Skessuhorn - 04.06.2014, Blaðsíða 32

32 MIÐVIKUDAGUR 4. JÚNÍ 2014
Ljósmyndari rakst á fríðan hóp kvenna í Ólafsvík á dög-
unum. Þar voru á ferðinni starfsstúlkur Dvalarheimilis-
ins Jaðars að gera sér glaðan dag. Voru á leiðinni í árlega
vorferð sína og höfðu ekkert á móti myndatöku. þa
Sumarsýning Byggðasafns Snæfell-
inga og Hnappdæla í Norska hús-
inu í Stykkishólmi var opnuð síðast-
liðinn laugardag. Sýningin stendur
til 31. ágúst og er í sýningarrým-
unum Eldhúsi og Mjólkurstofu á
fyrstu hæð safnsins. Sýningin nefn-
ist „Pixlaður tími og er eins konar
sjónrænt samtal við fortíðina.“ Í til-
kynningu frá safninu segir að um sé
að ræða samsýningu þriggja mynd-
listarmanna sem allir tengjast svæð-
inu bæði leynt og ljóst. Þetta eru
þeir Birgir Snæbjörn Birgisson (f.
1966), Helgi Hjaltalín Eyjólfsson
(f. 1969) og Helgi Þorgils Friðjóns-
son (f. 1953).
„Þeir félagar skoðuðu safn-
ið, geymslur þess, safngripi, hús-
ið sjálft (sem er stærsti safngrip-
urinn) og umhverfi. Þessi skoð-
un, heimsóknir, endurlit til fortíð-
ar og rannsókn á umhverfinu varð
hvati og innblástur að sýningunni.
Spurningum eins og „hvernig verð-
ur efni eða athöfn í nútímanum að
fortíð?“ eða „hvers vegna söfnum
við hlutum og frásögnum úr fortíð-
inni?“ er velt upp og tilraunir gerð-
ar með að svara þeim á sjónrænan
hátt. Hvað gerist ef klukka stöðv-
ast og hún er sett aftur í gang 100
árum síðar? Hvað verður um allar
mínúturnar og sólarhringana sem
framhjá fóru? Hvað gerist þegar
hús er tjargað svart eins og því sé
dýft í blek? Hvernig lítur Norska
húsið út ef horft er á það sem form
bæði að utan sem innan? Hvernig
kemur maður spennandi leynd til
skila sem ríkir yfir fundargerðum
liðins tíma?
Hér er gripið inn í söguna eitt
augnablik, blaðsíður úr fundargerð-
arbók unglingastúkunnar Helga-
fell nr. 269 umbreytast í vatnslitað-
an texta sem gefur áhugaverða inn-
sýn í liðinn tíma og tíðaranda. Af-
gangs krossviðarbútar umbreytast í
tvíhliða olíumálverk af heimkynn-
um úr æsku er tengjast gamla sýslu-
mannshúsinu í Stykkishólmi. Ung
og glæsileg kona í 19. aldar búning
(blússa, skósítt pils og svunta) tek-
ur á móti myndlistarmönnunum í
skoðunarferð þeirra og umbreyt-
ist nú í röð málverka sem bera nafn
hennar eins og „söguleg minning
um tíma í myndverki“ eða pendúll
í klukku. Innsetning í formi brjóst-
varnarveggja (skreytt þil) og vatns-
litamynda af þessu 182 ára gamla
húsi er sett fram sem rými og form.
Tíminn er eins og fryst augnablik.
Myndir og minningar eru mældar
í pixlum.
Myndlistarmennirnir eru allir
með glæstan feril að baki og hafa
sýnt víða bæði hérlendis og erlendis
bæði einkasýningar og samsýning-
ar. Þeir hafa unnið þó nokkuð sam-
an og sýndu m.a. í Tintype gallerí-
inu í London og Listasafni Íslands
2010.“
-fréttatilkynning
Þessi skógarþröstur hafði í nægu að
snúast þegar Sverrir Karlsson ljós-
myndari í Grundarfirði hitti á hann
um helgina. Vafalítið eru ung-
ar skriðnir úr eggjum og því hefur
hann marga munna að metta. mm
Pixlaður tími í Norska húsinu í Stykkishólmi
Á leiðinni í árlega vorferð
Vinnusamur þröstur
Krambúðin í Norska húsinu.
Helgi Þorgils Friðjónsson og Ingunn Jónsdóttir fyrir framan verk af Ingunni, úr myndröðinni Manngerðir eftir Helga Þorgils
Birgir Snæbjörn Birgisson og Margrét Lísa Steingrímsdóttir.
Sigrún Sigvaldadóttir, Birgir Snæbjörn Birgisson, Helgi Hjaltalín, Anna Eyjólfsdóttir, Margrét Lísa Steingrímsdóttir og Helgi
Þorgils Friðjónsson.