Skessuhorn - 02.07.2014, Blaðsíða 28
28 MIÐVIKUDAGUR 2. JÚLÍ 2014
Sumarlesari
vikunnar
Nú eru skráð 126 börn í sumar-
lestrinum á Bókasafni Akraness.
„Við viljum minna á að ennþá er
hægt að taka þátt,“ segja starfs-
menn þar. En hér er sumarles-
ari vikunnar:
Nafn: Agnes Mist Flosadóttir
Aldur: 8 ára
Hvenær lestu? Bara einhvern
tímann
Áttu uppáhalds bók? U, já það
er Skúli skelfir
Áttu einhvern uppáhalds höf
und? Nei
Hvaða bók lastu síðast? Dep-
ill í London
Viltu mæla með einhverri bók
fyrir aðra krakka að lesa? Já,
Skúli skelfir
Í hvaða skóla ertu? Brekkó
Áttu einhver önnur áhuga
mál? Teikna, perla og lesa.
Tónlistar- og áhugaleikkonan Guð-
rún Lára Pálmadóttir var valin bæj-
arlistamaður Snæfellsbæjar 2014 af
lista- og menningarnefnd Snæfells-
bæjar. Guðrún Lára spilar á nokkur
hljóðfæri og hefur lært söng. Hún
hefur sungið með mörgum kórum
ásamt því að hafa komið fram sem
einsöngvari og trúbador. Hún hefur
einnig lagt stund á leiklist um langa
hríð. Guðrún Lára hefur haldið
fjölda tónleika á Snæfellsnesi ásamt
því að hafa stigið á svið í söng- og
leikskemmtunum á Snæfellsnesi
undanfarin ár. Hún er umhverfis-
og auðlindafræðingur að mennt og
starfar nú sem ferðaskipuleggjandi
á Hellissandi, þar sem hún býður
upp á göngu- og fræðsluferðir.
Varð hálf feimin
Gunna Lára segir í samtali við
Skessuhorn að það hafi komið
henni skemmtilega á óvart að hafa
verið valin bæjarlistamaður Snæ-
fellsbæjar. Hún segir heilmikið
lista- og menningarlíf í Snæfellsbæ
og að margir hefðu verið vel að titl-
inum komnir. „Ég var hálf feim-
in við fyrstu fréttir því ég hafði
sjálf ekki skilgreint sjálfa mig sem
listamann. Ég hef mest haft starf
við annað og stundað listina sem
áhugamál að mestu leyti. En þeg-
ar maður hugsar út í það eru eflaust
mjög margir listamenn á þeim stað
að vinna við annað til að hafa efni á
að stunda list sína.“
Hún hefur einnig brennandi
áhuga á umhverfismálum og valdi
að mennta sig á því sviði en hefði allt
eins getað hugsað sér að leggja fyr-
ir sig tónlist eða leiklist. Hún segir
tilnefninguna vera mikla hvatningu
til að sinna listinni meira. „Ég hef
verið að grípa í að semja lög und-
anfarna mánuði með það fyrir aug-
um að gefa út plötu. Þetta verður til
þess að ég set enn meiri kraft í það.
Vill halda áfram að þroskast og þróast sem listamaður
Rætt við Guðrúnu Láru Pálmadóttur ferðaskipuleggjanda og bæjarlistamann Snæfellsbæjar
Að vísu geng ég líka með skáldsögu í
maganum sem mig langar að skrifa,
það er aldrei að vita nema ég leggi í
það. Svo eru einnig uppi hugmynd-
ir um að stofna leikfélag hér í haust
sem myndi starfa í Frystiklefanum í
Rifi og ég ætla mér að taka þátt í því
og ef til vill stíga á svið næsta vet-
ur,“ segir Gunna Lára. Hún bætir
því við að hún og Fanney Kristjáns-
dóttir söngkona og vinkona henn-
ar úr Aðaldal hafi nýlega stofnað
bandið Kvenfélagið Skjónu. „Við
ætlum meðal annars að koma fram
á Sandara- og Rifsaragleðinni núna
í júlí og stefnum svo á frekara tón-
leikahald. Það verður spennandi að
sjá hvernig bandið þróast en við
flytjum lög eftir okkur og aðra í
takttegundum íslenska hestsins.“
Forréttindi að búa við
þjóðgarðsmörkin
Gunna Lára er fædd í Reykjavík
en ólst upp í Kópavogi. Um tví-
tugt fluttist hún norður í Aðaldal
í Suður - Þingeyjarsýslu. Þar bjó
hún í ellefu ár en stundaði þá einn-
ig nám á Hvanneyri og einn vetur í
Bandaríkjunum. „Eftir að ég flutti
að norðan kom ég við í Reykjavík
í nokkur ár á meðan ég var í námi
við Háskóla Íslands í umhverfis- og
auðlindafræði. Ég flutti á Snæfells-
nesið 2006 þegar mér bauðst starf
í Þjóðgarðinum Snæfellsjökli,“ rifj-
ar hún upp. Gunnu Láru líkar vel á
nesinu og festi því fljótlega kaup á
fasteign þar. „Mér finnst frábært að
búa á Snæfellsnesi. Hér er gott fólk
og skemmtilegt mannlíf og nátt-
úrufegurðin auðvitað alveg einstök.
Það er hún sem dró mig hingað og
það er mér mjög mikilvægt að búa í
nálægð við náttúruna. Ég bý á Hell-
issandi og hér er ég rétt við þjóð-
garðsmörkin, með Snæfellsjökulinn
út um stofugluggann og Krossavík-
ina rétt við húsgaflinn. Ég lít í raun
á það sem forréttindi að geta búið
á slíkum stað og líkar það svo vel
að ég keypti mér fljótlega hús hérna
í bænum. Það er eitt af elstu hús-
unum sem enn standa hér, heitir
Blómsturvellir og er byggt 1913,“
segir Gunna Lára.
Skemmtilegast að vera
sýningarstjóri hjá Eddu
Gunna Lára hefur komið víða við
bæði í tónlist og leiklist í gegn-
um ævina. Hún byrjaði í tónlistar-
skóla fimm ára gömul og var í tón-
listarnámi til 16 ára aldurs. Seinna
lærði hún klassískan söng í nokkur
ár. „Ég byrjaði að stunda leiklist í
Aðaldalnum með Leikfélaginu Bú-
kollu 1995. Þá fékk ég leiklistar-
bakteríuna og fór á nokkur leiklist-
arnámskeið. Ég hef síðan leikið með
nokkrum öðrum leikfélögum, með-
al annars Leikfélaginu Sýnir, Hug-
leik og Leikfélagi Ólafsvíkur. Þegar
ég bjó í Reykjavík og var í háskóla-
náminu þá starfaði ég sem tækni-
maður, við leikmunagerð, sviðs-
stjórn og sýningarstjórn o.fl. aðal-
lega í Borgarleikhúsinu, í Íslensku
óperunni og hjá Eddu Björgvins-
dóttur. Það er einhver skemmtileg-
asta vinna sem ég hef verið að vera
sýningarstjóri hjá Eddu, ég vann
með henni í hátt í 100 sýningum
á Brilljant skilnaði,“ segir Gunna
Lára. Hún hefur sjálf samið töluvert
af lögum og textum en aðeins gefið
út eitt lag. Á tónleikum flytur hún
þó alltaf eitthvað frumsamið ásamt
tónlist eftir aðra í bland. Í dag kem-
ur Gunna Lára fyrst og fremst fram
sem trúbador. „Ég er alltaf með gít-
arinn, þó ég spili einnig á hljóm-
borð og semji á það líka. Ég byrjaði
samt ekki að koma fram sem trúba-
dor fyrr en fyrir tæpum sjö árum.
Ég „kom út úr skápnum“ í fertugs-
afmælinu mínu sem slík. Það má
eiginlega segja að Svavar Knútur,
stórvinur minn og trúbador með
meiru, sem spilaði í afmælinu mínu
eigi stærstan þátt í því að ég fór þá
leið. Hann hvatti mig mikið til dáða
og kom hérna vestur skömmu eft-
ir afmælið og spilaði með mér á
fyrstu tónleikunum mínum á Hót-
el Hellissandi. Ég hef síðan svona
smám saman verið að færa mig upp
á skaftið og finna mína fjöl í tónlist-
inni og mína rödd. Ég held reyndar
að það sé ferli sem heldur stöðugt
áfram. Maður heldur alltaf áfram
að þroskast og þróast sem listamað-
ur,“ útskýrir Gunna Lára.
Datt í hug að bjóða
fólki með
Í dag starfar Gunna Lára sem ferða-
skipuleggjandi á Hellissandi þar
sem hún býður upp á gönguferðir
fyrir ferðamenn. „Við göngum frá
tjaldstæðinu og Hótel Hellissandi
á morgnana um bæinn, þar sem ég
segi frá sögu hans og helstu kenni-
leitum. Sagan er löng og merki-
leg því Hellissandur er að líkind-
um eitt elsta þorp landsins, byrjaði
að myndast fljótlega upp úr land-
námi. Svo geng ég með fólkinu út
í Krossavík, sem er rétt við bæinn.
Hún er sérlega falleg, rík af sögu,
fuglalífi og náttúru almennt. Ég segi
ferðamönnum líka frá helstu þjón-
ustu sem er í boði hér og í nágrenn-
inu og sest gjarnan niður með þeim
eftir gönguna með kort og bendi á
hvað er markverðast að skoða hér
í þjóðgarðinum og á Snæfellsnesi.
Ég bæti svo stundum við fróðleik
um land, þjóð og náttúrufræði eft-
ir því hver áhugi gestanna er hverju
sinni. Ég spila þetta oftast af fingr-
um fram.“ Gunna Lára hefur geng-
ið mikið um svæðið en hún er mik-
ill náttúruunnandi og fuglaáhuga-
manneskja. Hún hefur setið kúrs
við HÍ í fuglafræði og fylgst með
fuglalífinu í Krossavík og þar um
kring síðan hún flutti vestur. „Sjálf
hef ég farið nánast daglega í göngu-
ferðir í Krossavíkinni og þekki orð-
ið hverja þúfu hér í kring. Eftir að
ég missti starfið mitt hjá Umhverf-
isstofnun í vor vegna niðurskurð-
ar þá datt mér í hug að prófa að
bjóða fólki með mér í gönguferð-
irnar og ákvað að fara þá hring um
bæinn líka. Ég komst að því fljót-
lega að ég þyrfti að verða mér úti
um ferðaskipuleggjandaleyfi þann-
ig að þá ákvað ég að gera þetta af
alvöru. Nú er ég til dæmis búin
að setja upp vefsíðu á gunna.is þar
sem ég kynni morgungöngurnar og
fleira sem ég hyggst bjóða upp á.“
Hingað til hafa einungis erlend-
ir ferðamenn komið með í göng-
urnar. Hún segir gestina hafa ver-
ið ákaflega jákvæða og skemmti-
lega og að sumir hafi jafnvel viljað
borga meira en uppsett verð fyrir.
„Viðbrögðin eru því alveg frábær
og þetta er alveg stórskemmtileg
vinna. Einnig hefur margt heima-
fólk lýst mikilli ánægju með þetta
framtak og Smári Lúðvíksson færði
mér m.a. stórmerkilegar teikning-
ar sem hann gerði af öllum hús-
um sem vitað er um að staðið hafi á
Hellissandi og nágrenni, bátalend-
ingum og gömlu höfninni í Krossa-
vík og þeirri útgerðarstarfsemi sem
stunduð var þar milli 1922-1976.
Ég hef sjálf lært heilmikið um
svæðið á þessu og mikill fengur að
því að geta fræðst af þeim sem hér
hafa alist upp eða búið lengi,“ segir
hún. Hver ganga er þriggja til fimm
kílómetra löng og tekur um 1,5 - 2
klst. Gunna Lára fer alla morgna
þegar veður leyfir en þarf að vera í
burtu vikuna 2. - 8. júlí.
Ýmislegt á prjónunum
Gunna Lára segir ýmislegt vera á
prjónunum bæði í listinni og ferða-
mennskunni. Hún kemur fram með
Kvenfélaginu Skjónu og Drengja-
kór íslenska lýðveldisins á Sand-
ara- og Rifsaragleðinni 11. - 13. júlí
og tekur svo þátt í leiksýningum í
Frystiklefanum sömu helgi. „Svo
er ég að semja lög fyrir Skjónu og
fyrirhugaða sólóplötu. Mig langar
að halda tónleikaröð í haust, bæði
hér heima á Snæfellsnesi og jafn-
vel víðar. Svo er skáldsagan að gerj-
ast einhversstaðar í kollinum líka.
Ég fékk einnig það skemmtilega
verkefni að leiðbeina á þriggja daga
náttúruljósmyndanámskeiði fyrir
börn og unglinga í júlí ásamt Stef-
áni Ingvari Guðmundssyni áhuga-
ljósmyndara,“ útskýrir hún. Gunna
Lára mun að auki halda galvösk
áfram með gönguferðirnar þegar
hún kemur til baka úr sumarfríinu,
þann 9. júlí. „Ég er einnig að velta
fyrir mér að bjóða upp á dagsferðir
um Þjóðgarðinn Snæfellsjökul eft-
ir pöntunum, ásamt sérferðum sem
eru sniðnar að þörfum og áhuga
hvers og eins. Auk þess er að ég að
íhuga að bjóða upp á stofutónleika.
Þá hef ég einnig tekið að mér verk-
efni í vefsíðugerð og bæti ef til vill
við mig á því sviði þegar hægist um
í gönguferðunum,“ segir fjölhæfi
bæjarlistamaður Snæfellsbæjar að
lokum. grþ /Ljósm. af.
Gunna Lára býður meðal annars upp á morgungöngur um Hellissand og Krossa-
vík, þar sem fjölbreytt fuglalíf er. Hér er hún við tjaldshreiður með eggjum.
Guðrún Lára Pálmadóttir er bæjarlistamaður Snæfellsbæjar 2014.