Skessuhorn - 20.08.2014, Blaðsíða 4

4 MIÐVIKUDAGUR 20. ÁGÚST 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar greiða kr.
2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Jóhann Skúli Björnsson, blaðamaður jsb@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Skapandi hugsun
eða páfagaukafræði?
Um þessar mundir setjast þúsundir á skólabekk hér á Vesturlandi. Líklega
rétt um fimm þúsund eintaklingar á öllum aldri. En kemur það sem kennt
er í dag, að notum á morgun? Er menntakerfið okkar á réttri leið? Af hverju
tekur það íslenskt skólakerfi tveimur árum lengri tíma að útskrifa stúd-
enta en nágrannaþjóðir okkar? Svari hver fyrir sig um snerpu og aðlögun-
arhæfni kerfisins. Í heimi vaxandi samkeppni þurfum við snerpu til að að-
lagast breyttum aðstæðum. Nú er heimurinn nefnilega gjörólíkur því sem
hann var og mun örugglega halda áfram að breytast.
Landamæri eru sífellt að mást út hjá unga fólkinu okkar og því er jafn-
vel tamara að tala ensku en sjálft móðurmálið. Í dag eigum við einmitt að
mennta fólk með það fyrir augum að það verði víðsýnna hvort sem það
hugsar á ensku eða íslensku. Þegar út á vinnumarkaðinn kemur mun það
nefnilega starfa í alþjóðlegu samfélagi þar sem enska eða franska er málið.
Engu skiptir að við fæðumst og ölumst upp á einangraðri eyju úti í ballar-
hafi. Hingað fljúga nefnilega tugir flugfélaga og það er ekki lengur eins og
við verðum að panta flug með Icelandair ætluðum við út fyrir landstein-
ana.
Þrátt fyrir þessar öru breytingar skal enn þverskallast við að móta alla
í sama formið. Börnin okkar eru látin taka stöðluð próf sem kennd eru
við PISA, eða aðra samræmingu af einhverju tagi. Og ef þau mælast und-
ir meðallagi eru skólarnir sagðir ómögulegir. Þessi PISA próf eru að líta á
menntun út frá alltof þröngu og úreltu sjónarhorni. Hver segir til dæmis
að það sé verið að kenna „réttu“ stærðfræðina alls staðar í heiminum? Hver
segir að Siggi litli eða Gunna séu léleg í íslensku þótt réttritunin sé ekki
í fullkomnu lagi? Kannski er Siggi litli fljúgandi hagmælskur og Gunna
þekktur ljóðaunnandi, en það er bara ekki spurt að því í PISA. Nei, ennþá
skal „PISA“ hlutina í íslenska menntakerfinu og fyrir vikið verða allir eins,
líkt og verksmiðjuframleiddar tuskubrúður. Þessi hræðilega stöðlun gerir
það að verkum að nú skortir okkur fólk sem á auðvelt með að hugsa út fyr-
ir rammann. Fólk sem tileinkar sér skapandi hugsun, hefur frjótt ímyndun-
arafl og reynslu af fleiru en að sitja með ferköntuð augu fyrir framan tölvu-
skjái og reyna að reikna einhverjar formúlur sem einhver PISA sagði að all-
ir ættu að kunna. Mikilvægustu störfin í dag og í næstu framtíð munu verða
í greinum sem sífellt færri ungmenni velja að læra. Eftirspurn eftir fólki á
okkar litla atvinnumarkaði er í engu samræmi við þau fög og þau fræði sem
fólkið okkar er að læra. Hið ríkisrekna og kerfislæga menntakerfi heldur
áfram að dæla út fræðingum sem útilokað er að veita störf við hæfi þegar úr
skóla er komið. Nei, okkur vantar fólk sem getur hugsað út fyrir rammann
og fær að rækta hæfileika sína. Okkur vantar menntakerfi sem er frjálslynd-
ara en það sem nú er í boði. Þar sem prófað verður í hver er besti uppfinn-
ingamaðurinn eða hver er fljótastur að „Googla“ réttu svörin við einhverj-
um spurningum. Fólk sem getur bjargað sér.
Vegna örrar þróunar í tækni og vísindum er hægt að gefa sér að skólar í
dag þurfi með einhverju móti að undirbúa nemendur undir störf sem sem
ekki er búið að finna upp. Þegar fram í sækir verði notuð tækni sem hefur
ekki hefur verið uppgötvuð og mun því leysa vandamál sem enn hafa ekki
komið upp. Við þurfum skólakerfi á öllum skólastigum sem hvetur til skap-
andi hugsunar. Við eigum ekki að kenna unga fólkinu okkar innantóm-
ar formúlur. Við eigum að kenna því hvar það getur leitað svara við reikn-
ingsdæmunum, komi þau upp. Það á ekki að troða í börnin okkur algebskri
páfagaukafræði af því afar okkar og ömmur þurftu að læra þau. Skólar sem
það gera munu sitja eftir þegar fram í sækir. Ekki bara hér á landi heldur í
heimi þar sem landamæri verða sífellt ógreinilegri.
Magnús Magnússon
Húsnæðisskortur er orðið viðvar-
andi vandamál á Reykhólum og
hefur staðið nauðsynlegri fjölgun
starfsfólks í ýmsum greinum fyrir
þrifum. Að sögn Ingibjargar Birnu
Erlingsdóttur, sveitarstjóra Reyk-
hólahrepps, er
þetta staðbund-
ið vandamál sem
hefur verið að
færast í aukana
að undanförnu.
„Þetta hefur
aukist frekar en
hitt núna, sér-
staklega með til-
komu nýju salt-
verksmiðjunn-
ar hér á Reyk-
hólum. Það hef-
ur verið þörf á
fleira starfsfólki hingað á svæð-
ið og dvalar- og hjúkrunarheim-
ilið Barmahlíð hefur verið í sömu
vandræðum. Vandinn er sá að allir
sem búa hérna núna eru í störfum
þannig að það vantar fleira starfs-
fólk á svæðið en ekki er til hús-
næði fyrir það allt,“ segir Ingibjörg
í samtali við blaðamann. Hún seg-
ir sveitarfélagið hafa klárað að fjár-
magna byggingu parhúss árið 2010
en bygging þess hafi verið eins og
dropi í hafið. „Sveitarfélagið á í dag
ellefu íbúðir sem allar eru í stöðugri
notkun. Saltverksmiðjan keypti ný-
lega óíbúðarhæft húsnæði sem ver-
ið er að láta gera upp en það verður
líka eins og dropi í hafið. Saltverk-
smiðjumenn hafa því gert samn-
ing við gistiheimili hér sem hýsir
starfsmenn fyrirtækisins eina viku í
senn. Það er eitt hús á svæðinu sem
er orðið gamalt og mætti gera upp
og eins eru tvö hús í þorpinu sem
notuð eru sem sumarhús. Annars er
búið í öllum öðrum húsum.“
Ingibjörg Birna segir að nú sé
kominn sá tími að það þurfi að
leggjast vel yfir þessi mál og finna
lausnir. „Við höfum verið að bíða
eftir því að einhver fari út í það að
byggja en byggingakostnaður er
svo hár í dag, leiguverð hér er lágt
og flest starfsfólkið sem býr hér er í
láglaunastörfum svo það er ólíklegt
að úr því verði í bráð. En við þurf-
um að fara yfir málin og finna lausn
á þessum húsnæðisvanda.“
Mikil uppbygging
á svæðinu
Ingibjörg segir að mikill uppgang-
ur hafi verið í nýsköpun á svæðinu
og ýmis verkefni séu á döfinni. „Við
höfum mjög mikið úrval af lóðum
undir allskyns húsnæði, bæði fyr-
ir einbýlishús, raðhús, parhús og
fleira. Á síðasta ári var sótt um þrjár
iðnaðarlóðir og búið er að byggja
á tveimur þeirra. Til viðbótar við
það er búið að sækja um eina iðn-
aðarlóð í viðbót á þessu ári, þannig
að hér er mikil uppbygging,“ seg-
ir hún.
Ýmislegt er á döfinni varðandi
frekari nýsköpunarverkefni á Reyk-
hólum. Að sögn Ingibjargar er gert
ráð fyrir frekari vinnslu á þara og
virðisaukningu á svæðinu miðað við
framtíðarsýn Þörungaverksmiðj-
unnar. „Þeir eru komnir með leyfi
til framleiðslu á þara til manneld-
is og eru bara að eflast og stækka.
Þá er starfsemi Norðursalts allt-
af að færast í aukana. Þetta er ekki
nema ársgamalt fyrirtæki og þeir
eru nú þegar farnir að flytja salt-
ið út til Danmerkur og Þýskalands.
Þeir voru að sækja um aðra lóð til
að byggja upp lager og hafa áhuga
á að fara að framleiða aðrar vörur
samhliða saltinu. Að auki er Jón
Árni í Gullsteini búinn að koma sér
upp iðnaðarhúsnæði. Hann fékk
nýsköpunarstyrk og er í framleiðslu
á þara til manneldis, þaratöflum,
ásamt fleiri verkefnum svo sem
hunda- og kattanammi sem unnið
er úr harðfisk.“
Ingibjörg Birna bætir því við að
heilsulind tengd sjávarböðum að
Reykhólum hafi lengi verið í býgerð
og nýlega hafi verið farið í skipu-
lagsbreytingar vegna þess. „Sam-
hliða breytingu á aðalskipulagi hef-
ur verið unnið að tillögu að deili-
skipulagi fyrir sjávarböðin að Reyk-
hólum. Um er að ræða uppbygg-
ingu á SjávarSmiðjunni, þar sem
boðið er upp á þaraböð unnin úr
þara úr Þörungaverksmiðjunni og
úr heita hveravatninu á Reykhól-
um. Nú stendur til að byggja upp
baðaðstöðu, spa og hótel,“ segir
Ingibjörg um uppganginn á svæð-
inu. „Okkur vantar sem sagt fólk
hingað. Við höfum störf fyrir alla
og pláss fyrir börn bæði í leikskól-
anum og skólanum, en okkur vant-
ar húsnæðið,“ segir Ingibjörg Birna
sveitarstjóri í Reykhólahrepp.
grþ
Byggðarráð Borgarbyggðar sam-
þykkti á fundi sínum 6. ágúst síð-
astliðinn að stofnaður verðir nýr
Íþrótta- og tómstundaskóli í sveit-
arfélaginu. Verður verkefnið í nánu
samstarfi við Ungmennasamband
Borgarfjarðar. Gert er ráð fyrir að
starfsemin hefjist um næstu áramót.
„Undirbúningur er í fullum gangi
og stefnt er að undirritun samnings
á milli Borgarbyggðar og UMSB
í næsta mánuði. Í framhaldi af því
verður ráðinn tómstundafulltrúi til
UMSB sem mun hafa umsjón með
verkefninu í samstarfi við fræðslu-
stjóra og skólastjóra grunnskól-
anna. Fyrirkomulag starfseminnar
verður kynnt nánar fyrir foreldr-
um, nemendum og starfsfólki með
góðum fyrirvara þegar nær dreg-
ur,“ segir Ásthildur Magnúsdóttir
fræðslustjóri Borgarbyggðar.
Fram að áramótum verður tóm-
stundastarf í Borgarbyggð þó með
óbreyttu sniði frá því sem verið
hefur. Skráning í Tómstundaskóla
og lengda viðveru í grunnskólum
Borgarbyggðar fer fram í framhaldi
af skólasetningu líkt og verið hefur
undanfarin ár. mm
Borgarbraut 74 • 310 Borgarnesi • 412-5300 • limtrevirnet.is
Skortur á húsnæði er
vandamál á Reykhólum
Ingibjörg
Birna Erlings-
dóttir sveitarstjóri
Reykhólahrepps.
Fjárfesting í nýsköpun leiðir til vaxtar á Reykhólum, en það skortir íbúðarhús-
næði.
Svipmynd frá frjálsíþróttaskóla í Borgarnesi þegar Þórey Edda Elísdóttir var
leiðbeindi í stangarstökki. Ljósm. úr safni Skessuhorns.
Stofna nýjan íþrótta- og tómstunda-
skóla í Borgarbyggð