Skessuhorn - 04.06.2014, Blaðsíða 30
30 MIÐVIKUDAGUR 4. JÚNÍ 2014
Komu fram á tónleikum í Stokkhólmi
Dagana 19. - 24. maí sl. fóru sex
ungmenni úr unglingadeildum
grunnskólanna á Akranesi í ferð til
Stokkhólms í Svíþjóð. Þar tóku þau
þátt í tónlistarverkefni í samvinnu
við Kungsklippeskolan í Huddinge,
úthverfi Stokkhólms. „Þetta voru
Aldís Eir, Ingibjörg Elín og Eiður
úr Grundaskóla og Aldís Ísabella,
Olga og Ari úr Brekkubæjarskóla.
Með þeim fóru kennararnir Heið-
rún, Sammi og ég,“ segir Flosi Ein-
arsson kennari við Grundaskóla í
samtali við Skessuhorn. Flosi seg-
ir þetta vera í fimmta skipti sem slík
heimsókn fer fram en þessi sam-
vinna er tilkomin vegna samstarfs
sem komst á milli hans og þriggja
kennara í Comeniusarverkefni sem
endaði með söngleiknum Drauma-
leit 2007. „Það kom í ljós að skól-
arnir á Akranesi og Kungsklippe-
skolan eru með svipaðar áherslur í
tónlistarkennslu þar sem mikið er
lagt upp úr að kenna krökkum á
hefðbundin rokkhljóðfæri eins og
gítara, bassa, hljómborð, tromm-
ur og blásturshljóðfæri. Síðan er
söngkennslan á sínum stað. Báð-
ir skólarnir leggja mikið upp úr
samspili og reglulega eru haldnir
tónleikar þar sem nemendur fá að
koma fram,“ segir Flosi. Á Akranesi
er svokallað tónlistarval grunn-
skólanna sem stendur fyrir tvenn-
um tónleikum á hverju skólaári auk
þess sem tónlistarverkefnið Ungir
Gamlir fer fram á Vökudögum.
Mikil ævintýraferð
Flosi segir þá hefð hafa komist
á að sænsku kennararnir heimsæki
Akranes ásamt sex til sjö nemend-
um til að taka þátt í Ungir Gaml-
ir verkefninu og að íslensku krakk-
arnir fari í maí til Stokkhólms til að
taka þátt í sambærilegum tónleik-
um þar. „Það er skemmst frá því að
segja að þessi samskipti hafa tekist
frábærlega. Bæði í samvinnu á tón-
listarsviðinu auk þess sem krakk-
arnir hafa kynnst vel og notið þess
að læra hver af öðrum. Ferðin í ár
tókst einnig frábærlega og krakk-
arnir stóðu sig með miklum sóma í
öllu sem þeir tóku sér fyrir hendur.
Dagskráin var löng og ströng, þar
sem þrotlausar æfingar voru í tvo
daga. Síðan fóru tvennir tónleikar
fram á þriðja deginum þar sem fullt
var út úr dyrum. Íslensku krakkarn-
ir áttu þrjú lög sem þeir höfðu að
mestu leyti útsett og æft sjálfir en
tóku líka þátt í samspili með sænsku
jafnöldrum sínum,“ útskýrir Flosi.
Ungmennin höfðu einnig nóg að
gera í frítíma sínum. Þeim var boð-
ið í Gröna Lund, sem er stórt tívolí í
Stokkhólmi, í fylgd sænskra krakka.
„Það skemmtu sér allir konunglega.
Þau fóru einnig á tónleika sem fóru
fram í beinni útsendingu frá sænska
ríkisútvarpinu en þar var eiginlega
rjóminn af því besta í sænskri rokk-
og popptónlist. Svo kíktu þau að
sjálfsögðu á sænsku konungshöllina
og í gamla bæinn í miðborg Stokk-
hólms auk þess sem aðeins var kíkt
í búðir. Þetta var mikil ævintýraferð
og allir koma heim reynslunni rík-
ari. Vonandi verður þetta til þess að
viðkomandi leggi ennþá meira á sig
til á ná langt á sviði tónlistarinnar,“
segir Flosi að lokum.
grþ
Nemendur beggja skólanna í skoðunarferð í Stokkhólmi. Frá vinstri: Eiður, Aldís Eir, Ingibjörg, Ari, Aldís Ísabella og Olga.
Playmóvíkingum og
Royal búðingi bjargað
Skógareldar komu upp á norsku
eyjunni Skardsøy í Noregi síðast-
liðinn fimmtudag. Íbúar þurftu í
skyndi að yfirgefa heimili sín þar
sem óttast var að eldarnir næðu í
byggð. Slökkvilið fékk aðstoð þyrlu
til slökkvistarfa og tóks með því að
slökkva eldana. Gátu íbúar því far-
ið aftur til síns heima um tíuleytið
um kvöldið. Meðal íbúa á eyjunni
er Borgfirðingurinn Ástríður Ein-
arsdóttir sem býr þar ásamt eigin-
manni og fjórum börnum í Skard-
botn, norðarlega á Skard. Börnin
eru á aldrinum fjögurra til fimmtán
ára. Ástríður segist aðspurð vera að
upplifa skógarelda í fyrsta skipti, en
hún hefur búið ytra í tvö ár.
Á föstudeginum var svo fjölskyld-
an að taka upp farangur sem hún í
skyndi tók með sér þegar yfirgefa
þurfti heimilið. „Dagurinn hófst með
óvenjulegu verkefni. Hér er verið að
taka upp úr töskum og skemmta sér
yfir því hverju fjölskyldan ákvað í
miklum flýti að bjarga úr húsinu í
gær,“ sagði Ástríður sl. föstudag.
„Okkar hús hefði orðið eitt af þeim
fyrstu að brenna ef ekki hefðu náðst
tök á eldinum. Við vorum alveg ró-
leg þar til „evakuering“ hljómaði
úr kallkerfi niðri á vegi og gafst
því ekki mikill tími til ígrundun-
ar. Fyrsta sem fór ofan í töskur var
flakkari með myndum og vegabréf.
Annað hafði ég litla yfirsýn yfir. Svo
kom eitt og annað í ljós þegar tek-
ið var upp úr töskunum. 30 tölvu-
leikir og playstation tölva var með-
al þess sem bjargaðist, en ég man að
ég stoppaði strákana af þegar átti að
fara að bera flatskjáinn út í bíl. Ann-
ars gefur að líta bækur, skartgripi,
málverk sem við fengum í brúðar-
gjöf, playmóvíkinga, einn kodda,
Royal búðing, hleðslutæki, haug af
tuskudýrum og umtalsvert magn af
lopapeysum svo eitthvað sé nefnt.
Það er alveg ljóst að verkefnið var
auðveldara fyrir okkur sem vorum
hvort eð er búin að takmarka eigur
okkar niður í bílfarm fyrir tæpum
tveimur árum. Eftir því sem mér
heyrðist hjá flestum nágrönnum
mínum var þemað þjóðbúningar,
listmunir og fjölskyldumyndir sem
ofan í töskur fór,“ sagði Ástríður.
mm
Ástríður og fjölskylda.
Friðarhlaupið endaði á toppi Langjökuls
Sautján skólar og um þúsund nem-
endur tóku þátt í Friðarhlaupinu
2014 sem hlaupið var um Vestur-
land frá fimmtudegi til sunnudags.
Á fimmtudaginn var farið víða um
og nágrenni Akraness, á föstu-
dag hlupu nemendur Grunnskóla
Borgarfjarðar á Hvanneyri, Klepp-
járnsreykjum og Varmalandi með
hlaupurunum, en um helgina færð-
ist hlaupið upp til landsins, fyrst
í Húsafell á laugardaginn og svo á
Langjökul á sunnudag. ICE Explo-
rer hjálpaði hlaupurunum síðasta
spölinn alla leið upp á topp jökuls-
ins.
„Innri friður lýsir okkur, hann
fylgir ykkur hvert sem þið farið,“
sagði Ingibjörg Inga Guðmunds-
dóttir, skólastjóri Grunnskóla
Borgarfjarðar, síðasta skólans sem
Sri Chinmoy heimseiningar Friðar-
hlaupið heimsótti í ár. Þessi þúsund
nemendur hér á landi tóku höndum
saman um boðskap Friðarhlaupsins,
sem er að hvert og eitt okkar get-
ur haft mikil áhrif á frið í heiminum
með okkar eigin fordæmi. Á mánu-
dag var Friðarkyndillinn sendur
áfram til Færeyja. mm
Hér fara friðarhlauparar síðasta spölinn að GBF á Varmalandi. Skarðsheiðin í
baksýn.
Tveir af fulltrúum friðarhlaupsins sjást hér glíma við brattann á leið sinni upp á
Langjökul.
Hér sjást kappklæddir friðarhlauparar með friðarkyndilinn á Langjökli, síðasta
viðkomustað hlaupsins á Íslandi.
Hlaupahópurinn Skagaskokkarar hlaupa hér ásamt friðarhlaupurum á Innnes-
vegi á leið sinni frá Hvalfjarðargöngum að Langasandi. Ljósm. jsb.