Skessuhorn - 02.07.2014, Blaðsíða 16
16 MIÐVIKUDAGUR 2. JÚLÍ 2014
Lopapeysan á Akranesi hefur nú í
áratug verið hluti af bæjarhátíð-
inni Írskum dögum. Þessi tónlist-
arveisla, eða tónleikar öllu heldur,
hafa notið fádæma vinsælda og fáir
tónlistarviðburðir utan höfuðborg-
arinnar fengið meiri aðsókn. Páll
Óskar Hjálmtýsson hefur komið
við sögu á nánast öllum Lopapeys-
um sem haldnar hafa verið frá árinu
2004. „Ég hef átt einhvers konar
aðkomu að öllum Lopapeysunum
og hef því fengið að fylgjast með
þessari hátíð vaxa og dafna í gegn-
um árin. Í fyrra var sú ákvörðun
tekin að hafa tvö svið og fannst mér
það hafa heppnast einstaklega vel.
Stemningin lyftist upp í nýjar hæð-
ir og hátíðin líktist meira því sem
maður sér í útlöndum,“ segir Palli.
Lopapeysan til
fyrirmyndar
Páll Óskar segir að hann leggi
sig alltaf 100% fram þegar hann
skemmti og í skiptum fyrir það vill
hann að aðstæður séu sem best-
ar. „Þegar ég kem fram gef ég allt-
af sömu orkuna frá mér, alveg sama
hversu stórt það verkefni er eða
hvar það er. Hins vegar geri ég þá
kröfu sem skemmtikraftur að viss-
ir hlutir séu í lagi. Hlutir eins og
tæknimál og öryggi. Hljóð og ljós
verða að vera í lagi og gæslan verð-
ur að hafa stjórn á aðstæðum. Á
Lopapeysunni eru þessi hlutir allir
alveg til fyrirmyndar og það skilar
sér í betri skemmtun. Í fyrra tókst
sérstaklega vel til og þess vegna
þarf ég sem skemmtikraftur ekki
að hafa neinar áhyggjur af veseni
á Lopapeysunni og það er mjög já-
kvætt því svona hlutir eru ekkert
sjálfgefnir,“ segir hann um skipulag
Lopapeysunnar.
Telur dagana niður
Páll Óskar segist vera mjög ánægð-
ur með hvernig Lopapeysan hafi
þróast í gegnum árin og þakkar það
aðstandendum hátíðarinnar. „Ísólf-
ur og aðrir Vinir Hallarinnar vita
greinilega alveg hvað þeir eru að
gera. Þeir hafa leyft hátíðinni að
stækka og dafna án þess að eyði-
leggja stemninguna. Ég var mjög
ánægður hvað fólk mætti tímalega
og hvernig þetta hefur verið skipu-
lagt en það er stuð á öllum alveg
frá upphafi til enda. Lopapeysan er
komin í ákveðið form sem ég held
að allir séu mjög sáttir við. Ég er
allavega virkilega spenntur fyrir því
að spila á henni með öllu því frá-
bæra tónlistarfólki sem þar verð-
ur og hreinlega tel niður dagana,“
segir Páll Óskar um Lopapeysuna
á Akranesi.
jsb
Bæjarhátíðin Írskir dagar verður
haldin í fimmtánda skiptið á Akra-
nesi dagana 3. – 6. júlí. Með Írsk-
um dögum er þess minnst að írskir
menn, bræðurnir Þormóður og Ket-
ill Bresasynir, námu fyrstir manna
land við Akranes. Bæjarbúar á Akra-
nesi hafa undanfarin ár skreytt bæ-
inn hátt og lágt í tilefni hátíðarinnar
sem vex með hverju árinu sem líður.
Að sögn Önnu Leif Elídóttur, verk-
efnastjóra menningarmála Akra-
nesskaupstaðar er dagskrá Írskra
daga í ár fjölbreytt að vanda og má
þar finna ýmsar skemmtilegar nýj-
ungar. „Það er búið að setja upp al-
veg glæsilega dagskrá fyrir Írska
daga í ár. Að venju verða þar fast-
ir liðir eins og rauðhærðasti Íslend-
ingurinn, götugrill, útitónleikar á
Akratorgi og Lopapeysan auk þess
sem ýmsir nýir viðburðir hafa bæst
við. Má þar nefna hálandaleika þar
sem hraustmenni munu sýna krafta
sína í skotapilsum. Það er einmitt
opnunaratriði hátíðarinnar sem
byrjar klukkan 16:30 á fimmtu-
daginn [á morgun] á Merkurtúni.
Auk þess verður keppnin hittnasta
amman endurvakin og margt fleira
skemmtilegt.“
Að sögn Önnu Leif hefur und-
irbúningur Írskra daga gengið vel.
„Það er mikið púsluspil að setja
svona hátíð saman og ná settum
markmiðum en undirbúningur hef-
ur gengið vel. Okkar markmið er
að hafa fjölbreytta dagskrá sem nær
til allra aldurshópa enda eru Írskir
dagar fjölskylduhátíð þar sem allir
eru velkomnir.“
Anna Leif vill að lokum senda
sérstakar þakkir til Fjöliðjunn-
ar sem tók að sér að sauma og laga
þá fána sem skemmdust í rokinu í
fyrra. Fjöliðjan mun auk þess vera á
Aggapalli við Langasand á fimmtu-
daginn klukkan 15 til 17:30 þar sem
boðið verður upp á límonaði í írsk-
um fánalitum og fleira skemmtilegt,
gestum að kostnaðarlausu.
Frekari dagskráliði Írskra daga má
svo finna í auglýsingu hér í blaðinu
og á www.irskirdagar.is.
jsb
Lopapeysan á Írskum dögum á
Akranesi verður nú haldin ellefta
árið í röð, en hún er fyrir löngu
orðin að landsþekktum viðburði
enda vel sóttur en hana sækja um
þrjú þúsund manns á hverju ári. Í ár
verður Lopapeysan haldin í Sem-
entsskemmunni við gömlu Akra-
borgarbryggjuna og í risatjaldi við
hlið hennar og að vanda er dagskrá-
in byggð upp með vinsælasta tón-
listarfólki Íslands og má þar nefna
tónlistarmenn eins og Pál Óskar,
Helga Björns, Ingó Veðurguð og
Friðrik Dór. Í tilefni þess að meira
en áratugur er frá því að Lopapeys-
an var fyrst haldin var rætt við Ísólf
Haraldsson, framkvæmda- og við-
burðastjóra Vina Hallarinnar, en
vinirnir hafa séð um Lopapeysuna
frá upphafi. „Okkur í Vinum Hall-
arinnar hafði í nokkurn tíma lang-
að að halda stóran tónlistarviðburð
á Akranes og efla menningarlíf
bæjarins. Þá kom hugmyndin um
Lopapeysuna fyrst til greina,“ segir
Ísólfur um það hvernig hugmynd-
in kviknaði.
Merki kæruleysis
og hlýju
Nafnið Lopapeysan er ekki gripið úr
lausu lofti en Ísólfur segir að lopa-
peysur standi fyrir ákveðna hug-
myndafræði sem hafi verið reynt
að fylgja öll þessi ár. „Ástæðan fyr-
ir því að þessi viðburður fékk nafn-
ið Lopapeysan er að við hjá Vinum
Hallarinnar vildum að fólk upplifði
sömu stemningu við að klæðast
lopapeysu og við að fara á viðburð
sem heitir Lopapeysan. Fyrir okkur
merkir lopapeysa ákveðið kæruleysi
en samt mikla hlýju og það er ein-
mitt sú stemning sem hefur skapast
á Lopapeysunni. Það er að segja,
það eru allir vinir á Lopapeysunni
þrátt fyrir fólk sé mismunandi fínt
klætt,“ segir Ísólfur.
Þróun á ellefu árum
Lopapeysan hefur þróast mik-
ið síðan hún var fyrst haldin árið
2004. Ísólfur segir að þeir hjá Vin-
um Hallarinnar hafi þurft að læra af
reynslunni fyrstu árin. „Við vorum
allir mjög ungir og óreyndir þegar
við réðumst í þetta verkefni 2004.
Ég var þá 23 ára og þetta var bara
gert án þess að skipuleggja mikið.
Við vissum lítið hvað við vorum að
gera. Bara það að panta hljómsveit
til að spila tók allt að tvær vikur. Ég
gleymi því þó aldrei þegar fyrsta
Lopapeysan var að byrja. Ég sat
inni á einhverri kaffistofu í Sem-
entsverksmiðjunni og beið þess að
sjá hvort einhver myndi mæta. Það
rættist svo mjög vel úr þessu og það
var allt fullt af fólki. Ég man að það
var svo hringt í mig á sunnudag-
morgninum frá Sementsverksmiðj-
unni og spurt hvort ég ætlaði ekki
að taka til. Ég rauk af stað og hætti
ekki fyrr en á mánudagsmorgun-
inn þegar var ég orðinn einn eft-
ir að þrífa og menn voru að mæta
til vinnu í verksmiðjunni. Ég vissi
samt að ég yrði að taka vel til svo ég
fengi leyfi til að halda Lopapeys-
una aftur. Eftir fyrstu Lopapeys-
una lærðum við hvað mætti bet-
ur fara og þannig höfum við þróað
Lopapeysuna ár frá ári. Gert litl-
ar breytingar sem bæta hátíðina án
þess að breyta þeirri upplifun sem
við viljum að hún sé. Þetta hefur
svo gengið alveg ótrúlega vel síð-
an við byrjuðum og er Lopapeysan
alltaf að verða betri og betri.“ Ísólf-
ur segir að Lopapeysan snúist um
að hafa gaman og til þess að fólk
geti skemmt sér vel á svo stórum
viðburði þurfi að kunna til verka.
„Þetta á að vera hundrað prósent
skemmtun. Munurinn á því sem
var að gerast 2004 og í dag er sá
að nú vitum við nákvæmlega hvað
við erum að gera og hvernig þetta
á að vera. Núna koma um hundrað
manns að Lopapeysunni og er það
allt 100% fagfólk. Þetta veit tón-
listarfólkið sem við erum að fá til
okkar. Fyrsta árið tók kannski tvær
vikur að fá tónlistarfólk til að spila
fyrir okkur en í dag tekur það ekki
meira en tvær mínútur. Það hefur
því skapast traust til okkar og það
er mjög jákvætt að besta tónlistar-
fólk landsins þekki og treysti okk-
ur á Akranesi til að vera með slíkan
viðburð eins og Lopapeysan er.“
Lopapeysan 2013 fór
fram úr björtustu
vonum
Þótt Ísólfur og félagar hafi ekki
viljað breyta of miklu í skipulagi
Lopapeysunnar tóku þeir mjög
afdrifaríka ákvörðun fyrir Lopa-
peysuna 2013. „Í fyrra tókum við
ákveðna áhættu með því að vera
með tvö svið og tvískipta stemn-
ingunni. Þetta var gert til að reyna
að auka gæði og úrval tónlist-
ar Lopapeysunnar. Veðrið var auk
þess ekki mjög hagstætt alveg fram
að hátíðinni og ég sagði að ef við
myndum lifa Lopapeysuna 2013
af, þá myndi hún lifa að eilífu. Það
kom svo í ljós að við hittum algjör-
lega í mark með þessari skiptingu
og verður hún aftur í ár.“
Ísólfur segist ekki vita hvar
Lopapeysan muni enda en ef vin-
sældir hennar halda áfram að vaxa
geti í raun allt gerst. „Við mun-
um halda áfram að draga þetta eins
langt og við komumst með þetta.
Það er auðvitað háð þeim aðstæð-
um sem við búum við en ef for-
sendur breytast mun stærð Lopa-
peysunnar sennilega breytast líka.
Þetta stoppar ekkert fyrr en fólk
hættir að mæta,“ segir Ísólfur Har-
aldsson um framtíð Lopapeysunn-
ar á Akranesi.
jsb
Írskir dagar á Akranesi haldnir
í fimmtánda skiptið
Segir ánægjulegt að sjá
Lopapeysuna vaxa og dafna
Páll Óskar Hjálmtýsson.
Landsþekkt tónlistarfólk á Lopapeysunni
Ísólfur Haraldsson, framkvæmda- og viðburðastjóri Vina Hallarinnar sem séð
hafa um Lopapeysuna frá upphafi.