Skessuhorn - 02.07.2014, Blaðsíða 22

22 MIÐVIKUDAGUR 2. JÚLÍ 2014
Í ár eru liðin 125 ár síðan fyrsti nem-
andinn innritaðist í Bændaskólann á
Hvanneyri. Mikið vatn hefur runn-
ið til sjávar síðan þá. Enn innritast
bændur í skóla á Hvanneyri ásamt
öðrum nemendum á önnur skóla-
stig en þar er starfræktur leikskóli,
grunnskóli, auk Bændadeildarinn-
ar og háskóladeilda LbhÍ. Þessi
langa skólasaga og mikla fram-
boð menntunar er nokkuð sérstakt
í ekki stærra þorpi og líklega eins-
dæmi. Því verður mikið um dýrð-
ir á Hvanneyri laugardaginn 12.
júlí þegar þessarar tímamóta verð-
ur fagnað samhliða dráttarvéla-
deginum. Til fagna þessum tíma-
mótum verður blásið til fagnaðar
á Hvanneyri þennan laugardag og
hátíðarhöldin tengd við hinn ár-
lega safnadag. Landbúnaðarsafnið
verður með sína dráttarvélasýningu
sem vakið hefur athygli og félagar
Fornbílafjélagi Borgarfjarðar mæta
með lystikerrur á ýmsum aldri og
gerðum.
Í myndarlegum tjöldum verð-
ur m.a. bændamarkaður, hand-
verksfólk og Kvenfélagið 19. júní
með veitingasölu. Elsta hús stað-
arins, Skemman, hýsir nú kaffihús
sem býður upp á rjúkandi kaffi-
bolla og belgískar vöfflur. Húsdýr
verða á vappi og boðið upp á fjöl-
breytt tónlistaratriði heimamanna
og annarra.
Sem fyrr verður í tilefni safn-
adagsins veitt leiðsögn um Land-
búnaðarsafnið og Halldórsfjós sem
fljótlega mun hýsa aðalsýningu
safnsins, gestum að kostnaðarlausu
en frjáls framlög þegin. Rölt verð-
ur um gamla skólastaðinn á Hvann-
eyri með leiðsögn þar sem bygg-
ingar eru einkennandi fyrir íslenska
húsagerðarlist frá öndverðri síðustu
öld.
Hátíðardagskránni lýkur með
tónleikum Brother Grass í íþrótta-
húsinu um kvöldið. bgk
Hópur Rússa mun heimsækja Her-
námssetrið á Hlöðum á Hvalfjarð-
arstönd laugardaginn 6. júlí frá
klukkan 14 - 16. Með í för verð-
ur stríðshetjan Anatoliy Lifshitc.
Hann var foringi á sovéskum tund-
urspilli í seinni heimsstyrjöld og tók
þátt í aðgerðum vegna skipalest-
anna sem sigldu milli Hvalfjarðar
og Norðvestur Rússlands. Hann er
einn fárra sjóliðsforingja Rússa sem
enn eru á lífi og tóku þátt í styrjöld-
inni. Lifshitc munu halda erindi um
reynslu sína og svara spurningum.
Rússarnir munu einnig segja frá
skipalestinni QP13 sem var á leið
frá Rússlandi til Reykjavíkur og
Hvalfjarðar í júlí 1942 þegar skip-
in sigldu inn í tundurduflabelti við
Vestfirði og nokkur hundruð manns
fórust. Daginn fyrir komu rússneska
hópsins í Hernámssetrið verður af-
hjúpaður minnisvarði um þennan
atburð við Bolungarvík. Rússar hafa
sýnt sögu þessarar skipalestar mik-
inn áhuga en eitt skipanna sem fórst
var í þeirra eigu. Alex Max Mik-
haylov kafari sem hefur leiðað að
flökum skipanna við Vestfirði mun
greina frá reynslu sinni af því. Síð-
ast mun svo Nikolay Borodin safn-
stjóri safns um sögu hergagnarað-
stoðar Vesturlanda til Sovétríkjanna
í seinni heimsstyrjöld flytja stutta
ræðu. Rússneski hópurinn mun af
þessu tilefni afhenda Hernámssetr-
inu góðar gjafir. Öllum er velkom-
ið að vera viðstödd viðburðinn og
fyrirlestana. Hernámssetrið verður
opið, aðgangur ókeypis og veitingar
í boði.
-fréttatilk.
Helgina 11. - 13. júlí nk. verður
haldin þjóðbúningahátíð í Stykk-
ishólmi sem nefnist Skotthúfan
2014. Fyrir um tíu árum var fyrst
haldinn sérstakur þjóðbúninga-
dagur í Norska húsinu í Stykkis-
hólmi. Þá klæddu konur sig upp og
skunduðu í Norska húsið og fengu
viðurgjörning á annarri hæðinni.
„Fyrir tveimur árum kom upp sú
hugmynd að gera meira úr þess-
ari helgi nú í ár í tilefni tímamót-
anna. Undirbúningur síðustu ár
fyrir þjóðbúningadaginn hefur
verið í höndum starfsfólks Norska
hússins og Ingibjargar Ágústs-
dóttur en í fyrra tók Listvinafélag
Stykkishólmskirkju einnig þátt í
dagskránni þegar boðið var upp á
tónleika í gömlu kirkjunni,“ seg-
ir Hjördís Pálsdóttir safnstjóri í
Norska húsinu.
Hátíðin hefst föstudagskvöld-
ið 11. júlí og lýkur sunnudag-
inn 13. júlí. Tónlistarmenn líta
meðal annars við í Norska hús-
ið og taka lagið, Guðrún Bjarna-
dóttir frá Hespuhúsinu í Anda-
kíl verður á staðnum og kynnir
jurtalitað íslenskt garn og Hörð-
ur Geirsson sýnir ljósmyndatækni
fyrri tíma. Ýmislegt annað verður
um að vera þessa helgi í Stykkis-
hólmi og má þar nefna þjóðdansa,
tónleika, Heimilisiðnaðarfélagið
verður með pop-up verslun, lang-
spilssmiðja og ýmislegt fleira.
Samkeppni um frum­
lega skotthúfu
„Í tilefni hátíðarinnar hefur verið
ákveðið að efna til samkeppni um
flottustu og frumlegustu skotthúf-
una. Hugmyndin er að búa til glað-
lega, notadrjúga, fallega, skrítna
og/eða skemmtilega húfu. Húf-
an þarf að vera handprjónuð eða
hekluð í grunninn en notkun á öðr-
um efnum til skrauts er leyfð. Húf-
an getur verið í hvaða stærð sem
keppandi óskar, fyrir börn, kon-
ur eða karla. Allir geta tekið þátt
og þarf að skila húfunni í Norska
húsið - BSH fyrir 8. júlí. (Hafnar-
götu 5, 340 Stykkishólmi). Glæsi-
leg verðlaun verða veitt við upphaf
hátíðarinnar í gömlu kirkjunni,
fyrir flottustu húfuna og frumleg-
ustu húfuna,“ segir Hjördís.
mm
Dag ur í lífi...
Nafn: Helga Elínborg Guð-
mundsdóttir.
Starfsheiti/fyrirtæki: Bóndi á
Erpsstöðum í Dölum.
Fjölskylduhagir/búseta: Í hjóna-
bandi með Þorgrími og börnin
eru fimm, á aldrinum 10 - 21 árs.
Áhugamál: Búskapurinn, fjöl-
skyldan og hreyfing.
Vinnudagurinn: Fimmtudagur-
inn 29. júní 2014.
Mætt til vinnu og fyrstu verk:
Komin í fjósið kl. 7. Fyrstu verk
eru að tékka á hvort öll tæki séu
ekki örugglega í gangi og að skila
sínu. Tékka á tölvunni, hvernig
mjaltir hafa gengið fyrir sig síðan
kvöldið áður. Þá er heilsað upp á
kýrnar, rölt um á milli þeirra og
tékka á heilbrigði og gangmáli.
Best að gera það áður en flest-
ar standa upp. Hringdi í talhólfið
hjá sæðingarmönnunum og pant-
aði sæðingu og kom kúnni fyr-
ir í sæðingarstíunni. Þá er kálfum
gefið mjólk og kúm hey. Einnig
fá hænur, kanínur, svín, heimaln-
ingar, naggrísir og hamstur sitt,
en við erum með vísir af húsdýra-
garði.
Klukkan 10? Setið við tölvu og
sötrað kaffi. Spjallað við krakk-
ana og kallinn og dagurinn kort-
lagður.
Hádegið? Eftir hressilegar morg-
unskúrir, kom ágætis veður og ég
aðstoðaði tvo 13 ára drengi sem
höfðu verið hjá okkur í nokkra
daga að komast á hestbak. Þeir
höfðu verið duglegir að aðstoða
okkur við að smúla fjósið og voru
á heimleið um kvöldið.
Klukkan 14? Moð tekið frá kún-
um og settar inn nýjar rúllur.
Kýrnar ganga við opið yfir dag-
inn, komast á beit. En við verð-
um að hafa eitthvað bitastætt sem
dregur þær inn yfir daginn svo
þær skili sér í mjaltir hjá mjalta-
þjóninum.
Hvenær hætt og það síðasta
sem þú gerðir í vinnunni? Ég
sótti kú út í haga eftir kvöldmat-
inn. Hún hafði borið um miðjan
daginn, kálfurinn var orðinn þurr
og sprækur og gat labbað heim
með móður sinni þó leiðin væri
löng og þúfótt. Mjólkaði kúna
og gaf kálfinum að drekka og var
komin heim kl. 21.
Fastir liðir alla daga? Fóðra dýr-
in, fylgjast með mjöltum, skafa
skít og þrífa.
Hvað stendur upp úr eftir
vinnudaginn? Falleg kvíga fædd.
Hressir krakkar í kringum mig.
Og skemmtilegt fólk sem kom í
heimsókn.
Var dagurinn hefðbundinn?
Nokkuð hefðbundinn, föst verk
í kringum dýrin og svo hlaupið í
verk í kringum ferðaþjónustuna.
Hvenær byrjaðir þú í þessu
starfi? Ég byrjaði 1997.
Er þetta framtíðarstarfið þitt?
Það eru komin 17 ár, ég fer að ná
tengdó.
Hlakkar þú til að mæta í vinn­
una? Já, ég geri það. Sumrin eru
æðisleg í sveitinni, þrátt fyrir rign-
ingarnar núna í júní. Við erum
alltaf með margt fólk í heimili á
sumrin og með puttana í mörgu.
Heimavinnsla og ferðaþjónusta í
bland við mjólkurframleiðsluna.
Eitthvað að lokum? Skyrkonfekt
og kaffi í ísbúðinni á Erpsstöðum
er allra meina bót.
Kúabónda með ferðaþjónustuívafi
Rússar sækja Hlaði heim
Byggingar gamla skólastaðarins á Hvanneyri eru einkennandi fyrir íslenska
húsagerðarlist frá öndverðri síðustu öld. Ljósm. áþ.
Mikil hátíð framundan á Hvanneyri
Dráttarvélasýning Landbúnaðarsafnsins á Hvanneyri hefur vakið athygli víða.
Ljósm. mm.
Þessi mynd var tekin í betri stofunni 2011. Ljósm. úr safni Skessuhorns.
Skotthúfan 2014 verður í Stykkishólmi
Svipmynd frá þjóðbúningadegi í Norska húsinu í fyrra.