Fréttablaðið - 23.05.2014, Side 10

23. maí 2014 FÖSTUDAGUR| FRÉTTIR | 10
REYKJAVÍK SKÓLAMÁL 2 3 41
Gjaldfrjáls leikskóli, frístunda-
heimili og skólamáltíðir er það
sem Vinstri grænir leggja mesta
áherslu á þegar kemur að skóla-
málum. Sjálfstæðismenn vilja opna
skólakerfið þannig að foreldrar
fái upplýsingar um hvernig skóli
barna þeirra stendur sig í saman-
burði við aðra skóla. Samfylkingin
leggur áherslu á læsi í öllum mynd-
um og að börn komist inn á leik-
skóla ekki yngri en 18 mánaða.
Bæði framsóknarmenn og pírat-
ar benda á að skóli án aðgreining-
ar hafi ekki fengið það fjármagn
sem honum ber og því hafi hann
ekki getað sýnt fram á fulla virkni.
Björt framtíð telur að það eigi að
hanna skólakerfið utan um nem-
endur, ekki Pisa-kannanir.
Þegar kemur að skólamálum
leggja flestir flokkar sem bjóða
fram í Reykjavík fram nokkuð
ítarlega stefnuskrá.
Kostar 750 milljónir
Sóley Tómasdóttir, Vinstri græn-
um, segir að flokkurinn leggi
mikla áherslu á gjaldfrjálsan leik-
skóla, skólamáltíðir og frístunda-
heimili svo öllum börnum verði
gert kleift að njóta þessara gæða.
„Foreldrar greiða núna tíu pró-
sent af kostnaði en borgin 90 pró-
sent. Kostnaður við þetta verk-
efni er um 750 milljónir á ári, sem
jafngildir 0,9 prósentum af fjár-
lögum borgarinnar,“ segir Sóley
og bendir á að við gerð fjárhags-
áætlunar séu menn að færa til
stærri fjárhæðir en þetta án þess
blikka auga.
„Það er einkennilegt að við
samþykkjum að borga fyrir leik-
skóla en ekki grunnskóla og
menntaskóla. Það er jafn óskilj-
anlegt að við skulum samþykkja
að borga fyrir frístundaheimili á
meðan það kostar ekkert að fara
í félagsmiðstöðvar. Auðvitað ætti
öll þessi þjónusta að vera gjald-
frjáls,“ segir Sóley.
Sjálfstæðismenn segja óboðlegt
að það sé ekki nægt pláss fyrir
börn í dagvistun efir að fæðing-
arorlofi lýkur.
„Til að brúa bilið á milli fæð-
ingarorlofs og leikskóla viljum
við að foreldrar fái ákveðna pen-
ingaupphæð sem þeir geta nýtt til
að greiða dagforeldrum eða vera
heima með börnum sínum,“ segir
Halldór Halldórsson, Sjálfstæðis-
flokki.
Sveinbjörg Birna Sveinbjörns-
dóttir, oddviti Framsóknar og
flugvallarvina, segir að það þurfi
að fjölga leikskólaplássum. Hún
segir að sumir grunnskólar í
Reykjavík geti tekið við fimm ára
börnum og þar með væri hægt að
losa pláss í leikskólum. Sveinbjörg
segir að það væri hægt að fara af
stað með þetta sem tilraunaverk-
efni og sjá hverju það skilar.
Samfylkingin leggur áherslu
á að börn komist átján mánaða í
leikskóla. „Við viljum taka börn
yngri inn í leikskólann en nú er.
Það verður að gera þetta í áföng-
um með það að markmiði að börn
komist eins og hálfs árs inn í leik-
skólann,“ segir Dagur B. Eggerts-
son úr Samfylkingu.
Virðing fyrir dagforeldrum
Dagur segir að það þurfi að
styrkja hlutverk dagforeldra og
þróa þjónustu þeirra í samráði
við þá. Björn Blöndal, Bjartri
framtíð, er á svipaðri skoðun og
Dagur. Björn segir að það verði að
útrýma dagvistunarvanda ungra
barna og nefnir að börn ættu að
komast inn á leikskóla í kring-
um 20 mánaða aldurinn. „Ég ber
mikla virðingu fyrir dagforeldr-
um og þeir eru mikilvægir,“ segir
Björn og bætir við að það þurfi að
styðja við bakið á dagforeldrum.
Bæði Samfylking og Björt
framtíð leggja áherslu á að þrýsta
á ríkisvaldið að lengja fæðingar-
orflofið til að stytta þann tíma
sem líður frá því að fæðingaror-
lofi lýkur og þangað til börn kom-
ast á leikskóla.
Samfylkingin leggur áherslu á
læsi á öllum skólastigum í stefnu-
skrá. Dagur segir að gullið tæki-
færi sé til að leggja grunn að læsi
og ný læsisstefna leikskólanna
auki möguleika allra barna til far-
sældar á lífsleiðinni.
Píratar leggja áherslu á að leik-
skólar og grunnskólar fái aukið
sjálfstæði.
„Borgin á að leggja höfuð-
áherslu á að allir hafi jafnan
aðgang að þjónustu skólanna.
Píratar leggja áherslu á að kenn-
arar og foreldrar fái að móta
starfið í hverjum skóla fyrir sig.
Við styðjum sjálfstæði skólanna,“
segir Halldór Auðar Svansson.
Fjársveltur grunnskóli
Bæði Píratar og framsóknarmenn
telja að grunnskóli án aðgreining-
ar sé fjársveltur. Halldór Auðar
Svansson segir að það sé ljóst að til
að fylgja þessari fallegu hugmynda-
fræði úr hlaði hafi aldrei verði sett
nóg fjármagn í verkefnið.
„Af þeim sökum hefur í sumum
skólum skapast ástand sem kemur
niður á nemendum, fjölskyld-
um þeirra og öllu skólastarfinu,“
segir Halldór.
Sveinbjörg segir að það eigi að
forgangsraða peningum á þann
hátt að börn fái þá þjónustu sem
þau eiga rétt á. „Skóli án aðgrein-
ingar hefur aldrei fengið þann
stuðning sem hann á skilið og þar
af leiðandi hefur hann aldrei virk-
að sem skyldi,“ segir hún.
Stuðlar að samkeppni
Sjálfstæðismenn leggja áherslu á
að opna grunnskólana. „Við vilj-
um að foreldrar geti fengið upp-
lýsingar um hvar grunnskólinn
sem þeirra börn stunda nám við
stendur gagnvart öðrum skólum.
Þetta er leyndarmál í dag,“ segir
Halldór Halldórsson, Sjálfstæðis-
flokki, og bætir við að opnun skól-
anna stuðli að heilbrigðri sam-
keppni og samanburði.
Þetta líst Degi B. Eggertssyni
ekki á. „Það getur verið gagnlegt
fyrir skólana að vita hvar þeir
standa innbyrðis gagnvart öðrum
skólum. Við teljum ekki rétt að
fara út með hvaða skóli kemur
verst út úr til dæmis Pisa-könnun-
um. Það getur haft áhrif á sjálfs-
mynd hverfisins og valdið von-
leysi,“ segir Dagur. Hann segir
að Samfylkingin leggi áherslu á
að allir hverfisskólar séu góðir
skólar og það sama gera Vinstri
grænir.
„Stöndum með hverfisskólum
í að efla og þróa fjölbreytta og
innihaldsríka menntun,“ segir í
stefnuskrá VG.
Ekki á móti samkeppni
Björn Blöndal, Bjartri framtíð,
segist ekki vera á móti samkeppni
milli skólanna. „En ég er á móti
því að hanna skólakerfið utan
um Pisa-kannanir,“ segir Björn
og bendir á að Finnar komi vel
út úr slíkum könnunum en börn í
grunnskólum þar séu ekkert sér-
staklega hamingjusöm.
„Það situr í mér það sem skóla-
stjóri sagði við mig. Hann sagði að
í hans skóla legðu menn áherslu
á að vinna með það sem börnun-
um gengur vel með í stað þess að
leggja áhersluna á það sem þau
eru léleg í,“ segir Björn og segir
þetta gott leiðarstef til að vinna
eftir.
Flokkarnir leggja allir áherslu
á gott samstarf heimilis og
skóla. Píratar telja að það eigi
að auka áhrif kennara á stefnu-
mótun í skólakerfinu, sömuleiðis
eigi að auka frelsi nemenda og
kennara til að hafa áhrif á skóla-
starfið.
Allir flokkar telja að það sé
eðlilegt að það sé boðið upp á
einkarekna skóla og borgarskóla.
Þessi kerfi geti þrifist hlið við hlið
líkt og þau gera í dag. Sjálfstæð-
isflokkurinn vill sennilega ganga
lengst í þessum efnum. Flokkur-
inn telur að fjárframlag eigi að
fylgja nemendum, hvort sem um
er að ræða opinberan skóla eða
sjálfstæðan skóla, sem þýði að
foreldar fái frelsi til að velja þann
skóla sem þau telja að henti best
fyrir börn þeirra.
Allir vilja auka sjálfstæði skólanna
Flokkarnir sem bjóða fram í Reykjavík leggja allir mikla áherslu á skólamál. Þeir eru sammála um að það eigi að hlúa að leik- og grunn-
skólum borgarinnar. VG vill gjaldfrjálsan skóla, Sjálfstæðisflokkurinn vill samkeppni á milli skóla og Samfylking vill auka læsi í skólum.
Vilja setja fj ármagn í þróunarverk-
efni í leikskólum, grunnskólum,
frístundamiðstöðvum og listaskólum.
Við teljum ekki
rétt að fara
út með hvaða
skóli kemur
verst út úr til
dæmis Pisa-
könnunum. Það
getur haft áhrif á sjálfs-
mynd hverfisins og valdið
vonleysi.
Dagur B. Eggertsson
Vilja tryggja grundvallarfærni í
lestri og stærðfræði með aukinni
námsráðgjöf og sveigjanleika.
Við viljum að
foreldrar geti
fengið upplýs-
ingar um hvar
grunnskólinn
sem þeirra börn
stunda nám við
stendur gagnvart öðrum
skólum. Þetta er leyndarmál
í dag.
Halldór Halldórsson
Vilja að meðallaun kennara verði
sambærileg við meðalkennaralaun í
OECD-ríkjunum.
Píratar leggja
áherslu á að
kennarar og
foreldrar fái að
móta starfið í
hverjum skóla
fyrir sig. Við
styðjum sjálfstæði skól-
anna.
Halldór Auðar Svansson
Ætla að forgangsraða í þágu mennt-
unar og vilja auka fj árframlög til
leik- og grunnskóla.
Skóli án að-
greiningar
hefur aldrei
fengið þann
stuðning sem
hann á skilið og
þar af leiðandi
hefur hann aldrei virkað
sem skyldi.
Sveinbjörg Birna Sveinbjörnsdóttir
FramsóknF
Samfylkingin
Vinstri grænirV
PíratarÞ
SjálfstæðisflokkurinnD
Björt framtíðÆ
Ætla að stuðla að aukinni hreyfi ngu
og heilsusamlegum lifnaðarháttum
á meðal barna og unglinga í
gegnum skóla, frístundir og í
samvinnu við íþróttahreyfi nguna.
Það er ein-
kennilegt að við
samþykkjum
að borga fyrir
leikskóla, en
ekki grunnskóla
og mennta-
skóla. Auðvitað ætti öll þessi
þjónusta að vera gjaldfrjáls.
Sóley Tómasdóttir
Vilja fj ölbreytt skóla- og frístunda-
starf í borgarreknum og sjálfstætt
starfandi skólum. Ætla að hanna
skólakerfi utan um nemendur, ekki
Pisa-kannanir.
Það á að leggja
áherslu á að
vinna með
það sem börn-
unum gengur
vel með í stað
þess að leggja
áhersluna á það sem þau
eru léleg í.
Björn Blöndal
S
FJÖLDI LEIKSKÓLA-
BARNA Í REYKJAVÍK
ÁRIÐ 2013
7.022
ÁRIÐ 2014
7.248
FJÖLDI BARNA HJÁ
DAGFORELDRUM
783
Jóhanna Margrét
Einarsdóttir
johanna@frettabladid.is
FJÖLDI BARNA
Á SKÓLAALDRI
13.498
SPÁ UM FJÖLDA BARNA
Á FRÍSTUNDAHEIMILUM
ÁRIÐ 2014
3.475
ÁRIÐ 2015
3.944