Skessuhorn - 02.07.2014, Blaðsíða 26
26 MIÐVIKUDAGUR 2. JÚLÍ 2014
Brákarhátíð hin besta skemmtun í blíðskaparveðri
Veðrið lék við þátttakendur á
Brákarhátíð í Borgarnesi um liðna
helgi. Hátíðin hófst á föstudags-
kvöldinu með götugrilli víða í
hverfum bæjarins. Á laugardeg-
inum var gríðarlegur mannfjöldi
í bænum og virtust allir skemmta
sér hið besta. Greinilegt var að
hátíðin er farin að virka sem átt-
hagamót burtfluttra og annarra
velunnara Borgarness. Fjölbreytt
dagskrá var í boði og greinilegt
að fólk var almennt að sýna sig og
sjá aðra, eins og sagt er, hitta vini
og kunningja og njóta góða veð-
ursins.
Leðjubolti hefur verið fast-
ur liður á Brákarhátíð, haldinn á
leirunum fyrir neðan Edduver-
öld í Englendingavík. Fór svo
eftir harða keppni að gulir unnu
með einu marki. Margir keppend-
ur sýndu snilldartakta þótt leðjan
hafi gert keppendum heldur erfitt
fyrir. Hátíðardagskráin var á svæði
fyrir aftan Hjálmaklett. Yngsta
kynslóðin steig fyrst á stokk, hóf
upp raust sína og söng m.a. „Burtu
með fordóma,“ við mikinn fögnuð
viðstaddra. Hægt var að kaupa sér
veitingar og ýmsan varning.
Sú hefð hefur skapast að skreyta
bæinn vegna hátíðarinnar og mik-
il stemning skapast í götum þeg-
ar skreytingameistar fara á stúf-
ana. Bænum hefur verið skipt
í gul, rauð og blá hverfi. Mik-
ill keppnisandi hefur oft skapast
milli hverfa og margar skemmti-
legar og óvenjulegar skreytingar
sem líta dagsins ljós. Þetta ár var
engin undantekning og var bær-
inn sannarlega fagurlega skreytt-
ur. Hvanneyri var einnig með þar
sem íbúar skreyttu hús sín og göt-
ur. Dómnefnd er skipuð árlega og
fyrir árið 2014 voru þær Ása Er-
lingsdóttir á Laufskálum og Bryn-
dís Geirsdóttir í Árdal sem sáu um
dómgæsluna. Sögðu þær vandann
hafa verið ærinn þar sem margt
væri listilega gert. Viðurkenning-
ar voru veittar fyrir best skreytta
fyrirtækið, flottustu götuna innan
hvers hverfis, flottasta hverfið og
hvaða mynd fékk flestu „lækin“ á
Facbook-síðu hátíðarinnar. Tvær
myndir fengu flest „læk“ og var
varpað hlustkesti og fékk mynd af
Stýripinnunum, hressum konum á
Hvanneyri, verðlaunin en það var
mynd af borgfirskum læk og átti
það vel við. Fyrirtækjaverðlaunin
fékk Edduveröld sem þótti hagan-
lega skreytt. Í Gula-hverfinu fékk
Kvíaholt götuverðlaunin. Dóm-
nefnd sagði í umsögn sinni að þar
hefði greinilega verið góð sam-
staða, kynslóðirnar hefðu unnið
saman og ýmsar skemmtilegar nýj-
ungar í skreytingum. Helgugatan
fékk verðlaunin í Rauða-hverfinu
og Túngata á Hvanneyri þau bláu.
Gula-hverfið í Borgarnesi fékk hin
eftirsóttu hverfisverðlaun að þessu
sinni. Dómnefnd fannst hverfið
fagurlega skreytt, fersk stemning,
mikil samvinna og mikið af lifandi
blómum sem henni fannst góð ný-
breytni.
Kvöldvaka var í Englendingavík
að kvöldi laugardags og var mikil
stemning. Gengið var frá mennta-
skólanum niður að Brákarsundi og
hlaðin steinvarða eins og á síðasta
ári úr gulum, rauðum og bláum
steinum. Þaðan var gengið í Eng-
lendingavíkina þar sem hljóm-
sveitin Bland spilaði sveitaballa-
hljómsveit, svo hægt var að dilla
sér eða syngja með að vild. Há-
tíðinni lauk svo með Sálarballi í
Hjálmakletti þar sem aðsóknin var
mjög góð og að sögn Eiríks Jóns-
sonar verkefnisstjóra fór allt mjög
vel fram. Hann segir að á sínum
tíma hafi verið samið við veður-
guðina, þar hafi verið um eilífð-
arloforð að ræða sem standi enn.
Eiríkur segir að bærinn hafi aldrei
verið eins mikið skreyttur og nú
og hátíðin sé komin til að vera.
bgk/ Ljósm. Birna G Konráðsdóttir,
Guðrún Jónsdóttir og Björn
Húnbogi Sveinsson.
Fjöldi gesta naut skemmtiatriða á flötunum fyrir aftan Hjálmaklett á Brákarhátíð sl. laugardag.
Ljósm. bgk.
Í Englendingavík fylgdust margir spenntir með leðjuboltanum. Ljósm. bgk.
Fjölmenn skrúðganga fór Landsnámssetrinu og upp að Hjálmakletti. Ljósm. gj. Víkingarnir mættu á svæðið. Ljósm. bgk.
Þessi dama, Guðrún Daníelsdóttir, var
góður fulltrúi bláa hverfisins.
Ljósm. bgk.
Ýmsir buðu vörur sínar til sölu. Ljósm. gj.
Unga kynslóðin steig á stokk og söng m.a. „burtu með fordóma.“
Ljósm. bgk. Þetta blasti við þegar komið var inn í bæinn. Ljósm. bgk.
Gríðarlega margar skemmtilegar
skreytingar voru í bænum. Ljósm. bgk.
Margir gera sér lítið að góðu. Ljósm. bgk. Fulltrúar gulra, rauðra og blárra gatna tóku við viðurkenn-
ingum Ljósm. gj.