Læknablaðið - 15.06.2001, Síða 52

UMRÆÐA & FRÉTTIR / MÁLÞING FKLÍ
Vel sótt málþing Félags kvenna í
læknastétt á íslandi
ÞANN 17. MAÍ SÍÐASTLIÐINN VAR HALDIÐ MÁLÞING UM
stöðu kvenna í læknastétt á Islandi í húsi lækna-
félaganna Hiíðasmára 8 í Kópavogi. Málþingið var
tvískipt, fyrst voru framsöguerindi og þar á eftir
pallborðsumræður. Ólöf Sigurðardóttir formaður
FKLÍ bauð gesti velkomna og rakti aðdraganda
málþingsins í stuttu máli. Þá vakti hún athygli á
ýmsum atriðum er varða stöðu kvenna í læknastétt,
ekki síst í ljósi þess hve margar þær eru í hópi
unglækna. Vaktafyrirkomulag og vinnuaðstæður
unglækna eru sérlega óheppilegar fyrir ungt fólk sem
er að stofna fjölskyldur og ungar konur í FKLI hafa
að undanförnu vakið athygli á þessu máli, sem ljóst er
að þarf að lagfæra.
Þá tóku til máls nokkrir af helstu ráðamönnum
í heilbrigðismálum á Islandi: Nýskipaður heil-
brigðisráðherra Jón Kristjánsson, ávarpaði þingið
og Magnús Pétursson forstjóri Landspítala há-
skólasjúkrahúss, Reynir Tómas Geirsson deildar-
forseti læknadeildar HI og Sigurbjörn Sveinsson
formaður LI héldu stutt erindi. I máli þeirra var
meðal annars vísað til aldursdreifingarinnar í
Litið yfir salinn. í fremstu röð eru Sigurbjörn Sveinsson formaður LÍ, Guðrún
Agnarsdótir ein af skipuleggjendum málþingsins, Jón Kristjánsson heilbrigðisráðherra,
Jóhannes Gunnarsson framkvœmdastjóri Landspítala háskólasjúkrahúss og Magnús
Pétursson forstjóri Landspítala háskólasjúkrahúss. Fyrir aftan þau má meðal annars sjá
Margréti Georgsdóttur og Matlhías HaUdórsson.
læknastétt og bent á það sem hluta af skýringunni
á því hvers vegna konur sætu síður í
stjórnunarstöðum en karlar. Það kom þó fram í
máli Magnúsar Péturssonar að hlutfall kvenna í
stjórnunarstöðum hjá Landspítalanum væri lægra
en aldursdreifingin gæfi tilefni til, ef litið væri á
læknastéttina eingöngu.
Lára V. Júlíusdóttir lögmaður bar saman lög-
menn og lækna og stöðu kvenna í þessum tveimur
greinum og vakti meðal annars athygli á því að
ýmislegt af því sem verið væri að fjalla um sem
réttlætismál fyrir konur væri í rauninni lögbundinn
réttur sem ekki væri virtur. Ingibjörg Georgsdóttir
læknir fjallaði meðal annars um baráttu kvenna
fyrr á tímum fyrir því að fá að sækja læknanám og
vitnaði til reynslu Elizabeth Blackwell sem fyrst
kvenna lauk læknanámi í Bandaríkjunum (1849).
Hún þurfti að sækja um 28 sinnum áður en henni
var veitt innganga í læknadeild.
I fjölmennu pallborði eftir framsöguerindin
kom glöggt í ljós að mjög var misjafnt hvað fólk las
úr þeim tölum sem komið hafa fram að
undanförnu um stöðu kvenna í læknastétt, meðal
annars í umfjöllun í Læknablaðinu. Það var
einkum hlutfall kvenna í stjórnun og háskóla-
kennslu sem brann á málþingsfulltrúum. Þor-
gerður Einarsdóttir félagsfræðingur benti á að
ekki væri nóg að bíða og vona að ástandið lagaðist,
heldur væri nauðsynlegt að grípa til einhverra
aðgerða, og benti meðal annars á jafnréttisnefndir
sem starfandi eru bæði innan háskólasamfélagsins
og á sjúkrahúsum.
í lok máþingsins var samþykkt
eftirfarandi ályktun:
„Um tveggja ára skeið hefur verið starfandi Félag
kvenna í læknastétt á Islandi - FKLI. Félagið hefur
ýmis stefnumál á dagskrá sinni með megináherslu á
stöðu kvenna innan læknastéttarinnar, hvemig megi
bæta hana og efla. Nokkur kynning fór fram á
félaginu, markmiðum þess og væntingum félags-
kvenna í febrúar- og marsheftum Læknablaðsins
2001. Þar kemur meðal annars fram að fleiri konur
hafa á undanförnum árum sótt nám í læknisfræði en
áður. Þær hafa einnig í auknum mæli haldið af stað í
sérnám og er vaxandi fjöldi kvenna starfandi í
flestum sérgreinum læknisfræðinnar hér á landi. En
þegar litið er til stöðuveitinga á stóru sjúkrahúsunum
og innan Háskóla íslands, einkum varðandi stjórnun
552 Læknablaðið 2001/87