Skessuhorn - 02.07.2014, Blaðsíða 30

30 MIÐVIKUDAGUR 2. JÚLÍ 2014
Freisting vikunnar
Fátt er betra á sólríkum sumar-
dögum en grillmatur. Kjúklinga-
bringur eru góðar á grillið og
kærkomin tilbreyting frá pylsum,
hamborgurum og öðru grillkjöti.
Þær eru ótrúlega léttar, safarík-
ar og bragðgóðar, sé rétt haldið á
spöðunum. Ekki er mælt með því
að taka bringuna beint úr pakkn-
ingunni og henda henni á grill-
ið. Hún þarf smá undirbúning og
besta aðferðin við að grilla kjúk-
lingabringu krefst þess að hún sé
látin marinerast þannig að hún
verði safarík og mjúk.
Fyrsta skrefið er að snyrta
bringurnar. Fjarlægja fitu og sin-
ar og reyna að snyrta þær þann-
ig að þær verði svipaðar að þykkt.
Því næst skal skera litlar raufar
varlega í hverja bringu en passa að
þær fari alls ekki í gegnum kjöt-
ið. Þetta er gert til að kjötið mar-
inerist betur, eldist jafnar og líti
betur út. Því næst eru bringurnar
látnar marinerast í ísskáp í nokkr-
ar klukkustundir. Góður tími er
að láta þær liggja í kryddlegi í 6 -
8 klukkustundir, jafnvel lengur en
helst ekki styttra en fjóra tíma.
4 kjúklingabringur
1 -2 pressuð hvítlauksrif
2 msk. ólífuolía eða önnur
grænmetisolía
4 msk. tómatsósa
1 msk. hunang
1. msk. paprikuduft
svartur pipar og salt.
Hrærið hvítlauknum saman við
olíuna, tómatsósuna, hunangið og
kryddið. Látið liggja í kryddleg-
inum í a.m.k. fjórar klukkustund-
ir. Áður er kjúklingurinn er sett-
ur á grillið er gott að láta hann
ná stofuhita. Hitaðu svo grillið að
miðlungshita og grillið bringurn-
ar í 10 - 20 mínútur. Snúið bring-
unum á nokkurra mínútna fresti
og grillið þar til kjúklingurinn er
farinn að brúnast og orðinn þétt-
ur viðkomu en ekki harður. Mik-
ilvægt er að ofgrilla bringurn-
ar ekki, því þá verða þær þurrar.
Gott er að grilla þær þar til þær
eru hér um bil tilbúnar, taka þær
þá af grillinu og vefja þeim snögg-
lega inn í álpappír og klára eld-
unina þannig í álpappírnum - ekki
á grillinu. Það tryggir að bring-
urnar verða meyrar og safaríkar.
Berið fram með hverju sem hug-
urinn girnist!
Grillaðar og kryddlegnar
kjúklingabringur
Orka náttúrunnar (ON) hefur í sam-
starfi við N1 sett upp nýja hrað-
hleðslustöð í Borgarnesi þar sem
ökumenn rafbíla geta nú sótt sér
snögga áfyllingu á bílinn. Stöðin sem
stendur við N1 er sjöunda stöðin af
tíu sem ON opnar á Suður- og Vest-
urlandi og sú fyrsta sem stendur við
þjóðveg númer eitt. Fyrirhugað er
að setja upp stöðvar í uppsveitum
Suðurlands og í miðborg Reykjavík-
ur. Eiríkur Hjálmarsson upplýsinga-
fulltrúi Orkuveitu Reykjavíkur segir
fyrstu hraðhleðslustöðina hafa ver-
ið opnaða í vor. „Svo hafa þær verið
opnaðar hver á fætur annarri. Flest-
ir eigenda rafbíla eru á höfuðborg-
arsvæðinu og hefur það ráðið stað-
setningum stöðvanna. Með uppsetn-
ingu þessara stöðva er verið að reyna
að auka drægi bílanna og þannig að
auðvelda fólki að komast út úr borg-
inni.“ Eiríkur segir flesta rafbíla geta
nýtt þessar hleðslustöðvar og styttri
tíma taki að hlaða bílinn á þeim en
heima fyrir. „Það tekur um 20 mín-
útur að ná allt að 80% hleðslu í hrað-
hleðslustöð en það tekur um þrjá til
fjóra tíma heima. Reynslan hér og
erlendis sýnir þó að flestir hlaða bíl-
inn yfir nótt,“ segir Eiríkur.
Ódýrari rekstur
María Thors rafbílaeigandi vígði
hraðhleðslustöðina í Borgarnesi síð-
astliðinn mánudag þegar hún setti
fyrstu áfyllinguna á bíl sinn. María
hefur farið sinna ferða á rafmagnsbíl
frá 2007. „Ég valdi þann kost til að
forðast útblástur og önnur umhverf-
isáhrif sem aðrir bílar valda. Rekst-
urinn er einnig talsvert ódýrari og
orkukostnaðurinn hefur ekki áhrif á
ákvarðanir um bíltúra.“ María fagn-
ar tilkomu hraðhleðslustöðva og seg-
ir þær mikilvægar fyrir marga eig-
endur rafbíla. „Það er mikilvægt að
geta fyllt á bílinn með skjótum hætti,
sérstaklega á lengri leiðum. Helst
myndi ég vilja sjá þær við allan hring-
veginn. Rafbílanotkun kallar líka á að
hægt sé að hlaða bílinn heima við. Ég
hef heyrt í fólki sem býr í fjölbýlis-
húsum sem segist eiga erfitt með
að koma bílnum í samband við raf-
magn. Fyrir þá koma hleðslustöðv-
arnar sér vel,“ bætir hún við. Mann-
virkjastofnun hefur gefið út fræðslu-
rit um hleðslu rafbíla og raflagnir. Þá
má finna reiknivél þar sem hægt er
að bera saman orkukostnað rafbíla
og annarra bíla og útblástur gróður-
húsalofttegunda á vef Orkusetursins.
Tíu nýir rafbílar
á mánuði
Orka náttúrunnar er dótturfélag
Orkuveitu Reykjavíkur. ON fram-
leiðir og selur rafmagn til heimila
og fyrirtækja um allt land og rek-
ur fjórar virkjanir; jarðvarmavirkj-
anirnar á Hellisheiði og Nesjavöll-
um og vatnsaflsvirkjanirnar í Anda-
kílsá og Elliðaám. Auk rafmagns-
framleiðslu framleiða jarðvarma-
virkjanirnar heitt vatn fyrir hitaveit-
una. Hraðhleðsluverkefni ON er
unnið í samstarfi við B&L og Niss-
an Europe, sem lögðu hleðslustöðv-
arnar endurgjaldslaust til verkefnis-
ins. ON sér um uppsetningu þeirra
og rekstur. Þetta er tilraunaverkefn-
ið til tveggja ára og á meðan tilraun-
inni stendur verður hleðslan á stöðv-
unum gjaldfrjáls. Frá áramótum hafa
bæst að jafnaði tíu rafbílar í hverj-
Vinkonurnar Andrea Ósk og Harpa
Dögg héldu tombólu í Grundar-
firði á dögunum þar sem þær söfn-
uðu fyrir vökudeild Landspítalans.
Ljósm. Sverrir Karlsson.
Sumarstarf Þorpsins á Akranesi,
Gaman-saman, lauk á föstudag-
inn en það hefur staðið yfir síðan
í byrjun júní. Í sumarstarfinu var
boðið upp á tómstundastarf í þrjár
vikur fyrir börn fædd á árunum
2001 til 2004 og fengu krakkarnir
færi á að læra smíðar undir hand-
leiðslu fullorðinna á smíðavelli. Var
ýmislegt smíðað á námskeiðinu og
má þar nefna glæsilega kofa, verk-
færakassa og margt fleira. Kofun-
um sem krakkarnir byggðu verð-
ur að endingu komið fyrir í Garða-
lundi þar sem þeir munu nýtast til
leikja. „Þetta er búið að vera rosa-
lega gaman og við lærðum að smíða
alveg helling af dóti. Skemmtileg-
ast var að negla og setja þakið á kof-
ann,“ segja þær vinkonur, Bergrún
og Thelma sem ásamt öðrum lögðu
sitt af mörkum við byggingu kof-
anna í sumarstarfi Þorpsins.
jsb
Bjarni Þór Bjarnason listamaður á
Akranesi opnar á morgun, fimmtu-
dag, myndlistarsýningu í Akranes-
vita á Breiðinni. Sýningin verður
opin út júlímánuð. Sýningin nefn-
ist „Hafið gaf – hafið tók“ með
skírskotun í eitt mannskæðasta sjó-
slys á Akranesi fyrr og síðar, þegar
Hafmeyjan fórst. Á fyrstu hæðinni
verða vatnslitamyndir sem tengjast
Hafmeyjarslysinu. Á annarri hæð í
vitanum verða málverk unnin í ak-
ryl sem tengjast hafinu.
„Um miðjan september 1905
lögðu af stað frá Reykjavík ell-
efu ungmenni sem höfðu verið í
sumar vinnu og á vertíð, öll á aldr-
inum 20-30 ára. Fljótlega eftir að
þau lögðu af stað frá Reykjavík rauk
veðrið upp með hríð, roki og blind-
sorta. Bátinn rak að endingu upp
á Suðurflösina á Breiðinni og sat
hann þar fastur. Sterkar líkur eru á
að fólkið hafi haldist í bátnum jafn-
vel fram undir morgun. En það sár-
asta við þetta hörmulega slys var að
það komst enginn lífs af, enda voru
allir ósyndir,“ segir Bjarni Þór um
slysið hörmulega. Meðal annarra
voru í bátnum sem fórst þrír bræð-
ur frá Innsta Vogi sem höfðu ver-
ið á sumarvertíð á Kútter Sigur-
fara og fimm systkini frá Kringlu,
börn Helga bónda Guðmundsson-
ar. „Mér er þetta svo hugleikið, því
ég er fæddur og uppalinn á Kringl-
unni hálfri öld síðar, en er þó ekki
skyldur þessu fólki. Staðreyndin er
hins vegar sú að við höfum öll leik-
ið okkur á Kringluhólnum þegar
við vorum börn. Svo er líka önnur
tenging. Kiwanisklúbburinn Þyrill
á Akranesi hafði frumkvæði að því
að reisa minnisvarða um þetta slys
og var ég fenginn í verkið. Minnis-
varðinn Hafmeyjan var afhjúpaður
af biskupi Íslands árið 1998 á svip-
uðum stað og báturinn fórst,“ seg-
ir Bjarni Þór.
Sýningin „Hafið gaf – hafið tók“
verður opnuð við upphaf Írskra
daga á Akranesi, fimmtudaginn 3.
júlí klukkan 17 - 20. Sýningin verð-
ur opin alla daga frá klukkan 13 -
16 í júlí. „Allir eru hjartanlega vel-
komnir,“ segir Bjarni Þór.
mmBjarni Þór Bjarnason.
Myndlistarsýningin Hafið gaf ­ Hafið tók
Eitt verka Bjarna Þórs á sýningunni.
Fyrsta áfylling úr hraðhleðslustöðinni í Borgarnesi. Frá vinstri: Eggert Benedikt
Guðmundsson forstjóri N1, María Thors rafbílaeigandi, Ásdís Gíslason, markaðs-
stjóri ON, Ingunn Sveinsdóttir, Arnar Sigurðsson B&L, Stefán Jökull Stefánsson,
Ómar Jóhannsson og Sigurður Guðmundsson stöðvarstjóri N1 Borgarnesi.
Fyrsta hraðhleðslan við hringveginn
opnuð í Borgarnesi
um mánuði við bílaflota Íslendinga.
Í Noregi er fjöldi rafbílategunda á
markaði kominn í 21 gerð og er þró-
unin svipuð hér á landi. Aðspurður
um hvort hraðhleðslustöðvum mun
halda áfram að fjölga um landið seg-
ir Eiríkur: „Fljótlega verða allar tíu
hraðhleðslustöðvarnar sem samið
var um að opna komnar í gagnið. Að
svo stöddu verða ekki teknar ákvarð-
anir að opna fleiri stöðvar á vegum
ON. En það getur hver sem er opn-
að svona stöðvar. Með þessari fjölg-
un rafbíla á landinu eru kannski ein-
hverjir sem sjá hag sinn í því að setja
upp þjónustu við þá.“
N1 hefur þjónustustöðvar hring-
inn í kringum landið, þar sem þeir
selja viðskiptavinum sínum elds-
neyti og veita ýmsa þjónustu. Að
sögn Eggerts Benedikts Guðmunds-
sonar, forstjóra N1 hefur fyrirtækið
skýra sýn þegar kemur að umhverf-
ismálum. „Með fyrstu hraðhleðslu-
stöðinni við hringveginn er N1 að
auka þjónustu við viðskiptavini sína
og þróa hana með það fyrir augum
að minnka áhrifið á umhverfið. Með
opnuninni tekur N1 því skref í átt að
umhverfisvænni lífstíl með viðskipta-
vinum sínum.“
grþ
Héldu tombólu
Krakkahópurinn í Gaman-saman ásamt starfsmönnum.
Kofasmíði kennd á Gam­
an­saman á Akranesi