Fréttablaðið - 20.02.2014, Side 14

20. febrúar 2014 FIMMTUDAGUR| FRÉTTIR Í MYNDUM | 14
FLOSAGJÁ „Ísland heillar, það er einfaldlega þannig,“ segir Elías Bj. Gíslason ferðamálastjóri.
GULLFOSS Í KLAKABÖNDUM Vetur konungur þaggar niður í glymjandanum í Gullfossi.
HÁLKAN HEFTIR Göngustígurinn við Gullfoss er sums staðar lokaður vegna hálku.
ALMANNAGJÁ Gullni hringurinn hefst jafnan með viðkomu á Þingvöllum.
HAUKADALUR Húfa og hlý úlpa sjá til þess að menn láta frostið ekki stoppa sig, þótt það bíti í kinnarnar.
FJÖLDI FERÐAMANNA „Það er fjöldi fólks sem fer Gullna hringinn á hverjum
degi,“ segir Gunnar V. Andrésson, ljósmyndari Fréttablaðsins.
FERÐAÞJÓNUSTA Straumur erlendra ferðamanna til Íslands á veturna hefur stóraukist á sein-
ustu árum.
Til að mynda varð 37,8 prósenta fjölgun á komum hingað til lands um Keflavíkurflugvöll
á milli vetrarmánaða 2012 og 2013. Til samanburðar var aukningin einungis 14,4 prósenta á
sumarmánuðum sömu ára. Heildaraukningin var því 20,7 prósent á milli ára.
„Ísland heillar, það er einfaldlega þannig,“ segir Elías Bj. Gíslason, ferðamálastjóri hjá
Ferðamálastofu. Hann segir að 27 prósent ferðamanna sem sæki landið heim komi nú á vet-
urna, en það sé töluvert meira en það sem áður þekktist.
Elías segir Gullna hringinn hafa einna mest aðdráttarafl fyrir þá sem sækja landið heim,
hvort sem er á veturna eða á sumrin. Að auki skipti aukin landkynning á veturna miklu máli og
ekki síður aukin samkeppni flugfélaga.
Helstu áfangastaðirnir á Gullna hringnum eru Þingvellir, Gullfoss og Geysir. johanness@frettabladid.is
Frost og freri spilla ekki fegurðinni
Gunnar V. Andrésson, ljósmyndari Fréttablaðsins, lagði leið sína um Gullna hringinn þar sem fjöldi erlendra ferðamanna varð á vegi hans.