Fréttablaðið - 14.09.2013, Qupperneq 26

14. september 2013 LAUGARDAGUR| HELGIN | 26
knattspyrnuferilinn fyrir alvöru. Hann hóf
störf sem þjálfari á þrítugsaldri og þjálf-
aði bæði yngri flokka og meistaraflokka hjá
minni félögum í Svíþjóð. Eftir að hafa starfað
í hlutastarfi hjá sænska knattspyrnusam-
bandinu var hann ráðinn í fullt starf árið
1990 og sinnti yngri landsliðum Svía.
„Ég þjálfaði t.d. Freddie Ljungberg upp
öll yngri landsliðin frá því hann var fimm-
tán ára,“ segir Lagerbäck, en kantmaðurinn
átti eftir að spila lykilhlutverk í sigursælu A-
landsliði Svía undir stjórn Lagerbäcks.
Undir stjórn Lagerbäcks voru Svíar í
fremstu röð í heimsfótboltanum. Hann skil-
aði landsliðinu á stórmót í sjö tilraunum af
átta. Liðið var aldrei sterkara en á HM 2002
og EM 2004 þar sem liðið féll út í útsláttar-
keppni á gullmarki gegn Senegal í fyrra
skiptið og í vítaspyrnukeppni gegn Hollandi.
„Mér leiðist að tala um heppni í fótbolta.
Hlutirnir féllu ekki með okkur í þessum
leikjum,“ segir Lagerbäck. Sænsku strák-
arnir hans hafi haft alla burði til að fara
langt en þannig sé fótboltinn.
Skert frelsi
Lagerbäck stýrði sænska liðinu út undan-
keppnina fyrir HM 2010 þar sem Svíar
biðu lægri hlut í riðlinum gegn Portúgal og
Dönum og sátu eftir með sárt ennið. Nýtt
verkefni kom fljótlega upp á borðið þegar
símtal barst frá Nígeríu. Karlalandslið
þjóðar innar var í leit að þjálfara fyrir HM í
Suður-Afríku um sumarið.
„Ég var eiginlega viss um að starfið yrði
ekki mitt,“ segir Svíinn. Hann hafi þó ekki
þurft að hugsa sig um þegar það bauðst
honum. Liðið tapaði tveimur leikjum og gerði
eitt jafntefli sem þótti ekki góður árangur.
Forseti Nígeríu var svo óánægður að hann
setti landsliðið í tveggja ára keppnisbann.
Alþjóðaknattspyrnusambandið þurfti að
skerast í leikinn.
Þrátt fyrir að mótið hafi verið vonbrigði
bauðst Lagerbäck að halda áfram störfum en
hann afþakkaði. Hann segir starfið auðvitað
hafa verið spennandi en maður á hans aldri
vilji ekki skrifa undir til fjögurra ára og búa
í Nígeríu eins og óskað var eftir.
„Öryggisgæslan er mikil og þú kemst ekk-
ert einn þíns liðs. Mér fannst erfitt að geta
ekki hreyft mig. Ég met frelsi mitt og vil
geta gert það sem ég vil.“
Launin ekki allt
Svíinn sneri aftur til föðurlandsins og
hélt áfram störfum fyrir sænska knatt-
spyrnusambandið auk þess að sinna verk-
efnum fyrir evrópska sambandið. Haustið
2011 barst honum erindi frá knattspyrnu-
forystunni á Íslandi. Landsliðsþjálfarastað-
an stóð honum til boða en Lagerbäck hafði
komið oftar en einu sinni til Íslands á vegum
UEFA og kynnst land og þjóð.
„Eftir að hafa skoðað þann hóp leikmanna
sem spilaði á Evrópumóti 21 árs landsliða
það sumar virkaði þetta mjög spennandi.“
Töluverð umræða spannst um laun Svíans
þegar hann var ráðinn til starfa. Forveri
hans, Ólafur Jóhannesson, var með um 800
Rok og rigning á þriðjudagskvöldi í september. Tíu þúsund Íslend-ingar eru á leiðinni heim til sín, tugir þúsunda búnir að slökkva á sjónvarpinu og landar þeirra erlendis hafa lokað netvafranum.
Í kjallara herbergi við Laugardalsvöll haltr-
ar maður á sjötugsaldri. „Ekkert stress,“
segir hann og klofar yfir teygða rafmagns-
snúru blaðamanns sem reynir í flýti að
lækka hana. Maðurinn er sænskur og virðist
glotta út í annað.
Á tveimur árum hefur Lars Lagerbäck
umbreytt íslenska karlalandsliðinu. Eng-
inn hefði trúað því að uppselt gæti orðið á
viðureign gegn Albaníu á lokastigum undan-
keppni fyrir heimsmeistaramót. Hvað þá að
fólk myndi syngja með þjóðsöngnum og láta
í sér heyra frá fyrstu mínútu til þeirrar síð-
ustu. Fólk er stolt af strákunum sínum og í
fyrsta sinn er liðið í dauðafæri til að komast
í umspil fyrir HM í Brasilíu næsta sumar.
„Það er frábært að liðið sé komið í annað
sæti riðilsins. Nú er þetta algjörlega í okkar
höndum,“ sagði Lagerbäck á blaðamanna-
fundinum eftir leikinn. Morguninn eftir
flaug sá sænski til síns heima í Svíþjóð þar
sem hann býr stærstan hluta ársins. Fram
undan er undirbúningsvinna fyrir síðustu
leikina í riðlinum eftir mánuð. Vonandi
kemst sænski skógarbóndasonurinn í sveit-
ina sína þar sem hann er alinn upp.
„Þegar ég hef tíma nýt ég þess að fara í
skóginn og fá góða líkamsrækt. Ég get það
samt afar sjaldan starfs míns vegna,“ segir
Lagerbäck, sem er alinn upp á bóndabæ
foreldra sinna við þorpið Ovansjö í Mið-
Svíþjóð. Foreldrar hans ræktuðu kindur
á bænum, sem Lagerbäck keypti síðar af
þeim. Hann heldur þó ekki úti búskap á
bænum í dag. Hann á góðar minningar frá
uppeldisárunum og segir hann, líkt og hjá
öðrum, hafa haft mikil áhrif á líf sitt.
„Ég var mikið með föður mínum á þessum
árum og lærði hvernig hlutirnir virka í skóg-
inum,“ segir Lagerbäck, sem þá var á kafi í
íþróttum. Hinn sænski renndi sér á skíðum,
á skautum í íshokkíi, kastaði körfubolta áður
en fótbolti varð fyrir valinu. Hann þakkar
fyrir tækifærið til að hafa getað prófað
margar íþróttir en viðurkennir að skólinn
hafi oft setið á hakanum.
„Ég var ekki frábær námsmaður. Lífið
snerist um íþróttir vetur sem sumar og
mikill tími fór í þær.“
Ótrúleg velgengni
Lagerbäck spilaði með liði í 3. deild, fyrst
sem miðjumaður en síðar sem „libero“,
frjálsi varnarmaðurinn sem spilaði fyrir
aftan varnarlínuna. Staðan er í raun úrelt í
nútímaknattspyrnu.
„Ég var mjög góður,“ grínast Lagerbäck.
Hann segist þó aldrei hafa látið reyna á
Dáist að viðhorfi Íslendinga
Segja má að Lars Lagerbäck hafi unnið hug og hjörtu íslensku þjóðarinnar. Sænski bóndasonurinn sökkti sér snemma
niður í íþróttir, sem hafa verið lifibrauð hans undanfarna fjóra áratugi. Hann hefur þurft að refsa stórstjörnum, gleymt sér
við munntóbaksnotkun, afþakkað peninga olíufursta en tekið við landsliði Íslands sem mögulega kemst á HM í Brasilíu.
Kolbeinn Tumi
Daðason
kolbeinntumi@frettabladid.is
➜ Lars segir það mýtu að honum sé í nöp við sænska blaðamenn.
„Það eru nokkrir blaðamenn í Svíþjóð sem ég ber ekki virðingu fyrir,“
segir Svíinn. Viðkomandi taki hlutina ítrekað úr samhengi og birti hluti
sem séu ekki réttir. Hann er sáttur við íslenska fjölmiðlamenn til þessa.
„Þeir hafa sýnt mér mikla virðingu og ég reyni að koma til móts við þá.“
Í starfi sínu sem landsliðsþjálfari Svía þurfti Lagerbäck eitt sinn að taka erfiða ákvörðun. Þrír
lykilmenn í liðinu, Zlatan Ibrahimovic, Olof Mellberg og Christian Wilhelmsson, brutu agareglur
liðsins. Þeir voru sendir heim og settir í eins leiks bann. Hann sagði í viðtali við blaðamann fyrir
þremur árum að ákvörðunin hefði verið sín erfiðasta í starfi. Hann væri maður fárra reglna en
ein væri skýr. Eftir kvöldmat og fram að morgunmat hefðu leikmenn átt að halda sig innan hót-
elsins. Málið hefði verið flóknara enda mennirnir í lykilhlutverkum í liðinu og því haft enn meiri
ábyrgð gagnvart öðrum leikmönnum.
„Það gengur ekki að allir hegði sér vel nema nokkrar stjörnur,“ segir Lagerbäck, sem bendir á
að leikmennirnir hafi þó ekki neytt áfengis eða neins slíks. Hann muni aldrei vita fyrir víst hvort
ákvörðunin hafi verið rétt en leikmennirnir hafi á vissan hátt borið virðingu fyrir henni.
„Það sorglega við þetta er að ef leikmenn hefðu spurt mig leyfis hefði ég líklega leyft þeim að
yfirgefa hótelið í skamma stund því einn þeirra átti afmæli.“
Munntóbaksnotkun Lagerbäcks hefur ekki farið fram hjá landanum. Í viðtali við Fréttablaðið
haustið 2011 sagðist hann hafa notað tóbak í vör frá fimmtán ára aldri en hafði þá nýlega látið
af ósiðnum. Hann fái sér þó tóbak endrum og sinnum.
Í viðtali við Stöð 2 fyrir leikinn gegn Sviss á dögunum vakti athygli að efri vör hans var út-
troðin. Hann segist hafa gert mistök.
„Það var heimskulegt og auðvitað átti ég ekki að vera með munntóbak í viðtali,“ segir
Lagerbäck. Hann sé vel meðvitaður um herferð KSÍ gegn tóbakinu.
„Þú átt auðvitað ekki að neyta eiturlyfja á neinu formi. Fólk drekkur hins vegar áfengi, reykir
sígarettur og þar fram eftir götunum. Þannig er lífsins gangur. Það er enginn fullkominn.“
ENGINN ER FULLKOMINN
ÞURFTI AÐ SENDA ZLATAN HEIM
ERFIÐUR
Lagerbäck
er hér með
stjörnunni
Zlatan.