Þjóðlíf - 01.05.1986, Page 48

svona, ég er viss um að þetta verður allt í lagi, þú
kynnist örugglega skemmtilegum krökkum á nýja
staðnum) eða koma með lausnartillögur (Getið
þið ekki bara keypt annars staðar í hverfinu?).
Kennarinn heldur samskiptum sínum við barnið
opnum og styður við það. Kennari sem hlustar
lætur barnið vita að það getur leitað til hans án
þess að vera afgreitt með stuttaralegum athuga-
semdum.
Með þessu kemur kennarinn til móts við þarfir
barnsins. Barnið finnur til traust og öryggis þar
sem það mætir skilningi og stuðningi hjá kenn-
ara. Samtímis lærir barnið að þiggja hlýju og
skilning og, þegar vel lætur, lærir það einnig að
veita þessar tilfinningar. Með áhuga sínum og
stuðningi, án þess að leysa vandann fyrir barnið,
hjálpar kennarinn því til að finna til ánægju yfir því
að hugsa í lausnum og bætir um betur með því
að hrósa barninu þegar það tekst sjálft á við
vandann. Síðast en ekki síst styrkist jákvæð
sjálfsmynd barnsins þegar kennarinn bregst við á
þennan hátt. Barnið öðlast trú á sjálft sig og eins
og ég nefndi hér að framan er það mikilvægur
þáttur í þroska barnsins.
Með því að
hlusta sýnir
kennarinn
barninu
að hann
hefuráhuga
á því.
Barnið ávallt í brennidepli
Niðurstaða mín er sú, að þegar horfst er í augu
við þá þróun sem átt hefur sér stað í þjóðfélaginu
síðastliðna áratugi er Ijóst, að kennarar hafa
fengið hluta af uppeldisverkefnum fjölskyldunnar.
Nauðsynlegt er því að þjóðfélagið auðveldi kenn-
urum að takast á við þetta verkefni. Þeir hafa
sjálfir verið ötulir við að benda á þá þætti sem
betur mættu fara. Undir þá alla tek ég heilshugar.
Hér hef ég þó bent á nokkur atriði sem ekki þurfa
að bíða og sem eðlilegt má telja að kennarar geri
í staðinn fyrir það sem þeir annars gera nú.
Kennarar verða að nýta sérþá þekkingu sem
uppeldis- og sálarfræði hefur fram að færa. Þeir
verða í æ ríkari mæli að taka tillit til þarfa barn-
anna og haga samskiptum sínum við þau á þann
veg að barnið og þroski þess séu ávallt í brenni-
depli.
Hugó Þórisson er sálfræðingur og starfar við Ráðgjafa-
og sálfræðiþjónustu skóla í Reykjavík. Hann hefur hald-
ið fjölda námskeiða fyrir starfandi kennara um sam-
skipti kennara og nemenda.
48 ÞJÓÐLlF