Fréttablaðið - 23.05.2014, Blaðsíða 2

23. maí 2014 FÖSTUDAGUR| FRÉTTIR | 2
Árni, leitið þið víða fanga
í handritsvinnunni?
„Við reynum að fanga góðar sögur
hvar sem við mögulega getum.“
Árni Filippus framleiðir nýja sjónvarpsþátta-
röð um lífið innan veggja kvennafangelsis.
SPURNING DAGSINS
Smiðjuvegi 2, Kóp - S. 554 0400
3 brennarar úr ryðfríu stáli
Opið til kl. 16 á laugardag
ÚTIVIST Rúmlega sjö þúsund fleiri heimsóttu Vestur-
bæjarlaug núna í apríl en í sama mánuði í fyrra.
Aukninguna má þakka opnun nýs heits potts og ann-
arra endurbóta sem staðið hafa yfir í lauginni.
Um 160 milljónir fóru í endurbæturnar sem meðal
annars fólu í sér að svæði laugarinnar var stækk-
að umtalsvert, gluggum var komið fyrir í girðingu
hennar og kvennaklefi laugarinnar fékk yfirhaln-
ingu. Nú standa yfir endurbætur á karlaklefa laug-
arinnar og hafa allar flísar og sturtur verið fjar-
lægðar, auk þess sem skipt hefur verið um salerni.
Búist er við því að framkvæmdum í karlaklefanum
verði lokið eftir miðjan júlí.
Hafliði Halldórsson, forstöðumaður Vesturbæjar-
laugar, segir að mikla aukningu megi líka sjá í maí-
mánuði þrátt fyrir að lokatölur liggi ekki fyrir. „Við
sjáum það bara á tölunum sem koma í kassann. Ég
reikna með því að þetta sé 25-30 prósenta aukning.
Það get ég staðfest.“
Hann segir starfsfólk Vesturbæjarlaugar ánægt
með breytingarnar. „Það er mikið álag á starfs-
fólkinu og mikið að gera en okkur leiðist ekki í
vinnunni.“
Yfirstandandi framkvæmdir í karlaklefanum
hafa ekki haft áhrif á aðsókn fólks að lauginni. Haf-
liði segir að það auki þó álag á sundlaugina töluvert
að karlkyns gestir laugarinnar þurfi allir að nýta
sér útiklefann.
Í Vesturbæjarlaug voru fjórir heitir pottar stað-
settir undir skjólgirðingu. „Í gömlu pottunum var
sólin farin um fjögurleytið,“ segir Hafliði. „Nú eru
gömlu pottarnir hins vegar komnir með sólina fram
undir kvöld. Svo er alltaf sól í nýja pottinum.“
Í apríl í fyrra heimsóttu tuttugu þúsund manns
Vesturbæjarlaug. Fjölgun um sjö þúsund er því
gríðarleg en tekið skal með í reikninginn að nýi
potturinn var ekki opnaður fyrr en 10. apríl svo ein-
ungis er um 20 daga að ræða.
Þrátt fyrir mikla aukningu munu aðsóknarmet-
in ekki borga framkvæmdirnar niður. „Það kostar
600 krónur í sund en til að svara raunverulegum
kostnaði þyrfti að kosta miklu meira í sund. Verðið
er niðurgreitt. Þessar framkvæmdir verða því ekki
greiddar niður með aðsóknargjöldum,“ segir Haf-
liði. snaeros@frettabladid.is
Sprenging í aðsókn að
nýrri Vesturbæjarlaug
Gríðarleg ánægja ríkir með nýjan heitan pott við Vesturbæjarlaug. Framkvæmdir
hafa kostað 160 milljónir króna. Forstöðumaður sundlaugarinnar segir starfsfólk
undir miklu álagi vegna fjölda ánægðra viðskiptavina sem sækja laugina heim.
FRAKKLAND, AP Réttarhöld eru
hafin í Frakklandi yfir 76 ára
gömlum manni, André Bamb-
erski, sem sakaður er um að hafa
fyrir fimm árum látið ræna stjúp-
föður dóttur sinnar, sem lést
þegar hún var 15 ára gömul, 1982.
Stjúpfaðirinn, Dieter Krom-
bach, sem er 79 ára og var læknir,
hlaut dóm fyrir að hafa valdið
dauða dótturinnar, Kalinku.
Sannað þótti að Krombach
hefði sprautað lyfi í dótturina til
að geta nauðgað henni, en með
þeim afleiðingum að hún lést.
Krombach var í Þýskalandi þegar
honum var rænt. Hann fannst
síðan bundinn í Frakklandi, þar
sem hann var eftirlýstur. - gb
Aldraður faðir fyrir rétti:
Læknir banaði
stjúpdótturinni
IÐNAÐUR Umsókn um samþykki
byggingaráforma fyrir kísil-
málmvinnslu PCC á Bakka liggur
nú á borði byggingarfulltrúa
Norðurþings.
Niðurstöðurnar verða kynntar í
júní, en á grundvelli samþykktra
byggingaráforma er gert ráð
fyrir að veitt verði leyfi til jarð-
vinnu nú í sumar.
Með umsókninni var skilað inn
aðalteikningum flestra fyrirhug-
aðra húsa sem áætlað er að verði
rúmir þrír hektarar að grunnfleti
og allt að 39,4 metra há.
Einnig er beðið eftir umsögnum
annarra umsagnaraðila um bygg-
ingaráformin vegna áforma PCC á
Bakka. - shá
Byggingar 40 metra háar:
Jarðvinna á
Bakka í sumar
HEILBRIGÐISMÁL Geir Gunnlaugs-
son landlæknir setur spurning-
armerki við að fara dómsleiðina
þegar heilbrigðisstarfsmaður
gerir mistök, en nú í vikunni var
hjúkrunarfræðingur ákærður
fyrir manndráp af gáleysi vegna
mistaka í starfi.
„Ákæran er
ákveðin stefnu-
breyting sem
vekur okkur til
umhugsunar um
hvernig við vilj-
um taka á þess-
um málum. Ég
er ekki viss um
að með dóms-
leiðinni aukist
gæði og öryggi heilbrigðisþjón-
ustunnar,“ segir Geir.
Landlæknisembættið hefur
undanfarið skoðað hvaða leiðir
sé hægt að fara í svona málum.
„Við höfum til dæmis skoðað
kerfi Norðmanna þar sem atvik
í heilbrigðisþjónustu eru ekki til-
kynnt til lögreglu nema grunur sé
um glæpsamlegt athæfi,“ segir
Geir.
Sigríður Ingibjörg Ingadóttir,
formaður velferðarnefndar, tekur
undir orð Geirs.
„Ég held að mörgum ói við
þeirri stefnubreytingu sem þetta
mál gæti haft í för með sér og það
þarf að taka upp þessa umræðu,“
segir hún.
Mistökin sem um ræðir áttu sér
stað á kvöldvakt sem hjúkrunar-
fræðingurinn vann í beinu fram-
haldi af dagvakt. Er honum meðal
annars gefið að sök að hafa láðst
að tæma loft úr kraga barkarauf-
arrennu þegar hann tók hinn
látna úr öndunarvél, með þeim
afleiðingum að hann kafnaði.
Ríkissaksóknari svaraði ekki
fyrirspurnum um ákæruna. - ebg
Landlæknir segir manndrápsákæru gegn hjúkrunarfræðingi stefnubreytingu:
Telur dómsleið ekki auka öryggi
Ákæran
er ákveðin
stefnubreyting
sem vekur
okkur til
umhugsunar
um hvernig við
viljum taka á þessum
málum.
Geir Gunnlaugsson
landlæknir.
SIGRÍÐUR I.
INGADÓTTIR
HEITAR UMRÆÐUR Í POTTINUM Hafliði Halldórsson, for-
stöðumaður Vesturbæjarlaugar, stendur hér við nýja pottinn
sem er þétt setinn þrátt fyrir að myndin sé tekin á miðjum
virkum degi. FRÉTTABLAÐIÐ/GVA
27 þúsund
gestir í Vesturbæjarlaug í apríl
NÝSKÖPUN Samþykkt hefur verið
aðgerðaáætlun sem ætlað er að
styðja við og efla samkeppnis-
hæfni atvinnulífsins og gagnsæja
nýtingu opinbers fjár. Áætlunin
var samþykkt á fundi Vísinda- og
tækniráðs sem haldinn var í gær.
Stórauka á fjárveitingar til vís-
inda og nýsköpunar þannig að árið
2016 nái þær þremur prósentum af
vergri landsframleiðslu. Aðgerð-
unum er sömuleiðis ætlað að laða
fram aukna fjárfestingu í vísind-
um og nýsköpun.
Þannig á að nýta skattkerfið
markvisst til að hvetja til fjár-
framlaga fyrirtækja og einstak-
linga til málaflokksins. Meðal
annars er gert ráð fyrir að frum-
varp um að einstaklingar fái
afslátt af tekjuskatti, ef þeir
fjárfesta í óskráðum nýsköpun-
arfyrirtækjum, verði lagt fyrir á
haustþingi.
Fyrir utan aukna fjárfestingu er
aðgerðunum ætlað að bæta mat á
gæðum og verðmætasköpun vís-
inda- og nýsköpunarstarfs og að
virkja samstarf fyrirtækja, rann-
sókna- og menntastofnana.
Einnig er sett að markmiði
að efla nýliðun í vísindum og
nýsköpun með sérstökum átaks-
verkefnum, fjölgun útskrifaðra
nemenda í tengdum greinum og
aukinni fjármögnun doktors-
náms.
Ríkisstjórnin hefur samþykkt
að beita sér fyrir fjármögnun
áætlunarinnar með fyrirvara
um fjárlagaferlið og afgreiðslu
Alþingis. - ebg
Aðgerðaáætlun sem efla á samkeppnishæfni atvinnulífsins samþykkt af Vísinda- og tækniráði:
Fjárveitingar til nýsköpunar stórauknar
RÁÐHERRAR Vísinda- og tækniráð
kynnti nýja aðgerðaáætlun að við-
stöddum ráðherrum. FRÉTTABLAÐIÐ/VALLI
TYRKLAND/AP Fjöldi fólks hefur gagnrýnt viðbrögð stjórnvalda í Tyrk-
landi með mótmælum á götum úti í kjölfar námuslyssins þar í landi
þar sem 301 námumaður lét lífið.
Stjórnvöld eru ásökuð fyrir að hafa reynt að leiða hörmungarnar
hjá sér og hefur Recep Tayyip Erdogan, forsætisráðherra Tyrklands,
verið gagnrýndur fyrir vanrækslu.
Lögreglan í Tyrklandi hefur handtekið 25 manns sem grunaðir eru
um aðild að þessu mannskæðasta námuslysi í sögu Tyrklands. Meðal
þeirra er framkvæmdastjóri námufyrirtækisins og hafa yfirvöld til-
kynnt að allavega þrír í stjórn fyrirtækisins verði ákærðir fyrir morð
vegna ófullnægjandi öryggisráðstafana. - ebg
Mikil reiði ríkir meðal borgara í Tyrklandi vegna námuslyss:
Viðbrögð stjórnvalda gagnrýnd
SPRAUTAÐ Á MÓTMÆLENDUR Óeirðalögreglan í Tyrklandi sprautar vatni og táragasi
til að dreifa fjöldanum sem safnaðist saman til að mótmæla vegna slyssins í Soma.
FRÉTTABLAÐIÐ/AP