Fréttatíminn - 05.09.2014, Síða 26

ÁSKRIFTARKORT 14.500 kr.
Fjórar nýjar sýningar
Bestu sætin, á okkar besta verði. Þín föstu sæti
á sýningar á Stóra sviðinu, leikskrá og kaffibolli
á hverri sýningu.
UNGMENNAKORT 9.500 kr.
Þrjár sýningar að eigin vali, fyrir 25 ára og yngri
LEIKHÚSKORTIÐ 11.500 kr.
Þrjár sýningar að eigin vali
FRUMSÝNINGARKORT 23.000 kr.
Fjórar frumsýningar á Stóra sviðinu
KÚLUKORT 5.500 kr.
Þrjár sýningar í Kúlunni og á Brúðuloftinu
ÁRSKORT
NÝR
VALKOSTUR
Tryggðu þér þitt sæti
á sýningar vetrarins.
WWW.LEIKHUSID.IS WWW.LEIKHUSID.IS
Gaf mömmu
og pabba
kynlífsbók
É g er svolítið skrýtin. Þegar ég var yngri þótti ég stundum skrýtin á erfiðan hátt en ég
held að núna finnist flestum ég bara
vera skemmtilega skrýtin,“ segir
Sigríður Dögg Arnardóttir kyn-
fræðingur. Það er óhætt að segja að
hún hafi farið óhefðbundna leið í líf-
inu, með meistaragráðu í kynfræði
og starfar við að uppfræða bæði
börn og fullorðna um náin kynni,
sjálfsmynd, og hversu líkamar okk-
ar eru fjölbreytilegir.
Hún er fædd og uppalin í Kefla-
vík, var þar á skjön við skólafélag-
ana sem flestir stunduðu íþróttir en
bækur áttu hug og hjarta Sigríðar,
eða Siggu Daggar eins og hún er
yfirleitt kölluð. „Ég sökkti mér nið-
ur í alls konar bækur og skrifaði
bæði smásögur og ljóð. Ég var mjög
upptekin af ástinni og níu ára göm-
ul skrifaði ég ljóð um ástfangið par
sem fékk ekki að vera saman. Sem
unglingur fór ég að lesa mikið um
kynlíf og fyrir ein jólin tók ég mig til
og keypti hina fullkomnu gjöf handa
mömmu og pabba, bókina „Mars og
Venus í svefnherberginu“. Það varð
smá þögn þegar þau höfðu opnað
pakkann og ég fékk undarlegar
augngotur en sjálfri fannst mér ekk-
ert athugavert við þetta. Mér fannst
ég bara vera góð dóttir og ég gaf
þeim þessa bók í mikilli einlægni.“
Þolinmóður eiginmaður
Sigga Dögg býr ásamt fjölskyldu
sinni í litríkri íbúð í Grænuhlíð.
Kitchen-Aid vélin er rauð, blandar-
inn er grænn og hnífastandurinn
bleikur. Í stofunni eru púðar í gerv-
um litríkra skrímsla, uglulampi og
marglitar fánalengjur bera við loft.
„Við hjónin misstum okkur aðeins í
litagleðinni,“ segir hún afsakandi.
„En það er bara einmitt svo mikil
gleði sem fylgir litunum.“
Það er matmálstími hjá syni
Siggu Daggar þegar mig ber að
garði, Henry Nóa, sem er ársgam-
all. Þau mæðgin eru nýkomin úr
aðlögun hjá dagmömmu en systir
hans, Íris Lóa, sem er þriggja ára,
er á leikskólanum. Eiginmaður og
barnsfaðir Siggu Daggar er Her-
mann Sigurðsson, verkefnastjóri
í markaðsdeild Eimskips. Þau eru
búin að vera gift í 4 ár en 7 ár eru
síðan þau byrjuðu fyrst saman.
„Hann les mig svo vel og veit alveg
hvernig hann á að taka því þegar
ég fer á flug. Í hvert sinn sem ég
fæ brjálaða hugmynd tekur hann spenntur undir og spyr enn spennt-
ari hvernig við getum útfært hug-
myndina. Ef mig langar að brjóta
niður vegg í íbúðinni sest hann
áhugasamur niður með mér og
við teiknum hugmyndina upp. Þá
kemur stundum í ljós að hugmynd-
in mín var ekki mjög raunsæ, það
er vesen að brjóta niður vegg, það
kostar peninga og það verður drasl
og ég hætti bara við. En maðurinn
minn lætur ekki deigan síga og seg-
ir hvetjandi við mig: „Ekkert mál,
elskan. Við skulum samt alls ekki
eyða þessari hugmynd. Við geym-
um hana bara!“ Sumir myndu ekki
hafa þolinmæði fyrir öllum skyndi-
hugdettunum sem ég fæ,“ segir
Sigga Dögg hlæjandi.
Hún kemur bókstaflega til dyr-
anna eins og hún er klædd, hefur
húmor fyrir sjálfri sér, tekur lífið
ekkert allt of alvarlega og fagnar
því hvað við mannfólkið erum fjöl-
breytileg – og hversu fjölbreytilega
við tölum um kynlíf, hugsum um
kynlíf og stundum kynlíf.
Veidd inn í banka
Hún lauk BA-gráðu í sálfræði við
Háskóla Íslands og var þá strax
afar áhugasöm þegar fjallað var um
kynlíf í náminu, tengsl og náin sam-
skipti. „Eftir námið var ég eiginlega
veidd inn í banka. Ég var formaður
nemendafélags sálfræðinema, við
vorum í samstarfið við KB-banka og
tengiliðurinn minn þar var að hætta
en hvatti mig til að sækja um. Ég
vissi ekki hvað vextir eða verðtrygg-
ing var, átti ekki einu sinni kredit-
kort, en allt í einu var ég orðinn sér-
fræðingur á sölusviði með umsjón
yfir námsmannaþjónustuna. Þar fór
ég að sjá um fjármálafræðslu fyrir
ungt fólk og fann mig mjög sterkt í
þessu fræðsluhlutverki. Árið 2008
þótti bankanum ekki lengur nauð-
synlegt að bjóða upp á fjármála-
fræðslu fyrir ungt fólk og leiðir okk-
ar skildu. Ég var þá þegar byrjuð að
skoða nám í kynfræði og fann virtan
háskóla í Ástralíu, Curtin Univer-
sity, þar sem ég lagði stund á nám
í kynfræði – sexology – og útskrif-
aðist þaðan með meistaragráðu.
Námið er gríðarlega fjölbreytt, við
lærðum að lesa úr rannsóknum, töl-
fræði, lærðum ráðgjöf, kynfræðslu,
siðferði og afbrotafræði. Við nem-
endurnir vorum líka mikið saman
utan tíma og það var gríðarleg þekk-
ing sem ég aflaði mér í þessu námi.“
Ekki fyrsta kæran
Hún hefur með hléum skrifað viku-
lega pistla um kynlíf í Fréttablaðið
frá árinu 2006 og á því dágott safn
af pistlum í fórum sínum. „Ég hef
fengið gríðarlega miklar og jákvæð-
ar undirtektir vegna pistlanna og
fólki finnst ég vera að taka á hlutum
sem annars liggja í kyrrþey. Þetta
virðist samt fara misjafnlega í fólk
því í einhverju garðpartíinu hjá
Fréttablaðinu frétti ég að blaðið og
ritstjórinn hefði verið kærð til Fjöl-
miðlanefndar fyrir dreifingu klám-
efnis með því að birta pistlana mína.
Ég var alveg miður mín en Ólafur
Stephensen sagði mér ekki að hafa
neinar áhyggjur af þessu. Það var
enginn grundvöllur fyrir kærunni
og hún bara felld niður.“
Það er ekki í eina skiptið sem lögð
hefur verið fram kæra vegna starfa
Siggu Daggar. Í síðustu viku var í
Fréttatímanum sagt frá því að hún
hefði haldið fræðslu fyrir verðandi
fermingarbörn í Selfosskirkju og
sýnt þar myndir af kynfærum, til
að sýna fermingarbörnunum að út-
lit kynfæra er sannarlega ekki ein-
sleitt. Í framhaldinu var lögð fram
kæra á hendur æskulýðsprestinum
sem fékk Siggu Dögg til að koma og
halda erindi, og presturinn kærður
fyrir brot á barnaverndarlögum.
„Mér verður kannski hent út úr
kristni og fermingin afturkölluð,“
segir hún á léttu nótunum en bætir
við alvarleg: „Ég hef sýnt kynfæra-
myndir í fræðslu síðan 2010. Hingað
til hef ég alltaf notað myndir af net-
inu en í sumar auglýsti ég eftir Ís-
lendingum til að sitja fyrir í svona
myndatöku og í raun komust færri
að en vildu. Það voru síðan mynd-
irnar sem ég sýndi í kirkjunni.
Mér hefur alltaf fundist mikilvægt
að sýna myndir af kynfærum. Af
hverju að lýsa fíl í staðinn fyrir að
sýna mynd af fíl? Ég er líka með
eina mynd af leghálsinum. Hún
kemur mörgum unglingum á óvart
og þau spyrja undrandi: Ha? Fer
sæðið þarna inn? Kemur túrblóðið
þarna út? Og krakkinn líka?
Þetta er bara mannslíkaminn.
Það skondna er að þessar myndir
voru bara upp í kannski 10 mínútur
af 80 mínútna fyrirlestri þar sem
ég fjallaði um mikilvægi þess að
virða líkamann, virða sambönd og
gildi þess að læra inn á eigin líkama
áður en við förum að kanna líkama
annarra. Það hafa gríðarlega margir
séð kynfæramyndir í fyrirlestrum
Sigríður Dögg Arnardóttir kynfræðingur hefur vakið athygli
fyrir að tala hispurslaust um kynlíf þar sem stutt er í húmorinn.
Hún er gift tveggja barna móðir í Hlíðunum, hefur frá unga
aldri verið áhugasöm um ástina og kynlíf, og gaf foreldrum
sínum kynlífsbók þegar hún var unglingur. Sigríður Dögg segist
yfirleitt frá gríðarlega jákvæð viðbrögð við fyrirlestrum sínum
og þykir miður að prestur hafi verið kærður vegna kynfræðslu
hennar í kirkju. Hún er að gefa út fræðslubókina „Kjaftað um
kynlíf“ þar sem kynfræðslan nær allt niður til yngstu barnanna.
Sigríður Dögg Arnardóttir hefur húmor fyrir lífinu, kynlífi og sjálfri sér. Hún segist hafa fengið svo jákvæð viðbrögð við fræðslu-
efninu sínu að hún sé nánast teflonhúðuð gegn neikvæðni. Mynd/Hari
Framhald á næstu opnu
26 viðtal Helgin 5.-7. september 2014