Fréttablaðið - 14.09.2013, Síða 48

FÓLK|
Hjólaskíðaiðkun er talsvert algeng í skíðabæjum á borð við Ísafjörð, Akureyri og Ólafsvík. Sportið
hefur ekki verið eins áberandi hér í
Reykjavík en hefur aðeins verið að ryðja
sér til rúms hér, sérstaklega eftir að
skíðagöngufélagið Ullur var stofnað,“
segir Óskar Ragnar Jakobsson, einn
þeirra sem standa fyrir hjólaskíðamóti í
Fossvogsdal um helgina.
Hann segir raunar hvergi betra að
stunda hjólaskíði en einmitt á höfuð-
borgarsvæðinu. „Hér eru frábærir stígar
sem henta mjög vel fyrir hjólaskíði,“
segir hann.
Hann er inntur eftir því hve margir
stundi hjólaskíði hér fyrir sunnan. „Hjóla-
skíði er líklega að finna víða í Reykjavík
en líklega eru þetta um tuttugu til þrjátíu
manns sem stunda þetta reglulega,“ segir
Óskar.
Hann segir ekki mikinn tæknilegan mun
vera á því að stunda hjólaskíði og göngu-
skíði. „Enda voru hjólaskíðin þróuð til að
líkja eftir hreyfingunum og til að viðhalda
gönguskíðaþjálfuninni,“ segir Óskar sem
finnst hjólaskíðaganga afar skemmtileg
þótt hún jafnist ekki á við gönguskíðin.
Hjólaskíðamótið hefst við Víkingsvöll-
inn í Fossvoginum á morgun. Keppt er í
nokkrum flokkum. Yngri flokkar, 12 til 16
ára, eru ræstir klukkan 10 en þeir keppa
á hjólaskíðum eða línuskautum með
stafi. Eldri hóparnir, 17-39 ára og 40 ára
og eldri, fara af stað hálftíma síðar. Yngri
hóparnir fara einn hring, 5 kílómetra, en
þeir eldri tvo.
Hægt að skrá sig til leiks á síðu Ullar
www.ullur.is en einnig er mögulegt að
skrá sig á staðnum. „Við fögnum því að
fá áhorfendur og vonum að göngufólk í
Fossvogsdalnum sýni hjólaskíðafólkinu
þolinmæði,“ segir Ólafur glaðlega.
■ solveig@365.is
SKÍÐAÐ Á MALBIKI
HJÓLASKÍÐAMÓT Skíðagöngufélagið Ullur stendur fyrir árlegu hjólaskíða-
móti í Fossvogsdal á morgun. Þar skíða ungir sem aldnir á malbikuðum
göngustígum og búa sig undir gönguskíðavertíðina.
Á FULLRI FERÐ
Hjólaskíðin eru tækni-
lega svipuð og göngu-
skíðin.
Á HJÓLASKÍÐUM
Mótið verður að þessu
sinni haldið í Fossvogs-
dalnum.
App sem
þú þarft
Nýtt í spjaldtölvuna og snjallsímann
Nú er komið app fyrir Fréttablaðið:
Fáðu Fréttablaðið ókeypis í spjaldtölvuna og snjall-
símann með nýja Fréttablaðsappinu. Nú er hægt að
nálgast Fréttablaðið hvar sem er, á hverjum morgni.
Sláðu inn Fréttablaðið á Google Play, Windows
store eða í App store og náðu í appið.
Undirþrýstingur í miðeyra með vökva.
Eftir þrýstingsjöfnun með Otoventblöðru,
miðeyrað opið og engin vökvi.
Otovent meðferðin er til að létta á undirþrýsting
í miðeyra.
Getur fyrirbyggt og unnið á eyrnabólgu og vanlíðan
með því að tryggja að loftflæði og vökvi eigi greiða leið
frá miðeyra.
Meðferð getur dregið úr eyrnabólgum, sýklalyfjanotkun,
ástungum og rörísetningum. Læknar mæla með Otovent.
Klínískar rannsóknir sýna gagnsemi við lokun í miðeyra,
skertri heyrn eftir eyrnabólgur, óþægindum í eyrum við
flug, sundferðir eða köfun.
Otovent er einfalt og þægilegt fyrir börn og fullorðna.
Rannsóknir sýna góðan árangur. CE merkt.
Fæst í apótekum
Fyrsta hjálp til að
laga og fyrirbyggja
eyrnabólgur
Viðurkennd meðferð
Umboð Celsus ehf