DANMÖRK
7,6 milljónir
ÞÝSKALAND
5,8 milljónir
FINNLAND
5,5 milljónir
SVÍÞJÓÐ
5,3 milljónir
BRETLAND
5,3 milljónir
SPÁNN
4,7 milljónir
ÍSLAND
4,4 milljónir
TÉKKLAND
1,9 milljónir
… og öll fjölskyldan nýtur góðs af!
• •
Hvað á ég að gefa
barninu mínu
að borða?
DAGUR Á LANDSPÍTALA
1.241
sjúklingur
kemur á dag- og
göngudeildir.
5.020
rannsóknir eru
gerðar á rann-
sóknarsviði.
36
börn koma á bráða-
móttöku Barna-
spítala Hringsins.
20
bráðveikir
sjúklingar koma
á Hjartagátt.
221
fyrirspurnum er svarað á
þjónustuborði heilbrigðis-
og upplýsingatæknideildar.
3
tonn af
úr gangi
falla til.
45
viðtöl og með-
ferðir veitt af
félagsráðgjöfum.
Heimild: Ársskýrsla LSH 2012
Tölur í íslenskum krónum
fyrir árið 2010. Heimild:
Hagstofa Íslands
MEÐALÁRSLAUN
Í HEILBRIGÐIS- OG FÉLAGSÞJÓNUSTU
637
sjúklingar liggja
á legudeildum.
3.500
starfsmenn eru í
vinnu.
271
sjúklingur kemur
á bráðamóttöku.
9
börn
fæðast.
56
sjúklingar fara
í skurðaðgerð.
166
sjúklingar koma á göngudeildir
og bráðamóttöku geðsviðs.
11
sjúklingar eru
á gjörgæslu.