Skessuhorn - 04.06.2014, Blaðsíða 20

20 MIÐVIKUDAGUR 4. JÚNÍ 2014
Alþingi samþykkti nýverið breyt-
ingar á skipulagslögum. Meðal ann-
ars er breytt bótaákvæði laganna.
Breytingunni er ætlað að endur-
spegla gildandi réttar-
framkvæmd og skýra
með ítarlegri hætti hve-
nær bótaréttur stofn-
ast vegna skipulags-
áætlana. Þá voru gerðar
breytingar á nokkrum
ákvæðum laganna í ljósi
reynslu af framkvæmd þeirra. Ber
þar helst að nefna ákvæði er varða
óverulega breytingu á deiliskipu-
lagi og grenndarkynningu, skipan
varamanna í svæðisskipulagsnefnd-
ir, tímafresti fyrir tilkynningar um
endurskoðun svæðisskipulags og
aðalskipulags í kjölfar sveitarstjórn-
arkosninga, lengingu tímafrests
vegna afgreiðslu deiliskipulags og
hæfiskröfur þeirra sem
sinna skipulagsgerð.
Að auki var ákvæði er
varðar svæðisskipulag
miðhálendisins breytt,
þar sem kveðið er á um
málsmeðferð Skipu-
lagsstofnunar við breyt-
ingar á svæðisskipulagi miðhálend-
isins. Loks var gerð breyting á
ákvæði er varðar stafrænt skipulag,
þar sem m.a. er kveðið á um skil
skipulagsáætlana og birtingu þeirra
með stafrænum hætti. mm
Nýverið samþykkti stjórn Íbúðal-
ánasjóðs tilboð félags í eigu tveggja
fyrirtækja á Akranesi í fjölbýlishús-
ið að Hagaflöt 7 á Akranesi. Það er
Trésmiðjan Akur og Rafþjónusta
Sigurdórs sem kaupa húsið sem
staðið hefur um það bil fokhelt frá
bankahruni. Í samtali við Skessu-
horn sagði Halldór Stefánsson
framkvæmdastjóri Akurs að kaup-
verðið væri trúnaðarmál. Áformað
er að framkvæmdir hefjist á næst-
unni og að fyrstu íbúðirnar verði
afhentar í kringum næstu áramót.
„Við erum að horfa til næstu 6-8
mánaða í framkvæmdartíma,“ seg-
ir Halldór.
Í Hagaflöt 7 verða 20 íbúðir,
helmingurinn þeirra tveggja her-
bergja 60 fm að flatarmáli, sex
íbúðir verða 79 fm og þriggja her-
bergja en fjórar íbúðir verða fjög-
urra herbergja og 95 fm að flatar-
máli. „Okkur sýnist að þetta séu
þær íbúðastærðir sem markaður-
inn er að kalla eftir, einkum minni
íbúðirnar fyrir unga fólkið,“ seg-
ir Halldór. Hann segir að þessi tvö
fyriræki, Trésmiðjan Akur og Raf-
þjónusta Sigurdórs, hefðu átt langt
og gott samstarf og forsvarsmenn
þeirra ákveðið að ráðast í þessa
framkvæmd núna þegar heldur virð-
ist vera að birta til á fasteignamark-
aðinum. „Það er talsvert um fyrir-
spurnir varðandi einbýli og sum-
arhús núna og fólk greinilega að
spá. Hinsvegar er ekki mikill þrýst-
ingur varðandi viðhald á húsnæði
svona almennt hjá einstaklingum
hvað þá hjá opinberum aðilum eins
og sveitarfélaginu. Það er og hef-
ur verið alveg í lágmarki í nokkurn
tíma,“ segir Halldór í Akri.
þá
Komum skemmtiferðaskipa til
Grundarfjarðar mun fjölga talsvert
í sumar frá því í fyrra. Alls verða
þær 19 talsins og hafa aldrei verið
fleiri. Skemmtiferðaskip hafa kom-
ið reglulega til Grundarfjarðar frá
2001 og hafa nokkrar sveiflur ver-
ið á fjölda þeirra á milli ára. Flest-
ar voru þær árið 2012 þegar 17
skemmtiferðaskip komu til Grund-
arfjarðar. Í ár eru 11 mismunandi
skemmtiferðaskip sem leggjast að
bryggju í Grundarfirði og koma
því sum þeirra oftar en einu sinni.
Flest skipin munu koma í júlímán-
uði. Skemmtiferðaskipið Fram var
fyrsta skipið sem kom í ár, þann 26.
maí sl. Það verður einnig það síð-
asta sem kemur til Grundarfjarð-
ar á ferðasumrinu, þann 5. septem-
ber.
grþ
Rannsóknastofnun atvinnulífsins á
Bifröst gaf í dag út nýja skýrslu um
skattsvik í ferðaþjónustu. „Undan-
farin ár hefur mikil fjölgun orðið
á komum erlendra ferðamanna til
landsins. Á sama tíma hafa skatt-
tekjur og útflutningstekjur á hvern
ferðamann dregist saman. Ekki er
hægt að útskýra þessa þróun með
breyttum ferðavenjum eða samsetn-
ingu erlendra ferðamanna. Líklegt
er að svört atvinnustarfsemi spili
nokkurt hlutverk í þessari þróun,“
segir í kynningu á skýrslunni. Þá
segir að veltufrávik í gistiþjónustu
mælist á bilinu 17-19% árið 2013.
„Veltufrávikið er hér skilgreint sem
bil á milli veltu greinarinnar sam-
kvæmt virðisaukaskattsskýrslum og
uppreiknuðu söluverðmæti gist-
ingar. Litið til þróunar síðustu ára
hefur veltufrávikið farið vaxandi en
það var 8% árið 2011 og 13% árið
2012.“
„Veltufrávik í áfengissölu vínveit-
ingastaða mældist 42% árið 2013
og 45% árið á undan. Eins og fyrir
gistiþjónustu er uppgefin velta bor-
in saman við uppreiknað söluverð-
mæti þess áfengis sem vínveitinga-
staðir kaupa inn. Leiða má líkur
að því að stór hluti veltufráviksins
sé röng skráning áfengra drykkja í
7% þrep vsk. Stærsta vandamálið í
gistiþjónustu er fjöldi óskráðra og
leyfislausra gististaða sem líklega
standa ekki skil á öllum sköttum.
Skatteftirlit er sérlega erfitt í gisti-
þjónustu enda starfsstöðvar gisti-
staða oft ekki þekktar. Almennt er
talið að þeir sem hafa leyfamál í lagi
hafi skattskil í lagi og öfugt þann-
ig að möguleg lausn felst í því að
efla leyfaeftirlit og samtvinna það
skatteftirliti. Samhliða þessu mætti
setja á fót „one stop shop,“ stofn-
un sem héldi utan um öll leyfa-
og skattamál ferðaþjónustufyrir-
tækja og aðstoðaði ný fyrirtæki í
að verða lögleg. Í veitingaþjón-
ustu felst stórt vandamál í rangri
tekjuskráningu. Stór ástæða þessa
vandamáls er mikið bil á milli VSK
þrepa áfengis og annarra veitinga
auk óljósra reglna varðandi skatta-
lega verðlagningu á vöru sem fellur
í tvö VSK þrep. Hugsanlegar leið-
ir til lausnar á þessu vandamáli fel-
ast í því að minnka bil á milli þrepa
virðisaukaskatts og skerpa á reglum
um skattalega verðlagningu þess-
ara vara.“
Loks segir í kynningu á skýrsl-
unni að fólksflutningafyrirtæki og
ferðaskrifstofur sjá töluvert bók-
haldslegt óhagræði í því að standa
utan virðisaukaskatts en jafnframt
bætir það gráu ofan á svart þeg-
ar sömu fyrirtæki selja aðra vöru
og þjónustu í báðum VSK þrep-
um. „Allir þeir aðilar sem rætt var
við og standa utan virðisaukaskatts
telja sér betur borgið í lægra þrepi
VSK. Möguleg lausn á þessu vanda-
máli er að einfalda virðisaukaskatt-
skerfið og afnema þau undanþágu-
ákvæði sem snúa að aðilum í ferða-
þjónustu.
Aðilar í flestum greinum ferða-
þjónustu telja þrýsting frá laun-
þegum um svört laun vera vanda-
mál og knýja fram þörf um að selja
framhjá tekjuskráningu til að eiga
svarta peninga til launagreiðslna. Á
háannatímum getur verið verulega
erfitt að ráða starfsfólk í tímabundin
störf, sérstaklega á landsbyggðinni.
Frítekjumark námsmanna og skerð-
ing bótaréttar bótaþega eru oftast
nefnd sem orsakavaldur. Möguleg
lausn væri að hækka frítekjumark
námsmanna og breyta bótakerfinu
á þann veg að ekki verði jafn þungt
í vöfum að taka að sér tímabundna
vinnu, t.d. á háannatíma ferðaþjón-
ustunnar á sumrin.“
Skýrsluna í heild má lesa á vef há-
skólans; bifröst.is
mm
Síðustu dagana fyrir kosningarn-
ar var mikið að gerast hjá mörg-
um framboðanna til sveitartjórna.
Alþingismenn lögðu margir hverj-
ir sitt af mörkum, lögðu félögum
sínum lið og þeyttust á milli staða
til að heilsa upp á fólk og stappa í
það stálinu. Einar Kristinn Guð-
finnsson oddviti Sjálfstæðisflokks-
ins í Norðvesturkjördæmi og for-
seti Alþingis er þekktur fyrir ósér-
hlífni. Hann var að vísitera í sínu
kjördæmi í síðustu viku og mætti á
viðburði, svo sem hátíðir og fundi.
Þegar blaðamaður Skessuhorns
var staddur í Rifi á Snæfellsnesi sl.
þriðjudag renndi Einar Kristinn
þar upp að hafnarhúsinu til að hitta
fólk. Hann sagði aðspurður við
blaðamann Skessuhorns að eftir að
þingstörfum lauk á föstudagkvöldið
hafi hann mætt norður í Húnaþing
á laugardeginum og síðan í Skaga-
fjörðinn á sunnudeginum. „Það er
mikið að gera þessa dagana í því að
hitta fólk og taka þátt í baráttunni á
lokasprettinum,“ sagði Einar Krist-
inn. þá
Samkvæmt nýrri skýrslu mælast veruleg
skattsvik í ferðaþjónustu
Einar Kristinn Guðfinnsson alþingismaður, Þorkell Gunnar Þorkelsson múrari og
Björn Arnaldsson hafnarstjóri við hafnarvogina í Rifi.
Þingforsetinn var á fleygiferð
um kjördæmið
Hagaflöt 7 sem félag í eigu Trésmiðj-
unnar Akurs og Rafþjónustu Sigurdórs
hefur keypt af Íbúðalánasjóði.
Heimafyrirtæki kaupa fokhelt
fjölbýlishús á Akranesi
Alþingi samþykkir
breytingar á skipulagslögum
Komum skemmtiferðaskipa fjölgar