Fréttablaðið - 19.09.2013, Qupperneq 20
19. september 2013 FIMMTUDAGUR| FRÉTTIR NEYTENDUR | 20
Sænska bílatíma-
ritið Vi Bilägare hefur
í 15 ár látið kanna
ryðvörn í nýjum bílum.
Undanfarin þrjú ár
hafa allar gerðir af
Toyota-bílum fengið
lélega einkunn, að því
er segir á fréttavef
norska blaðsins VG sem vitnar í tímaritið. Talsmaður Toyota í
Noregi gagnrýnir framkvæmd rannsóknarinnar og bendir á að
hún sé gerð af fyrirtæki sem sjálft sjái um ryðvörn. Áhersla sé
lögð á aukaryðvörn án þess að taka nægilegt tillit til stálsins
og þeirrar meðhöndlunar sem það hefur fengið. Undanfarin
fimm ár hafa Audi, BMW, Opel, Renault, Volkswagen og Volvo
komið best út úr rannsókninni.
Fyrstu sex mánuði þessa árs bárust
Neytendasamtökunum 3.160 erindi.
Þar af voru 736 erindi vegna húsa-
leigu og 46 tengd Evrópsku neyt-
endaaðstoðinni. Hin erindin voru
ýmist kvartanir eða fyrirspurnir
vegna kaupa á vöru eða þjónustu
(1.849 erindi) og almenn erindi til
Neytendasamtakanna (529 erindi)
sem vörðuðu t.a.m. gæða- og mark-
aðskannanir eða efni í Neytenda-
blaðinu.
Alls bárust rúmlega 900
erindi vegna kaupa á vöru. Á vef
Neytendasamtakanna segir að
langmest hafi verið kvartað vegna
kaupa á tölvum og farsímum eða í
176 tilvikum. Oftast töldu neytendur
tölvuna eða farsímann gallaða vöru.
Næstflestar kvartanir voru vegna
matvæla en kvartað var jöfnum
höndum vegna gæða, verðs og verð-
merkinga, auk þess sem nokkuð var
um fyrirspurnir um umhverfis- og
hollustumerkingar.
Erindi vegna þjónustu voru tæp-
lega 900 á fyrri helmingi ársins.
Langflest voru vegna fjármála- og
innheimtufyrirtækja en þar á eftir
koma erindi vegna iðnaðarmanna og
símafyrirtækja. Erindin vegna fjár-
mála- og innheimtufyrirtækja voru
flest um skilmála þeirra en einnig
var nokkuð spurt um seðilgjöld,
innheimtuhætti og þjónustugjöld.
Fyrir spurnir og kvartanir vegna
iðnaðarmanna vörðuðu ýmist galla
á þjónustunni eða verð á henni. - ibs
Yfir þrjú þúsund erindi til Neytendasamtakanna:
736 erindi bárust
vegna húsaleigu
Starfsmenn fjarskiptafyrirtækisins
TDC í Danmörku verða frá og með 1.
október að greiða sjálfir fyrir reykpásur
í vinnutíma láti þeir sé ekki nægja
að reykja í hádegishléinu og í öðrum
skipulögðum hléum. Ætlast er til að
reykingamenn semji við yfirmann sinn
um hvernig greiðslunni fyrir reyk-
ingahlé verði háttað, til dæmis með
því að dregin verði frá, fyrir hverja
sígarettu, laun fyrir 15 mínútur. Í frétt
á vef danska ríkisútvarpsins segir að
ekki megi lengur reykja í bílum fyrir-
tækisins. Viðbrögð starfsmanna hafa
verið misjöfn.
Starfsmenn borgi sjálfi r fyrir
reykpásur í vinnutíma
Eiturefnið PFOA er nú á lista
Evrópusambandsins yfir efni
sem þykja sérstaklega varasöm.
Efnið hefur verið notað
við framleiðslu svokallaðra
teflonpanna, fatnaðar sem
hrindir frá sér vatni, í gardínur
og skíðaáburð svo eitthvað sé
nefnt. Grunur leikur á að efnið
geti meðal annars skaðað sæðis-
frumur og fóstur. Þótt ekki sé lengur venja að
nota PFOA við framleiðslu á nýjum pönnum eiga
væntanlega margir gamla teflonpönnu með efninu.
Þegar gamlar teflonpönnur hitna mikið getur efnið
losnað úr læðingi. Þess vegna ætti ekki að spæla
egg á þeim eða nota þær við aðra matreiðslu.
ESB varar við hættulegu
efni í tefl onpönnum
Sænskt bílatímarit segir
Toyota með lélega ryðvörn
HÚSNÆÐI Mest er spurt um erindi sem
varða ástand og viðhald eignar.
FRÉTTABLAÐIÐ/VILHELM
Bestu kaup Sóleyjar Tómasdóttur borgarfulltrúa
eru fjögurra manna fjölskyldutjald sem hún
eignaðist 2004.
„Það hefur varið fjölskylduna fyrir veðri og
vindum á svo mörgum fallegum stöðum úti
um allt land og gert æskuslóðir barnanna
minna svo miklu fjölbreyttari en ella, enda
förum við helst í margar útilegur á hverju
sumri,“ segir Sóley.
Verstu kaupin hennar eru hlaupasíma-
hulstur, eins og hún orðar það. „Hlaupasíma-
hulstrið sem ég keypti í sumar stefnir hátt
á listann yfir verstu kaupin. Hef ekki hlaupið
síðan 2006 og ekkert sem bendir til þess
að ég muni gera það á næstunni. Virðist
ekki alveg hafa verið í tengslum við
sjálfa mig og þann afleita hlaupara sem
ég er, þegar ég þarna undir lok sumar-
frís með of miklum vellystingum trúði
því að nú hæfist hlaupahaustið mikla.“
NEYTANDINN Sóley Tómasdóttir
Verstu kaupin hlaupasímahulstur Aukin áhersla verður á
mataræðið í heild sinni í nýjum
norrænum næringarráðlegging-
um sem kynntar
verða formlega í
októberbyrjun.
Mælt er með
mataræði sem
inniheldur
mikið af mat
með trefjum
frá náttúrunnar
hendi þar sem
fiskur og sjávar-
afurðir eru oft á borðum. Þá er
mælt með því að nota jurtaolíur,
velja fituminni mjólkurvörur og
takmarka saltneyslu, að sögn dr.
Ingibjargar Gunnarsdóttur, pró-
fessors í næringarfræði.
Hún segir hvert land nýta sér
þær áherslur sem gefnar eru í nor-
rænu ráðleggingunum og móti ráð
um fæðuval til sinna landsmanna.
„Við mótun íslenskra ráðlegginga
er nauðsynlegt að taka tillit til
mataræðis Íslendinga eins og það
er í dag. Sem dæmi má nefna að
matar æði Íslendinga hefur verið
mjög próteinríkt í áratugi og þar
af leiðandi engin ástæða til að
leggja áherslu á aukna prótein-
neyslu þjóðarinnar í aðgerðum
sem ætlað er að auka lýðheilsu.“
Ingibjörg tekur fram að miðað
við niðurstöður landskönnunar á
mataræði þjóðarinnar frá 2010
til 2011 og nýjar niðurstöður
um breytingar á mataræði sex
ára barna á Íslandi sem kynntar
verða síðar í mánuðinum megi
ætla að áhersla verði áfram lögð
á að hvetja Íslendinga til auk-
innar grænmetisneyslu auk þess
sem gæði kolvetna verði eitt af
aðalatriðunum.
„Sú áhersla felur í sér tak-
mörkun á fínunnum kolvetnum.
Í staðinn verði valið heilkorn
sem kolvetnisgjafi ásamt kol-
vetni sem kemur úr grænmeti og
ávöxtum. Ef orkuríkar fæðuteg-
undir, eins og sykraðir drykkir,
sætar bakarísvörur eða sæl-
gæti, fínunnar kornvörur og
fita í föstu formu, sem innihalda
lítið af nauðsyn legum næringar-
efnum og trefjum, eru ríkur
þáttur neyslunnar eykst hættan
á langvinnum sjúkdómum og
þyngdar aukningu. Einnig getur
mikil neysla á unnum kjötvörum
og rauðu kjöti aukið líkur á nei-
kvæðum heilsufars áhrifum og
langvinnum sjúkdómum,“ greinir
Ingibjörg frá.
Hún segir rétt að taka sér-
staklega fram að ráðlögð
skipting orkuefnanna (kolvetni,
fita, prótein) og ráðlagðir dag-
skammtar vítamína og steinefna
eins og þeir birtast í norrænu
ráðleggingunum eigi einungis við
fyrir heilbrigða einstaklinga.
ibs@frettabladid.is
Aukin neysla græn-
metis nauðsynleg
Áhersla á mataræðið í heild sinni í nýjum norrænum næringarráðleggingum.
Íslendingar takmarki neyslu á fínunnum kolvetnum. Mælt með minni saltneyslu.
GRÆNMETI
OG ÁVEXTIR
Miðað við
niðurstöður
nýrrar lands-
könnunar á
mataræði
Íslendinga
má ætla að
áhersla verði
áfram lögð á
aukna græn-
metisneyslu.
NORDICHPHOTOS/
GETTY
INGIBJÖRG
GUNNARSDÓTTIR
r
- vinna með þér
öruRekstrarv