Fréttablaðið - 24.04.2014, Qupperneq 2

24. apríl 2014 FIMMTUDAGUR| FRÉTTIR | 2
Steingrímur, munið þið notast
við ný batterí?
„Já, þetta er ágætis byrjun á
rafvæðingu skipaflotans.“
Steingrímur Erlingsson er stofnandi Fáfnis
Offshore, sem hefur undirritað samning um
smíði skips sem er knúið dísilolíu og raf-
hlöðum. Ný batterí er lag með Sigur Rós af
plötunni Ágætis byrjun.
SPURNING DAGSINS
SUMAR
SALA
40-50%
AFSLÁTTUR
af völdum vörum
UTANRÍKISMÁL Engin ástæða er
til þess að gera breytingar á
samningnum um evrópska efna-
hagssvæðið (EES) þrátt fyrir
að Ísland hafi ekki uppfyllt eina
af meginstoðum samningsins
frá því að gjaldeyrishöftum var
komið á, að mati framkvæmda-
stjórnar Evrópusambandsins
(ESB).
Þetta kemur fram í svari fram-
kvæmdastjórnarinnar við fyrir-
spurn Mortens Løkkegaard,
Evrópuþingmanns danska hægri-
flokksins Venstre. „Þar sem fjár-
magnshöftin voru sett í samræmi
við EES-samninginn og í ljósi
þess að unnið er að því að losa
um þau er engin ástæða til þess
að endurskoða samkomulagið,“
segir í svarinu.
Løkkegaard spurði fram-
kvæmdastjórnina hvort viðhorf
hennar hefði breyst í ljósi þess að
gjaldeyrishöftin hafi nú verið við
lýði í fimm ár.
Framkvæmdastjórnin segir
lögmæti gjaldeyrishaftanna hafa
verið staðfest af EFTA-dómstóln-
um, og sé í samræmi við undan-
þágur í EES-samningnum. Af
því leiði að framkvæmdastjórnin
geri engar athugasemdir við höft-
in.
Í svarinu segir að það sé flók-
ið að afnema gjaldeyrishöftin, og
framkvæmdastjórnin hafi engar
upplýsingar um hvenær það gæti
tekist. „Lokatakmarkið er áfram
það að draga hægt og rólega úr
þessum tímabundnu gjaldeyris-
höftum,“ segir í svarinu. - bj
Gjaldeyrishöftin kalla ekki á breytingar á EES svarar framkvæmdastjórn ESB dönskum þingmanni:
Þarf ekki að endurskoða EES vegna hafta
AKUREYRI Andrésar Andar leik-
arnir voru settir í íþróttahöll-
inni á Akureyri í gærkvöld með
hefðbundnum hætti. Mótssetn-
ingin hefst með skrúðgöngu frá
Lundarskóla niður að Íþróttahöll.
Leikarnir eru stærsta skíðamót
landsins með allt að 800 kepp-
endum á aldrinum 6 til 15 ára ár
hvert. Þeim fylgja þjálfarar, far-
arstjórar og fjölskyldur og má
því gera ráð fyrir að um 2.500
manns sæki leikana í ár.
Keppt er í alpagreinum skíða-
íþrótta og skíðagöngu. Fyrir
tveimur árum var tekið upp á
því að bjóða einnig upp á keppni
í snjóbrettum og hefur sú keppn-
isgrein stækkað og eflst innan
leikanna. Í ár verður einnig
boðið upp á keppni í svokölluðum
stjörnuflokki, líkt og hefur verið
gert síðustu ár. Í stjörnuflokki
keppa fatlaðir og hreyfihamlað-
ir íþróttamenn. Allir ættu því að
finna eitthvað við sitt hæfi á leik-
unum í ár.
Smári Kristinsson, einn skipu-
leggjenda mótsins, segir mótið
í ár verða eitt það glæsilegasta
frá upphafi. „Veðurguðirnir leika
við okkur þessa dagana og öll
aðstaða í Hlíðarfjalli í dag er til
fyrirmyndar. Þetta er hápunktur
tímabils skíðaiðkenda í þessum
aldurshópi á hverju ári og fjöld-
inn sem sækir þetta mót eykst ár
frá ári.“
Nokkrir keppendur koma alla
leið frá Noregi til að taka þátt í
mótinu og hefur það færst í vöxt
að fyrirspurnir berist utanlands
frá um leikana.
„Það er gaman að bjóða erlend-
um skíðakrökkum að taka þátt í
leikunum. Það eru allir velkomn-
ir hingað á Akureyri og gaman
fyrir íslenska keppendur að eiga
líka í höggi við erlenda skíða-
krakka. Þessir krakkar sem eru
að koma að utan mæta á mótið oft
á tíðum vegna einhverra tengsla
sem hafa myndast milli skíðaiðk-
enda eða þjálfara. Þessi tengsl
eru mikilvæg bæði fyrir okkur
og þau,“ segir Smári.
Páskahelgin var ekki hlið-
holl skíðaiðkendum á Akureyri.
Hvassviðri gerði þeim lífið leitt
þá helgi og var ekki hægt að hafa
opið í Hlíðarfjalli. Aðeins var
opið á skírdag og á annan í pásk-
um. Spáin fyrir komandi helgi er
góð, bjart veður og vindur lítill
sem enginn. Því er líklegt að leik-
arnir fari fram samkvæmt dag-
skrá og ekkert þurfi að færa til
og engu að fresta sökum veðurs.
Mótinu verður slitið á laugar-
daginn með lokahófi í íþróttahöll
Akureyringa. Hart verður bar-
ist í brekkum Hlíðarfjalls þótt
gleðin verði í fyrirrúmi.
sveinn@frettabladid.is
Stærsta skíðamót
ársins í Hlíðarfjalli
39. Andrésar Andar leikarnir í Hlíðarfjalli voru settir í gær. Um 750 börn taka þátt
í leikunum sem standa til laugardags. Um 2.500 manns sækja bæinn heim vegna
leikanna. „Mótið stækkar með hverju árinu“, segir skipuleggjandi.
SPURÐI UM HÖFT Danski Evrópuþing-
maðurinn Morten Løkkegaard spurði
framkvæmdastjórn ESB um áhrif gjald-
eyrishaftanna á EES-samninginn.
ANDRÉS Á SKÍÐUM Fjöldi þátttakenda á Andrésar Andar leikunum eykst ár frá ári.
MYND/AXEL DARRI
Veðurguðirnir leika
við okkur þessa dagana og
öll aðstaða í Hlíðarfjalli í
dag er til fyrirmyndar.
Smári Kristinsson, einn skipuleggjanda
Andrésar Andar leikanna.
SVÍÞJÓÐ Sextíu prósent kennara
í Svíþjóð segjast hafa haft nem-
endur sem lýst hafi yfir kynþátta-
hatri í kennslustundum. Talan er
enn hærri hjá nemendum í efstu
stigum grunnskólans eða 65 pró-
sent. Þetta er niðurstaða könnun-
ar á vegum ritsins Skolvärlden.
Nær fjórir af hverjum tíu kenn-
urunum segja skólann ekki hafa
brugðist rétt við.
Aðeins 19 prósent kennara
fengu ráðgjöf um útlendingahatur
undanfarin fimm ár. - ibs
Könnun í sænskum skólum:
Kynþáttahatur
hjá nemendum
PERSÓNUVERND 21 árs gömul kona, Tinna Ingólfs-
dóttir, hefur stigið fram og sagt frá misnotkun
sem hún hefur orðið fyrir. Misnotkunin felst í því
að nektarmyndum af henni, síðan hún var ungling-
ur, hefur verið dreift á netinu.
Í grein sem Tinna skrifar á vefsíðuna Freyjur.is
kemur fram að hún hafi tekið myndirnar þegar hún
var þrettán ára gömul. „Ég vissi alveg að ég ætti
ekki að senda strákum á internetinu nektarmyndir
af mér,“ segir hún.
Grein Tinnu kemur í kjölfarið á umfjöllun
Fréttablaðsins um óprúttna aðila á internetinu
sem dreifa myndum af stúlkum undir lögaldri.
Myndunum er dreift á svokölluðum Chan-síðum en
notendur þar gefa ekki upp nafn sitt.
Tinna segist í greininni ekki hafa gefið leyfi
fyrir birtingu myndanna af sér. Þrátt fyrir það
séu myndirnar enn í dreifingu og hún verði reglu-
lega fyrir áreiti vegna þessa. „Ég fékk að heyra
athugasemdir eins og „Gaman að sjá þig í fötum!“
nánast daglega.“
Lögregla vinnur að því að loka vefsíðum sem
birta myndir af börnum undir lögaldri. - ssb
Óprúttnir aðilar hafa dreift nektarmyndum af íslenskri stúlku í leyfisleysi:
Er oft áreitt vegna nektarmynda
ÚKRAÍNA, AP Sergei Lavrov, utanríkisráðherra Rússlands, hótaði hörð-
um viðbrögðum fari svo að rússneskir ríkisborgarar eða rússneskir
hagsmunir verði fyrir hnjaski eða árásum í Úkraínu.
Úkraínustjórn hefur hins vegar ekki gert neina alvöru úr hótunum
sínum um að senda herlið á aðskilnaðarsinna hliðholla Rússum, sem
náð hafa á sitt vald stjórnvaldsbyggingum í um tíu borgum í austan-
verðri Úkraínu.
Óljóst er hvort her og lögregla í Úkraínu hafa getu eða vilja til þess
að ráðast gegn aðskilnaðarsinnum. Úkraínski herinn hefur lítið fjár-
magn til að spila úr og lélegan búnað, og hermennirnir virðast ekki
vita í hvorn fótinn þeir eiga að stíga.
„Í dag er staðan sú að flestir þeirra vilja ekki berjast fyrir neinn
því þeir vita ekki hverjir bera sigur úr býtum á morgun og hvernig
allt þetta fer á endanum,“ segir Volodímír Fesenkko, stjórnmálaskýr-
andi í Kænugarði. - gb
Úkraínustjórn lætur aðskilnaðarsinna enn í friði:
Rússar hóta hörðum viðbrögðum
SÝRLAND, AP Sýrlenskir stjórnar-
andstæðingar saka Sýrlandsstjórn
um að hafa gert nýjar eiturefna-
árásir á fólk undanfarna daga.
Sýrlandsstjórn segir ekkert
hæft í þessu en Öryggisráð Sam-
einuðu þjóðanna vill að gerð verði
rannsókn á málinu.
Sýrlandsstjórn samþykkti á
síðasta ári að afhenda öll eitur-
efnavopn sín til förgunar og fyrr
í vikunni fékkst staðfest að 86 pró-
sent þeirra hafi þegar verið látin
af hendi. - gb
Öryggisráðið vill rannsókn:
Eiturefnaárásir
í Sýrlandi á ný
DREIFIBRÉFIN LESIN Úkraínskar konur í borginni Donetsk lesa dreifibréf frá
aðskilnaðarsinnum. FRÉTTABLAÐIÐ/AP
FRÉTTA-
BLAÐIÐ 15.
APRÍL
Fram kom
í Frétta-
blaðinu
fyrir níu
dögum að
nektar-
myndum af
íslenskum
stúlkum
er dreift á
Internetinu.