Skessuhorn - 21.05.2014, Blaðsíða 24

24 MIÐVIKUDAGUR 21. MAÍ 2014
Þegar nýr meirihluti tók við í Borg-
arbyggð árið 2010 var mörkuð sú
stefna að sveitarfélagið yrði vel
rekið, það tækist að breyta óhag-
stæðum lánum í hagstæð og lækka
skuldir sveitarfélagsins. Þrátt fyrir
þetta settum við okkur það mark-
mið að bjóða góða þjónustu án þess
t.d. að loka einhverjum stofnunum
eða skerða rekstur verulega. Ítrasta
aðhalds hefur verið gætt en sam-
tímis höfum við t.d. hvorki hækk-
að fasteignaskatt eða lóðaleigu og
leikskólagjöld hafa ekki hækkað
frá árinu 2012. Þá höfum við ver-
ið í stórum framkvæmdum eins og
byggingu hjúkrunarálmu við Dval-
arheimilið Brákarhlíð og festum
kaup á mennta- og menningarhús-
inu Hjálmakletti. Nú í lok kjör-
tímabilsins er árangur þessarar
vinnu að koma í ljós því á síðasta ári
fór skuldaviðmið sveitarfélagsins
niður fyrir viðmið Eftirlitsnefndar
með fjármálum sveitarfélaga sem er
150% og gott betur, alveg niður í
120%!
Eðli málsins samkvæmt þá hef-
ur þetta aðhald kannski fyrst og
fremst bitnað á viðhaldi eigna, en
nú með batnandi fjárhag og fjölg-
un íbúa þá höfum við aukið fjárveit-
ingar til viðhalds fasteigna t.d. við
grunnskólana á Kleppjárnsreykj-
um og Borgarnesi og fyrirhugaðar
eru talsverðar viðhaldsframkvæmd-
ir á götum og gangstéttum. Jafn-
framt höfum við á síðari hluta kjör-
tímabilsins veitt auknu fjármagni til
ýmis konar þjónustu s.s. í leik- og
grunnskólum, félagsþjónustu og í
íþrótta- og æskulýðsmálum.
Rekstrarniðurstaða sveitarsjóðs
var jákvæð á síðasta ári um rúmar
9 milljónir, en hins vegar var nei-
kvæð niðurstaða á rekstri B-hluta
fyrirtækja sem gerir það að verkum
að niðurstaðan á samstæðu Borgar-
byggðar var neikvæð um 41 milljón
kr. Þetta er rúmlega 45 milljónum
kr. verri útkoma en fjárhagsáætlun
með viðaukum gerði ráð fyrir. Það
eru vissulega vonbrigði og við mun-
um bregðast við því. Hins vegar er
það afar ánægjulegt að sé kjörtíma-
bilið skoðað í heild sinni þá er af-
koma sveitarsjóðs jákvæð um sam-
tals 383 milljónir króna sem sýnir
okkur það að fjármálastjórnun hef-
ur verið markviss á kjörtímabilinu.
Það eru jákvæð teikn á lofti í
Borgarbyggð, íbúum hefur verið að
fjölga aftur og atvinnulíf að eflast.
Það eru því allar forsendur til stað-
ar til að sækja fram. Það er m.a. af-
leiðing þess að betri fjárhagur þýð-
ir meira svigrúm til betri þjón-
ustu, lækkunar á gjöldum og upp-
byggingar. Við fulltrúar Sjálfstæð-
isflokksins erum mjög stoltir af ár-
angrinum sem Borgarbyggð hefur
náð í fjármálum sínum á kjörtíma-
bilinu og bjóðum fram krafta okk-
ar til að leiða það góða starf áfram
næstu fjögur árin til hagsbóta fyrir
íbúana. Stöndum saman - vinnum
saman!
Jónína Erna Arnardóttir.
Höf. skipar 2. sætið á framboðslista
Sjálfstæðisflokksins í Borgarbyggð.
Þann 31. maí næstkomandi mun
ég stoltur leiða framboðslista Sjálf-
stæðisflokksins á Akranesi til kosn-
inga. Ákvörðun mín að taka þennan
slag hefur blundað lengi í mér og
nú er dýrið vaknað. Ég er meira en
tilbúinn að leggja mitt lóð á vogar-
skálarnar til að Akranes verði sveit-
arfélag í fremstu röð á Íslandi.
Framboðslisti Sjálfstæðisflokks-
ins er skipaður fjölhæfu og metn-
aðargjörnu fólki sem hefur brenn-
andi áhuga á að gera bænum sínum
vel. Þessi hópur hefur marghátt-
aða reynslu úr atvinnulífinu, opin-
berum rekstri og ekki síst sveitar-
stjórnarmálum. Hópurinn er með
ólíkan bakgrunn en hefur samein-
ast í þeirri sýn að það er hægt að
gera betur á Akranesi.
Í nánu samstarfi við bæjarbúa
höfum við mótað stefnuskrá okkar
sem við höfum nú kynnt. Þar höf-
um við nálgast hlutina með jákvæð-
um en jafnframt gagnrýnum aug-
um, bæði á okkar störf og annarra,
með það að leiðarljósi að alltaf sé
hægt að gera betur. Kosningabar-
áttan verður brátt í hámarki og vil
ég því hvetja alla bæjarbúa til þess
að ræða við okkur sjálfstæðismenn
og kynna sér stefnuskrá okkar.
Á síðustu vikum höfum við unnið
markvisst að því að kynnast styrk-
leikum hvers annars og stilla saman
strengi. Við erum öflug liðsheild og
ég er sannfærður um að þessi vaska
sveit mun mæta öflug til leiks í bar-
áttunni fyrir betra bæjarfélagi.
Ólafur Adolfsson
Höfundur er oddviti Sjálfstæðis-
flokksins á Akranesi
Ingþór Bergmann
Þórhallsson skrifaði
grein í Skessuhorn
sem hét „Gerum betur
í sorpmálum.“ Ég verð að gera nokkr-
ar athugasemdir við greinina, tilvitnan-
ir í greinina eru í gæsalöppum. Linkar
á vef Akraness neðst.
Ólyginn sagði mér
Ingþór: „Saga sorpflokkunar á Akra-
nesi er á margan hátt þyrnum stráð.
Skemmst er að minnast tilraunar sem
gerð var á sínum tíma en rann út í
sandinn þegar í ljós kom að allt flokk-
aða sorpið var eftir sem áður urðað á
sama stað og áður.“
Aths: Hér vantar að nefna dæmi.
Hvaða urðunarstaður var þetta? Hve-
nær var þetta? Hve umfangsmikið?
Rann einhver áætlun út í sandinn út af
þessu? Af hverju var ekki reynt að finna
orsökina og laga málið? Eða voru þetta
bara sögusagnir sem spunnust upp eftir
að nokkrar fernur fundust á ruslahaug-
um einhversstaðar á Vesturlandi?
Núverandi fyrirkomulag
Ingþór: „Núverandi skipulag, sem
hófst árið 2008, hefur hins vegar skil-
að þeim árangri að sorpmagn til urð-
unar frá hverjum íbúa er aðeins helm-
ingur af því sem það var um síðustu
aldamót.“
Aths: Ártalið er líklega valið vegna
þess að það er á miðju kjörtímabili
þegar Sjálfstæðisflokkurinn var í meiri-
hluta. Hið rétta er að núverandi skipu-
lag (tveggja tunnu kerfið) var tekið í
notkun með samningi við verktaka í
ágúst 2010*).
Hver er reynslan af
Flokknum í sorpmálum?
Ingþór: „En betur má ef duga skal.
Fyrirtæki og stofnanir hafa fram að
þessu ekki þurft á sama hátt og heim-
ilin að flokka sorp. Því þarf að breyta
á næstu árum þannig að sömu reglur
gildi fyrir alla.“
Aths: Rétt, en Sjálfstæðismenn hafa
a.m.k. ekki hingað til verið í forystu í
flokkun sorps á Akranesi, svo það er
ástæðulaust að treysta þeim fyrir því
núna. Verkáætlun um flokkun var sett
fram strax í desember 2005**). Sjálf-
stæðismenn sögðu upp samningi um
heildstæða flokkun í október 2006***).
Loforðið, eilífa og skot-
helda, að lækka skatta og
gjöld:
Ingþór: „ Hin hliðin á þessum árangri
er sú fjárhagslega. Bæjarfélagið greiðir
í dag talsvert minna í urðunargjöld en
áður... Bæjarfulltrúar Sjálfstæðisflokks-
ins á Akranesi munu fylgja því fast eft-
ir á næsta kjörtímabili að sorphirðu-
gjöld lækki til jafns við lækkandi kostn-
að bæjarfélagsins.“
Aths: Það er rétt að sorphirðugjald
er aðeins hærra núna en útgjöld bæj-
arins hafa verið vegna sorphirðu. En á
undanförnum árum hefur þessu ver-
ið öfugt farið. Það er eðlilegt að sorp-
hirðugjöld haldist í hendur við útgjöld
bæjarins þegar horft til einhvers ára-
bils, frekar en að hrært sé í gjöldunum
frá ári til árs.
Ingþór: „Aðeins þannig tryggjum
við áframhaldandi árangur í þessum
málum.“
Aths: Það eru margar aðrar leiðir
betri til að tryggja áframhaldandi ár-
angur í sorphirðumálum, en að lækka
gjöldin.
Kveðja, Reynir Eyvindsson
Höf. skipar 2. sæti á lista VG á Akra-
nesi.
*) http://www.akranes.is/frettir/nr/105689/
**) http://www.akranes.is/Files/
Skra_0013907.pdf
***) http://www.akranes.is/stjornsysla/
nefndir-rad-og-fundargerdir/baejarrad/
nr/8465/
„Sól slær silfri á voga,
sjáðu jökulinn loga.
Allt er bjart fyrir okkur
tveim, því ég er kominn heim.“ Þetta
textabrot segir töluvert um hvernig
mér líður í mínum bæ, Snæfellsbæ.
Þetta er bærinn sem ég ákvað að koma
upp minni fjölskyldu. Hér eru æsku-
slóðir barnanna minna og vegna þess
langar mig að hjálpa til við að gera
gott bæjarfélag enn betra. Ég er það
sem kallast utanbæjarmaður, aðflutt-
ur ands... og tel ég það veita mér góða
yfirsýn í hvað er vel gert og hvað betur
má fara. Mínar skoðanir miðast ekki
af því að hlutirnir eigi að vera svona
af því að þeir hafa alltaf verið svona,
heldur að góð hugmynd er alltaf góð -
alveg sama frá hverjum hún kemur.
Við í Bjartri framtíð trúum á rót-
tækt traust, þ.e. frelsi til að láta að okk-
ur kveða. Við treystum fólki og þess
vegna erum við lýðræðisafl. Við erum
nefnilega svo dásamlega allskonar og
höfum mismunandi sýn á lífið.
Æskulýðsstefna
Á unglingsárum mínum bjó ég bæði
á Djúpavogi og Borgarfirði eystri þar
sem ég kynntist öflugri tónlistarmenn-
ingu og því hversu miklu máli skiptir
að einstaklingurinn fái að blómstra. Í
Snæfellsbæ eigum við gríðarlega hæfi-
leikaríkt fólk á sviði lista sem og óupp-
götvaðar stórstjörnur sem gætu með
bættri aðstöðu skapað hæfileikum sín-
um farveg. Mannauður á þessu sviði
er ómetanlegur þar sem sköpunar-
vinna eykur ekki aðeins gildi mann-
lífsins heldur gefur einstaklingn-
um svigrúm til athafna og tjáningar
á heilbrigðan og uppbyggjandi hátt.
Á þessum grundvelli tel ég mikilvægt
að byggja upp sterka æskulýðsstefnu.
Að þeim málaflokki ætlum við í Bjartri
framtíð að vinna ötullega að. Áhersla
á að vera lögð á að ungt fólk hafi eitt-
hvað við sitt hæfi. Geti leitað í tóm-
stundarstarf, forvarnastarf og hist og
sinnt sínum áhugamálum. Stefna okk-
ar í Bjartri framtíð er að allir eigi að
búa við aðstöðu og svigrúm til að gera
það sem hugur þeirra stendur til, án
þess að skaða aðra. Með þvi að virkja
fjölbreyttar athafnir einstaklinga, hug-
myndir þeirra og kraft leggjum við
grunn að farsælu samfélagi.
Ýmislegt æskulýðsstarf er í bæjar-
félaginu okkar og við viljum standa
vörð um það og styrkja, en við höfum
líka hugsjónir um það að auka mögu-
leika ungs fólks á aldrinum 16 – 22 ára
á félagsstarfi í heimabyggð. Þar þarf að
leita eftir röddum þeirra sjálfra varð-
andi hugmyndavinnu en okkur finnst
skipta mjög miklu máli að þau eigi
möguleika á uppbyggilegu og kröft-
ugu félagsstarfi.
Leikskólamál
Nú kem ég að gríðarlega mikilvægu
máli og eru það leikskólamálin okk-
ar. Mál sem skiptir allar fjölskyldur
Snæfellsbæjar sköpum, enda skólarnir
sameign okkar allra. Leikskólamál eru
okkur fjölskyldufólkinu mikið hjart-
ans mál. Þar fá börnin okkar áskjós-
anleg tækifæri til að efla tilfinninga-,
félags- og málþroska sinn; fyrstu vina-
samböndin verða til og grunnurinn að
áframhaldandi skólagöngu er lagður.
Ég veit af eigin reynslu að starfs-
fólk leikskólanna sinnir sínu starfi
mjög vel og gerir allt til að börnin
okkar blómstri og stundi sitt nám og
má þakka fyrir þann mannauð sem við
eigum í þessu frábæra fólki.
Því er fastlega haldið fram að hér
þurfum við ekki að borga há leikskóla-
gjöld og reglulega sagt að samkvæmt
tölfræðinni á landsvísu borgum við
ekki meira heldur en gengur og ger-
ist. Ef farið er yfir gjaldskrár ann-
arra sveitarfélaga eru okkar leikskóla-
gjöld á meðal þeirra hæstu á land-
inu. Því þarf að breyta. Há leikskóla-
gjöld kalla á aukna þjónustu; vel útbú-
inn og tilhafðan leikskóla, rýmri opn-
unartíma sem kemur til móts við þarf-
ir íbúa og fyrirtæki í nútímasamfélagi.
Eftir að hafa skoðað báða leikskólana
er greinilegt að þeim hefur ekki verið
sinnt eins og þeir eiga skilið. Í Ólafsvík
er komin bráðabirgðadeild í blokkina
og aðstaða starfsmanna er bágbor-
in innan leikskólans. Aðkoma að leik-
skólanum á Hellissandi er beinlín-
is hættuleg yfir vetrartímann og þessi
atriði þarf að laga strax. Niðurfelling
fjögurra stunda gjaldfrjálsar vistunar
fyrir elstu börnin kom mér virkilega á
óvart, sér í lagi vegna áætlana um auk-
ið samstarf leik- og grunnskóla. Við í
Bjartri framtíð munum gera allt sem
í okkar valdi stendur til að gera þjón-
ustu og umhverfi leikskólanna frábært,
enn betra en það nú er.
Á kostnað hvers?
Traust og ábyrg fjármálastjórnun er
frasi sem heyrist mikið þessa dagana.
En á kostnað hvers er þessi ábyrga
fjármálastjórnun? Hér hefur verið
unnið gott starf í fegrun bæjarins og
mikið verið um framkvæmdir. Við
höfum gert mikið fyrir gestina okkar
en gleymt okkur sjálfum. Við í Bjartri
framtíð leggjum áherslu á að meira
samráð verði milli íbúa og stjórnsýslu.
Að umhverfið fyrir atvinnulífið verði
hvetjandi, samfélagsþjónustan traust,
einstaklingurinn og hans hugmyndir
fái að njóta sín. Nýta okkur þekkingu
og reynslu fólks og vera ófeimin við að
leita ráða hjá þeim sem betur vita og
leyfa öllum að njóta þess að vera til.
Skilningur – Lýðræði -
Hugrekki
Í stjórnmálayfirlýsingu Bjartar fram-
tíðar er talað um skilning: „Skilning-
ur er leið til góðra ákvarðana og sátta.
Gífuryrði og hleypidómar sem og alls
kyns misskilningur hindrar framfarir
og lausnir“. Samfélagið okkar er fullt
af góðu og kraftmiklu fólki. Nú erum
við að sjá fjögur framboð bjóða krafta
sína í þágu bæjarmála. Þetta sýnir okk-
ur lýðræði í sinni sterkustu mynd. Af
hverju átt þú að kjósa Bjarta framtíð
lesandi góður? Fyrir það fyrsta erum
við BEST og við höfum kjarkinn til
að breyta úr viðjum vanans. Við erum
hugrökk og við hlustum á þig!
X við Æ í maí!
Sigursteinn Þór Einarsson
Höf. skipar 2. sætið á lisa Bjartrar
framtíðar í Snæfellsbæ.
Pennagrein
Bjart framundan
Pennagrein
Gera þeir betur í sorpmálum?
Gerum betur
Pennagrein
Pennagrein
Allt er bjart...
www.skessuhorn.is
Fylgist
þú með?
Áskriftarsími:
433 5500