Fréttablaðið - 23.05.2014, Blaðsíða 52

23. maí 2014 FÖSTUDAGUR| MENNING | 28
„Þetta er upplifunarverk sem
byggist á hreyfimyndum og
músík. Í því sökkvum við niður í
djúp þar sem við fylgjumst með
lífshlaupi furðuvera,“ segir Ólöf
Nordal myndlistarmaður um
sýninguna Lusus naturae sem
fram undan er í Hafnarborg í
Hafnarfirði. Sýningin er sköp-
unarverk þeirra þriggja, Ólafar,
Þuríðar Jónsdóttur tónskálds og
Gunnars Karlssonar myndlistar-
manns. „Við Þuríður og Gunn-
ar höfum unnið talsvert saman
áður og eigum okkur vinnulag,“
segir Ólöf.
Þrisvar á sýningartímanum
mun Gunnar Guðbjörnsson tenór
verða á staðnum, ásamt Snorra
Heimissyni kontrafagottleikara
og Íslenska flautukórnum, og
magna áhrifin af upplifuninni
sem þrívíddin og hljóðmyndin
sem fyrir er skapar. Á öðrum
tímum verður flutningur þeirra
spilaður af bandi.
Lusus naturae er latneskt hug-
tak. Lusus þýðir brandari og því
er lusus naturae brandari nátt-
úrunnar, þegar náttúran bregður
á leik, að sögn Ólafar, sem segir
hugtakið eldgamalt og eiga upp-
runa sinn í furðusöfnum þar sem
öllu ægði saman og voru forverar
safna eins og við þekkjum í dag.
„Við erum að gera nokkurs konar
skrípamyndir en með alvarlegum
undirtóni þó. Þarna eru dýr, sam-
sett aðallega úr líkamshlutum
manneskju, þau eru hálfgert að
sökkva og maður veit ekki hvort
þetta eru forsöguleg fyrirbæri,
framtíðarsýn eða okkar innra
landslag.“
Allt er gert í tölvum nema
þegar tenórinn kemur og hans
fylgdarlið. „Við höfum tekið
alla orðræðu út úr þessu verki
og eftir stendur mynd, hljóð og
tónaljóð.“
Sýningin er hluti af Listahátíð
í Reykjavík 2014. gun@frettabladid.is
LISTAFÓLKIÐ Þuríður Jónsdóttir, Ólöf Nordal, Gunnar Guðbjörnsson og Gunnar Karlsson í dulúðugum aðstæðum. FRÉTTABLAÐIÐ/VALLI
19.30 Mahler nr. 3 Sinfóníuhljóm-
sveit Íslands undir stjórn Osmo
Vänskä. Banda ríska söng konan
Jamie Barton, Vox Fem inae og
Stúlknakór Reykja víkur taka einnig
þátt í þessum viða mikla flutn ingi á
einu helsta meist ara verki Mahlers í
Eldborg í Hörpu
20.30 ORT/ Orðið tónlist – bræð-
ingur íslenskrar og pólskrar ljóðlistar
– í Iðnó
JAMIE BARTON Bandaríska mezzó-
sópransöngkonan syngur einsöng í 3.
sinfóníu Mahlers í Eldborg í kvöld.
MYND/NORDICPHOTOSGETTY
LISTAHÁTÍÐ Í DAG
Þetta byrjaði allt með því að við Guð-
rún Dalía komumst að því að tón-
list Karls Ottós Runólfssonar hent-
aði okkur alveg rosalega vel,“ segir
Jón Svavar Jósefsson baritónsöngv-
ari spurður um tildrög tónleikanna
á sunnudagskvöldið. „Þetta vatt
þannig upp á sig að Guðrún Dalía
bað þennan tónlistarhóp, KÚBUS,
að fara alla leið með okkur og það
endaði með því að Hjörtur Ingvi
Jóhannsson ákvað að taka slaginn
og útsetja allan pakkann fyrir þessa
hljómsveit og á sunnudaginn mætum
við í Iðnó með feita tónleika í öðrum
stíl en tónleikar eru yfirleitt.“
Tónleikarnir eru í sviðsetningu
Friðgeirs Einarssonar leikstjóra,
er þetta kabarettsýning? „Nei, nei,
hann er ekki beint að leikstýra
okkur, kemur að þessu meira sem
dramatúrg og leiðbeinir okkur með
að setja sameiginlegar hugmynd-
ir í farveg,“ segir Jón Svavar. „Við
erum að reyna að brjóta upp þá hefð
að standa bara á sviðinu og syngja.
Við hreyfum okkur aðeins til og það
verður reykur og ljósahönnun og
mikið fjör.“
Auk Jóns Svavars syngur Hildi-
gunnur Einarsdóttir mezzósópran
á tónleikunum og hljóðfæraleik-
arar eru Júlía Mogensen sellóleik-
ari, Ingrid Karlsdóttir fiðluleikari,
Melkorka Ólafsdóttir flautuleikari,
Grímur Helgason klarinettleikari,
Guðrún Dalía Salómonsdóttir píanó-
leikari og Þórarinn Már Baldursson
víóluleikari. Útsetjari er Hjörtur
Ingvi Jóhannsson og umsjón með
sviðsetningu hafði leikstjórinn Frið-
geir Einarsson.
Tónleikarnir hefjast í Iðnó á
sunnudagskvöldið klukkan 20. - fsb
Feitir tónleikar
í nýstárlegum stíl
Tónlistarhópurinn KÚBUS og söngvararnir Hildi-
gunnur Einarsdóttir og Jón Svavar Jósefsson fl ytja
verk byggt á sönglögum Karls Ottós Runólfssonar.
JÓN SVAVAR
JÓSEFSSON
„Við erum að
reyna að brjóta
upp þá hefð
að standa bara
á sviðinu og
syngja.“
FRÉTTABLAÐIÐ/
STEFÁN
Allt gert í tölvum
nema tenórinn
Furðufyrirbæri í óskilgreindu djúpi blandast bæði rafrænni
og lifandi tónlist í sýningunni Lusus naturae sem opnuð verður
í Hafnarborg í Hafnarfi rði á morgun.
Í tengslum við sýningar tónleik-
húsverksins Wide Slumber í Tjarn-
arbíói heldur myndlistarmaðurinn
Matt Ceolin sýninguna Somn-
optera í kaffihúsi Tjarnarbíós.
Sýningin inniheldur nokkra tugi
lítilla pappírsfiðrilda með áletr-
uðum texta um svefntruflanir, sem
hengd eru upp á vegg. Matt vinnur
mikið með hugmyndir um gagn-
virk verk í náttúrunni; hvernig list
hefur áhrif á náttúruna og hvernig
dýr og náttúruöfl geta haft áhrif á
myndlistarverk hans.
Somnoptera í Tjarnarbíói
endurspeglar þessar áherslur, en
gestum býðst að færa pappírs-
fiðrildin til á veggnum og jafnvel
taka þau með sér heim.
Fiðrildi og
svefntrufl anir
FIÐRILDI Eitt verkanna á sýningunni.
„Þetta er ansi blandað prógramm,“ segir Kristín R. Sigurð-
ardóttir, ein söngkvennanna í Boudoir, spurð um efnisskrá
tónleikanna á sunnudaginn. „Svona rjóminn af því sem við
höfum verið að æfa í vetur. Við erum flestar einsöngvarar
og tökum hver um sig eitt lag. Þau eru úr ýmsum áttum; úr
söngleikjum, óperettum, óperum, eða jafnvel bara dægur-
lög. Kórlögin eru síðan alls konar skemmtilegar útsetningar
á þekktum lögum og nokkrar þeirra eru eftir stjórnandann
okkar, Julian Hewlett, auk þess sem við syngjum fimm lög
eftir hann sjálfan.“
Kvennasönghópurinn Boudoir var stofnaður í haust sem leið
af faglærðum söngkonum og konum sem einnig eru starfandi
sem einsöngvarar. Spurð hvort það geti ekki verið erfitt að
hafa svona margar dívur í einum kór fer Kristín að hlæja.
„Þetta hefur verið ótrúlega gaman,“ segir hún. „Það eru nátt-
úrulega sterkir karakterar í hópnum, en það gerir þetta bara
enn skemmtilegra.“
Tónleikarnir í Fella- og Hólakirkju hefjast klukkan 17 á
sunnudaginn en á morgun verður smáupphitun á Hlemmur
Square þar sem flutt verða nokkur lög úr efnisskránni.
Stjórnandi kórsins er Julian Hewlett og Judith Thorbergs-
son leikur með á píanó. - fsb
Sterkir karakterar í dívuhópnum
Vortónleikar kvennasönghópsins Boudoir í Fella- og Hólakirkju á sunnudaginn klukkan 17.
BOUDOIR Hópurinn er eingöngu skipaður konum eins og nafnið
bendir til, en Boudoir þýðir kvennadyngja eða búningsherbergi.
Þórarinn Eldjárn flutti Margréti
Danadrottningu spánnýja drápu,
Margrétarlof, við hátíðlega athöfn
í Amalíuborgarhöfn í fyrradag.
Tilefnið var ný dönsk útgáfa
Íslendingasagnanna sem Saga
forlag stóð fyrir. Ekki var annað
að sjá en að Margréti líkaði vel
við bæði drápuna og Þórarin.
Enda hélt Þórarinn höfðinu.
Hélt höfðinu
MARGRÉTARLOF Margrét Þórhildur
hlustaði hugfangin á Þórarin flytja
drápuna. MYND/HASSE FERROLD
Guðrún Dalía bað
þennan tónlistarhóp,
KÚBUS, að fara alla leið
með okkur.
MENNING