Þjóðlíf - 01.05.1986, Side 17

í Alsír. Hann hefur skýrt frá því
að hann hafi alla tíð hrifist af
fatnaði og hönnun og hafi eytt
sínum æskuárum í að skoða og
teikna fatnað og aðrir strákar
hafi óspart gert hróp að honum
fyrir vikið. Árið 1954, þegar hann
var átján ára gamall, vann hann
verðlaun í hönnuðasamkeppni
fyrir besta kjólinn; í sömu keppni
vann Karl Lagerfeld verðlaun
fyrir bestu kápuna. Saint Laurent
gerðist aðstoðarmaður hjá
Christian Dior, sem þá var
óumdeildur konungur tískunnar.
Dior féll snögglega frá og tók þá
Laurent við starfi hans sem aðal-
hönnuðurtískuhússins. Árið
1958, þegar hann var rétt tuttugu
og tveggja ára gamall, stóð hann
fyrir sinni fyrstu tískusýningu,
sem snarlega sló í gegn.
Myndlistaheimurinn hefur
ávallt átt sterk ítök í Laurent og
sýningar sínar hélt hann til
heiðurs Picasso og Matisse,
Cocteau og Shakespeare. Lita-
meðferð hans þótti mjög djörf og
óvenjuleg á sínum tíma, en með
tilkomu hans færðist aukið líf og
litur í hátískuna.
Saint Laurent opnaði sitt eigið
tískuhús árið 1962 ásamt félaga
sínum Pierre Bergé. Ýmsir hafa
bent á, að Bergé hafi átt drjúgan
þátt í velgengni Saint Laurent-
tískuhússins og lagt því til
óvenjumikið fjármálavit. Þeir
settu á markað fjöldafram-
leiddan fatnað undir merki Rive
Gauche árið 1966 og nú nær
veldi Saint Laurent yfir nærri tvö
hundruð verslanir um veröld
víða auk fjöldann allan af ýmsum
varningi sem hús hans hefur
hannað, allt frá snyrtivörum til
sígarettna.
Karl Lagerfeld er fjörutíu og
átta ára gamall og hefur á ferli
sínum þótt sýna óvenjumikla
hæfileika til að sameina hátísk-
una og fjöldaframleiddan fatnað.
Hann á heiðurinn af því að hafa
endurvakið Chanel-fatnaðinn,
hannað hina glæsilegu feldi frá
Fendi auk þess að framleiða
eigin linu sem strax sló í gegn.
Árið 1964 fór hann út í fjölda-
framleiðslu undir merkinu Chloé
en þá hafði hann starfað sem
hönnuður hjá stórum tískuhús-
um í París. Lagerfeld lét lítið á
sér bera í fyrstu en tókst á
skömmum tíma að koma merk-
inu Chloé á allra varir í tísku-
heiminum og víðar.
Svarti prinsinn fæddist í
hýskalandi, sonur sænsks við-
skiptajöfurs. Prinsinn fæddist og
ólst upp á stóru sveitasetri í einu
af norðurhéruðum Þýskalands,
var einmana sem barn en hlaut
gott og menningarlegt uppeldi.
Honum er stundum líkt við há-
karl á viðskiptasviðinu og víst er
að honum er einkar lagið að hitta
á rétta augnablikið í þeim efnum.
Honum tókst að endurvekja hina
klassísku Chanel-dragt með
ýmsum nýtískulegum breyting-
um þannig að nú þykir hún aftur
ómissandi í klæðaskáp auðugra
kvenna. Ýmsar sögur hafa geng-
ið um ósamkomulag milli Lager-
felds og stjórnenda Chanel-veld-
isins og sjálfur hefur hann lýst
því yfir að stjórnendurnir séu
gersneyddir kímnigáfu og aldrei
sé að vita hvenær hann hafi sig
á braut. Framtíðin virðist blasa
við Svarta prinsinum, hvað svo
sem hann kann að taka sér fyrir
hendurá næstunni.
Azzedine Alaia er frá Túnis og
stutt er síðan hann haslaði sér
völl sem einn fremsti tísku-
hönnuður Parísar - og heims-
ins. Hann er nánast dvergvaxinn
og þykir klæða sig óásjálega:
daglega klæðist hann svörtum
Kínafötum og ber svarta Kínaskó
áfótum. Hann ereinnig mjög
látlaus í öllum aðferðum við að
kynna hönnun sína. Hann
auglýsir ekki og sýningar hans
eru lausar við allt prjál og til-
stand.
Azzedine er bóndasonur og
ólst að mestu leyti upp hjá
ömmu sinni sem sagði drengn-
um óteljandi sögur og ævintýri úr
heimi araba og hjálpaði honum
að komast í listaskólann íTúnis.
Mörgum þykja ævintýri ömm-
unnar sýnileg í fatnaði Azzedine
og einnig þykjast menn greina
listmenntun hans í því hvernig
fatnaður hans lagast að líkaman-
um. Azzedine endurvakti hinar
kvenlegu línur í fatnaði - og ef
engar línur eru býr hann þær
bara til sjálfur.
Margar af frægustu konum
heims eru meðal viðskiptavina
Azzedine og má þar nefna Eliza-
beth Taylor, Palomu Picasso,
Tinu Turner, Raquel Welch og
Grace Jones. Sumarlínu hans er
spáð vinsældum, en þar leggur
hann áherslu á denim-efni, bæði
í minipils og jakka. Lína, sem allir
töldu útdauða en Azzadine tekst
eflaust að slá í gegn með hana.
Fremstu poppgoð veraldar líta á
Azzadine sem sinn mann hvað
fatnað varðar. Og það hefur ekki
svo lítið að segja nú á dögum
þegar poppgoðin hafa tekið við
hlutverki tískuhönnuðanna í því
að stjórna því hverju fólkið á
götunni, og þá einkum ungl-
ingarnir, klæðist dagsdaglega.
aöeins
einn banki
býöur
-'VAXTA
REIKNING
§ SAMVINNUBANKI ÍSLANDS HF.
ÞJÓÐLlF 17