Fréttablaðið - 14.02.2015, Síða 90

14. febrúar 2015 LAUGARDAGUR| MENNING | 54
„Þetta er gamall draumur að ræt-
ast,“ segir Kristjana Stefánsdóttir
djasssöngkona sem býr sig undir
að syngja lög Ellu Fitzgerald með
Stórsveit Reykjavíkur. Kristjana
hefur á undanförnum árum verið
í fremstu röð íslenskra djasssöng-
kvenna og á þrátt fyrir ungan
aldur að baki glæstan feril. Krist-
jana er fædd og uppalin á Selfossi
og tónlistin hefur alltaf átt hug
hennar allan þótt hún hafi ekki
alltaf ætlað að leggja djassinn
fyrir sig.
„Það þurfti nú ekki nema einn
útvarpsþátt til þess að breyta líf-
inu. Ég var svona meira á leiðinni
út í klassískt nám, rúmlega tví-
tug og farin að spá í framhalds-
nám á Ítalíu eða kannski í Þýska-
landi þegar þetta breyttist allt með
einu lagi. Ég lá í sófanum heima
hjá ömmu og afa þegar amma kom
og sagði við mig: „Kristjana mín,
það er einhver djass í útvarpinu,“
og var eflaust með það á hreinu að
þetta væri eitthvað fyrir mig. Ég
fór að hlusta, það var þáttur um
Ellu Fitzgerald og þar var spiluð
upptaka með henni á How High
the Moon frá tónleikum í Berlín
árið 1960. Og þarna var lagið sem
breytti öllu þar sem Ella syngur
sex mínútna skat-sóló.
Ég hlustaði dolfallin á þáttinn til
enda og í lokin tók þulurinn fram
að þátturinn yrði endurtekinn
um kvöldið. Svo ég stökk út í bíl-
inn hans afa, brunaði í búð, keypti
kassettu og tók svo þáttinn upp um
kvöldið. Ég á þessa kassettu meira
að segja enn þá. En þetta varð til
þess að ég ákvað að fara í djass-
inn og áður en ég vissi af þá var ég
farin í nám til Hollands.“
Næstkomandi mánudagskvöld
ætlar Kristjana að syngja plötuna
Ella & Basie frá 1963 í útsetningum
Quincy Jones með Stórsveit Reykja-
víkur undir stjórn Svíans Daniels
Nolgård, píanóleikara og útsetjara.
„Stórsveitin er í rosalegu formi
þessa dagana og Daniel er algjör
snillingur. Þessar útsetningar eru
ekki lengur til svo Daniel tók sig
til og skrifaði þetta upp eftir upp-
tökunni á plötunni. Þetta eru þrett-
án þekktir standardar og á einni af
þekktustu plötum djassins svo þetta
verður alveg hrikalega gaman.
Auk djassins hefur Kristjana á
síðustu árum einnig starfað í leik-
húsi en sýningarnar Jesú litli og
Hamlet litli þar sem Kristjana sá
um tónlistina og lék einnig í sýn-
ingunum nutu báðar gríðarlegra
vinsælda og hlutu báðar sýning-
arnar Grímuverðlaunin sem sýn-
ing ársins. Leikhúsið skipar sífellt
stærri sess í störfum Kristjönu en
hún á reyndar leiklistaráhugann
ekki langt að sækja.
„Amma var ein af stofnendum
Leikfélags Selfoss og leikhúsið
hefur alltaf togað smá í mig. Ég er
hreinlega alin upp í litla leikhús-
inu á Selfossi og þar tók ég þátt í
ýmsum verkefnum en alltaf út frá
tónlistinni. Ég var alltaf staðráðin í
að verða tónlistarmaður en leikhús-
ið hefur alltaf heillað mig líka. Það
eru algjör forréttindi að geta bland-
að þessu saman enda má eiginlega
segja að ég sé með áunna leikhús-
bakteríu.
Við Bergur Þór erum að fara
að vinna nýja trúðasýningu fyrir
Borgarleikhúsið. Það verður trúða-
ópera þannig að tónlistin verður í
miklu stærra hlutverki en áður svo
ég hlakka alveg rosalega mikið
til. Tónlistin verður eflaust allt-
af númer eitt hjá mér og ég stefni
að því að senda frá mér sólóplötu
seinna á árinu. Ég sendi frá mér
eitt lag síðasta sumar og þetta er
nú meira popp en djass enda við
Selfyssingar sérfræðingar í sumar-
smellum.“ magnus@frettabladid.is
➜ Myndirnar sýna
daglegt líf á Akra-
nesi og í sveitunum
í kring en einnig í
Deventer í Hollandi.
Akurnesingurinn og listmálarinn
Bjarni Skúli Ketilsson – Baski,
sýnir í Safnaskálanum á Akranesi.
Hann býr í Deventer í Hol-
landi ásamt konu og börnum en
skrapp heim til að halda nám-
skeið í myndlist og einnig til að
sýna verk sín. Myndirnar sýna
daglegt líf á Akranesi og í sveit-
unum í kring en einnig í Deventer
í Hollandi.
Þetta er önnur sýning Bjarna
Skúla á Akranesi. Sú fyrri var
Minningar á striga árið 2012 á
70 afmæli Akraneskaupstaðar
og samhliða gaf hann út bókina
Akranes heima við hafið.
Fyrirsætan á myndinni sem hér
fylgir með er söngkona í hljóm-
sveit listamannsins Dear Ellinor
í Hollandi. Hún er af ætt hins
heimsfræga málara Johannes
Vermeer sem málaði meðal ann-
ars hið fræga málverk Mjólkur-
stúlkuna.
Baski ákvað að fá hana í sams
konar uppstillingu á vinnustofu
sinni til að geta málað af henni
mynd í anda Vermeers, frænda
hennar.
Hér er hún með sinn uppáhalds-
drykk og því heitir verkið Viský-
stúlkan! - gun
Málar í anda hins hollenska Vermeers
Listsýningin Daglegt líf verður opnuð í Guðnýjarstofu, Safnaskálanum á Akranesi, í dag klukkan 14.
EIN AF MYND-
UM BASKA
Gerdine Vermeer
er af ætt hins
heimsfræga
málara Johannes
Vermeer.
Á enn þá til á kassettu lagið sem
breytti öllu á sex mínútum
Kristjana Stefánsdóttir djasssöngkona ætlar að syngja eina frægustu plötu Ellu Fitzgerald með Stórsveit Reykjavíkur í Hörpu næsta
mánudagskvöld. Hún stefnir að sólóplötu á árinu, undirbýr trúðaóperu í Borgarleikhúsinu og er með áunna leikhúsbakteríu.
KRISTJANA OG ELLA Lagið How High the Moon með þessari mögnuðu söngkonu varð til þess að djassinn varð fyrir valinu hjá
Kristjönu Stefánsdóttur.
„Við ætlum að leiða fólk með
tónum og textum úr myrkri og
kulda í ljós og yl. Okkur finnst svo
þarft fyrir sálarlífið að fagna því
að við Íslendingar erum að færa
okkur úr myrkrinu yfir í birtuna,“
segir Anna Jónsdóttir sópran-
söngkona um tónleika sem hún og
Sophia Schoonjans hörpuleikari
eru með í Hannesarholti á morg-
un, sunnudag, klukkan 15.
Við erum með tónlist eftir Moz-
art og Schubert, íslensk þjóðlög og
líka ensk og þýsk. Ég held að þetta
sé tónlist við allra hæfi, innlendra
sem erlendra.“
Tónleikarnir tilheyra röðinni
Konsert með kaffinu. - gun
Fagna birtunni með
tónum og textum
Anna Jónsdóttir sópran og Sophia Schoonjans hörpu-
leikari halda tónleika í Hannesarholti á morgun.
FLYTJENDUR Þær Sophia og Anna ætla
að flytja tónlist við allra hæfi.
ÓKEYPIS AÐGANGUR
HÁDEGISTÓNLEIKAR
Í NORÐURLJÓSUM, HÖRPU
ÞRIÐJUDAGINN 17. FEBRÚAR KL.12:15
KOLBEINN JÓN KETILSSON
TENÓR
ANTONÍA HEVESI
píanó
WAGNER - WEBER - TOSTI
Í FJARLÆGÐ
MENNING
Ég fór að hlusta, það var þáttur um Ellu Fitzgerald
og þar var spiluð upptaka með henni á How High the
Moon frá tónleikum í Berlín árið 1960. Og þarna var
lagið sem breytti öllu þar sem Ella syngur sex mínútna
skat-sóló.
1
3
-0
2
-2
0
1
5
2
1
:1
2
F
B
1
1
2
s
_
P
0
9
0
K
.p
1
.p
d
f
F
B
1
1
2
s
_
P
0
8
7
K
.p
1
.p
d
f
F
B
1
1
2
s
_
P
0
2
3
K
.p
1
.p
d
f
F
B
1
1
2
s
_
P
0
2
6
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
3
C
F
-F
2
1
4
1
3
C
F
-F
0
D
8
1
3
C
F
-E
F
9
C
1
3
C
F
-E
E
6
0
2
8
0
X
4
0
0
8
A

F
B
1
1
2
s
C
M
Y
K