Fréttablaðið - 31.05.2014, Side 12

31. maí 2014 LAUGARDAGUR| FRÉTTIR | 12
Rúmfatalagerinn er með frábær
garðhúsgögn af mörgum gerðum og í margs konar litum.
Þú finnur alveg örugglega stílinn og gæðin sem henta þér,
því í úrvali okkar má finna allt frá góðum plasthúsgögnum
til úrval harðviðar- og tekkhúsgagna. Við erum stolt af því
að öll harðviðarhúsgögn okkar eru gerð úr FSC-vottuðum
viði. Það er trygging þín fyrir því að þú styðjir
sjálfbæra skógrækt. FSC vottun merkir að skógurinn
sem tréð er úr er skoðaður af óháðum aðilum og
metinn samkvæmt þeim umhverfislegu, félagslegu
og hagrænu reglum og viðmiðum sem Forest
Stewardship Council setur ábyrgri skógrækt.
FSC eru alþjóðleg samtök sem ekki eru
rekin í hagnaðarskyni og þar vinna
umhverfissamtök, framfarasinnaðir
eigendur skóga og fyrirtæki saman
að því að bæta eftirlit með
skógum heimsins.
www.fsc.org
FSC® N001715
®
www.rumfatalagerinn.is
SÝRLAND Á þriðjudaginn kemur
efna sýrlensk stjórnvöld til for-
setakosninga. Enginn efast um að
Bashar al Assad, sem tók við sem
forseti af föður sínum árið 2000,
muni bera sigur úr býtum. Annað
tæki hann ekki í mál.
Kosningarnar verða haldnar
í miðri borgarastyrjöld. Þrjár
milljónir íbúanna hafa flúið til
nágrannaríkjanna og sex millj-
ónir eru á vergangi innan landa-
mæranna. Samtals er meira en
þriðjungur íbúanna flúinn að
heiman og óvíst með öllu hvern-
ig þetta fólk ætti að fara að því að
taka þátt í kosningunum.
Á Vesturlöndum er því litið á
kosningarnar sem skrípaleik.
Tveir menn hafa til málamynda
boðið sig fram gegn Assad, að því
er virðist í þeim tilgangi einum
að ljá kosningunum örlítinn blæ
trúverðugleika.
Borgarastyrjöldin síðustu þrjú
árin hefur kostað hátt á annað
hundrað þúsund manns lífið.
Í gær skýrðu svo sýrlensku
mannréttindasamtökin Syrian
Observatory for Human Rights,
sem hafa bækistöðvar á Bret-
landi, frá því að það sem af er
þessu ári hafi tunnusprengjur
stjórnarhersins kostað nærri tvö
þúsund manns lífið í borginni
Aleppo. Hátt í sex hundruð þeirra
voru yngri en 18 ára og nærri 300
voru konur.
Stjórnarherinn hefur verið
harðlega gagnrýndur fyrir
að nota tunnusprengjur gegn
almenningi í borginni, sem er
fjölmennasta borg landsins og
var fram á allra síðustu misseri
helsta miðstöð verslunar og við-
skipta. Sprengjurnar eru útbúnar
þannig að málmbrotum er hrúg-
að í tunnu ásamt sprengiefni og
þessu er svo kastað úr þyrlum.
Frá árinu 2012 hefur stjórnar-
herinn ákaft reynt, en lítið orðið
ágengt, að hrekja uppreisnar-
menn frá borginni, sem þeir hafa
að stórum hluta haft á sínu valdi.
Tunnusprengjunum er varp-
að á þau hverfi borgarinnar,
sem uppreisnarmenn hafa á sínu
valdi. Sprengjunum er ætlað að
valda sem mestu tjóni og stjórn-
arherinn virðist ekki láta sig
neinu varða hvort þær koma
niður á uppreisnarmenn eða
almenna borgara.
Öryggisráð Sameinuðu þjóð-
anna sendi í febrúar frá sér
ályktun þar sem þess var kraf-
ist að stjórnarherinn hætti að
gera árásir á almenna borgara í
Sýrlandi. Meðal annars var þess
krafist að hann hætti að varpa
tunnusprengjum á íbúðahverfi.
gudsteinn@frettabladid.is
Tunnusprengjum
varpað í gríð og erg
Sýrlandsforseti stefnir ótrauður á forsetakosningar í miðri borgarastyrjöld. Tunnu-
sprengjuherferð stjórnarhersins hefur kostað nærri tvö þúsund manns lífið í
Aleppo það sem af er þessu ári. Að meðaltali eru það fjórtán manns á dag.
EYÐILEGGING Frá borginni Aleppo í Sýrlandi þar sem sprengjur hersins hafa kostað nærri tvö þúsund lífið. FRÉTTABLAÐIÐ/AP
INDLAND, AP Tveir lögreglumenn
hafa verið reknir úr starfi í
Uttar Pradesh á Indlandi vegna
þess að þeir gerðu ekkert til að
rannsaka hvarf tveggja stúlkna
á unglingsaldri.
Stúlkunum hafði verið nauðg-
að af hópi manna og lík þeirra
fundust síðar þar sem þau
höfðu verið hengd í tré. Akhi-
lesh Yadav, forsætisráðherra í
Uttar Pradesh, gerði hins vegar
lítið úr málinu þegar fjölmiðlar
spurðu út í það: „Eruð þið ekki
örugg?“ spurði hann. „Hvers
vegna eruð þið þá með áhyggj-
ur? Hvað varðar ykkur um
þetta?“ - gb
Mikil reiði á Indlandi vegna nauðgana og morða:
Tveir lögregluþjónar reknir
MÓTMÆLI
Hópar
fólks hafa
mótmælt
viðbrögðum
stjórnvalda
og lögreglu.
FRÉTTABLAÐIÐ/AP