Fréttablaðið - 27.06.2014, Blaðsíða 32

KYNNING − AUGLÝSINGLandsmót hestamanna FÖSTUDAGUR 27. JÚNÍ 20142
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Kolbeinn Kolbeinsson, s. 512 5447, kkolbeins@365.is
Ábyrgðarmaður: Jón Laufdal.
Stefán var 28 ára þegar hann fór á fyrsta Landsmót hesta-manna en hann verður átt-
ræður síðar á þessu ári. „Ég hef alla
tíð haft gaman af hestum og hef
átt hesta frá unglingsaldri,“ segir
Stefán sem var alinn upp í Norður-
Þingeyjarsýslu og foreldrar hans
voru með hesta. „Á þeim tíma voru
ekki margir sem stunduðu hesta-
mennsku. Foreldrar mínir áttu
gæðahross og ég var ungur farinn
að stússast í hestamennskunni.
Fljótlega eftir að ég flutti til Reykja-
víkur eignaðist ég hesta og hef alla
tíð verið með þá,“ segir Stefán sem
sat í stjórn Landssambands hesta-
manna í átta ár og var formaður í
fimm ár frá árinu 1981 til 1986.
Frjálsleg mót
Stefán segir að margt hafi breyst
á landsmótum frá fyrri tímum.
„Það hefur orðið mikil þróun í
allri umgjörð. Fyrstu landsmótin
voru frjálsleg en menn reyndu að
gera sitt besta. Það voru hins vegar
engir vellir. Núna er gerð krafa um
vandaða velli. Menn kepptu í reið-
mennsku og einnig voru sýningar á
hestum. Fyrst og fremst voru þetta
kappreiðar en þær hafa orðið færri
í seinni tíð. Í dag er meira lagt upp
úr sýningum á kynbótahrossum og
alhliða gæðingum.“
Stefán ætlar ekki að missa af
Landsmóti hestamanna þetta
árið og hlakkar mikið til að fara.
„Maður hittir margt gott fólk og
þetta er afskaplega skemmtileg
samkoma.“
Yfir Kjöl og Sprengisand
Fjölskylda hans er með 14 hesta og
Stefán reynir að komast í hest húsin
daglega. „Ég hef enn þá ánægju af
því að fara á bak. Hestamennsk-
an gerir manni gott. Maður nýtur
þess að vera með skepnunum og í
góðum félagsskap við aðra hesta-
menn. Hestamennskan er alhliða
grein sem sameinar fólk á öllum
aldri. Yngsta dóttir mín hefur erft
þennan áhuga og er dugleg að hugsa
um hrossin. Eiginkona mín, Arn-
þrúður Arnórsdóttir, hefur líka alltaf
verið með mér í hestamennskunni
og við fórum á hverju ári í hesta-
ferðir. Við fórum með vinahópi þvert
yfir landið, allt upp í þriggja vikna
til mánaðarferðir. Það var mjög
skemmtilegt. Maður nýtur þess að
sjá landið með öðrum augum en
þegar ferðast er í bíl og kynnist nátt-
úrunni á allt annan hátt. Við gistum
í skálum á leiðinni. Við fórum mörg-
um sinnum yfir Kjöl norður í Þing-
eyjarsýslu og yfir Sprengisand. Hest-
arnir hafa alltaf skipað stóran sess í
mínu lífi,“ segir Stefán. „Við skipu-
lögðum hestaferðir með löngum
fyrir vara til að fá skálapláss og girð-
ingar fyrir hestana. Það þarf fyrir-
hyggju til að undirbúa svona ferðir.“
Dreifði huganum
Þegar Stefán er spurður hvort lands-
mótum fylgi ekki mikið fyllerí, segir
hann svo ekki vera. „Það var meira
um það áður fyrr. Kannski hefur
verið of mikið gert úr drykkjuskap
og mér finnst hann ekki áberandi.
Við höfðum til dæmis þá reglu að
nota aldrei vín í okkar ferðum um
landið,“ segir hann.
Stefán var lengi bankastjóri
Búnaðarbankans sem var krefj-
andi starf. Hann segir að það hafi
verið góð hvíld að fara á hestbak
eftir vinnu. „Það dreifði huganum
og losaði mig við allt stress.“
Nýtur þess að vera með hestunum
Stefán Pálsson, fyrrverandi bankastjóri Búnaðarbankans, hefur verið hestamaður frá unglingsaldri. Hann hefur sótt öll Landsmót
hestamanna frá árinu 1962 þegar það fór fram á Skógarhólum.
Stefán á baki. Hann hefur alla tíð verið með hesta og nýtur þess að stússast með þeim.
Stefán Pálsson, fyrrverandi bankastjóri,
og eiginkona hans, Arnþrúður Arnórs-
dóttir, hafa ferðast um allt land á hestum
í gegnum árin og notið náttúrunnar á
annan hátt en þeir sem ferðast akandi.
MYND/ARNÞÓR
Kjartan Marinó Kjartansson matreiðslumaður ber hitann og þung-
ann af því að fæða landsmótsgesti. Undirbúningur hefur staðið yfir
í á þriðju viku. „Við hjá Grillhúsinu verðum með matseðil sem inni-
heldur hamborgara og fleira af matseðli Grillhússins. Einnig verðum
við með heimilislegri mat eins og hægeldaða grísaskanka, kjúklinga-
bringur með rúkólapestói, steiktan fisk og ýmislegt fleira.“
„Það er nánast vonlaust að vita hve margir eiga eftir að borða hjá
okkur. Í Víðidalnum árið 2012 komu á milli sex og sjö þúsund manns
til okkar en í ár gætu það orðið á bilinu tíu til fjórtán þúsund. Við
rennum í rauninni svolítið blint í sjóinn með þetta en veðrið segir
mjög mikið til um hve margir mæta, innkaupin hjá mér fara alveg
eftir veðri,“ segir hann og hlær.
Hann segir að nákvæmur fjöldi skipti þó ekki svo miklu máli ef
undirbúningurinn er góður. „Ég er búinn að gera plan fyrir hvern
dag og fæ vörur á hverjum degi. Ef það er minna að gera einhvern
daginn en ráð var gert fyrir þá sleppi einfaldlega pöntun daginn eftir.
Ef meira verður að gera en efni standa til verða allir birgjar á tánum
og mæta með það sem vantar hvenær sem er, ég gæti til dæmis
hringt á miðnætti og fengið vöruna strax klukkan átta daginn eftir.
Það er vissulega í mörg horn að líta en þetta verður æðislega gaman.“
Tólf manns verða við störf í eldhúsi Landsmóts þegar álagið verður
hvað mest. Hluti af starfsfólkinu fór austur í gær. „Það er gríðarleg
skipulagning sem stendur að baki. Það þarf að setja upp fullkomið
eldhús í tjaldi á staðnum, græja tæki og tól austur, hráefnið fer í dag
og svo verður þetta keyrt í gang á sunnudag. Það verður mikið álag á
starfsfólki á meðan á þessu stendur, þetta verður bara vertíð, en þetta
verður líka mjög gaman. Það er strax komin stemning í starfsfólkið
og við hlökkum til.“
Innkaup fara eftir veðri
Kjartan Marinó Kjartansson sér um að gestir Landsmótsins verði ekki svangir en
hann hefur umsjón með matseld á mótinu. MYND/GVA