Skessuhorn - 20.08.2014, Blaðsíða 6
6 MIÐVIKUDAGUR 20. ÁGÚST 2014
Dregið úr
póstkostnaði
SKESSUHORN: Frá og
með 1. september nk. verður
innheimtu áskriftar á Skessu-
horni breytt hjá þeim sem
greitt hafa með greiðslu-
seðlum. Ekkert breytist hjá
þeim sem greiða áskrift með
greiðslukortum og hvet-
ur Skessuhorn áskrifend-
ur til að færa áskrift yfir á
þau. Áskrift verður hér eft-
ir innheimt mánaðarlega
hjá öllum áskrifendum í stað
tveggja mánaða áður. Reikn-
ingar verða gefnir út 1. hvers
mánaðar með eindaga á virk-
um degi 15. sama mánaðar
fyrir yfirstandandi áskrift-
armánuð. Hætt verður að
senda út greiðsluseðla í pósti
fyrir áskrift. Innheimtukrafa
mun eftir sem áður birtast í
heimabanka áskrifenda þar
sem hægt er að framkvæma
greiðslu. Breyting þessi mun
fyrst um sinn einungis gilda
um einstaklinga. Þeir sem
þess óska sérstaklega geta
áfram fengið greiðsluseðla í
pósti, en þurfa þá að senda
beiðni um slíkt í tölvupósti
til skrifstofustjóra Skessu-
horns á netfangið bokhald@
skessuhorn.is fyrir 1. sept-
ember.
–fréttatilk.
Línuívilnun
felld niður
LANDIÐ: Samkvæmt aug-
lýsingu í Stjórnartíðindum
18. ágúst síðastliðinn hefur
sjávarútvegsráðuneytið, frá
og með fimmtudeginum 21.
ágúst 2014, fellt niður línu-
ívilnun í þorski, sem ákveðin
er í reglugerð nr. 664/2010.
–mm
Gæsluvarðhald
framlengt
VESTURLAND: Héraðs-
dómur Vesturlands hefur
samþykkt beðni lögreglu-
stjórans á Akranesi um að
framlengja gæsluvarðhald
yfir tveimur skipverjum af
Baldvini NC sem réðust á
mann við höfnina í Grund-
arfirði aðfararnótt 17. júlí sl.
og slösuðu alvarlega. Menn-
irnir verða því áfram í gæslu-
varðhaldi til 15. september
í krafti almannahagsmuna.
–jsb
Bættu við
einum
strandveiðidegi
SNÆFELLSNES: Atvinnu-
vegaráðuneytið ákvað í síð-
ustu viku að bæta við einum
strandveiðidegi á A svæði,
frá Haffjarðará að Súðavík,
og var hann sl. mánudag.
Einnig var bætt við tveim-
ur strandveiðidögum á svæði
C. Ástæðan var sögð sú að
aflaheimildir voru ekki full-
nýttar miðað við þann tíma
sem veiðarnar voru stöðv-
aðar, þ.e. miðvikudaginn 13.
ágúst sl.
–mm
Árleg verkfæra- og bílasýning fór
fram á bænum Eiði við Kolgrafa-
fjörð sunnudaginn 17. ágúst sl. Þá
stóðu hjónin Bjarni Sigurbjörns-
son og Guðrún Lilja Arnórsdótt-
ir fyrir veglegri verkfærasýningu á
Toptul verkfærum. Einnig mættu í
hlað eigendur margra af fallegustu
sportbílum landsins. Margt var um
manninn og voru meira að segja
kýrnar á Eiði forvitnar um allt þetta
„havarí“ sem var í gangi. Semsagt;
fullt af köggum og góð stemning í
frábæru veðri. tfk
Í fiskmarkaðinum í Rifi er nú unnið
við endurnýjun 300 fermetra gólfs.
Á meðfylgjandi mynd eru starfs-
menn TS vélaleigu að moka upp úr
gólfinu og gera klárt fyrir steypu.
Við verkið var meðal annars notuð
Búkolla sem þeir hjá TS vélaleigu
keyptu í sumar. Hún er af gerðinni
Hydrema 912C og tekur svipað á
pallinn og hefðbundinn vörubíll,
eða 12 tonn. Um steypuna sér Þor-
geir ehf í Rifi. þa
Starfsmenn Al-
mennu umhverfis-
þjónustunnar ehf. í
Grundarfirði hófu
framkvæmdir við
Kirkjufell síðast-
liðinn mánudag.
Þá var byrjað að
gera bílaplan við
fossinn fyrir rútur
og bíla ferðafólks.
Einnig stendur til
að gera göngustíg
upp með fossin-
um og niður hinum megin. Löngu
er orðið tímabært að fara í þess-
ar framkvæmdir enda landið farið
að láta verulega á sjá þar sem þessi
staður er einn sá vinsælasti í lands-
hlutanum til myndatöku. Grund-
arfjarðarbær fékk ríflegan styrk frá
Framkvæmdasjóði ferðamanna-
staða í maí síðastliðnum til upp-
byggingar á svæðinu. tfk
Jarðskjálftahrinan sem hófst upp
úr klukkan 3 aðfararnótt laugar-
dags hefur haldið áfram síðan og
mælast jafnvel yfir þúsund skjálft-
ar á sólarhring. Sá stærsti hingað til
var 4,5 stig á Richterskvarða. Hefur
virknin færst til en er í námunda við
Bárðarbungu. Vísindamenn telja
að hræringar þessar orsakist af inn-
skotavirkni kviku í jarðskorpunni.
Engin merki sjást þó enn um að gos
sé hafið. Vísindamenn telja að ekki
sé hægt að útiloka að atburðarrás-
in sem nú er í gangi leiði til eld-
goss utan jökuls eða undir honum.
Gos undir jökli geta leitt til flóða
í ám sem renna frá honum og hef-
ur vegaslóðum norðan jökuls verið
lokað. Vísindamenn og Almanna-
varnir fylgjast vel með ástandinu
og næst mesta viðbúnaðarstig er í
gildi. mm
Fyrr í sumar var umferð hleypt á
nýju brúna yfir Reykjadalsá í Döl-
um, skammt frá hjúkrunarheimilinu
Fellsenda. Brúarmannvirkið er hið
glæsilegasta og vel frá öllu gengið
í umhverfinu ekki síður en atriðum
er snerta umferðaröryggi. Ef marka
má langtímaáætlun Vegagerðarinn-
ar verður brú yfir Haukadalsá næsta
verkefni í brúarsmíði í Dölum, en
hún er komin á langtímaáætlun.
Sökum þess hvernig aðstæðum hátt-
ar við Haukadalsá er gert ráð fyr-
ir mun dýrari framkvæmd en þessi
brú, enda þarf að breyta vegstæði
og áin djúp þar sem fara þarf yfir
Haukadalsána.
mm
Óvissustig vegna óróa
undir Bárðarbungu
Umferð komin á nýju
brúna við Fellsenda
Gera bílastæði við Kirkjufellsfoss
Árleg verkfæra- og
bílasýning á Eiði
Endurnýja gólf
í fiskmarkaðinum